រឿង5យ៉ាងដែលលោកអ្នកមិនដែលដឹងអំពីក្រុមហ៊ុនឡាន Lamborghini 

News
មើល: 13681

លោកអ្នកប្រហែលជាធ្លាប់ដឹងមកហើយថាក្រុមហ៊ុន Lamborghini គឺជាក្រុមហ៊ុនដែលផលិតឡានស្ព័រទំនើបៗ និងមានតម្លៃថ្លៃ ដែលកំពុងចរាចរណ៍នៅលើពិភពលោក។ ប៉ុន្តែមានរឿង 5 យ៉ាងដែលអ្នកមិនធ្លាប់បានដឹងអំពីក្រុមហ៊ុនផលិតរថយន្តស្ព័រដ៏ល្បីមួយនេះ។

  ១​. ពណ៌របស់រថយន្ត Lamborghini

Lamborghini គឺជារថយន្តដែលបានបង្កើតកំណត់ត្រាសម្រាប់រថយន្តដែលមានពណ៌ច្រើនជាងគេនៅលើពិភពលោក ដែលមានរហូតដល់ទៅ 348 ពណ៌ ។ នេះបើយោងទៅតាម កម្មវិធី Ad Personam ដែលពណ៌ទាំងនោះភាគច្រើនត្រូវបានឆ្នៃប្រឌិតឡើងតាមរយៈពណ៌ផ្ទាល់ខ្លួនរបស់អតិថិជននីមួយៗ។

  ២. Diamond dust paint

គឺជាថ្នាំពណ៌ថ្លា ដែលមានផ្សំជាមួយនឹងកម្ទេចគ្រីស្តាល់តូចៗរាប់លាន ដែលរំលេចឡើងនូវភាពភ្លឺចែងចាំងប្រៀបដូចកាបិតគ្រាប់ពេជ្រនៅលើរថយន្តអញ្ចឹង។ ដោយសារតែភាពប្រណិតមួយនេះបានធ្វើឲ្យ រថយន្ត Lamborghini ប្រៀបដូចជាគ្រឿងអលង្ការដែលស៊ីវីល័យបំផុត។

  ៣.​ សិល្បៈនៃការប៉ាក់រូបដែលតំណាងអោយភាពផ្ទាល់ខ្លួននៅលើរថយន្ត

សម្រាប់អតិថិជន Lamborghini ទាំងអស់អាចធ្វើការស្នើរសុំនូវការរចនាម៉ូតនៅផ្នែកខាងក្នុងរបស់រថយន្តតាមចំណូលចិត្តផ្ទាល់ខ្លួនបានដូចជាការប៉ាក់រូបភាពនៅលើកៅអីរថយន្ត និងការឆ្នៃប្រឌិតផ្សេងៗទៀតនៅលើរថយន្តតាមតម្រូវការរបស់អតិថិជន។ ហើយរាល់សិល្បៈនៃការប៉ាក់រូបភាពទាំងអស់សុទ្ធតែបានធ្វើឡើងដោយដៃរបស់អ្នកជំនាញ។

  ៤. ពណ៌រថយន្តដែលពេញនិយមបំផុត

ទោះបីជាឡាន Lamborghini មានពណ៌ច្រើនយ៉ាងណាក៏ដោយតែយើងឃើញថា ពណ៌មួយចំនួនគឺមានការពេញនិយមខ្លាំងនៅតាមតំបន់ អាមេរិក អាស៊ីប៉ាស៊ីភិច និង អ៊ឺរ៉ុប។ ដូចជានៅអាស៊ីប៉ាស៊ីភិច គឺមានការនិយមប្រើប្រាស់រថយន្ត Lamborghini ពណ៌ក្រហម។

ពណ៌បៃតងគឺមាននៅប៉ែកអ៊ឺរ៉ុប ចំណែកឯនៅអាមេរិកខាងជើងវិញ ពណ៌ខៀវ គឺជាពណ៌ដែលមានការពេញនិយមខ្លាំងបំផុត។

