Cyberster​ រថយន្តអគ្គិសនីរបស់ក្រុមហ៊ុន MG កំពុងត្រៀមខ្លួនបង្អួតរាងនៅលើទីផ្សារខាងមុខ

MG ម៉ាកយីហោមួយរបស់ចក្រភពអង់គ្លេសដែលក្រោយមកត្រូវបានគ្រប់គ្រងដោយក្រុមហ៊ុនផលិតរថយន្តចិន Nanjing Automobile Group ចាប់តាំងពីឆ្នាំ ២០០៧ រហូតមកដល់ពេលបច្ចុប្បន្ន។ នៅក្នុងនោះផងដែរ MG បានបង្កើតនឹងផលិតនូវម៉ូដែលជាច្រើនមានទាំងរថយន្ត Sedan ធុនស្រាលរហូតដល់រថយន្ត SUV ធំៗ ដោយមានទាំងប្រភេទចំហេះខាងក្នុងការរថយន្តដែលដំណើរដោយថាមពលអគ្គិសនី។

ទោះបីជាធ្លាប់បង្ហាញម៉ូដែលរួចមកឃើញប៉ុន្តែក្រុមហ៊ុននេះមិនទទួលបានការចាប់អារម្មណ៍ច្រើនពីអ្នកប្រើប្រាស់ រហូតប៉ុន្មាខែចុងក្រោយនេះ រថយន្តអគ្គិសនីដ៏ទំនើបមួយបានលេចមុខឡើងជាមួយនឹងការរចនាដ៏ទាក់ទាញកំពុងតែត្រៀមខ្លួនសម្រាប់ការផ្លាស់ប្តូរដ៏ធំនៃរថយន្តអគ្គិសនីអនាគតរបស់ពួកគេ។

ហើយរថយន្តស្ព័រអគ្គិសនីមួយនោះក្រុមហ៊ុនបានឱ្យឈ្មោះថា MG Cyberster ដែលរថយន្តមួយនេះនឹងមកដល់ក្នុងទីផ្សារនៅក្នុងឆ្នាំ ២០២៤ ខាងមុខនេះ។ លោក Guy Pigounakis នាយកពាណិជ្ជកម្ម MG UK បានទទួលស្គាល់ថានេះគឺជាគំរូដ៏ពិសេសមួយ ប៉ុន្តែដោយសារតែក្រុមហ៊ុនស្ថិតក្នុងស្ថានភាពខ្វះនូវហិរញ្ញវត្ថុសម្រាប់គម្រោងក្នុងការផលិតនូវរថយន្តស្ព័រ ដោយនេះគឺហេតុដែលធ្វើឱ្យ Cyberster អូសបន្លាយពេលក្នុងការនាំចូលទៅក្នុងទីផ្សារ។

លោកបានពន្យល់ថា បញ្ហាសម្រាប់រថយន្តស្ព័រនេះគឺថាមានមនុស្សជាច្រើនដែលពេញចិត្តនូវរថយន្តមួយនេះ ប៉ុន្តែមានមនុស្សតិចណាស់ដែរអាចទិញរថយន្តមួយនេះបាន។ លោកបានបន្ថែមទៀតថា ក្រុមហ៊ុននឹងអាចមានលទ្ធភាពក្នុងការបង្កើតនូវរថយន្តជាច្រើនទៀតលុះត្រាតែក្រុមហ៊ុនមានការវិនិយោគពីសំណាក់អតិថិជនរបស់ពួកគេ។

ជាមួយគ្នានេះដែរ ក្រុមហ៊ុនបច្ចេកវិទ្យា SAIC ដែលបានសហការជាមួយនឹងក្រុមហ៊ុន General Motor បាននាំយកនូវថាមពលការចល័តអេឡិចត្រូនិចដោយពួកគេមានបំណងចង់បង្កើតជីវិតថ្មីសម្រាប់ Cyberster ដើម្បីអាចប្រកួតប្រជែងនឹងរថយន្ត Mazda MX-5 Miata ។

ហើយលោក Pigounakis ក៏បានបញ្ជាក់អំពីការចំណាយថាមពលរបស់ MG ដែលវាបានបំពាក់មកជាមួយបច្ចេកវិទ្យាទំនើបៗជាច្រើនដោយធ្វើឱ្យតម្លៃនៃរថយន្តនេះក៏កាន់តែកើនឡើងផងដែរ។ គួរបញ្ជាក់ផងដែរថាការបង្ហាញខ្លួនជាលើកដំបូងនៃរថយន្តម៉ូដែល MG Cyberster ដែលបានធ្វើឡើងនៅឯការតាំងពិព័រណ៍ក្នុងទីក្រុងសៀងហៃកាលពីឆ្នាំមុន វាទំនងជានឹងអាចបង្ហាញខ្លួនជាលើកទី ២ នៅឯការតាំងពិព័រណ៍ក្នុងទីក្រុងប៉េកាំងដោយប្រារព្ធឡើងចាប់ពីទីថ្ងៃទី ២១ ដល់ ៣០ ខែមេសាឆ្នាំ ២០២២ នេះ។ 

អត្ថបទដោយ៖ សាល សក្កណា