រថយន្ត Mitsubishi Outlander ក្លាយជា Black Ninja ប្រចាំត្រកូលប្រទេសជប៉ុន

News , New Car
មើល: 8275

Mitsubishi Outlander គឺជាប្រភេទរថយន្ត SUV ខ្នាតតូចដែលវាត្រូវបានបង្កើតឡើងដោយក្រុមហ៊ុនផលិតរថយន្ត Mitsubishi Motor របស់ប្រទេសជប៉ុន។ ហើយវាត្រូវបានគេស្គាល់ថាជារថយន្ត Mitsubishi Airtrek ដែលបានបង្កើតឡើងដំបូងនៅឆ្នាំ ២០០១ ដោយបានប្តូរឈ្មោះមកជា Outlander នៅក្នុងឆ្នាំ ២០០៣ ។

ក្រឡេកមកមើលពេលបច្ចុប្បន្នរថយន្ត Mitsubishi Outlander ស៊េរីឆ្នាំ ២០២២ ដែលបានបង្ហាញជាផ្លូវការនូវថ្ងៃទី ២៨ ខែតុលា ឆ្នាំ ២០២១ កន្លងមកនេះ ដោយថ្មីៗនេះក្រុមហ៊ុន Mitsubishi បានបន្ថែមនូវកម្រិតតុបតែងជាមួយនិង Black Edition ទៅលើម៉ូដែល Outlander ឆ្នាំ ២០២២ ។

ការកែលម្អរថ្មីនេះរួមមាន កាងខាងមុខ និងកាងខាងក្រោយ ជាមួយនឹងការតុបតែងដៃទ្វារ កញ្ចក់ យ៉ាន់កង់ស្ព័រ និងធ្នឹមរថយន្ត។ ហើយរថយន្តមួយនេះបានបំពាក់មកជាមួយម៉ាស៊ីនចំណុះ ២.៥ លីត្រ ៤ ស៊ីឡាំងដែលវាអាចបង្កើតកម្លាំងបាន ១៨១ សេះនិងកម្លាំងបង្វិល ២៤៥ ញ៉ូតុនម៉ែត្រ ដែលដំណើរការដោយប្រព័ន្ធប៉ All Wheel Drive ដោយគ្មានការអាប់ថ្មីឡើយ។

បន្ថែមពីនេះទៅទៀត Mitsubishi ក៏បានផ្តល់នូវជម្រើសពណ៌ដែលមានតម្លៃ ៥៩៥ ដុល្លារសម្រាប់ពណ៌ White Diamond, Red Diamond, និង Black Diamond ផងដែរ។ រីឯពណ៌ស្តង់ដារសម្រាប់រថយន្តនេះមានដូចជា Cosmic Blue, Labrador Black Pearl, Alloy Silver និង Mercury Grey។

ចំណែកឯតម្លៃនៃរថយន្ត Outlander Black Edition ថ្មីនឹងចាប់ផ្តើមពី ២៩,៩៩៥ ដុល្លារដោយបូករួមជាមួយនឹងតម្លៃសេវាដឹកជញ្ជូនសរុប ៣១,៧៩៥ ដុល្លារនិងតម្លៃ ៣២,០៤០ ដុល្លាសម្រាប់ម៉ូដែល Outlander SE ៕

អត្ថបទដោយ៖ សាល សក្ខណា

ចែករំលែក:
ស្លាក:

Relate Post

រថយន្ត Mitsubishi Eclipse Cross ស៊េរីឆ្នាំ ២០២៣ រថយន្តគ្រួសារខ្នាតមធ្យមតម្លៃមកដល់ខ្មែរជាង ៥ម៉ឺនដុល្លារ