  ៥.​ Studies in color pshychologi

តាមរយៈការសិក្សារស្រាវជ្រាវតាមបែបវិទ្យាសាស្រ្តចិត្តវិទ្យាពណ៌របស់រថយន្ត Lamborghini មិនត្រឹមតែជារថយន្តដែលមានពណ៌ច្រើនប៉ុណ្ណោះទេ ថែមទាំងពណ៌មួយចំនួនក៏បានបង្ហាញអំពីបុគ្គលិកលក្ខណៈផ្សេងៗគ្នាថែមទៀតផង នេះបើយោងទៅតាមការសិក្សាស្រាវជ្រាវបែបវិទ្យាសាស្រ្តចិត្តវិទ្យាតាមរយៈកម្មវិធី Ad Personam ។ កម្មវីធី Ad Personam គឺជាកម្មវីធីដែលបានបញ្ចូលប្រវត្តិរូបរបស់អតិថិជន ដែលបានជ្រើសរើស 5 ចំណុចបុគ្គលិកលក្ខណៈ រួមមាន​:

  • SPORTIVA : គឺសមស្របសម្រាប់យុវវ័យដែលកំពុងពេញនិយមនូវភាពទំនើបទាន់សម័យ ។ ដែលពណ៌ទាំងអស់នោះគឺជាការចាប់ផ្តើមរបស់រថយន្ត Lamborghini រួមមាន Giallo Belenus, Arancio Xanto, Verde Selvans និង Viola Pasifae
  • Contemporanea : គឺបានរួមបញ្ចូលនូវស្ទីលទំនើបឆើតឆាយ និងភាពទាក់ទាញជាមួយនឹងបច្ចេកវិទ្យាកីឡា ។ 8ម៉ូតដែលបានជ្រើសរើសរួមមាន Rosso Efesto, blu aegir និង Ballon White
  • Eclettica : គឺតំណាងអោយភាពស្រស់ស្រាយ និងការឆ្នៃប្រឌិតដ៏លេចធ្លោរបស់ឡាន Lamborghini ។ Palette ត្រូវបានបង្កើតឡើងមានពណ៌ដិត ដែលបង្ហាញលក្ខណៈផ្សេងៗនៃវិញ្ញាណនៃការផ្លាស់ប្តូរ ពី Blu Cepheus ទៅ Oro Elios ទៅ Viola bast​
  • Classica : គឺជាប្រភេទឡានដែលមានពណ៌ឧទ្ទិសដល់ប្រភពដើមនៃឧត្តមភាពអ៊ីតាលីដែលបានធ្វើបដិវត្តន៍ពិភពលោកនៃកាផលិតរថយន្តស្ព័រទំនើប និងចងភ្ជាប់ទៅនឹងទំនៀមទំលាប់ប្រពៃណីរបស់ជនជាតិអ៊ីតាលី ។ ពណ៌តំណាងនៃរូបតំណាងពីអតីតកាលរួមមាន Verde Scandal, Amarranto, Arancio និង Blu Notte
  • Tecnica : គឺត្រូវបានរចនាឡើងសម្រាប់អ្នកដែលមានសមត្ថភាពខ្ពស់ ដែលចង់បានបច្ចេកវិទ្យាទំនើបជាមួយវត្ថុធាតុដើមដែលមានពណ៏ថ្មីៗដូចជា Blu Grifo, Nero Nemesis និង giallo Tele maco ៕

#MekongCar Youtube Channel

ចែករំលែក:

