StoreDot នឹងបង្ហាញថ្មដ៏មានល្បឿនលឿនក្នុងឆ្នាំ ២០២៤ ដែលសាក ៥ នាទីអាចរត់បាន ១៦១ គីឡូម៉ែត្រ

StoreDot គឺជាក្រុមហ៊ុនផលិតថ្មរថយន្តអគ្គិសនីល្បឿនលឿនដែលមានមូលដ្ឋាននៅឯប្រទេសអ៊ីស្រាអែល។ ក្រុមហ៊ុនបានអះអាងថាថ្ម XFC សម្រាប់រថយន្តអគ្គិសនីរបស់ពួកគេដែលអាចរត់បានចម្ងាយរហូតទៅដល់ ១៦១ គីឡូម៉ែត្រ ដោយគ្រាន់តែប្រើរយៈពេលសាកត្រឹមតែ ៥ នាទីប៉ុណ្ណោះ។ ដែលនេះគឺជាជំហ៊ានដំបូងរបស់ពួកគេសម្រាប់ការផលិតថ្ម XFC ដ៏មានល្បឿនមិនគួរជឿមួយនេះ ជាមួយការរត់បានចម្ងាយរហូតទៅដល់ ១៦១ គីឡូម៉ែត្រ។

នាយកប្រតិបត្តិ StoreDot លោកវេជ្ជបណ្ឌិត Doron Myersdorf បានលើកឡើងថា គាត់នឹងប្រើរយៈពេលសាកថ្ម ៣ នាទីដោយវាអាចរត់បានចម្ងាយរហូតដល់ ១៦១ គីឡូម៉ែត្រនៅក្នុងឆ្នាំ ២០២៨ និងឆ្នាំ ២០៣២ ជាមួយនឹងការរត់ចម្ងាយ ១៦១ គីឡូម៉ែត្រដោយលោកនឹងប្រើរយៈពេលសាកថ្មត្រឹមតែ ២ នាទីប៉ុណ្ណោះ។

ការផលិតថ្ម XFC របស់លោក Myersdorf គឺជាបច្ចេកវិទ្យា StoreDot ទាំងបីជំនាន់ដោយមានការរួមបញ្ជូលគ្នាជាមួយនឹង Silicon dominant XFC, Semi solid state និង Full solid state។

ហើយការចែកចាយថ្ម XFC នៅក្នុងមួយទសវត្សរ៍ខាងមុខនេះដោយមកជាមួយការសាកថ្មនឹងរយៈចម្ងាយ ១៦១ គីឡូម៉ែត្រក្នុងរយៈពេល ៥ នាទីនៅឆ្នាំ ២០២៤ ហើយនឹង ១៦១ គីឡូម៉ែត្រក្នុងរយៈពេល ៣ នាទីនៅឆ្នាំ ២០២៨ និង ១៦១ គីឡូម៉ែត្រក្នុងរយៈពេល ២ នាទីនៅឆ្នាំ ២០៣២ ។ ក្រុមហ៊ុនបានសាកល្បងជាមួយនឹងថ្ម XFC ១៦១ គីឡូម៉ែត្រក្នុងរយៈពេល ៥ នាទីជាមួយនិងក្រុមហ៊ុនផលិតរថយន្តមួយចំនួនរួចមកហើយ ប៉ុន្តែ StoreDot មិនបានបង្ហាថាក្រុមហ៊ុនមួយណានោះទេ។

បើតាមគេហទំព័រ Electrek News បានសន្មត់ថាសាកល្បងមួយនេះនឹងអាចជាដៃគូរសហការរបស់ StoreDot ដែលរួមមាន VinFast, BP, Daimler, Samsung Ventures និង TDK ។ លោក Myersdorf បាននិយាយថា “ វាពិតជាមានសារៈសំខាន់ណាស់ដែលយើងបានផ្តល់ទៅឱ្យក្រុមហ៊ុនផលិតរថយន្តទូទាំងពិភពលោកជាមួយថ្ម XFC របស់យើងដោយបង្ហាញពីភាពច្បាស់លាស់ ជាក់ស្តែងនិងគ្មានការបំផ្លើសសម្រាប់ការណែនាំអំពីបច្ចេកវិទ្យាសាកថ្មលឿនរបស់ពួកយើងទេ ”។

ជាមួយគ្នានេះដែលក្រុមហ៊ុនបានអះអាងថាពួកគេនឹងក្លាយជាក្រុមហ៊ុនដំបូងគេដែលផលិតថ្ម XFC ល្បឿនលឿនសម្រាប់រថយន្តអគ្គិសនីនៅលើខ្សែសង្វាក់ផលិតកម្មទីផ្សារទូទាំងពិភពលលោក៕

អត្ថបទដោយ៖ សាល សក្កណា