Maserati Grecale ស៊េរីឆ្នាំ ២០២៣ ត្រៀមនឹងបង្ហាញខ្លួននៅខែក្រោយនេះ

ក្រុមហ៊ុនផលិតរថយន្តរបស់ប្រទេសអីតាលី Maserati កំពុងតែត្រៀមខ្លួនក្នុងការបង្ហាញនូវសមាជិកថ្មីគឺ Grecale ស៊េរីឆ្នាំ ២០២៣ ដែលជាប្រភេទរថយន្ត Crossover ដោយនឹងដាក់បង្ហាញនូវថ្ងៃទី ២២ ខែមីនាខាងមុខនេះ។

Maserati មានគម្រោងនឹងបង្ហាញម៉ូដែលរថយន្តមួយនេះតាំងពីថ្ងៃទី ១៦ ខែវិច្ឆិកា ឆ្នាំ ២០២១ មកម្លេះ ប៉ុន្តែដោយសារតែមានការខ្វះខាតនូវបន្ទះឈីប Semiconductor ជាមួយនឹងជំងឺរាតត្បាតកាន់តែកើនឡើង ដែលត្រូវបានពន្យារពេលរហូតមកដល់ពេលនេះ។

ការបង្ហាញរូបរាងនៃម៉ូដែល Grecale ដោយមានការបិតបាំងបន្តិចបន្តួចនេះបានធ្វើឱ្យយើងឃើញកាន់តែច្បាស់ជាងមុនដូចជា ប៉ាណា ភ្លើងមុខក្រោយ យ៉ាន់កង់ និងជាច្រើនទៀតដែលយើងស្ទើរតែឃើញនៅរូបរាងទាំងស្រុងទៅហើយ។

ចំណែកឯផ្នែកខាងក្នុងនៃម៉ាស៊ីន ក្រុមហ៊ុនមិនទាន់បានបង្ហាញឡើយតែទោះជាយ៉ាងណាក៏ដោយ ក៏ Grecale មិនខុសគ្នាពីបងប្អូនរបស់វាប៉ុន្មាននោះទេគឺ Levante ដែលបានបំពាក់ម៉ាស៊ីនចំណុះ ៣.៨ លីត្រ Twin-turbo V-8 អាចបង្កើតកម្លាំងបាន ៥៥០ សេះ។

ហើយគេបានរពឹងថាក្រុមហ៊ុន Maserati នឹងផ្តល់ឱ្យ Grecale នូវរថយន្តប្រភេទ Hybrid ។ បន្ថែមពីនេះទៅទៀត Maserati បានសង្ឃឹមថាម៉ូដែល Grecale នឹងក្លាយជារថយន្តប្រចាំត្រកូលរបស់ខ្លួនដោយបានត្រៀមខ្លួនក្នុងការនាំយកនូវម៉ូដែលមួយនេះទៅប្រគួតប្រជែងនៅថ្ងៃខាងមុខ៕

អត្ថបទដោយ៖ សក្កណា