Relate Post

ក្រុមហ៊ុន Lamborghini គ្រោងនឹងចេញលក់ម៉ូដែល Huracan Tecnica នៅចុងឆ្នាំនេះ

  • News

ម៉ាកយីហោ Lamborghini ត្រូវបានបង្កើតឡើងក្នុងឆ្នាំ ១៩៦៣ ដោយលោក Ferruccio Lamborghini ដែលជាសហគ្រិនឧស្សាហកម្មអ៊ីតាលី។ ក្រុមហ៊ុនផលិតរថយន្តមួយនេះកំពុងតែផ្តល់ជូននូវរថយន្តស្ព័រដែលមានសមត្ថភាពខ្ពស់លើពិភពលោកហើយថ្មីៗនេះក្រុមហ៊ុនក៏បានបញ្ចេញម៉ូដេល Huracan Tecnica គឺជាសមាជិកដែលបានបន្ថែមថ្មីក្នុងត្រកូលដែលស្ថិតនៅចន្លោះ Evo និង STO ជារថយន្តទំនើបដ៏អស្ចារ្យ។ រថយន្តនេះត្រូវបានបង្កើតឡើងដើម្បីបើកបរនៅលើផ្លូវប្រណាំង និងផ្លូវហាយវេរផងដែលម៉ូដែលនេះមាននៅលើទីផ្សារអស់រយៈពេល ៨ ឆ្នាំមកហើយ ឥទ្ធិពលនៃការរចនាបថរបស់ម៉ូដែលនេះបានបំពាក់កាងខាងមុខថ្មីដែលមានរុនខ្យល់ដែលរាងអក្សរ Y ដ៏ធំដែលលាតសន្ធឹងពីក្រោមចង្កៀងមុខ ខណៈពេលដែលកាងខាងក្រោមកាន់តែជ្រៅ នឹងកាន់តែស៊ីវីល័យជាងមុនដែលប្លែកពីគេយ៉ាងខ្លាំង។ រថយន្តនេះមានប្រវែងវែងជាង Huracán Evo ដល់ទៅ ៦ សង់ទីម៉ែត្រ និងមានផ្នែកខាងក្រោយជ្រុងជាង Huracán STO ។ ម៉ូដែលនេះមានទម្ងន់ប្រហែល ១,៣៧៨ គីឡូក្រាម នៅខាងក្នុងនៃម៉ូដែលមួយនេះមានកៅអីដែលអាចលៃតម្រូវកម្ពស់បានយ៉ាងងាយស្រួល។ ប្រើប្រាស់ជាមួយអេក្រង់ Touch screen ដែលមានក្រាហ្វិចសាមញ្ញបន្ដិចវាប្រើប្រាស់ជាមួយប្រព័ន្ធ Apple CarPlay, Amazon Alexa, និង Android Auto ដែលអាចប្រើបានទាំងអស់ហើយ supercar មួយនេះមានប្រព័ន្ធ telemetry ដែលភ្ជាប់ជាមួយកម្មវិធីស្មាតហ្វូនបាន។ យោងតាមក្រុមហ៊ុន Lamborghini រថយន្ត Tecnica នឹងមានជម្រើសពណ៌ជាច្រើនដែលអាចរើសតាមរយៈកម្មវិធី Ad Personam និងផ្តល់ជូននូវបណ្តុំនៃជម្រើសខាងក្នុងថ្មី។ ហើយម៉ូដែលមួយនេះមានម៉ាស៊ីន V10 ចំណុះ ៥.២ លីត្ររបស់ Lamborghini ដែលផ្តល់ថាមពលដ៏អស្ចារ្យដល់រថយន្តមួយនេះដែលធ្វើអោយមានស្ថិតិល្អជាង EVO RWD ប្រហែល ៣០ សេះ។ ដោយវាផលិតកម្លាំងបាន ៦៣១ សេះ និងកម្លាំងបង្វិល ៥៦៥ ញូតុនម៉ែត្រ នឹងប្រើប្រាស់ជាមួយម៉ាស៊ីន Lamborghini Doppia Frizione (LDF) ដែលបញ្ជូនចលនាទៅកង់ខាងក្រោយដោយប្រអប់លេខប្រាំពីរវគ្គស្វ័យប្រវត្តិ។ រថយន្ដនេះជាន់ស្ទុះពី ០ ទៅ ៩៩ គីឡូម៉ែត្រ ក្នុងមួយម៉ោងជាមួយរយះពេល ៣.២ វិនាទី និងបង្កើនល្បឿនពី ០ ទៅ ១៩៩ គីឡូម៉ែត្រ ក្នុងមួយម៉ោងដោយប្រើរយៈពេល ៩.១ វិនាទី។ ជាលទ្ធផលនៃការរចនា និងថាមពលដែលធ្លាក់ចុះនោះ Tecnica អាចជារថយន្ត Lamborghini ចុងក្រោយបង្អស់ដែលបានទទួលម៉ាស៊ីន V-10 ។ រីឯតម្លៃវិញនៅមិនទាន់ត្រូវបានចេញផ្សាយនៅឡើយទេប៉ុន្តែគេអាចរំពឹងថា Tecnica គួរតែមានតម្លៃប្រហែល ២១៤,៣៦៦ ដុល្លារ៕ អត្ថបទដោយ៖ សូនីតា

រថយន្ត BMW 8 Series ឆ្នាំ ២០២៣ បានបង្ហាញខ្លួនជាមួយនឹងការរចនា ៣ ជម្រើសផ្សេងៗគ្នា

  • News

BMW បានបង្ហាញរថយន្តស៊េរី 8-Series និង M8 របស់ខ្លួនដោយ ម៉ូដែលឆ្នាំ ២០២៣ ទទួលបានអត្ថប្រយោជន៍នឹងភាពល្អប្រសើឡើងវិញ ដែលរួមបញ្ចូលនូវកញ្ចក់ "Iconic Glow"។ BMW បានធ្វើឱ្យរថយន្តស៊េរី ៨ ឆ្នាំ ២០១៨ មានភាពរស់រវើកឡើងវិញ ហើយឥឡូវនេះវាដល់ពេលហើយសម្រាប់ការធ្វើឱ្យទាន់សម័យឡើងវិញសូមណែនាំរថយន្ត BMW 8 Series Coupe, Convertible និង Gran Coupe ស៊េរីឆ្នាំ ២០២៣ ដែលបានបង្ហាញរួមគ្នាជាលើកដំបូងនៅថ្ងៃនេះ។ ដោយចាប់ផ្តើមពីផ្នែកខាងក្រៅ អ្នករចនាបានផ្តល់ឱ្យស៊េរី 8 នូវប៉ាណាថ្មីជាមួយនឹងរបារបញ្ឈររាងអក្សរ U ដែលត្រូវបានរចនាឡើងវិញ។ពណ៌ខាងក្រៅថ្មីចំនួន៥ ដូចជា ៖ Skyscraper Grey metallic, San Remo Green metallic, Portimao Blue metallic, BMW Individual Frozen Tanzanite Blue metallic និង Frozen Pure Grey ជាមួយនឹងការរចនាយ៉ាន់កង់ទំហំ ២០ អ៊ីញផងដែរ។ សម្រាប់ឆ្នាំ ២០២៣ មានជម្រើសថ្មីមួយទៀតរបស់ម៉ូដែល M Sport Package Professional ដែលបំពាក់លើផ្នែកខាងក្រោយរបស់ Shadowline ជាមួយនឹងគម្របប៉ាណាពណ៌ខ្មៅ ឌីសហ្វ្រាំងពណ៌ខ្មៅ និង spoilerខាងក្រោយមានពណ៌ខ្មៅផងដែរ ។ ដើម្បីរំលឹកខួបលើកទី ៥០ របស់ផ្នែកនៃអក្សរ M របស់ BMW  ដោយអក្សរ M ត្រូវបានបំពាក់ជាមួយនឹងស្លាកសញ្ញា BMW Motorsport នៅលើ Hood  តួរបស់រថយន្ត និងគម្របកង់។ នេះជាការគោរពចំពោះនិមិត្តសញ្ញា M ដែលបានប្រើលើកដំបូងក្នុងឆ្នាំ ១៩៧៣។ ចំពោះផ្នែកខាងក្នុងរបស់ម៉ូដែល 8 Series នេះវិញបានបំពាក់ជាមួយនឹង អេក្រង់កំម្សាន្តទំហំ១២.៣ អ៊ីង។ រីឯការផលិតសម្រាប់ទីផ្សារសហរដ្ឋអាមេរិកក្នុងឆ្នាំ ២០២៣ ខាងមុខនេះ 8 Series នឹងចាប់ផ្តើមដំណើរការនៅក្នុងខែមីនា។ ដែលប្រើប្រាស់ម៉ាស៊ីន Twin-turbo 4.4-liter V8 ដែរមានកម្លាំង ៦១៧ សេះនិងកម្លាំងបង្វិល ៧៤៩ ញូតុនម៉េត្រវាត្រូវបានភ្ជាប់ទៅប្រអប់លេខ ៨ អូតូ និងប្រព័ន្ធ all-wheel drive M xDrive ដែលអាចឱ្យវា បង្កើនល្បឿនសន្ទុះពី ០ ទៅ ៩៦ គីឡូម៉ែត្រក្នុងមួយម៉ោង  ប្រើរយៈពេលត្រឹមតែ ៣.០ វិនាទី។ សម្រាតម្លៃដែលចេញពីរោចក្រចំពោះម៉ូដែល Coupe និង Gran Coupe ចុងក្រោយបំផុតទាំងពីរនឹងចាប់ផ្តើមពី ៨៥,០០០ដុល្លារឡើងទៅ  ខណៈដែល Convertible នឹងចាប់ផ្តើមនៅ ៩៤,៤០០ ដុល្លារ៕ 

