ជំនាន់ចុងក្រោយរបស់ Lamborghini Aventdor នៃម៉ាស៊ីនV-12 នោះគឺ Aventador Ultimae

News
មើល: 13511

បន្ទាប់ពីផលិតបាន 10ឆ្នាំនៃត្រកូល Lamborghini Aventador ទីបំផុតវាត្រូវបញ្ចប់ហើយ​ជាមួយនឹងជំនាន់ចុងក្រោយបង្អស់គឺ Aventador Ultimae ដែលបំពាក់ដោយម៉ាស៊ីន V12 ។

នៅក្នុងខែកក្តដានេះ ក្រុមហ៊ុន Lamborghini បានដាក់បង្ហាញនូវរថយន្ត Aventador Ultimae ជាស្រឡាយចុងក្រោយនៃក្រុម Aventador ដែលមានរយៈពេលមួយទសវត្ស។

វាត្រូវបានបំពាក់ដោយម៉ាស៊ីន V12 ចំណុះ 6.5L ហើយមានសមត្ថភាពអាចបង្កើតកម្លាំងបាន 770Hp  និងកម្លាំងរមួលកង់ 720Nm ។ មិនតែប៉ុណ្ណោះក្រុមហ៊ុនបាននិយាយថា វាអាចស្ទុះពីល្បឿន 0-96Km/h ដោយចំណាយពេលត្រឹមតែ 2.8វិនាទីប៉ុណ្ណោះ ហើយនិងល្បឿនកំពូលរបស់វាគឺ 365Km/h ។

ចំណែកឯពណ៌នៃរថយន្ត យើងបានប្រាប់នៅក្នុងអត្ថបទមួយដែលនិយាយអំពីជម្រើសពណ៌ជាង 300 ដែលអតិថិជនអាចកំណត់នៅក្នុងកម្មវិធី Ad Personam របស់ក្រុមហ៊ុន តែចំពោះ Aventador Ultimae នេះវិញគឺផ្តល់អោយនូវពណ៌ស្តង់ដារតែ 18​ ពណ៌ប៉ុណ្ណោះ ហើយចំនួនការផលិតក៏មានកំណត់ដែរ គឺផលិតត្រឹមតែ 600គ្រឿងនោះទេ និងបែងចែកជា2 គឺ 350គ្រឿង ប្រភេទរថយន្ត Coupe និង 250គ្រឿងជាប្រភេទ Roadster ។

ក្នុងនោះផងដែរ Ultimae Roadster បានភ្ជាប់មកនូវដំបូលដែលគ្របដណ្តប់ដោយ Carbon Fiber សុទ្ធសម្រាប់ជួយកាត់បន្ថយនូវទំងន់នៃរថយន្ត។

យុទ្ធសាស្រ្តអគ្គីសនីរបស់ឡាន Lamborghini តើអ្នកទាំងអស់គ្នាជឿដែរឬទេថា Aventador Ultimae ដែលមានម៉ាស៊ីន V12 នេះបានដើរតួយ៉ាងសំខាន់ក្នុងការនាំក្រុមហ៊ុន Lamborghini ឆ្ពោះទៅរកអនាគតនៃរថយន្តអគ្គីសនីក្នុងដំណាក់កាលដំបូងគឺប្រភេទ Hybrid ហើយក្រុមហ៊ុនបានហៅថា “Celebrating the Combustion Engine” បន្ថែមពីនោះ ប្រហែលជាវាអាចបញ្ចូលជាអគ្គីសនីពេញលេញនៅក្នុងឆ្នាំ2023 ។​

កាន់តែទំនើបនិងពិសេស នោះតម្លៃប្រាកដជាមិនថោកនោះទេ ដោយតម្លៃរបស់វាគឺ 498,258$ និង 546,847$ ជាតម្លៃចេញពីរោងចក្រ ៕

ចែករំលែក:

Relate Post

ក្រុមហ៊ុន Lamborghini គ្រោងនឹងចេញលក់ម៉ូដែល Huracan Tecnica នៅចុងឆ្នាំនេះ

  • News

ម៉ាកយីហោ Lamborghini ត្រូវបានបង្កើតឡើងក្នុងឆ្នាំ ១៩៦៣ ដោយលោក Ferruccio Lamborghini ដែលជាសហគ្រិនឧស្សាហកម្មអ៊ីតាលី។ ក្រុមហ៊ុនផលិតរថយន្តមួយនេះកំពុងតែផ្តល់ជូននូវរថយន្តស្ព័រដែលមានសមត្ថភាពខ្ពស់លើពិភពលោកហើយថ្មីៗនេះក្រុមហ៊ុនក៏បានបញ្ចេញម៉ូដេល Huracan Tecnica គឺជាសមាជិកដែលបានបន្ថែមថ្មីក្នុងត្រកូលដែលស្ថិតនៅចន្លោះ Evo និង STO ជារថយន្តទំនើបដ៏អស្ចារ្យ។ រថយន្តនេះត្រូវបានបង្កើតឡើងដើម្បីបើកបរនៅលើផ្លូវប្រណាំង និងផ្លូវហាយវេរផងដែលម៉ូដែលនេះមាននៅលើទីផ្សារអស់រយៈពេល ៨ ឆ្នាំមកហើយ ឥទ្ធិពលនៃការរចនាបថរបស់ម៉ូដែលនេះបានបំពាក់កាងខាងមុខថ្មីដែលមានរុនខ្យល់ដែលរាងអក្សរ Y ដ៏ធំដែលលាតសន្ធឹងពីក្រោមចង្កៀងមុខ ខណៈពេលដែលកាងខាងក្រោមកាន់តែជ្រៅ នឹងកាន់តែស៊ីវីល័យជាងមុនដែលប្លែកពីគេយ៉ាងខ្លាំង។ រថយន្តនេះមានប្រវែងវែងជាង Huracán Evo ដល់ទៅ ៦ សង់ទីម៉ែត្រ និងមានផ្នែកខាងក្រោយជ្រុងជាង Huracán STO ។ ម៉ូដែលនេះមានទម្ងន់ប្រហែល ១,៣៧៨ គីឡូក្រាម នៅខាងក្នុងនៃម៉ូដែលមួយនេះមានកៅអីដែលអាចលៃតម្រូវកម្ពស់បានយ៉ាងងាយស្រួល។ ប្រើប្រាស់ជាមួយអេក្រង់ Touch screen ដែលមានក្រាហ្វិចសាមញ្ញបន្ដិចវាប្រើប្រាស់ជាមួយប្រព័ន្ធ Apple CarPlay, Amazon Alexa, និង Android Auto ដែលអាចប្រើបានទាំងអស់ហើយ supercar មួយនេះមានប្រព័ន្ធ telemetry ដែលភ្ជាប់ជាមួយកម្មវិធីស្មាតហ្វូនបាន។ យោងតាមក្រុមហ៊ុន Lamborghini រថយន្ត Tecnica នឹងមានជម្រើសពណ៌ជាច្រើនដែលអាចរើសតាមរយៈកម្មវិធី Ad Personam និងផ្តល់ជូននូវបណ្តុំនៃជម្រើសខាងក្នុងថ្មី។ ហើយម៉ូដែលមួយនេះមានម៉ាស៊ីន V10 ចំណុះ ៥.២ លីត្ររបស់ Lamborghini ដែលផ្តល់ថាមពលដ៏អស្ចារ្យដល់រថយន្តមួយនេះដែលធ្វើអោយមានស្ថិតិល្អជាង EVO RWD ប្រហែល ៣០ សេះ។ ដោយវាផលិតកម្លាំងបាន ៦៣១ សេះ និងកម្លាំងបង្វិល ៥៦៥ ញូតុនម៉ែត្រ នឹងប្រើប្រាស់ជាមួយម៉ាស៊ីន Lamborghini Doppia Frizione (LDF) ដែលបញ្ជូនចលនាទៅកង់ខាងក្រោយដោយប្រអប់លេខប្រាំពីរវគ្គស្វ័យប្រវត្តិ។ រថយន្ដនេះជាន់ស្ទុះពី ០ ទៅ ៩៩ គីឡូម៉ែត្រ ក្នុងមួយម៉ោងជាមួយរយះពេល ៣.២ វិនាទី និងបង្កើនល្បឿនពី ០ ទៅ ១៩៩ គីឡូម៉ែត្រ ក្នុងមួយម៉ោងដោយប្រើរយៈពេល ៩.១ វិនាទី។ ជាលទ្ធផលនៃការរចនា និងថាមពលដែលធ្លាក់ចុះនោះ Tecnica អាចជារថយន្ត Lamborghini ចុងក្រោយបង្អស់ដែលបានទទួលម៉ាស៊ីន V-10 ។ រីឯតម្លៃវិញនៅមិនទាន់ត្រូវបានចេញផ្សាយនៅឡើយទេប៉ុន្តែគេអាចរំពឹងថា Tecnica គួរតែមានតម្លៃប្រហែល ២១៤,៣៦៦ ដុល្លារ៕ អត្ថបទដោយ៖ សូនីតា

