បាត់មុខមួយរយៈ Camaro Shock និង Steel Edition បានបើកការបញ្ជាទិញជាថ្មីជាមួយនឹងការកែប្រែមួយចំនួន

News
មើល: 625

ក្រុមហ៊ុន Chevrolet បានរងនូវផលប៉ះពាល់យ៉ាងខ្លាំងកាលពីឆ្នាំមុន វាមិនត្រឹមតែទទួលរងពីការបញ្ឈប់នៃការផលិតប៉ុណ្ណោះទេ ប៉ុន្តែកញ្ចប់ជម្រើសជាច្រើនរបស់វាត្រូវដកចេញដោយសារតែកង្វះខាតបន្ទះឈីប semiconductor ។

ប្រសិនបើអ្នកខកខានក្នុងការទិញ Chevy Camaro Shock និង Steel Special Edition កាលពីមុន ពេលនេះអ្នកមានសំណាងហើយ ព្រោះថាក្រុមហ៊ុន Chevrolet បានបើកការបញ្ជាទិញម្តងទៀតនៅក្នុងឆ្នាំ ២០២២ នេះ។ ហើយអ្នករៀបចំការបញ្ជារទិញរបស់ក្រុមហ៊ុន GM ក៏បានរាយការណ៍ត្រឡប់មកវិញថានិងមានការបញ្ចុះតម្លៃសម្រាប់ Trim នីមួយៗផងដែរ។ Shock និង Steel មាន Coupe និង Convertible ប៉ុន្តែវាមានតែក្នុងកម្រិត 2LT, 3LT និង 2SS trim ប៉ុណ្ណោះ។

កញ្ចប់ Shock and Steel Edition រួមមានលក្ខណៈពិសេសដូចជា កង់អាលុយមីញ៉ូមទំហំ ២០ អ៊ីង ហ្វ្រាំងដំណើរការពីស្តុងខាងមុខ Brembo បួនគ្រាប់ជាមួយនិងមានឌីសហ្រ្វាំងពណ៌លឿង ប្រដាប់បញ្ចូលសរសៃកាបូន ផ្សេងៗ និង stanchion spoiler ខាងក្រោយ  (សម្រាប់តែ 2LT និង 3LT ប៉ុណ្ណោះ)។ កញ្ចក់ខាងក្រៅលាបពណ៌ Carbon Flash និងឆ្នូតនៅចំកណ្តាលរថយន្ត រួមទាំងគម្របចាក់ប្រេងពណ៌ខ្មៅជាមួយនឹងការបញ្ចូលដោយសរសៃកាបូន។

ក្រុមហ៊ុន Chevrolet ផ្តល់ជូនកញ្ចប់បួនពណ៌រួមមាន ខៀវ (Rapid Blue), ខ្មៅ (Black), ដែក (Satin Steel Metalli)c និង ស (Summit White)។ រីឯផ្នែកខាងក្នុងគឺមានពណ៌តែមួយគត់គឺ ពណ៌ខ្មៅ (Jet Black)។ 

Chevrolet Camaro ឆ្នាំ ២០២២ គឺជាឆ្នាំម៉ូដែលទី ៧ នៃជំនាន់ទី ៦ ហើយបានភ្ជាប់មកជាមួយការកែប្រែមួយចំនួនដែលមានការកែប្រែការរចនាជាច្រើនពីឆ្នាំម៉ូដែល ២០២១។ ជម្រើសនៃម៉ាស៊ីនរួមមានម៉ាស៊ីន ២.០ លីត្រ i-4 LTG, ៣.៦ លីត្រ V-6 LGX, ៦.២ លីត្រ V-8 LT1, និង supercharged ៦.២ លីត្រ V-8 LT4 ។

