Stellantis Group នឹងលូកដៃចូលសមរភូមិសង្គ្រាមរថយន្តអគ្គិសនីនៅឆ្នាំ ២០២៤ ខាងមុខ

News , New Car
មើល: 736

Stellantis Group គឺជាក្រុមហ៊ុនផលិតរថយន្តដ៏ធំមួយក្នុងចំណោមក្រុមហ៊ុនដ៏ធំជាងគេទាំងប្រាំមួយនៅទូទាំងពិភពលោក ដែលមានមានទីស្នាក់ការកណ្តាលនៅទីក្រុង Amsterdam ប្រទេសហូឡង់។ ហើយ Stellantis Group បានផ្តោតទៅលើការរចនា ការអភិវឌ្ឍន៍ ការផលិត និងលក់រថយន្តដែលមាន ១៥ ម៉ាកហើយក្នុងនោះក៏មាន Jeep ផងដែរ។

ថ្មីៗនេះនាយកប្រតិបត្តិក្រុមហ៊ុន Stellantis Group លោក Carlos Tavares កំពុងតែចង់លូកដៃចូលទៅក្នុងការប្រគួតប្រជែងនៃរថយន្តអគ្គិសនីខណៈដែល Ram EV ត្រៀមទប់ទល់នឹង Ford F-150 Lightning និង Chevrolet Silverado EV ដែលមកដល់នៅឆ្នាំ ២០២៤ ឆ្នាំក្រោយនេះ។

លោក Carlos Tavare បាននិយាយថា លោកនឹងទាញយកអត្ថប្រយោជន៍ពីម៉ាករបស់ខ្លួនដូចជា Lancia និង Opel ដើម្បីបង្កើតរថយន្តអគ្គីសនីដ៏ពិសេសមួយបន្ថែមទៀត។ ហើយគាត់ក៏បានបញ្ជាក់បន្ថែមទៀតថា គាត់នឹងប្រើប្រាស់កំណែទម្រង់ Dodge Monikers ដើម្បីធ្វើឱ្យរថយន្តប្រភេទ Muscle ដំណើរការដោយអគ្គិសនីនឹងមកដល់នៅឆ្នាំ ២០២៤ ។

បច្ចុប្បន្ននេះក្រុមហ៊ុនបានផ្តល់នូវរថយន្តអគ្គិសនីពីរម៉ូដែលដូចជា Jeep Wrangler 4xe និង Jeep Grand Cherokee 4xe ដែលជាប្រភេទ Plug-in Hybrid Powertrain ដោយកំពុងប្រជែងក្នុងទីផ្សារសហរដ្ឋអាមេរិក។

ការលើកឡើងរបស់ Stellantis Group បានបន្ថែមទៀតថាពួកគេនឹងបង្ហាញរថយន្ត SUV អគ្គិសនីដ៏ពេញលេញនៅដើមឆ្នាំក្រោយ ដោយពួកគេនឹងផ្តល់រូបរាង្គជាផ្លូវការរបស់ពួកគេនៃម៉ូដែលថ្មីនេះ។

ការបង្ហាញនូវគំរូមួយនេះបានធ្វើឱ្យយើងឃើញថាវាហាក់បីដូចជាមានរាងតូចចង្អៀតបន្តិច និងបានរចនាដំបូលបែប Floating Roof ជាមួយនឹងប៉ាណាខាងមុខដ៏ប្រណិតរបស់ Jeep ផងដែរ។

បន្ថែមពីនេះទៅទៀតវាក៏បានមកជាមួយចង្កៀងមុខ LED ស្ដើង និងយ៉ាន់កង់ស្ព័រដ៏ស្រស់ស្អាត។ លោក Carlos Tavare បានថ្លែងនៅក្នុងបទបង្ហាញផែនការយុទ្ធសាស្រ្តរបស់គាត់ថា គាត់នឹងពង្រីកគុណភាពរថយន្តអគ្គិសនីរបស់ Jeep ជាមួយនឹងសមត្ថភាព និងការរចនារូបរាងកាន់តែអស្ចារ្យ៕

អត្ថបទដោយ៖ សាល សក្កណា

 

 