Ford ពន្យល់ពីមូលហេតុដែលមិនឱ្យ Shelby GT500 បំលែងទៅជាបើកដំបូលបាន

  • News

រថយន្ត Mustang Shelby GT500 ដែលពេញនិយមខ្លាំងបំផុតនៅក្នុងស្រទាប់យុវវ័យ ដោយវាបានបង្ហាញរូបរាងដ៏ទាក់ទាញក្នុងទម្រង់ជារថយន្តប្រភេទ Coupe ។ ហើយជាមួយនឹងភាពពេញនិយមទាំងនេះអ្នកគាំទ្រតែងតែមានចំងល់ទៅក្រុមហ៊ុន Ford ថាហេតុបានជា Shelby GT500 របស់ពួកគេមិនអាចបើកដំបូលបាន?  ការបំបែកប្រវត្តិសាស្រ្តរបស់ Mustang នេះត្រូវបានចាក់ឫសនៅក្នុងមតិស្របច្បាប់មួយចំនួនដោយក្រុម Ford ដែលនាំឱ្យមានរថយន្ត Coupe តែមួយគត់សម្រាប់ S550 GT500 ។ សម្រាប់ការចាប់ផ្តើម ប្រអប់លេខដៃតាមបែបប្រពៃណីដែលមាននៅលើរថយន្ត Mustang GT500s តាំងពីដើមមក ឥឡូវនេះបានបាត់បង់ទៅហើយ។ ដោយជំនួសមកវិញនូវប្រអប់លេខស្វ័យប្រវត្តិ ៨ វគ្គ Tremec dual-clutch automatic ដែលអាចផ្លាស់ប្តូរបានលឿនជាងអ្នកព្រិចភ្នែកទៅទៀត។ ដើម្បីធ្វើឱ្យប្រាកដថា S550 មិនមែនជាសេះតែមួយដែលអាចរត់បានលឿនក្នុងផ្លូវត្រង់នោះទេ ក្រុមហ៊ុន Ford បានផ្តល់អាទិភាពលើរឿងដូចជា តួររថយន្តដ៏រឹងមាំ និងហ្វ្រាំងដែលអាចគ្រប់គ្រងកម្លាំង ៧៦០ សេះរបស់ម៉ាស៊ីន Predator V8 ចំណុះ ៥.២ លីត្រ។ ជាអកុសល មិនដូចរថយន្តទំនើបអ៊ីតាលីភាគច្រើននោះទេ ក្រុមហ៊ុន Ford នឹងមិនបង្កើតកំណែប្រែនៃ GT500 ដែលអាចអោយអ្នកបើកដំបូលគយគន់ទេសភាពបាននោះទេ។ នៅក្នុងបទសម្ភាសន៍ជាមួយអាជ្ញាធរ Ford លោក Dave Pericack នាយកគ្រប់គ្រងបន្ទាត់ផលិតផលសហគ្រាសក្រុមហ៊ុន Ford Icons បានពន្យល់ថាជម្រើសក្នុងការរក្សារថយន្ត S550 GT500 coupe បានធ្លាក់ចុះមកត្រឹមភាពរឹងមាំរបស់រាងកាយប៉ុណ្ណោះ។ ដើម្បីបង្កើតការបំប្លែងដែលមានភាពរឹងរបស់រាងកាយគ្រប់គ្រាន់ដើម្បីគាំទ្រដល់ការបើកបររបស់ GT500 ក្រុមហ៊ុន Ford នឹងត្រូវអនុវត្តវិស្វកម្មដ៏ធ្ងន់ធ្ងរ និងសម្ភារៈកម្រ ដើម្បីធ្វើឱ្យការរចនាមានសមត្ថភាព និងប្រើប្រាស់បានយូរ។ ខណៈដែររថយន្តជំនាន់ចុងក្រោយ S197 GT500 បានមកជាមួយប្រភេទ Convertible បើកដំបូលបាន តែវាបានធ្វើឱ្យមានការធ្លាក់ចុះនៃកម្លាំង ៧៦០ សេះមកត្រឹម ៦៦០ សេះ បើប្រៀបធៀបទៅនឹងរថយន្តជំនាន់ S550 ដោយវាបានបង្កើនកម្លាំងត្រឹមតែ ៦៦២ សេះប៉ុណ្ណោះ។ វាហាក់ដូចជាថាកម្លាំង ៧៦០ សេះរបស់ Predator V8 នៅក្នុង S550 គឺច្រើនពេកសម្រាប់ការបើកបរ៕ អត្ថបទដោយ៖ សាល សក្កណា