នៅក្នុងការចាប់កំណើតពីមុនរបស់ Shock និង Steel អាចប្រើបានជាមួយនឹងពណ៌ Shock paint ប៉ុន្តែដោយសារ electric yellow ត្រូវបានបញ្ឈប់ នោះ Rapid Blue ថ្មីបានត្រូវបានជំនួសមកវិញ។ ទោះជាយ៉ាងណាក៏ដោយ ដូចនៅលើ Shock ដែរ ឆ្នូតចំហៀងដែលជាធម្មតាមានពណ៌លឿង ជំនួសមកវិញនូវពណ៌ប្រាក់ដែលអ្នកអាចផ្គូរផ្គងពួកវាជាមួយនឹងពណ៌ខាងក្នុងណាមួយដែលអ្នកចង់បាន៕

អត្ថបទដោយ៖ ស្រីនុត

ចែករំលែក:
ស្លាក:

Relate Post

Chevrolet Silverado ម៉ូដែលអគ្គិសនីតម្លៃចេញពីឃ្លាំង ៥ ម៉ឺនដុល្លារសមត្ថភាពបើកបរចម្ងាយ ៧០០ គីឡូម៉ែត្រ

  • News

ក្រុមហ៊ុន Chevrolet បានដាក់បង្ហាញរថយន្តម៉ូដែល Silverado EV ស៊េរីឆ្នាំ ២០២៤ ហើយក្រុមហ៊ុនកំពុងផ្តល់ឱ្យយើងនូវរូបរាងថ្មីមួយទៀតអំពីរថយន្ត Pickup អគ្គិសនីនេះ ដែលមានការរចនាប្លែកពីម៉ូដែលមុនៗ។ ក្រុមហ៊ុនបានបង្ហាញកំណែពីរជម្រើសដែលមានការរចនាខុសគ្នានៃផ្នែកខាងក្នុងនឹងខាងក្រៅតិចតួច។ ម៉ូដែល Silverado EV នឹងមកដល់នៅក្នុងឆ្នាំ ២០២៣ ហើយវានឹងមានប្រព័ន្ធ dual-motor all-wheel drive ដែលបង្កើតកម្លាំងសរុបបាន ៥១០ សេះ និងកម្លាំងបង្វិល ៨៣៤ ញូតុនម៉ែត្រ។ ម៉ូដែលនេះត្រូវបានគេគ្រោងថានឹងមានចម្ងាយលើសពី ៦៤៤ គីឡូម៉ែត្រ ក៏ដូចជាសមត្ថភាពអូសទាញ ៣,៦២៩ គីឡូក្រាម។ ហើយជម្រើស Silverado EV RST First Edition បានបំពាក់នូវប្រព័ន្ធបើកបរកង់ទាំងអស់ដែលមានកម្លាំង ៦៦៤ សេះ និងកម្លាំងបង្វិល ១,០៥៦ ញូតុនម៉ែត្រ។ វាអាចបង្កើតល្បឿនពី ០-៩៦ គីឡូម៉ែត្រក្នុងរយៈពេលតិចជាង ៤.៥ វិនាទី និងមានកញ្ចប់ថ្មដែលផ្ទុកថាមពលបាន ២០០ គីឡូវ៉ាត់ម៉ោង។ ចំណុចដែលលេចធ្លោផ្សេងទៀតរួមមានការកំណែជាមួយប្រព័ន្ធជើងក្រោមដ៏រឹងមាំ និងបន្ថែមជាមួយបូ៉មខ្យល់ដែលអាចលើក ឬបន្ថយរថយន្តរហូតដល់ ៥០ មីលីម៉ែត្រ។ បើក្រឡេកមកមើលផ្នែកខាងក្នុងវិញវាបានបំពាក់ជាមួយអេក្រង់ពត៌មាន touchscreen ទំហំ ១១ អ៊ីងស្តង់ដារ និងមានកុងទ័រល្បឿនឌីជីថលទំហំ ៨ អ៊ីងផងដែល។ ហើយក្រុមហ៊ុន Chevrolet ធ្លាប់បាននិយាយថា អតិថិជននឹងមានការពេញចិត្តជាមួយរថយន្ត Pickup ដែលមានតម្លៃពិសេសផ្ដល់ជូនដល់អតិថិជន។ បច្ចុប្បន្ន Chevrolet ប្រភេទ Pickup នេះមានតម្លៃ ៥០,០០០ ដុល្លារឡើងទៅដែលជាតម្លៃចេញពីរោងចក្រ៕ អត្ថបទដោយ៖ សូនីតា