  • News

រយៈពេលប៉ុន្មានឆ្នាំកន្លងមកនេះក្រុមហ៊ុន Mitsubishi មានការគាំទ្រយ៉ាងច្រើននៅលើទីផ្សារជាមួយម៉ូដែល Eclipse Cross ដែលពេញនិយមលើម៉ូដែលផ្សេងៗទៀតរបស់ក្រុមហ៊ុនផលិតរថយន្តរបស់ជប៉ុនមួយនេះ។ ហើយថ្មីៗ ក្រុមហ៊ុន Mitsubishi បានធ្វើការកែប្រែប្រព័ន្ធមួយចំនួនទៅលើម៉ូដែល Eclipse Cross ស៊េរីឆ្នាំ ២០២៣ នឹងបានបន្ថែមឧបករណ៍ថ្មីៗជាច្រើន ហើយតម្លៃរបស់វាក៏ប្រែប្រួលទៅតាមស៊េរីថ្មីផងដែរ។ ការកែប្រែដ៏ធំបំផុតមួយតំណាងឱ្យការណែនាំនៃប្រព័ន្ធដំណើរការដោយប៉ុងទាំងពីរ ហើយលើសពីនេះទៅទៀតក្រុមហ៊ុនបានផ្ដល់ជូននូវជម្រើស Option ជាច្រើនដែលមានដូចជា LE, SE និង SEL ដែល Option ទាំងអស់នេះគឺទទួលបានយ៉ាន់ស្ព័រទំហំ ១៨ អ៊ីញ។ ដោយជម្រើស SE មានបំពាក់កាងខាងមុខពណ៌ប្រាក់ហើយ SEL មានការតុបតែងជាមួយកាងខាងក្រោមដែលមានពណ៌ដូចនឹងតួរថយន្ដ។ គ្រប់កំណែទាំងអស់នៃរថយន្ដប្រភេទ Crossover មួយនេះវាបានចែកចាយកម្លាំងរុញច្រានរវាងកង់ក្រោយឆ្វេង និងស្តាំ តាមរយៈកម្លាំងហ្វ្រាំង ហើយវានៅតែបំពាក់ជាមួយថាមពលម៉ាស៊ីន Turbocharged ចំណុះ ១.៥ លីត្រ ដែលអាចបង្កើតកម្លាំងបាន ១៥២ សេះ និងមានកម្លាំងបង្វិលជុំ ២៥០ ញូតុនម៉ែត្រ។ ជាមួយនឹង Eclipse Cross LE វាមានកៅអីខាងមុខដែលមានកំដៅ និងអេក្រង់កម្សាន្តទំហំ ៨ អ៊ីង វាមានទំហំកង់ ១៨ អ៊ីង និងការបន្ថែមពណ៌ខ្មៅមួយចំនួននៅខាងក្រៅជាថ្នូរនឹងតម្លៃ ២៧,០៤៥ ដុល្លារ។ និងជម្រើស SE នេះមានកញ្ចក់ចំហៀងអាចបត់បាន និងកៅអីអ្នកបើកបរដែលអាចលៃតម្រូវបានដោយអេឡិចត្រិច ការគ្រប់គ្រងអាកាសធាតុពីរជាន់ កញ្ចក់មើលក្រោយដែលបន្ថយពន្លឺដោយស្វ័យប្រវត្តិ និងច្រើនទៀតវាមានតម្លៃ ២៨,០៤៥ ដុល្លារ។ ហើយវាក៏មានជម្រើសពិសេសមួយទៀតគឺ SE Panorama Package ដែលបានបន្ថែមជាមួយដំបូលពណ៌ខ្មៅជាប្រភេទ Panoramic Sunroof ដែលជាដំបូលកញ្ចក់នឹងមានតម្លៃ ២៩,០៤៥ ដុល្លារ។ នឹងចុងក្រោយជាជម្រើស SEL ដែលវាមានកៅអីពូកស្បែក ដៃចង្កូតដែលមានកម្ដៅ និងមានបំពាក់កាមេរ៉ា ៣៦០ ដឺក្រេផងដែរ សម្រាប់តម្លៃចាប់ពី ២៩,២៩៥ ដុល្លារឡើងទៅដែលតម្លៃទាំងនេះជាតម្លៃចេញពីរោងចក្រ៕ អត្ថបទដោយ៖ សូនីតា