ចែករំលែក:
ស្លាក:

Relate Post

Ram TRX កាន់តែកាចជាមួយនឹងកង់ចំនួន ៦ ឯកម្លាំង ១,០១២ សេះខ្លាំងមិនចាញ់រថយន្តស្ព័រទំនើប

  • News, New Car

ក្រុមហ៊ុនផលិតរថយន្ត Hennessey 6x6 ដែលជាក្រុមហ៊ុនកែប្រែរថយន្តដ៏ល្បីល្បាញមួយរបស់អាមេរិក ថ្មីៗនេះបាននាំយកនូវរថយន្ត Ram TRX មកធ្វើការកែប្រែទៅជារថយន្ត Mammoth 6x6 ។ ដោយរថយន្តមួយនេះមានប្រវែងរហូតដល់ទៅ ៧.១៩ ម៉ែត្រនិងកម្ពស់ប្រវែង ២.១៣ ម៉ែត្រ ហើយវាក៏បានក្លាយជារថយន្តដ៏ធំមួយដែលមិនធ្លាប់មានពីមុនមករបស់ក្រុមហ៊ុន Hennessey ។ ទន្ទឹមនឹងនេះការធ្វើឱ្យប្រសើរឡើងនូវរថយន្ត Pick-up ថ្មីនេះក្រុមហ៊ុន Hennessey បានបំពាក់មកជាមួយប៉ូម Bilstein និងយ៉ាន់កង់ទំហំ ២០ អ៊ីញដែលស្រោបដោយសំបកកង់ Off-road ទំហំ ៣៧ អ៊ីញ។ លោក John Hennessey ដែលជាស្ថាបនិកក្រុមហ៊ុន Hennessey បាននិយាយថា រថយន្ត Mammoth 6x6 ថ្មីនេះគឺជារថយន្តទី ១២ របស់ពួកគេដោយមានរូបរាងកាន់តែអង់អាច និងកាន់តែមានភាពរឹងមាំជាងមុន។ ចំណែកឯតម្លៃនៃរថយន្តដ៏ធំសម្បើមមួយនេះមានតម្លៃដល់ទៅ ៤៤៩,៩៥០ ដុល្លាដោយក្រុមហ៊ុនបានរួមបញ្ចូលបន្ថែមនូវកាងខាងមុខ និងខាងក្រោយ អំពូល LED អមជាមួយផ្នែកខាងក្នុងដ៏ប្រណិតផងដែរ។ រីឯម៉ាស៊ីននៃរថយន្ត Mammoth 6x6 ក្រុមហ៊ុន Hennessey បានភ្ជាប់មកជាមួយម៉ាស៊ីនចំណុះ ៦.២ លីត្រ Hellcat V8 ដោយក្រុមហ៊ុនក៏បានបន្ថែមនូវម៉ាស៊ីនចំណុះ ២.៦ លីត្រ supercharger ដែលរួមគ្នាបង្កើតកម្លាំងដល់ទៅ ១,០១២ សេះនិងកម្លាំងបង្វិល ១,៣១៤ ញ៉ូតុនម៉ែត្រ។ គួរបញ្ជាក់ផងដែរក្រុមហ៊ុនបានយកទុកដាក់ជាខ្លាំងចំពោះគុណភាពនិងការបង្កើតនៅរថយន្ត Mammoth 6x6 មួយនេះដោយមានការធានារហូតដល់ ២ ឆ្នាំឬរយៈចម្ងាយ ៣,៨៦២ គីឡូរម៉ែត្រ។  អត្ថបទដោយ៖ សាល សក្កណា

Chevrolet Silverado ម៉ូដែលអគ្គិសនីតម្លៃចេញពីឃ្លាំង ៥ ម៉ឺនដុល្លារសមត្ថភាពបើកបរចម្ងាយ ៧០០ គីឡូម៉ែត្រ

  • News

ក្រុមហ៊ុន Chevrolet បានដាក់បង្ហាញរថយន្តម៉ូដែល Silverado EV ស៊េរីឆ្នាំ ២០២៤ ហើយក្រុមហ៊ុនកំពុងផ្តល់ឱ្យយើងនូវរូបរាងថ្មីមួយទៀតអំពីរថយន្ត Pickup អគ្គិសនីនេះ ដែលមានការរចនាប្លែកពីម៉ូដែលមុនៗ។ ក្រុមហ៊ុនបានបង្ហាញកំណែពីរជម្រើសដែលមានការរចនាខុសគ្នានៃផ្នែកខាងក្នុងនឹងខាងក្រៅតិចតួច។ ម៉ូដែល Silverado EV នឹងមកដល់នៅក្នុងឆ្នាំ ២០២៣ ហើយវានឹងមានប្រព័ន្ធ dual-motor all-wheel drive ដែលបង្កើតកម្លាំងសរុបបាន ៥១០ សេះ និងកម្លាំងបង្វិល ៨៣៤ ញូតុនម៉ែត្រ។ ម៉ូដែលនេះត្រូវបានគេគ្រោងថានឹងមានចម្ងាយលើសពី ៦៤៤ គីឡូម៉ែត្រ ក៏ដូចជាសមត្ថភាពអូសទាញ ៣,៦២៩ គីឡូក្រាម។ ហើយជម្រើស Silverado EV RST First Edition បានបំពាក់នូវប្រព័ន្ធបើកបរកង់ទាំងអស់ដែលមានកម្លាំង ៦៦៤ សេះ និងកម្លាំងបង្វិល ១,០៥៦ ញូតុនម៉ែត្រ។ វាអាចបង្កើតល្បឿនពី ០-៩៦ គីឡូម៉ែត្រក្នុងរយៈពេលតិចជាង ៤.៥ វិនាទី និងមានកញ្ចប់ថ្មដែលផ្ទុកថាមពលបាន ២០០ គីឡូវ៉ាត់ម៉ោង។ ចំណុចដែលលេចធ្លោផ្សេងទៀតរួមមានការកំណែជាមួយប្រព័ន្ធជើងក្រោមដ៏រឹងមាំ និងបន្ថែមជាមួយបូ៉មខ្យល់ដែលអាចលើក ឬបន្ថយរថយន្តរហូតដល់ ៥០ មីលីម៉ែត្រ។ បើក្រឡេកមកមើលផ្នែកខាងក្នុងវិញវាបានបំពាក់ជាមួយអេក្រង់ពត៌មាន touchscreen ទំហំ ១១ អ៊ីងស្តង់ដារ និងមានកុងទ័រល្បឿនឌីជីថលទំហំ ៨ អ៊ីងផងដែល។ ហើយក្រុមហ៊ុន Chevrolet ធ្លាប់បាននិយាយថា អតិថិជននឹងមានការពេញចិត្តជាមួយរថយន្ត Pickup ដែលមានតម្លៃពិសេសផ្ដល់ជូនដល់អតិថិជន។ បច្ចុប្បន្ន Chevrolet ប្រភេទ Pickup នេះមានតម្លៃ ៥០,០០០ ដុល្លារឡើងទៅដែលជាតម្លៃចេញពីរោងចក្រ៕ អត្ថបទដោយ៖ សូនីតា

លក់ដាច់ខ្លាំងពេកក្រុមហ៊ុន Ford សម្រេចបិទការបញ្ជាទិញទៅលើម៉ូដែលអគ្គិសនី F-150 Lightning

  • News

ថ្មីៗនេះក្រុមហ៊ុន Ford បានបិទការទទួលកក់លើរថយន្ដម៉ូដែល F-150 Lightning ស៊េរីឆ្នាំ ២០២២  ដោយសារតែអតិថិជនមានការចាប់អារម្មណ៍លើរថយន្ត Pickup អគ្គិសនីមួយនេះមានការបញ្ជាទិញលើសពីការរំពឹងទុក បន្ទាប់ពីទទួលបានការកម្មង់ទិញចំនួន ២០០,០០០ គ្រឿងក្នុងរយៈពេលប៉ុន្មានខែ។ ហើយវាថែមទាំងជំរុញឱ្យក្រុមហ៊ុនផលិតម៉ូដែល F-150 Lightning បន្ថែមទៀត កាលពីប៉ុន្មានសប្តាហ៍មុនក្រុមហ៊ុន Ford បានផ្ញើលិខិតមួយទៅកាន់អ្នកចែកចាយដោយជូនដំណឹងដល់ពួកគេថា អតិថិជនលក់រាយមិនអាចបញ្ជាទិញម៉ូដែល F-150 Lightning Pro និង F-150 Lightning XLT បានទៀតទេ។ ក្រុមហ៊ុន Ford Authority រាយការណ៍ថា ក្រុមហ៊ុនប៉ាន់ប្រមាណថា ៨០% នៃអ្នកកក់ទុកនឹងទិញយកវាហើយពួកគេខ្លះកំពុងរង់ចាំសម្រាប់ការផលិតនៃស៊េរីឆ្នាំ ២០២៣ រួចបាត់ទៅហើយ។ ដោយសារតែបង្ហាកង្វះខាតបន្ទះឈីប ដែលឥឡូវនេះត្រូវបានពន្យាពេលដែលមានរយៈពេលរហូតដល់ឆ្នាំ ២០២៤ ហើយអតិថិជនប្រហែលជាត្រូវរង់ចាំយូរទៀតដើម្បីការបញ្ជាទិញបើកឡើងវិញ។ អ្នកនឹងមិនមានជម្រើស និងពណ៌ជាក់លាក់ពីអ្នកចែកចាយទេ លុះត្រាតែអ្នកមានសំណាងទើបទទួលបានពណ៌ដែលអ្នកចង់បាន។ ក្រុមហ៊ុន Ford បាននិយាយថា ម៉ូដែលថ្មីនេះក៏ត្រូវបានបិទការកក់ក្រោយៗទៀតផងដែរ ដោយសារតែតម្រូវការខ្ពស់ស៊េរីឆ្នាំ ២០២២ នេះបច្ចុប្បន្នលែងមានសម្រាប់ការបញ្ជាទិញលក់រាយទៀតហើយ។ ការផ្គត់ផ្គង់មានកំណត់បុ៉ន្តែវានឹងអាចទិញបានប្រសិនបើអ្នកបញ្ជាទិញចង់លក់វិញ៕ អត្ថបទដោយ៖ សូនីតា  

ក្រុមហ៊ុន Ford បានកំណែរូបរាងថ្មីនៃម៉ូដែល Taurus ដែលបានបាត់មុខអស់ជាច្រើនឆ្នាំ

  • News

បន្ទាប់ពីក្រុមហ៊ុន Ford បានបិទការផលិតនៅលើម៉ូដែល Taurus អស់រយៈពេល ៣៤ ឆ្នាំកន្លងផុតទៅពេលនេះក្រុមហ៊ុន Ford បានប្រកាសពីការមកដល់នៃម៉ូដែល Taurus ស៊េរីថ្មីនេះដែលបានកែប្រែរូបរាងយ៉ាងប្រណិត។ ដោយមានការរចនាផ្នែកខាងមុខដ៏ទាក់ទាញជាមួយចង្កៀងមុខដែលបំបែកជាលក្ខណៈ en vogue ដែលដំណើរការបានយ៉ាងល្អនៅពេលភ្ជាប់ជាមួយប៉ាណាដ៏ប្រណិត។ ត្រលប់មកវិញ អ្នកនឹងរកឃើញភាពស្រដៀងគ្នាដ៏គួរឱ្យចាប់អារម្មណ៍ទៅនឹងរថយន្ត Mustang Mach-E ដែលវាបានបំពាក់ Spoiler ហើយនៅខាងក្រោយរួមបញ្ចូលគ្នាយ៉ាងស្អាតដោយមានភ្លើង LED អូសកាត់ទទឹងនៃរថយន្ដដែលធ្វើអោយមើលទៅទាន់សម័យ។ វាក៏បានបំពាក់ប្រព័ន្ធគ្រប់គ្រងកន្លងផ្លូវ និងប្រពន័្ធសុវត្ថិភាពកាត់បន្ថយការប៉ះទង្គិចដោយមិនបានដឹង។ ក្រឡេកមកមើលផ្នែកខាងក្នុងវិញវាបានបំពាក់បច្ចេកវិទ្យាទំនើបៗ និងមានអេក្រង់ Touch screen ដែលមានទំហំ ១៣.២ អ៊ីញជាមួយនឹងប្រព័ន្ធ Apple Car Play និង Android Auto និងមានដំបូលប្រភេទ Panoramic Sunroof ដែលអាចមើលឃើញខាងក្រៅបាន។ ហើយវាបានបំពាក់ម៉ាស៊ីន Ecoboost ចំណុះ ២.០ លីត្រ នឹងបញ្ចូនចលនាតាមរយៈប្រអប់ស្វ័យប្រវត្តិប្រាំបីវគ្គ ប៉ុន្តែក្រុមហ៊ុន Ford មិនបានប្រាប់លម្អិតអំពីជម្រើសម៉ាស៊ីនបន្ថែមថាមពលនៅឡើយទេ។ ម៉ូដែល Ford Taurus នឹងដាក់តាំងបង្ហាញនៅមជ្ឈិមបូព៌ាក្នុងពេលឆាប់ៗជាមួយនឹងការរចនាដ៏ទំនើបថ្មីរបស់វា៕ អត្ថបទដោយ៖ សូនីតា  