Chevy Silverado 1500 Duramax ស៊េរីឆ្នាំ ២០២៣ ថាមពលថ្មីញាក់ មានទាំងជម្រើស V8 និង V6

  • News

រថយន្តម៉ូដែល Chevy Silverado កំពុងតែរីករាយនឹងការចាប់ផ្តើមដ៏រឹងមាំតាំងពីយូរណាស់មកហើយរហូតមកដល់ពេលបច្ចុប្បន្នការលក់រថយន្តម៉ូដែលនេះនៅតែមានការពេញនិយមនៅលើទីផ្សារបើទោះបីជាពេលនេះរថយន្តដែលប្រើប្រាស់ថាមពលអគ្គីសនីកំពុងតែវៃលុកចូលទីផ្សារច្រើនក៏ដោយ។ រថយន្តម៉ូដែល Chevy Silverado 1500 Duramax ស៊េរីឆ្នាំ ២០២៣ ដែលប្រើប្រាស់ម៉ាស៊ីនម៉ាស៊ូតនឹងទទួលបានថាមពល LZ0 ថ្មីត្រូវបានគេចាត់ទុកថាជាម៉ាស៊ីនថ្មីដែលគ្រោងសម្រាប់ប្រើប្រាស់ជាមួយម៉ូដែលមួយនេះ។ វាមានលក្ខណៈស្រដៀងគ្នាទៅនឹងម៉ាស៊ីន LM2 turbodiesel ដែលកំពុងប្រើប្រាស់ជាមួយ Silverado 1500 បច្ចុប្បន្ន ជាមួយនឹង turbocharged aspiration ៣.០ លីត្រ វាត្រូវបានគេនិយាយថា LZ0 ដែលមានស៊ីឡាំងប្រាំមួយ ហើយថាមពលត្រូវបានបានបញ្ជូនទៅកង់តាមរយៈប្រអប់លេខ ១០ វគ្គស្វ័យប្រវត្តិ។ ការរួមបញ្ចូលគ្នានេះផ្តល់នូវតួលេខគួរឱ្យចាប់អារម្មណ៍មួយចំនួនរថយន្ដម៉ូដែលមួយនេះអាចអូសសណ្ដោងបានទំងន់រហូតទៅដល់ ៦,០៣២ គីឡូក្រាម។ ម៉ូដែល Silverado 1500 ត្រូវបានផ្តល់ជូនជាមួយនឹងម៉ាស៊ីន V6 ចំណុះ ៤.៣ លីត្រ ផលិតកម្លាំងបាន ២៨៥ សេះ និងកម្លាំងបង្វិល ៤១៣ ញូតុនម៉ែត្រ។ រីឯជម្រើសម៉ាស៊ីនសាំងវិញវាមានចណុះ ៥.៣ លីត្រ ម៉ាស៊ីន V8 L84 និង V8 ៦.២ លីត្រដែលមានកម្លាំង ៤២០ សេះ និងកម្លាំងបង្វិល ៦២៣ ញូតុនម៉ែត្រ។ រថយន្ដម៉ូដែល Chevrolet Silverado Duramax គឺជារថយន្ដដ៏ល្អឥតខ្ចោះនៃរថយន្តភីកអាប់ទំនើបដែលមានសមត្ថភាពខ្លាំងលើផ្លូវ Off road ៕ អត្ថបទដោយ៖ សូនីតា

Ford ពន្យល់ពីមូលហេតុដែលមិនឱ្យ Shelby GT500 បំលែងទៅជាបើកដំបូលបាន

  • News

រថយន្ត Mustang Shelby GT500 ដែលពេញនិយមខ្លាំងបំផុតនៅក្នុងស្រទាប់យុវវ័យ ដោយវាបានបង្ហាញរូបរាងដ៏ទាក់ទាញក្នុងទម្រង់ជារថយន្តប្រភេទ Coupe ។ ហើយជាមួយនឹងភាពពេញនិយមទាំងនេះអ្នកគាំទ្រតែងតែមានចំងល់ទៅក្រុមហ៊ុន Ford ថាហេតុបានជា Shelby GT500 របស់ពួកគេមិនអាចបើកដំបូលបាន?  ការបំបែកប្រវត្តិសាស្រ្តរបស់ Mustang នេះត្រូវបានចាក់ឫសនៅក្នុងមតិស្របច្បាប់មួយចំនួនដោយក្រុម Ford ដែលនាំឱ្យមានរថយន្ត Coupe តែមួយគត់សម្រាប់ S550 GT500 ។ សម្រាប់ការចាប់ផ្តើម ប្រអប់លេខដៃតាមបែបប្រពៃណីដែលមាននៅលើរថយន្ត Mustang GT500s តាំងពីដើមមក ឥឡូវនេះបានបាត់បង់ទៅហើយ។ ដោយជំនួសមកវិញនូវប្រអប់លេខស្វ័យប្រវត្តិ ៨ វគ្គ Tremec dual-clutch automatic ដែលអាចផ្លាស់ប្តូរបានលឿនជាងអ្នកព្រិចភ្នែកទៅទៀត។ ដើម្បីធ្វើឱ្យប្រាកដថា S550 មិនមែនជាសេះតែមួយដែលអាចរត់បានលឿនក្នុងផ្លូវត្រង់នោះទេ ក្រុមហ៊ុន Ford បានផ្តល់អាទិភាពលើរឿងដូចជា តួររថយន្តដ៏រឹងមាំ និងហ្វ្រាំងដែលអាចគ្រប់គ្រងកម្លាំង ៧៦០ សេះរបស់ម៉ាស៊ីន Predator V8 ចំណុះ ៥.២ លីត្រ។ ជាអកុសល មិនដូចរថយន្តទំនើបអ៊ីតាលីភាគច្រើននោះទេ ក្រុមហ៊ុន Ford នឹងមិនបង្កើតកំណែប្រែនៃ GT500 ដែលអាចអោយអ្នកបើកដំបូលគយគន់ទេសភាពបាននោះទេ។ នៅក្នុងបទសម្ភាសន៍ជាមួយអាជ្ញាធរ Ford លោក Dave Pericack នាយកគ្រប់គ្រងបន្ទាត់ផលិតផលសហគ្រាសក្រុមហ៊ុន Ford Icons បានពន្យល់ថាជម្រើសក្នុងការរក្សារថយន្ត S550 GT500 coupe បានធ្លាក់ចុះមកត្រឹមភាពរឹងមាំរបស់រាងកាយប៉ុណ្ណោះ។ ដើម្បីបង្កើតការបំប្លែងដែលមានភាពរឹងរបស់រាងកាយគ្រប់គ្រាន់ដើម្បីគាំទ្រដល់ការបើកបររបស់ GT500 ក្រុមហ៊ុន Ford នឹងត្រូវអនុវត្តវិស្វកម្មដ៏ធ្ងន់ធ្ងរ និងសម្ភារៈកម្រ ដើម្បីធ្វើឱ្យការរចនាមានសមត្ថភាព និងប្រើប្រាស់បានយូរ។ ខណៈដែររថយន្តជំនាន់ចុងក្រោយ S197 GT500 បានមកជាមួយប្រភេទ Convertible បើកដំបូលបាន តែវាបានធ្វើឱ្យមានការធ្លាក់ចុះនៃកម្លាំង ៧៦០ សេះមកត្រឹម ៦៦០ សេះ បើប្រៀបធៀបទៅនឹងរថយន្តជំនាន់ S550 ដោយវាបានបង្កើនកម្លាំងត្រឹមតែ ៦៦២ សេះប៉ុណ្ណោះ។ វាហាក់ដូចជាថាកម្លាំង ៧៦០ សេះរបស់ Predator V8 នៅក្នុង S550 គឺច្រើនពេកសម្រាប់ការបើកបរ៕ អត្ថបទដោយ៖ សាល សក្កណា

Chevy Silverado 2500HD ឆ្នាំ ២០២៣ បង្ហាញខ្លួនជាមួយកម្លាំងអូសទាញកាន់តែខ្លាំង

  • News, New Car

ការបង្ហាញខ្លួនលើកដំបូងសម្រាប់រថយន្ត Chevy Silverado 2500HD ស៊េរីឆ្នាំ ២០២៣ កាលពីចុងឆ្នាំមុនបានមកជាមួយនឹងម៉ាស៊ីនចំណុះ ៦.៦ លីត្រ Duramax Turbo-Diesel V8 ។ ដោយនេះគឺជាជម្រើសដ៏ល្អសម្រាប់អ្នកប្រើប្រាស់ជាច្រើនដែលវាមិនបានមកជាមួយម៉ាស៊ីន Powertrain ដូចម៉ូដែលមុនឡើយ។ ឥឡូវនេះ Silverado 2500HD ក៏បានផ្តល់នូវព័ត៌មានលម្អិតបន្ថែមទៀតជាមួយនឹងសមត្ថភាពអតិបរមាដ៏សំខាន់ដែលបានផ្តល់ជម្រើសជា ៣ ទម្រង់ដូចជា Crew Cab, Regular Cab និង Double Cab ។ ទម្រង់ Crew Cab ក៏បានមកជាមួយនឹងម៉ាស៊ីនពីរប្រភេទរួមមានម៉ាស៊ីនសាំង និងម៉ាស៊ូត។ ដោយម៉ាស៊ីនសាំងវាផ្ទុកទម្ងន់បានត្រឹមតែ ៧,៥៧៥ គីឡូក្រាមប៉ុណ្ណោះ រីឯម៉ាស៊ូតវាផ្ទុកទម្ងន់បានរហូតដល់ ៩,៦៧៥ គីឡូក្រាមឯណោះ។ ចំណែកឯទម្រង់ Regular Cab ដែលមានការអូសទាញដោយផ្អែកទៅលើប្រព័ន្ធ RWD ជាមួយនឹងម៉ាស៊ីនសាំងវាអាចអូសទាញបាន ៧,៨៧៩ និងម៉ាស៊ូតអូសទាញបានរហូតដល់  ៨,៣៩៦ គីឡូក្រាម។ ប្រសិនបើផ្អែកទៅលើប្រព័ន្ធ 4WD វាអាចអូសទាញបាន ៧,៧៣៨ គីឡូក្រាមសម្រាប់ម៉ាស៊ីនសាំង និង ៨,២៥១ គីឡូក្រាមសម្រាប់ម៉ាស៊ូត។ រីឯទម្រង់ Double Cab ដែលវាអាចផ្ទុកទម្ងន់បាន ៧,៦៧៩ គីឡូក្រាមនៅពេលប្រើសាំង និង ៨,១៨៣ គីឡូក្រាមនៅពេលកំពុងប្រើម៉ាស៊ូត។ រីឯកម្លាំងម៉ាស៊ីនរបស់ Chevy Silverado 2500HD ស៊េរីឆ្នាំ ២០២៣ នេះក្រុមហ៊ុនមិនទាន់បានបង្ហាញនូវឡើយទេប៉ុន្តែវាប្រហែលជាអាចផ្តល់នូវកម្លាំង ៥០៥ សេះនិងកម្លាំងបង្វិល ១,៤៧១ ញ៉ូតុនម៉ែត្រ។ ពួកគេបានរំពឹងថាតួរលេខទាំងនេះនឹងត្រូវបានកែលម្អក្នុងពេលដ៏ខ្លី ខណៈដែលរបាយការណ៍កាលពីឆ្នាំមុនបានបង្ហាញថាក្រុមហ៊ុន Chevrolet មានផែនការកែលម្អទៅលើថាមពលនៃម៉ាស៊ីន Duramax Turbo-Diesel ៕ អត្ថបទដោយ៖ សាល សក្កណា

Stellantis Group នឹងលូកដៃចូលសមរភូមិសង្គ្រាមរថយន្តអគ្គិសនីនៅឆ្នាំ ២០២៤ ខាងមុខ

  • News, New Car

Stellantis Group គឺជាក្រុមហ៊ុនផលិតរថយន្តដ៏ធំមួយក្នុងចំណោមក្រុមហ៊ុនដ៏ធំជាងគេទាំងប្រាំមួយនៅទូទាំងពិភពលោក ដែលមានមានទីស្នាក់ការកណ្តាលនៅទីក្រុង Amsterdam ប្រទេសហូឡង់។ ហើយ Stellantis Group បានផ្តោតទៅលើការរចនា ការអភិវឌ្ឍន៍ ការផលិត និងលក់រថយន្តដែលមាន ១៥ ម៉ាកហើយក្នុងនោះក៏មាន Jeep ផងដែរ។ ថ្មីៗនេះនាយកប្រតិបត្តិក្រុមហ៊ុន Stellantis Group លោក Carlos Tavares កំពុងតែចង់លូកដៃចូលទៅក្នុងការប្រគួតប្រជែងនៃរថយន្តអគ្គិសនីខណៈដែល Ram EV ត្រៀមទប់ទល់នឹង Ford F-150 Lightning និង Chevrolet Silverado EV ដែលមកដល់នៅឆ្នាំ ២០២៤ ឆ្នាំក្រោយនេះ។ លោក Carlos Tavare បាននិយាយថា លោកនឹងទាញយកអត្ថប្រយោជន៍ពីម៉ាករបស់ខ្លួនដូចជា Lancia និង Opel ដើម្បីបង្កើតរថយន្តអគ្គីសនីដ៏ពិសេសមួយបន្ថែមទៀត។ ហើយគាត់ក៏បានបញ្ជាក់បន្ថែមទៀតថា គាត់នឹងប្រើប្រាស់កំណែទម្រង់ Dodge Monikers ដើម្បីធ្វើឱ្យរថយន្តប្រភេទ Muscle ដំណើរការដោយអគ្គិសនីនឹងមកដល់នៅឆ្នាំ ២០២៤ ។ បច្ចុប្បន្ននេះក្រុមហ៊ុនបានផ្តល់នូវរថយន្តអគ្គិសនីពីរម៉ូដែលដូចជា Jeep Wrangler 4xe និង Jeep Grand Cherokee 4xe ដែលជាប្រភេទ Plug-in Hybrid Powertrain ដោយកំពុងប្រជែងក្នុងទីផ្សារសហរដ្ឋអាមេរិក។ ការលើកឡើងរបស់ Stellantis Group បានបន្ថែមទៀតថាពួកគេនឹងបង្ហាញរថយន្ត SUV អគ្គិសនីដ៏ពេញលេញនៅដើមឆ្នាំក្រោយ ដោយពួកគេនឹងផ្តល់រូបរាង្គជាផ្លូវការរបស់ពួកគេនៃម៉ូដែលថ្មីនេះ។ ការបង្ហាញនូវគំរូមួយនេះបានធ្វើឱ្យយើងឃើញថាវាហាក់បីដូចជាមានរាងតូចចង្អៀតបន្តិច និងបានរចនាដំបូលបែប Floating Roof ជាមួយនឹងប៉ាណាខាងមុខដ៏ប្រណិតរបស់ Jeep ផងដែរ។ បន្ថែមពីនេះទៅទៀតវាក៏បានមកជាមួយចង្កៀងមុខ LED ស្ដើង និងយ៉ាន់កង់ស្ព័រដ៏ស្រស់ស្អាត។ លោក Carlos Tavare បានថ្លែងនៅក្នុងបទបង្ហាញផែនការយុទ្ធសាស្រ្តរបស់គាត់ថា គាត់នឹងពង្រីកគុណភាពរថយន្តអគ្គិសនីរបស់ Jeep ជាមួយនឹងសមត្ថភាព និងការរចនារូបរាងកាន់តែអស្ចារ្យ៕ អត្ថបទដោយ៖ សាល សក្កណា    
✔

Copy link Success.

×

វីដេអូ

Ford Ranger ស៊េរីឆ្នាំ២០២២ បានបង្ហាញខ្លួនសម្រាប់ពិភពលោកទាំងមូល នេះជាអ្វីដែលអ្នកទទួលបាន

  • Reviews, New Car

ឡានចាស់សេ៊រីថ្មី ឆ្នាំ២០២២ CR-V របស់ Honda ទទួលបានការរិះគន់ច្រើនប៉ុន្តែបែរជានៅតែលក់ដាច់ទៅវិញ

  • Reviews, New Car

ធ្លាប់តែឃើញឡានហោះនៅ ក្នុងរឿងពេលនេះបានឃើញហើយ ឡានហោះពិតៗ

  • News

ព័ត៌មានពេញនិយម

ចំណាយត្រឹមតែ ៧ ម៉ឺនដុល្លារសម្រាប់ម៉ូដែល F-150 Lightning នឹងធ្វើអោយលោកអ្នកចំណេញទ្វេដង

  • News

មិនបាច់ត្រូវចាំ ៤ ឆ្នាំចិនប្រើសំបក Land Cruiser ស៊េរី 300 ថ្មីគ្របពីលើស៊េរី 200 ចាស់ដូចគ្នាគ្មានទាស់

  • News

អ្នករចនាបង្កើតរូបភាពឌីជីថលនៃរថយន្ត FJ Cruiser អគ្គិសនីថ្មីដែល Toyota គ្រោងនឹងផលិតនាពេលឆាប់ៗនេះ

  • News

Lexus បានបង្ហាញរូបភាពអាវុធថ្មីដែលធ្វើអោយអ្នកគាំទ្រអន្ទះសារចង់ដឹងលម្អិតពីវា

  • News

រថយន្តប្រភេទ Off-Road ទាំង ៥ ដែលមានឥទ្ធិពលបំផុតនៅក្នុងឆ្នាំ ២០២២

  • News, New Car

Hyundai Santa Fe ឆ្នាំ ២០២២ កំពុងតែជួបបញ្ហាដែលតម្រូវឱ្យក្រុមហ៊ុនធ្វើការប្រមូលរថយន្តមកវិញ

  • News

ម្ចាស់រថយន្ត Ford Mustang Mach-E អគ្គិសនីរងភាពអយុត្តិធម៌ជាមួយនឹងវិក័យប័ត្រជួសជុលខ្ទង់ម៉ឺនដុល្លារ 

  • News

Tundra Capstone ឆ្នាំ 2022 ប្រណិតហើយមានតម្លៃថោកជាង F-150 PowerBoost

  • News

Toyota ត្រូវបានគេរាយការណ៍ថាកំពុងធ្វើតេស្ត TRD Pro ដើម្បីប្រកួតប្រជែងជាមួយនិង Ford F-150 Raptor

  • News

Toyota bZ4X GR Sport ត្រៀមដាក់បង្ហាញក្នុងការតាំងពិព័រណ៍រថយន្តTokyo ឆ្នាំ ២០២២

  • News

ប្រភេទ

ស្លាក

ទាញយកកម្មវិធីដោយឥតគិតថ្លៃ