Mitsubishi Eclipse Cross ស៊េរីឆ្នាំ ២០២២ កាន់តែពិសេសទាំងរូបរាងនិងតម្លៃ

  • News

ម៉ូដែល Eclipse Cross ដែលជាប្រភេទរថយន្ត Crossover បានដាក់បង្ហាញលើទីផ្សារនៅក្នុងឆ្នាំ ២០១៧ ដោយក្រុមហ៊ុនផលិតរថយន្តជប៉ុន Mitsubishi Motor ហើយវាបានទាក់ទាញចំណាប់អារម្មណ៍អតិថិជនទូទាំងពិភពលោក។ មកទល់ពេលនេះ Mitsubishi Eclipse Cross សេ៊រីឆ្នាំ ២០២២ បានកែប្រែរូបរាងជាច្រើនសម្រាប់ម៉ូដែលថ្មីដោយផ្តល់នូវជម្រើសជាច្រើនដល់អតិថិជន។ ទោះយ៉ាងណាក៏ដោយម៉ូដែលមួយនេះផ្តោតសំខាន់លើការប្រើប្រាស់បែបលក្ខណៈគ្រួសារ កាប៊ីនមានទំហំធំងាយស្រួលក្នុងការផ្ទុករបស់របរ។ កៅអីនីមួយៗមានភាពធំទូលាយគ្រប់គ្រាន់សម្រាប់អ្នកដំណើរការបើកបរដងផ្លូវ ឬសូម្បីតែការបើកបរនៅលើផ្លូវលំបាកដូចជា Off-Road ក៏ម៉ូដែលនេះអាចគ្រប់គ្រងលំនឹងបានយ៉ាងល្អការធ្វើដំណើរប្រកបដោយស្ថេរភាព។ លើសពីនេះទៀតការកែប្រែផ្នែកខាងមុខ និងផ្នែកខាងក្រោយកាន់តែទំនើបពិសេសជាងជំនាន់មុនៗ ដោយរចនាបថដ៏ទំនើប និងការអនុវត្តរួមបញ្ចូលគ្នាដើម្បីធ្វើឱ្យវាកាន់តែទាក់ទាញ។ ម៉ូដែលមួយនេះមានជម្រើសច្រើនសម្រាប់ជ្រើសរើសរួមមាន ES, LE, SE, SE Special Edition, SEL, និង SEL Special Edition ហើយវាប្រើប្រាស់ជាមួយនឹងម៉ាស៊ីន ៤ ស៊ីឡាំង និងកម្លាំងប្រហែល ១៥០ សេះ អាស្រ័យលើ Option ដែលបានជ្រើសរើស។ ជម្រើសនីមួយៗនាំមកនូវលក្ខណៈខុសគ្នានៃតម្លៃរវាងការរចនាមូលដ្ឋានដែលមាន  Mitsubishi Eclipse Cross ES ចាប់ពី ២៣,៦៩៥ ដុល្លាឡើងទៅ និងជម្រើសកំពូល SEL ចាប់ពី ២៧,៦៩៥ ដុល្លារឡើងទៅជាតម្លៃចេញពីរោងចក្រ។ តម្លៃកាន់តែខ្ពស់នឹងត្រូវចំណាយកាន់តែច្រើនសម្រាប់មុខងារកំពូលៗមួយចំនួន នៅពេលនិយាយអំពីលក្ខណៈបច្ចេកទេស រថយន្ត Mitsubishi Eclipse Cross ផ្តល់នូវអ្វីៗស្តង់ដារទាំងអស់រួមទាំងប្រព័ន្ធព័ត៌មានកម្សាន្តអេក្រង់ Touchscreen និងការតភ្ជាប់ Apple CarPlay ឬ Android Auto។ ក្រុមហ៊ុន Mitsubishi យកចិត្តទុកដាក់យ៉ាងខ្លាំងចំពោះសុវត្ថិភាពអ្នកដំណើរ ដូច្នេះអ្នកអាចរំពឹងថានឹងស្វែងរកប្រព័ន្ធសុវត្ថិភាពកម្រិតខ្ពស់នៅក្នុងប្រភេទ Crossover នេះ។ ក្រុមហ៊ុនក៏មានការធានារយៈពេល ១០ ឆ្នាំលើ powertrain ១៦០,៩៣៤ គីឡូម៉ែត្រ ស្តាប់ទៅពិតជាល្អណាស់ជាពិសេសការពិចារណាលើការធានាមានកំណត់ គ្របដណ្តប់រយៈពេល ៥ ឆ្នាំ ឬ ៩៦,៥៦០ គីឡូម៉ែត្រ៕ អត្ថបទដោយ៖ សូនីតា