ម៉ូដែល Ford Explorer បង្ហាញរូបរាងខាងក្រៅ និងកាប៊ីនខាងក្នុងយ៉ាងប្រណិតតែមានតែក្នុងទីផ្សារប្រទេសចិន

  • News

ការបង្ហាញខ្លួនថ្មីជាមួយម៉ូដែល Ford Explorer ជំនាន់ទីប្រាំនេះបានបញ្ជាក់ច្បាស់ជាមួយលក្ខណៈពិសេសរបស់រថយន្តប្រភេទ SUV ដែលបានលេចឡើងនៅក្នុងប្រទេសចិនដែលវាផ្តល់នូវភាពទាន់សម័យសម្រាប់ទីផ្សារក្នុងស្រុក ក្រៅពីការកែប្រែរចនាប័ទ្មនោះវាក៏ទទួលបានបច្ចេកវិជ្ជាថ្មីបន្ថែមទៀតផងដែរ។ ហើយវាក៏បានលេចធ្លាយរូបភាពខ្លះៗមួយរយៈមុនរួចមកហើយ ប៉ុន្តែរូបភាពថ្មីពីប្រភពនៅប្រទេសចិនផ្តល់ឱ្យយើងនូវការផ្លាស់ប្តូរកាន់តែច្បាសលាស់ជាងមុនដោយចាប់ផ្តើមជាមួយនឹងផ្នែកខាងក្រៅ Explorer មានការរចនាឡើងវិញជាមួយផ្នែកខាងមុខ និងផ្នែកខាងក្រោយដោយវាមានចង្កៀងមុខប្រភេទ LED ថ្មី ហើយវាមានរូបរាងតូចជាង Explorer បច្ចុប្បន្នបន្ដិច។ ម៉ូដែលមួយនេះបានរចនាប៉ាណាដែលមើលទៅមានទំហំធំ នៅផ្នែកខាងក្រោយបានបំពាក់ជាមួយចង្កៀងប្រភេទ LED នឹងត្រូវបានរំលេចដោយការតុបតែងបន្ថែមជាមួយក្រូមេនៅអក្សរនីមួយៗ។ ផ្នែកខាងក្រោមនៃកាងទទួលបានបន្ទះរអិលកាពារថ្មី និងបំពង់ស៊ីមាំងក្រូមេធំពីរដែលមើលទៅវាកាន់តែមានភាពទាន់សម័យ។ ហើយស្លាកសញ្ញា Explorer បានរចនានៅចំពីមុខលើគំរបម៉ាស៊ីន រីឯនៅខាងក្នុងវិញបានបំពាក់ជាមួយនឹងអេក្រង់ Touch screen ដែលមានទំហំ ២៧ អ៊ីញ កំរិត 4K  ដែលគ្របដណ្តប់ពេញផ្ទៃតាប្លូ។ ការផ្លាស់ប្តូរផ្សេងទៀតរួមមាន ប៉ូតុងចុចបញ្ជាថ្មីនៅលើកុងសូលកណ្តាលសម្រាប់ការគ្រប់គ្រងកម្រិតសំឡេង និងសីតុណ្ហភាព។ វាមានម៉ាស៊ីន 4-cylinder EcoBoost ចំណុះ ២.៣ លីត្រ turbocharged ដែលផលិតកម្លាំង ២៧២ សេះ និងកម្លាំងបង្វិល ៤២៥ ញូតុនម៉ែត្រ។ ថាមពលត្រូវបានបញ្ជូនទៅកង់ក្រោយតាមរយៈប្រអប់លេខស្វ័យប្រវត្តិ ១០ វគ្គ។ ការផ្លាស់ប្តូរមួយចំនួនក៏អាចត្រូវបានអនុវត្តចំពោះរថយន្ត Ford Explorer របស់សហរដ្ឋអាមេរិក និងសហភាពអឺរ៉ុបនាពេលអនាគតផងដែរ៕ អត្ថបទដោយ៖ សូនីតា
✔

Copy link Success.

×

វីដេអូ

Ford Ranger ស៊េរីឆ្នាំ២០២២ បានបង្ហាញខ្លួនសម្រាប់ពិភពលោកទាំងមូល នេះជាអ្វីដែលអ្នកទទួលបាន

  • Reviews, New Car

ឡានចាស់សេ៊រីថ្មី ឆ្នាំ២០២២ CR-V របស់ Honda ទទួលបានការរិះគន់ច្រើនប៉ុន្តែបែរជានៅតែលក់ដាច់ទៅវិញ

  • Reviews, New Car

ធ្លាប់តែឃើញឡានហោះនៅ ក្នុងរឿងពេលនេះបានឃើញហើយ ឡានហោះពិតៗ

  • News

ព័ត៌មានពេញនិយម

ចំណាយត្រឹមតែ ៧ ម៉ឺនដុល្លារសម្រាប់ម៉ូដែល F-150 Lightning នឹងធ្វើអោយលោកអ្នកចំណេញទ្វេដង

  • News

មិនបាច់ត្រូវចាំ ៤ ឆ្នាំចិនប្រើសំបក Land Cruiser ស៊េរី 300 ថ្មីគ្របពីលើស៊េរី 200 ចាស់ដូចគ្នាគ្មានទាស់

  • News

អ្នករចនាបង្កើតរូបភាពឌីជីថលនៃរថយន្ត FJ Cruiser អគ្គិសនីថ្មីដែល Toyota គ្រោងនឹងផលិតនាពេលឆាប់ៗនេះ

  • News

Lexus បានបង្ហាញរូបភាពអាវុធថ្មីដែលធ្វើអោយអ្នកគាំទ្រអន្ទះសារចង់ដឹងលម្អិតពីវា

  • News

រថយន្តប្រភេទ Off-Road ទាំង ៥ ដែលមានឥទ្ធិពលបំផុតនៅក្នុងឆ្នាំ ២០២២

  • News, New Car

Hyundai Santa Fe ឆ្នាំ ២០២២ កំពុងតែជួបបញ្ហាដែលតម្រូវឱ្យក្រុមហ៊ុនធ្វើការប្រមូលរថយន្តមកវិញ

  • News

ម្ចាស់រថយន្ត Ford Mustang Mach-E អគ្គិសនីរងភាពអយុត្តិធម៌ជាមួយនឹងវិក័យប័ត្រជួសជុលខ្ទង់ម៉ឺនដុល្លារ 

  • News

Toyota ត្រូវបានគេរាយការណ៍ថាកំពុងធ្វើតេស្ត TRD Pro ដើម្បីប្រកួតប្រជែងជាមួយនិង Ford F-150 Raptor

  • News

Tundra Capstone ឆ្នាំ 2022 ប្រណិតហើយមានតម្លៃថោកជាង F-150 PowerBoost

  • News

Toyota bZ4X GR Sport ត្រៀមដាក់បង្ហាញក្នុងការតាំងពិព័រណ៍រថយន្តTokyo ឆ្នាំ ២០២២

  • News

ប្រភេទ

ស្លាក

ទាញយកកម្មវិធីដោយឥតគិតថ្លៃ