បាត់មុខមួយរយៈ Camaro Shock និង Steel Edition បានបើកការបញ្ជាទិញជាថ្មីជាមួយនឹងការកែប្រែមួយចំនួន

  • News

ក្រុមហ៊ុន Chevrolet បានរងនូវផលប៉ះពាល់យ៉ាងខ្លាំងកាលពីឆ្នាំមុន វាមិនត្រឹមតែទទួលរងពីការបញ្ឈប់នៃការផលិតប៉ុណ្ណោះទេ ប៉ុន្តែកញ្ចប់ជម្រើសជាច្រើនរបស់វាត្រូវដកចេញដោយសារតែកង្វះខាតបន្ទះឈីប semiconductor ។ ប្រសិនបើអ្នកខកខានក្នុងការទិញ Chevy Camaro Shock និង Steel Special Edition កាលពីមុន ពេលនេះអ្នកមានសំណាងហើយ ព្រោះថាក្រុមហ៊ុន Chevrolet បានបើកការបញ្ជាទិញម្តងទៀតនៅក្នុងឆ្នាំ ២០២២ នេះ។ ហើយអ្នករៀបចំការបញ្ជារទិញរបស់ក្រុមហ៊ុន GM ក៏បានរាយការណ៍ត្រឡប់មកវិញថានិងមានការបញ្ចុះតម្លៃសម្រាប់ Trim នីមួយៗផងដែរ។ Shock និង Steel មាន Coupe និង Convertible ប៉ុន្តែវាមានតែក្នុងកម្រិត 2LT, 3LT និង 2SS trim ប៉ុណ្ណោះ។ កញ្ចប់ Shock and Steel Edition រួមមានលក្ខណៈពិសេសដូចជា កង់អាលុយមីញ៉ូមទំហំ ២០ អ៊ីង ហ្វ្រាំងដំណើរការពីស្តុងខាងមុខ Brembo បួនគ្រាប់ជាមួយនិងមានឌីសហ្រ្វាំងពណ៌លឿង ប្រដាប់បញ្ចូលសរសៃកាបូន ផ្សេងៗ និង stanchion spoiler ខាងក្រោយ  (សម្រាប់តែ 2LT និង 3LT ប៉ុណ្ណោះ)។ កញ្ចក់ខាងក្រៅលាបពណ៌ Carbon Flash និងឆ្នូតនៅចំកណ្តាលរថយន្ត រួមទាំងគម្របចាក់ប្រេងពណ៌ខ្មៅជាមួយនឹងការបញ្ចូលដោយសរសៃកាបូន។ ក្រុមហ៊ុន Chevrolet ផ្តល់ជូនកញ្ចប់បួនពណ៌រួមមាន ខៀវ (Rapid Blue), ខ្មៅ (Black), ដែក (Satin Steel Metalli)c និង ស (Summit White)។ រីឯផ្នែកខាងក្នុងគឺមានពណ៌តែមួយគត់គឺ ពណ៌ខ្មៅ (Jet Black)។  Chevrolet Camaro ឆ្នាំ ២០២២ គឺជាឆ្នាំម៉ូដែលទី ៧ នៃជំនាន់ទី ៦ ហើយបានភ្ជាប់មកជាមួយការកែប្រែមួយចំនួនដែលមានការកែប្រែការរចនាជាច្រើនពីឆ្នាំម៉ូដែល ២០២១។ ជម្រើសនៃម៉ាស៊ីនរួមមានម៉ាស៊ីន ២.០ លីត្រ i-4 LTG, ៣.៦ លីត្រ V-6 LGX, ៦.២ លីត្រ V-8 LT1, និង supercharged ៦.២ លីត្រ V-8 LT4 ។ នៅក្នុងការចាប់កំណើតពីមុនរបស់ Shock និង Steel អាចប្រើបានជាមួយនឹងពណ៌ Shock paint ប៉ុន្តែដោយសារ electric yellow ត្រូវបានបញ្ឈប់ នោះ Rapid Blue ថ្មីបានត្រូវបានជំនួសមកវិញ។ ទោះជាយ៉ាងណាក៏ដោយ ដូចនៅលើ Shock ដែរ ឆ្នូតចំហៀងដែលជាធម្មតាមានពណ៌លឿង ជំនួសមកវិញនូវពណ៌ប្រាក់ដែលអ្នកអាចផ្គូរផ្គងពួកវាជាមួយនឹងពណ៌ខាងក្នុងណាមួយដែលអ្នកចង់បាន៕ អត្ថបទដោយ៖ ស្រីនុត

រថយន្ត BMW 8 Series ឆ្នាំ ២០២៣ បានបង្ហាញខ្លួនជាមួយនឹងការរចនា ៣ ជម្រើសផ្សេងៗគ្នា

  • News

BMW បានបង្ហាញរថយន្តស៊េរី 8-Series និង M8 របស់ខ្លួនដោយ ម៉ូដែលឆ្នាំ ២០២៣ ទទួលបានអត្ថប្រយោជន៍នឹងភាពល្អប្រសើឡើងវិញ ដែលរួមបញ្ចូលនូវកញ្ចក់ "Iconic Glow"។ BMW បានធ្វើឱ្យរថយន្តស៊េរី ៨ ឆ្នាំ ២០១៨ មានភាពរស់រវើកឡើងវិញ ហើយឥឡូវនេះវាដល់ពេលហើយសម្រាប់ការធ្វើឱ្យទាន់សម័យឡើងវិញសូមណែនាំរថយន្ត BMW 8 Series Coupe, Convertible និង Gran Coupe ស៊េរីឆ្នាំ ២០២៣ ដែលបានបង្ហាញរួមគ្នាជាលើកដំបូងនៅថ្ងៃនេះ។ ដោយចាប់ផ្តើមពីផ្នែកខាងក្រៅ អ្នករចនាបានផ្តល់ឱ្យស៊េរី 8 នូវប៉ាណាថ្មីជាមួយនឹងរបារបញ្ឈររាងអក្សរ U ដែលត្រូវបានរចនាឡើងវិញ។ពណ៌ខាងក្រៅថ្មីចំនួន៥ ដូចជា ៖ Skyscraper Grey metallic, San Remo Green metallic, Portimao Blue metallic, BMW Individual Frozen Tanzanite Blue metallic និង Frozen Pure Grey ជាមួយនឹងការរចនាយ៉ាន់កង់ទំហំ ២០ អ៊ីញផងដែរ។ សម្រាប់ឆ្នាំ ២០២៣ មានជម្រើសថ្មីមួយទៀតរបស់ម៉ូដែល M Sport Package Professional ដែលបំពាក់លើផ្នែកខាងក្រោយរបស់ Shadowline ជាមួយនឹងគម្របប៉ាណាពណ៌ខ្មៅ ឌីសហ្វ្រាំងពណ៌ខ្មៅ និង spoilerខាងក្រោយមានពណ៌ខ្មៅផងដែរ ។ ដើម្បីរំលឹកខួបលើកទី ៥០ របស់ផ្នែកនៃអក្សរ M របស់ BMW  ដោយអក្សរ M ត្រូវបានបំពាក់ជាមួយនឹងស្លាកសញ្ញា BMW Motorsport នៅលើ Hood  តួរបស់រថយន្ត និងគម្របកង់។ នេះជាការគោរពចំពោះនិមិត្តសញ្ញា M ដែលបានប្រើលើកដំបូងក្នុងឆ្នាំ ១៩៧៣។ ចំពោះផ្នែកខាងក្នុងរបស់ម៉ូដែល 8 Series នេះវិញបានបំពាក់ជាមួយនឹង អេក្រង់កំម្សាន្តទំហំ១២.៣ អ៊ីង។ រីឯការផលិតសម្រាប់ទីផ្សារសហរដ្ឋអាមេរិកក្នុងឆ្នាំ ២០២៣ ខាងមុខនេះ 8 Series នឹងចាប់ផ្តើមដំណើរការនៅក្នុងខែមីនា។ ដែលប្រើប្រាស់ម៉ាស៊ីន Twin-turbo 4.4-liter V8 ដែរមានកម្លាំង ៦១៧ សេះនិងកម្លាំងបង្វិល ៧៤៩ ញូតុនម៉េត្រវាត្រូវបានភ្ជាប់ទៅប្រអប់លេខ ៨ អូតូ និងប្រព័ន្ធ all-wheel drive M xDrive ដែលអាចឱ្យវា បង្កើនល្បឿនសន្ទុះពី ០ ទៅ ៩៦ គីឡូម៉ែត្រក្នុងមួយម៉ោង  ប្រើរយៈពេលត្រឹមតែ ៣.០ វិនាទី។ សម្រាតម្លៃដែលចេញពីរោចក្រចំពោះម៉ូដែល Coupe និង Gran Coupe ចុងក្រោយបំផុតទាំងពីរនឹងចាប់ផ្តើមពី ៨៥,០០០ដុល្លារឡើងទៅ  ខណៈដែល Convertible នឹងចាប់ផ្តើមនៅ ៩៤,៤០០ ដុល្លារ៕ 