Lamborghini ប្រកាសថាឆ្នាំនេះនឹងក្លាយជាឆ្នាំចុងក្រោយនៃវត្តមានឡានប្រើសាំងរបស់ខ្លួន

  • News

ក្រុមហ៊ុនផលិតឡានស្ព័រដ៏ល្បីសម្រាប់ពិភពលោក Lamborghini និងក្លាយទៅជាយីហោមួយក្នុងចំណោមម៉ាកយីហោរផ្សេងៗជុំវិញពិភពលោកដែលប្រកាសពីគោលចំហរឈប់ផលិតឡានប្រើសាំង ហើយងាកមកផលិតឡានប្រើថាមពលអគ្គិសនីវិញ។ ប៉ុន្តែអ្វីដែលគួរឱ្យចាប់អារម្មណ៍សម្រាប់ក្រុមហ៊ុនឡានស្ព័រចិត្តក្តៅមួយនេះបានប្រកាសថានឹងបញ្ចប់ជីវិតឡានសាំងនៅចុងឆ្នាំ ២០២២ នេះ។ យោងតាមរបាយការណ៍របស់ Automotive News Europe នាយកប្រតិបត្តិ Lamborghini លោក Stephan Winkelmann ត្រូវបានគេដកស្រង់សម្តីដោយនិយាយថានៅឆ្នាំនេះនឹងក្លាយជាពេលវេលាចុងក្រោយដែលក្រុមហ៊ុននឹងផ្តល់ជូនម៉ាស៊ីនចំហេះខាងក្នុង។ ការចាប់យកបច្ចេកវិទ្យាអគ្គិសនីទៅលើរថយន្ត ក្រុមហ៊ុន Lamborghini បានបណ្តាក់ទុនយ៉ាងច្រើនសម្រាប់ការផ្លាស់ប្តូរនេះដោយបានបែងចែក ១.៥ ពាន់លានអឺរ៉ូ ឬ ១.៧ពាន់លានដុល្លារ សម្រាប់ការផ្លាស់ប្តូរទៅជា plug-in hybrid ។ រថយន្ត Lamborghini plug-in hybrid ស៊េរីទីមួយនឹងមកដល់ដើមឆ្នាំ ២០២៣ ខណៈពេលដែល Lamborghini ថាមពលថ្មសុទ្ធនឹងឃើញពន្លឺថ្ងៃនៅឆ្នាំ ២០២២។ ដូច្នេះអនាគតគឺពិតជាអគ្គិសនីសម្រាប់ក្រុមហ៊ុនផលិតរថយន្តអ៊ីតាលី ដោយមានការគាំទ្រយ៉ាងខ្លាំងពី VW Group ។ Winkelmann ក៏បានបន្តថា ពួកគេនៅតែធ្វើការលើការរចនាចុងក្រោយនៃ Lamborghini EV។ ម៉ូដែលទ្វារបួន "សាកសមសម្រាប់ការប្រើប្រាស់ប្រចាំថ្ងៃ" ក៏ស្ថិតក្នុងការពិចារណាផងដែរ។ ការចាប់ផ្តើមនៅចុងឆ្នាំ ២០២២ ក៏ដោយសារតែកំណត់ត្រាលក់របស់ Lamborghini ដែលមានរថយន្តចំនួន ៨,៤០៥ គ្រឿងត្រូវបានចែកចាយក្នុងឆ្នាំ ២០២១។ ស្ទើរតែ ៦០% នៃចំនួននោះជារបស់ការលក់រថយន្ត Urus SUV ដែលផ្លាស់ប្តូរចំនួន ៥,០១២ គ្រឿងនៅទូទាំងពិភពលោក។ ការជំនួស Aventador អាចជាម៉ូដែលមួយក្នុងចំណោមម៉ូដែលទាំង 4 ដែលធ្វើតាម Aventador Ultimae ដែលបំពាក់ម៉ាស៊ីន V12 សុទ្ធចុងក្រោយដែលក្រុមហ៊ុននឹងផ្តល់ជូន៕

