កុំថាតែរថយន្តអគ្គីសនីមានតម្លៃថ្លៃសូម្បីតែកង់អគ្គីសនីក៏មានតម្លៃខ្ទង់ម៉ឺន ដុល្លារដែរ

នេះគឺជាកង់អគ្គីសនីដែលមានតម្លៃ 14200$ 1-Off custom ដែលត្រូវបង្កើតដោយក្រុមហ៊ុនផលិតម៉ូតូដ៏ល្បីល្បាញរបស់អាមេរិកគឺ Harley Davidson ។ កង់អគ្គីសនីមិនចាំបាច់មានរូបរាងស្អាតនោះទេ E-bike Serial 1 យីហោកង់អគ្គីសនីដែលមានតែមួយប៉ុណ្ណោះដែលគេហៅវាថា Mosh/Chopper ទើបតែដាក់ដេញថ្លៃ seial1 នៅក្នុង Internet កាលថ្ងៃអង្គារ៍សប្តាហ៍នេះមានតម្លៃ 14200$ នេះឯង។

ដូច្នេះហេតុអ្វីបានកង់មួយនេះមានតម្លៃថ្លៃបើគិតទៅវាមានតម្លៃប្រហែលរថយន្ត Prius 06 ដែលលក់ស្រុកខ្មែរទៅហើយ។ Chopper ត្រូវបានរចនាឡើងតាមរយៈកង់ Schwinn Apple Krate ដែលបានផលិតនៅក្នុងឆ្នាំ1960 ពណ៌របស់វាត្រូវបានបំផុសគំនិតដោយភាពយន្ត Street freak ក្នុងទសវត្សទី60 ចំណែកឯថ្នាំទ្រនាប់គឺប្រើប្រាស់ពណ៌ប្រាក់ និងស្រោបពណ៌ខៀវពីលើដោយក្រុមហ៊ុន House of Kolor ជាក្រុមហ៊ុន Custom ទៅលើពណ៌មានបទពិសោធន៌តាំងពីឆ្នាំ1956 មក។

ភាពទាក់ទាញដែលគួរអោយចាប់អារម្មណ៍មួយទៀតនោះគឺកែបរបស់វាដែលមានរូបរាងដូចជាផ្លែចេក និងមានរបាកង់ខ្ពស់ដើម្បីងាយស្រួលជិះ។ ខ្សែរពានរបស់វាប្រើប្រាស់ដោយ Carbon, Disc ហ្រ្វាំងប្រភេទ hydraulic បំពាក់ម៉ូទ័រនៅចំកណ្តាលកង់ ចំណែកឯអាគុយរបស់វាត្រូវបានផលិតឡើងដោយក្រុមហ៊ុន Harley ផ្ទាល់។ Mosh/Chopper ផ្តល់ជំនួយឈ្នាន់កង់រហូតដល់ទៅ 32Km/h និង 56kmទៅ 170Km អាស្រ័យទៅផ្លូវដែលអ្នកបានជិះ។

ថ្វីត្បិតតែកង់នេះមានតម្លៃថ្លៃក៏ពិតមែនតែបើដំណើរកាផលិត និងគុណភាពវិញគឺវាសាកសមហើយជាមួយតម្លៃនេះជាពិសេសនោះគឺជា 1-Off ដែលមានតែមួយគត់ ៕

  Schwinn Apple Krate៖

  E-Bike Serial1 Mosh/Chopper៖