Lamborghini ប្រកាសថាឆ្នាំនេះនឹងក្លាយជាឆ្នាំចុងក្រោយនៃវត្តមានឡានប្រើសាំងរបស់ខ្លួន

  • News

ក្រុមហ៊ុនផលិតឡានស្ព័រដ៏ល្បីសម្រាប់ពិភពលោក Lamborghini និងក្លាយទៅជាយីហោមួយក្នុងចំណោមម៉ាកយីហោរផ្សេងៗជុំវិញពិភពលោកដែលប្រកាសពីគោលចំហរឈប់ផលិតឡានប្រើសាំង ហើយងាកមកផលិតឡានប្រើថាមពលអគ្គិសនីវិញ។ ប៉ុន្តែអ្វីដែលគួរឱ្យចាប់អារម្មណ៍សម្រាប់ក្រុមហ៊ុនឡានស្ព័រចិត្តក្តៅមួយនេះបានប្រកាសថានឹងបញ្ចប់ជីវិតឡានសាំងនៅចុងឆ្នាំ ២០២២ នេះ។ យោងតាមរបាយការណ៍របស់ Automotive News Europe នាយកប្រតិបត្តិ Lamborghini លោក Stephan Winkelmann ត្រូវបានគេដកស្រង់សម្តីដោយនិយាយថានៅឆ្នាំនេះនឹងក្លាយជាពេលវេលាចុងក្រោយដែលក្រុមហ៊ុននឹងផ្តល់ជូនម៉ាស៊ីនចំហេះខាងក្នុង។ ការចាប់យកបច្ចេកវិទ្យាអគ្គិសនីទៅលើរថយន្ត ក្រុមហ៊ុន Lamborghini បានបណ្តាក់ទុនយ៉ាងច្រើនសម្រាប់ការផ្លាស់ប្តូរនេះដោយបានបែងចែក ១.៥ ពាន់លានអឺរ៉ូ ឬ ១.៧ពាន់លានដុល្លារ សម្រាប់ការផ្លាស់ប្តូរទៅជា plug-in hybrid ។ រថយន្ត Lamborghini plug-in hybrid ស៊េរីទីមួយនឹងមកដល់ដើមឆ្នាំ ២០២៣ ខណៈពេលដែល Lamborghini ថាមពលថ្មសុទ្ធនឹងឃើញពន្លឺថ្ងៃនៅឆ្នាំ ២០២២។ ដូច្នេះអនាគតគឺពិតជាអគ្គិសនីសម្រាប់ក្រុមហ៊ុនផលិតរថយន្តអ៊ីតាលី ដោយមានការគាំទ្រយ៉ាងខ្លាំងពី VW Group ។ Winkelmann ក៏បានបន្តថា ពួកគេនៅតែធ្វើការលើការរចនាចុងក្រោយនៃ Lamborghini EV។ ម៉ូដែលទ្វារបួន "សាកសមសម្រាប់ការប្រើប្រាស់ប្រចាំថ្ងៃ" ក៏ស្ថិតក្នុងការពិចារណាផងដែរ។ ការចាប់ផ្តើមនៅចុងឆ្នាំ ២០២២ ក៏ដោយសារតែកំណត់ត្រាលក់របស់ Lamborghini ដែលមានរថយន្តចំនួន ៨,៤០៥ គ្រឿងត្រូវបានចែកចាយក្នុងឆ្នាំ ២០២១។ ស្ទើរតែ ៦០% នៃចំនួននោះជារបស់ការលក់រថយន្ត Urus SUV ដែលផ្លាស់ប្តូរចំនួន ៥,០១២ គ្រឿងនៅទូទាំងពិភពលោក។ ការជំនួស Aventador អាចជាម៉ូដែលមួយក្នុងចំណោមម៉ូដែលទាំង 4 ដែលធ្វើតាម Aventador Ultimae ដែលបំពាក់ម៉ាស៊ីន V12 សុទ្ធចុងក្រោយដែលក្រុមហ៊ុននឹងផ្តល់ជូន៕
✔