Ford បង្ហាញពណ៌រថយន្ត Ranger ចំនួន៣ ដែលសុទ្ធតែជាពណ៌ផលិតក្នុងចំនួនមានកំណត់

  • News

កាលពីឆ្នាំមុន ក្រុមហ៊ុន Ford បានប្រកាសបង្ហាញឡើងវិញនូវកញ្ចប់ Ranger Splash Package និង Splash Limited Edition ដែលជាពណ៌ Limited Edition  ហើយត្រូវណែនាំរៀងរាល់ ២ទៅ ៣ ខែម្ដង។ ថ្មីៗនេះក្រុមហ៊ុនបានណែនាំពណ៌ចំនួន ៣ ទៀតដែលតំណាងអោយ ព្រិល ព្រៃភ្នំ និង ខ្សាច់ ។  ម៉ូដែលដំបូងបង្អស់ក្នុងចំណោមម៉ូដែលទាំង ៣ ដែលអាចរកបាននៅនិទាឃរដូវឆ្នាំនេះ គឺ Snow Edition ការផលិតនេះគឺត្រឹមតែ ៧៥០ គ្រឿងប៉ុណ្ណោះ ។ ការផលិតយ៉ាងពិសេសនេះប្រើប្រាស់ថ្នាំលាបផ្នែកខាងក្រៅរបស់ Avalanche ដែលត្រូវបានពង្រឹងបន្ថែមទៀតដោយការបញ្ចូលប៉ាណា Avalanche ។  Edition ថ្មីនេះផ្អែកលើការរចនាម៉ូត Lariat ដែលភ្ជាប់មកជាមួយនឹងភាពប្រណិតដូចជាកៅអីកម្ដៅ ដៃចង្កូតដែលតុបតែងដោយស្បែក និង បន្ទះទ្វារ។  ហើយសម្រាប់ការមកដល់នៅរដូវក្ដៅនេះគឺ Forest Edition ត្រូវបានបង្កើតឡើងដោយគៀមដែលជាប់ជាមួយនឹងប៉ាណាពណ៌ក្រហម និង ភ្ជាប់ជាមួយប៉ាណាម៉ាញេទិច។ ផ្ទៃខាងក្នុងមានលក្ខណៈពិសេសដូចគ្នានឹង Snow Edition ជាមួយនឹងការដេរដោយពណ៌ Ash Grey និងមានផ្នែកផ្សេងៗទៀត។ ហើយវាផលិតមកមានតែ ៥០០ គ្រឿងប៉ុណ្ណោះ។  ជាចុងក្រោយគឺ Sand Edition ដែលនឹងមកដល់នារដូវស្លឹកឈើជ្រុះនេះចំណែកឯការផលិតគឺកំណត់ត្រឹមតែ ៥០០ គ្រឿង ។ លក្ខណៈសំគាល់នៅខាងមុខប៉ាណារបស់ Sand Edition នេះគឺមានគៀមទាំងសងខាងដូចគ្នាទៅនឹងម៉ូដែល Forest Edition ដែរ ។  លក្ខណៈពិសេសទាំងបីនេះ គឺសុទ្ធតែមកជាមួយនឹងប៉ាណាម៉ាញេទិច ខណៈពេលដែលនៅខាងក្នុងកៅអីត្រូវបានតុបតែងដោយស្បែកទទួលបានការដេរដោយពណ៌ប្រផេះ Ash ដែលពោរពេញទៅដោយឆ្នូត និង សរសៃកាបូន។interior ខាងក្នុងមានពណ៌ខ្មៅ ដែលធ្វើឱ្យផ្នែកខាងក្នុងមើលទៅទូលាយ ហើយ Forest and Sand Edition នឹងផ្អែកលើក XLT ។ កញ្ចប់ Splash គឺជាជម្រើសដាច់ដោយឡែក ពីម៉ូដែល Limited Edition Splash ដែលមានតម្លៃកើនឡើង ១,៤៩៥ ដុល្លារ ។ ជាមួយនឹងរថយន្ត Ford Ranger ជំនាន់ក្រោយដែលបានបង្ហាញរួចហើយ ម៉ូដែល Splash Edition អាចនឹងដើរតួជាម៉ូដែលមានកំណត់ចុងក្រោយ មុននឹងបង្កើតផ្លូវសម្រាប់ម៉ូដែលថ្មី ដែលគ្រោងនឹងចូលផលិតកម្មអាមេរិកនៅឆ្នាំ ២០២៣ ខាងមុខនេះ៕ 

Biden គ្រោងនឹងបង្កើតឆ្នាំងសាកអគ្គិសនីថ្មីជាមួយនឹងស្តង់ដារសកល

  • News

រដ្ឋបាល Biden គ្រោងនឹងដាក់រថយន្តអគ្គិសនីនៅលើផ្លូវក្នុងសហរដ្ឋអាមេរិកសម្រាប់ចំណែកទីផ្សារ ៥០% នៅឆ្នាំ ២០៣០ ហើយវិក័យប័ត្រហេដ្ឋារចនាសម្ព័ន្ធចំនួន ១ ពាន់លានដុល្លារ ដែលទើបនឹងអនុម័តថ្មីៗនេះ។ ការទទួលយករថយន្ត EV ត្រូវបានរារាំងដោយឧបសគ្គធំៗពីរគឺ ការចំណាយសម្រាប់អ្នកប្រើប្រាស់ និងដំណើរការមិនគ្រប់គ្រាន់នៃបណ្តាញសាកថ្មនៅក្នុងប្រទេស។ ក្រោយមកសេតវិមានរបស់អាមេរិកបានប្រកាសកាលពីថ្ងៃចន្ទថាគ្រោងនឹងស្នើសុំការិយាល័យរួមថ្មីមួយពីនាយកដ្ឋានថាមពល និងក្រសួងដឹកជញ្ជូនដែលត្រូវចំណាយប្រាក់ ៧.៥ ពាន់លានដុល្លារអាមេរិក ដើម្បីផ្គត់ផ្គង់បណ្តាញឆ្នាំងសាកសាធារណៈរបស់សហរដ្ឋអាមេរិកប្រកបដោយប្រសិទ្ធភាពរហូតដល់ទៅ ៥០០,០០០ កន្លែងដើម្បីបង្កើតស្តង់ដារសាកថ្មជាសកល។ សេតវិមានបាននិយាយថា "ការផ្តោតដំបូងរបស់ខ្លួនគឺការបង្កើតបណ្តាញសាកថ្មដ៏ងាយស្រួល និងអាចបង្កើតទំនុកចិត្តសាធារណៈបានដោយផ្តោតចំពោះអ្នកដែលនៅតំបន់ពិបាកទៅដល់ និងអ្នកដែលស្ថិតក្នុងភាពខ្វះខាតនៅតាមជនបទ" ។ នាយកដ្ឋានថាមពលសហរដ្ឋអាមេរិក (DOE) និងនាយកដ្ឋានដឹកជញ្ជូនសហរដ្ឋអាមេរិក (DOT) ក៏នឹងបង្កើតក្រុមប្រឹក្សាប្រឹក្សាលើយានជំនិះអគ្គិសនី ដើម្បីបំពេញនៅចុងត្រីមាសទីមួយនៃឆ្នាំ ២០២២។ ត្រឹមថ្ងៃទី ១១ ខែកុម្ភៈ រដ្ឋបាលនឹងចេញសេចក្តីណែនាំសម្រាប់ "ការដាក់ពង្រាយស្ថានីយ៍សាក EV ជាយុទ្ធសាស្ត្រដើម្បីកសាងបណ្តាញជាតិ" ។ នៅតាមប្រព័ន្ធផ្លូវល្បឿនលឿននៃប្រទេសអាមេរិក ការប្រើប្រាស់បណ្តាញសាក EV ត្រូវបានគេសន្មត់ថា EVs នឹងបន្តពង្រីកចំណែកទីផ្សាររបស់ពួកគេថែមទៀតនៅក្នុងប្រទេសនេះ ។
✔

