ក្រុមហ៊ុនរថយន្ត Mini ប្រកាសពីតម្លៃ និងការអាប់ដេតថ្មីសម្រាប់ស៊េរីឆ្នាំ ២០២៣

ក្រុមហ៊ុនរថយន្ត Mini បានបង្ហាញការកែប្រែប្រចាំឆ្នាំរបស់ខ្លួនសម្រាប់ស៊េរីឆ្នាំ ២០២៣ ដែលរួមបញ្ចូលការផ្លាស់ប្តូរត្រកូលរបស់វាទាំងមូលដោយចាប់ផ្តើមពី Cooper Hardtop និងរហូតដល់ John Cooper Works Countryman All4 ។ សម្រាប់បញ្ជីពេញលេញនៃលក្ខណៈស្តង់ដារ និងលក្ខណៈបច្ចេកទេសសម្រាប់ផលិតផលឆ្នាំ ២០២៣ នីមួយៗនឹងត្រូវបានបោះពុម្ពផ្សាយនៅខែក្រោយ។

ដោយក្រុមហ៊ុនបានបន្ថែមពណ៌ Zesty Yellow ដែលពីមុនគឺមានសម្រាប់តែ Mini Cooper Convertible ប៉ុណ្ណោះប៉ុន្តែឥឡូវនេះវាអាចជ្រើសរើសបានសម្រាប់ទ្វារពីរ Cooper S  និងម៉ូដែល Cooper S ទ្វារបួនផងដែរ។

សម្រាប់ប្រភេទ Hardtop ទទួលបានជម្រើសថ្មីគឺពណ៌ស និងក្រហមហើយវាក៏បានភ្ជាប់ជាមួយជម្រើសពណ៌ខៀវផងដែរ។ រីឯ Cooper SE វិញដែលជាប្រភេទរថយន្តអគ្គិសនីក៏មានការតុបតែងជាមួយនឹងពណ៌ Island Blue ដែរ។

ការរចនាពិសេសនៃ Resolute Edition នឹងមានសម្រាប់ប្រភេទ Hardtop ទ្វារពីរ និងទ្វារបួន រួមទាំង SE ដែលបានរចនាតួខ្លួនដូចទៅនិង  Convertible ។

ក្រុមហ៊ុនក៏កំពុងធ្វើការផ្លាស់ប្តូរបន្តិចបន្តួចចំពោះកញ្ចប់ជំនួយអ្នកបើកបររបស់វា ដោយបន្ថែមជំនួយការចត និង Heads-up Display តែក្រុមហ៊ុនក៏បានដកមុខងារ Cruise Control ចេញពីកញ្ចប់ ហើយបានធ្វើឱ្យវាក្លាយជាជម្រើសផ្ទាល់ខ្លួន ដែលមានន័យថាជម្រើសនៃលក្ខណៈពិសេសឥឡូវនេះមានសម្រាប់ទាំងការបញ្ជូនដោយដៃ ឬបញ្ជូនដោយស្វ័យប្រវត្តិ។

Option នេះអាចត្រូវបានបន្ថែមទៅ Cooper S និង SE នៅក្នុង Signature Plus-guise និងម៉ូដែល JCW ផងដែរ។ ការផ្លាស់ប្តូរដែលបានធ្វើឡើងចំពោះ Countryman និង Clubman គឺមិនមានលក្ខណៈទូលំទូលាយដូចអ្វីដែលបានធ្វើសម្រាប់ Hatch នោះទេ។ ម៉ូដែលទាំងពីរនេះទទួលបានអត្ថប្រយោជន៍ពីជម្រើសដំបូលពីរពណ៌ដូចគ្នា និងការកែសម្រួល Option ដែលជំនួយអ្នកបើកបរ។

សម្រាប់ការតុបតែងពិសេស ការបោះពុម្ព Untold អាចអនុវត្តបានតែចំពោះ Clubman ប៉ុណ្ណោះ រួមទាំង JCW ផងដែរ ខណៈពេលដែលការតុបតែង Untamed នឹងមានលក្ខណៈពិសេសលើការផ្តល់ជូន Countryman ទាំងអស់។ ម៉ូដែលទាំងអស់រក្សាតម្លៃឆ្នាំ ២០២២ របស់ពួកគេ លើកលែងតែការផ្តល់ជូន Cooper ដែលមានការកើនឡើងដល់ទៅ ៥០០ ដុល្លារ។

ការផ្តល់ជូនសម្រាប់ម៉ូដែលទាំងនេះនឹងចាប់ផ្តើមនៅក្នុងខែមីនា។ ការបញ្ជូនដោយដៃនៅតែមានសម្រាប់រថយន្តភាគច្រើន លើកលែងតែ JCW Convertible, Cooper S និង JCW Clubman និងម៉ូដែល Countryman ប៉ុណ្ណោះ។

ជាមួយតម្លៃចាប់ពី ២៣,៤០០ ដុល្លារសម្រាប់ប្រភេទ Hardtop ហើយសម្រាប់ប្រភេទ Convertible មានតម្លៃ ២៨,៤០០ ដុល្លារ រីឯប្រភេទ Clubman មានតម្លៃ ២៩,៩០០ ដុល្លារ ជាចុងក្រោយគឺប្រភេទ Countryman មានតម្លៃ ២៩,៦០០ ដុល្លារចំពោះម៉ូដែលថ្មីរបស់ Mini គឺ JCW Countryman All4 មានតម្លៃ ៤១,៥០០ ដុល្លារ៕  

អត្ថបទដោយ៖ ស្រីនុត