Copy link Success.

×

វីដេអូ

Ford Ranger ស៊េរីឆ្នាំ២០២២ បានបង្ហាញខ្លួនសម្រាប់ពិភពលោកទាំងមូល នេះជាអ្វីដែលអ្នកទទួលបាន

  • Reviews, New Car

ឡានចាស់សេ៊រីថ្មី ឆ្នាំ២០២២ CR-V របស់ Honda ទទួលបានការរិះគន់ច្រើនប៉ុន្តែបែរជានៅតែលក់ដាច់ទៅវិញ

  • Reviews, New Car

ធ្លាប់តែឃើញឡានហោះនៅ ក្នុងរឿងពេលនេះបានឃើញហើយ ឡានហោះពិតៗ

  • News

ព័ត៌មានពេញនិយម

ចំណាយត្រឹមតែ ៧ ម៉ឺនដុល្លារសម្រាប់ម៉ូដែល F-150 Lightning នឹងធ្វើអោយលោកអ្នកចំណេញទ្វេដង

  • News

មិនបាច់ត្រូវចាំ ៤ ឆ្នាំចិនប្រើសំបក Land Cruiser ស៊េរី 300 ថ្មីគ្របពីលើស៊េរី 200 ចាស់ដូចគ្នាគ្មានទាស់

  • News

អ្នករចនាបង្កើតរូបភាពឌីជីថលនៃរថយន្ត FJ Cruiser អគ្គិសនីថ្មីដែល Toyota គ្រោងនឹងផលិតនាពេលឆាប់ៗនេះ

  • News

Lexus បានបង្ហាញរូបភាពអាវុធថ្មីដែលធ្វើអោយអ្នកគាំទ្រអន្ទះសារចង់ដឹងលម្អិតពីវា

  • News

រថយន្តប្រភេទ Off-Road ទាំង ៥ ដែលមានឥទ្ធិពលបំផុតនៅក្នុងឆ្នាំ ២០២២

  • News, New Car

Hyundai Santa Fe ឆ្នាំ ២០២២ កំពុងតែជួបបញ្ហាដែលតម្រូវឱ្យក្រុមហ៊ុនធ្វើការប្រមូលរថយន្តមកវិញ

  • News

ម្ចាស់រថយន្ត Ford Mustang Mach-E អគ្គិសនីរងភាពអយុត្តិធម៌ជាមួយនឹងវិក័យប័ត្រជួសជុលខ្ទង់ម៉ឺនដុល្លារ 

  • News

Toyota ត្រូវបានគេរាយការណ៍ថាកំពុងធ្វើតេស្ត TRD Pro ដើម្បីប្រកួតប្រជែងជាមួយនិង Ford F-150 Raptor

  • News

Tundra Capstone ឆ្នាំ 2022 ប្រណិតហើយមានតម្លៃថោកជាង F-150 PowerBoost

  • News

Toyota bZ4X GR Sport ត្រៀមដាក់បង្ហាញក្នុងការតាំងពិព័រណ៍រថយន្តTokyo ឆ្នាំ ២០២២

  • News

ប្រភេទ

ស្លាក

ទាញយកកម្មវិធីដោយឥតគិតថ្លៃ