Copy link Success.

×

វីដេអូ

Ford Ranger ស៊េរីឆ្នាំ២០២២ បានបង្ហាញខ្លួនសម្រាប់ពិភពលោកទាំងមូល នេះជាអ្វីដែលអ្នកទទួលបាន

  • Reviews, New Car

ឡានចាស់សេ៊រីថ្មី ឆ្នាំ២០២២ CR-V របស់ Honda ទទួលបានការរិះគន់ច្រើនប៉ុន្តែបែរជានៅតែលក់ដាច់ទៅវិញ

  • Reviews, New Car

ធ្លាប់តែឃើញឡានហោះនៅ ក្នុងរឿងពេលនេះបានឃើញហើយ ឡានហោះពិតៗ

  • News

ព័ត៌មានពេញនិយម

ចំណាយត្រឹមតែ ៧ ម៉ឺនដុល្លារសម្រាប់ម៉ូដែល F-150 Lightning នឹងធ្វើអោយលោកអ្នកចំណេញទ្វេដង

  • News

មិនបាច់ត្រូវចាំ ៤ ឆ្នាំចិនប្រើសំបក Land Cruiser ស៊េរី 300 ថ្មីគ្របពីលើស៊េរី 200 ចាស់ដូចគ្នាគ្មានទាស់

  • News

អ្នករចនាបង្កើតរូបភាពឌីជីថលនៃរថយន្ត FJ Cruiser អគ្គិសនីថ្មីដែល Toyota គ្រោងនឹងផលិតនាពេលឆាប់ៗនេះ

  • News

Lexus បានបង្ហាញរូបភាពអាវុធថ្មីដែលធ្វើអោយអ្នកគាំទ្រអន្ទះសារចង់ដឹងលម្អិតពីវា

  • News

រថយន្តប្រភេទ Off-Road ទាំង ៥ ដែលមានឥទ្ធិពលបំផុតនៅក្នុងឆ្នាំ ២០២២

  • News, New Car

Hyundai Santa Fe ឆ្នាំ ២០២២ កំពុងតែជួបបញ្ហាដែលតម្រូវឱ្យក្រុមហ៊ុនធ្វើការប្រមូលរថយន្តមកវិញ

  • News

ម្ចាស់រថយន្ត Ford Mustang Mach-E អគ្គិសនីរងភាពអយុត្តិធម៌ជាមួយនឹងវិក័យប័ត្រជួសជុលខ្ទង់ម៉ឺនដុល្លារ 

  • News

Tundra Capstone ឆ្នាំ 2022 ប្រណិតហើយមានតម្លៃថោកជាង F-150 PowerBoost

  • News

Toyota ត្រូវបានគេរាយការណ៍ថាកំពុងធ្វើតេស្ត TRD Pro ដើម្បីប្រកួតប្រជែងជាមួយនិង Ford F-150 Raptor

  • News

Toyota bZ4X GR Sport ត្រៀមដាក់បង្ហាញក្នុងការតាំងពិព័រណ៍រថយន្តTokyo ឆ្នាំ ២០២២

  • News

ប្រភេទ

ស្លាក

ទាញយកកម្មវិធីដោយឥតគិតថ្លៃ