Mitsubishi Triton L200 ត្រលប់មកវិញជាមួយនឹងរូបរាងជារថយន្តប្រណាំងដ៏អស្ចារ្យ

  • News

រថយន្ត Mitsubishi Triton L200 ដែលជាប្រភេទរថយន្ត Pick-up ហើយវាត្រូវបានបង្កើតឡើងដោយក្រុមហ៊ុនផលិតរថយន្តដ៏ធំមួយរបស់ជប៉ុនគឺ Mitsubishi Motors ។ ថ្មីៗនេះរថយន្ត Triton L200 មួយនេះបានត្រលប់មកវិញជាមួយរថយន្តប្រណាំងដ៏ប្រណិតមួយដែលបានកែសម្រួលដោយ ក្រុម Ralliart ។ ដោយពួកគេនឹងនាំយករថយន្តមួយនេះទៅចូលរួមក្នុងព្រឹត្តិការណ៍ Asian Cross Country Rally (AXCR) ឆ្នាំ ២០២២ នេះ។ នាយកប្រធានក្រុម Ralliart លោក  Hiroshi Masuoka ដែលជាជើងឯកពីរសម័យកាលជាប់ៗគ្នាក្នុងការប្រគួត Dakar Rally នៅឆ្នាំ ២០០៣ និង ២០០៤ ហើយការប្រគួត Baja Italy ក្នុង ២០០៣ និង ការប្រកួត UAE Desert Challenge ឆ្នាំ ២០០៤ ។ ទន្ទឹមនឹងនេះលោក Masuoka បាននិយាយថា ការចូលរួមរបស់ក្រុមហ៊ុន Mitsubishi Motors នៅក្នុងការប្រគួត AXCR ឆ្នាំ ២០២២ ពួកយើងនឹងពង្រឹងភាពខ្លាំងបន្ថែមទៀត ជាមួយបច្ចេកទេស និងសមត្តិភាពពិសេសនៃរថយន្តមួយនេះ។ រីឯរថយន្ត Triton L200 មកជាមួយនឹងកម្លាំងម៉ាស៊ីនដ៏ខ្លាំង និងការកែប្រែតួររថយន្តដែលបានជំរុញដោយ Motorsport ហើយវានឹងត្រូវប្រជែងជាមួយនឹងដៃគូររបស់ខ្លួនដូចជា Ford Ranger Raptor និង Toyota Hilux GR Sport ។ Triton L200 ដែលបានរៀបចំឡើងមកជាមួយនឹងការដំឡើងបូម សំបកកង់ Off-road, Snorkel, Mud Flaps, Tow Hooks និង Roll Cage ហើយយ៉ាន់កង់ក៏បានផ្តល់ជម្រើសបីពណ៌រួមមាន ពណ៌ប្រផេះ ក្រហម និងខ្មៅ។ គួរបញ្ជាក់ផងដែលថាព្រឹត្តិការណ៍ AXCR និងចាប់ផ្តើមនៅថ្ងៃទី ៦ ដល់ថ្ងៃទី ១២ ខែសីហាវខាងមុខនេះ៕ អត្ថបទដោយ៖ សាល សក្កណា
✔

Copy link Success.

×

វីដេអូ

Ford Ranger ស៊េរីឆ្នាំ២០២២ បានបង្ហាញខ្លួនសម្រាប់ពិភពលោកទាំងមូល នេះជាអ្វីដែលអ្នកទទួលបាន

  • Reviews, New Car

ឡានចាស់សេ៊រីថ្មី ឆ្នាំ២០២២ CR-V របស់ Honda ទទួលបានការរិះគន់ច្រើនប៉ុន្តែបែរជានៅតែលក់ដាច់ទៅវិញ

  • Reviews, New Car

ធ្លាប់តែឃើញឡានហោះនៅ ក្នុងរឿងពេលនេះបានឃើញហើយ ឡានហោះពិតៗ

  • News

ព័ត៌មានពេញនិយម

ចំណាយត្រឹមតែ ៧ ម៉ឺនដុល្លារសម្រាប់ម៉ូដែល F-150 Lightning នឹងធ្វើអោយលោកអ្នកចំណេញទ្វេដង

  • News

មិនបាច់ត្រូវចាំ ៤ ឆ្នាំចិនប្រើសំបក Land Cruiser ស៊េរី 300 ថ្មីគ្របពីលើស៊េរី 200 ចាស់ដូចគ្នាគ្មានទាស់

  • News

អ្នករចនាបង្កើតរូបភាពឌីជីថលនៃរថយន្ត FJ Cruiser អគ្គិសនីថ្មីដែល Toyota គ្រោងនឹងផលិតនាពេលឆាប់ៗនេះ

  • News

Lexus បានបង្ហាញរូបភាពអាវុធថ្មីដែលធ្វើអោយអ្នកគាំទ្រអន្ទះសារចង់ដឹងលម្អិតពីវា

  • News

រថយន្តប្រភេទ Off-Road ទាំង ៥ ដែលមានឥទ្ធិពលបំផុតនៅក្នុងឆ្នាំ ២០២២

  • News, New Car

Hyundai Santa Fe ឆ្នាំ ២០២២ កំពុងតែជួបបញ្ហាដែលតម្រូវឱ្យក្រុមហ៊ុនធ្វើការប្រមូលរថយន្តមកវិញ

  • News

ម្ចាស់រថយន្ត Ford Mustang Mach-E អគ្គិសនីរងភាពអយុត្តិធម៌ជាមួយនឹងវិក័យប័ត្រជួសជុលខ្ទង់ម៉ឺនដុល្លារ 

  • News

Tundra Capstone ឆ្នាំ 2022 ប្រណិតហើយមានតម្លៃថោកជាង F-150 PowerBoost

  • News

Toyota ត្រូវបានគេរាយការណ៍ថាកំពុងធ្វើតេស្ត TRD Pro ដើម្បីប្រកួតប្រជែងជាមួយនិង Ford F-150 Raptor

  • News

Toyota bZ4X GR Sport ត្រៀមដាក់បង្ហាញក្នុងការតាំងពិព័រណ៍រថយន្តTokyo ