រថយន្ត Mustang ជាង ៣៣ ម៉ឺនគ្រឿងប្រមូលមកវិញបន្ទាប់ពីរកឃើញបញ្ហាមួយចំនួន

ក្រុមហ៊ុនផលិតរថយន្តរបស់អាមេរិកបានប្រកាសប្រមូលរថយន្ត Mustang ជាង  ៣៣០,០០០ គ្រឿងត្រឡប់មកវិញបន្ទាប់ពីមានការរកឃើញនូវបញ្ហាដែលកើតចេញពីខ្សែភ្លើងនៅខាងក្នុងផ្នែកខាងក្រោយនៃរថយន្ត ហើយបញ្ហានេះត្រូវបានប៉ះពាល់ដល់ម្ចាស់រថយន្តស៊េរី ឆ្នាំ ២០១៥ និង ២០១៧ ។

ក្រុមហ៊ុនបានបង្ហាញថាការប្រម៉ូលមកវិញគឺដោយសារតែមានបញ្ហាទៅលើកាមេរ៉ាមើលក្រោយដោយមានការធ្លាក់ចុះនៃពន្លឺដែលធ្វើឱ្យងងឹត និងករណីមើលក្រោយដោយខ្លួនឯង ខណៈពេលដែលកំពុងបើកបរ ។ ការដោះស្រាយបញ្ហានេះក្រុមហ៊ុនបានលើកឡើងថាវានិងអាចនឹងរលុង ឬក៏ខូច នៃខ្សែភ្លើងនៅខាងក្នុងផ្នែកខាងក្រោយរបស់រថយន្ត។

ក្រុមហ៊ុនបានបន្តែមទៅថាការដោះស្រាយបញ្ហានេះវាពិតជាសាមញ្ញណាស់សម្រាប់ពួកគេដោយគ្រាន់តែជំនួសនូវខ្សែរភើ្លង ឬកាមេរ៉ាថ្មីប៉ុណ្ណោះ។  ក្រុមហ៊ុន Ford និយាយថាខ្លួនបានរកឃើញបញ្ហានេះបន្ទាប់ពីទទួលបានព័ត៌មានដែលទាក់ទងនៃការកើនឡើងក្នុងការជួសជុលច្រើនទៅលើម៉ូដែលទាំងនោះ។

គួរបញ្ជាក់ផងដែរថាម្ចាស់រថយន្តដែលរងផលប៉ះពាល់នឹងត្រូវជូនដំណឹងក្នុងការប្រមូលនៃម៉ូដែលទាំងអស់នោះ តាមរយៈអ៊ីម៉ែលរបស់ពួកគេនៅថ្ងៃទី ៧ ខែមីនា ឆ្នាំ ២០២២។ ជាការពិតណាស់ ការជួសជុលទាំងនេះនឹងធ្វើឡើងដោយមិនគិតថ្លៃនោះទេ។ ជាងនេះទៅទៀត ក្រុមហ៊ុន Ford នឹងផ្តល់សំណងដល់ម្ចាស់រថយន្តដែលបានចំណាយលើការជួសជុលដែលទាក់ទងនិងបញ្ហានេះ។

ហើយម្ចាស់រថយន្ត Mustang ក៏អាចចូលទៅកាន់គេហទំព័រផ្លូវការរបស់ NHTSA ដើម្បីបញ្ចូល VIN កូដ ចំនួន ១៧ ខ្ទង់ដែលមាននៅក្នុងរថយន្តរបស់ពួកគេ ដើម្បីមើលថាតើវាត្រូវបានរួមបញ្ចូលក្នុងការប្រមូលមកវិញដែរឬទេ។ ប្រសិនបើគ្មានអ្វីលេចឡើងទេ ចាប់ទុកថាជារឿងសំណាងតែប្រសិនបើមានការជូនដំណឹងណាមួយ អ្នកនឹងត្រូវប្រមូលចូលឃ្លាំងពីក្រុមហ៊ុន Ford ៕

អត្ថបទដោយ៖ ស្រីនុត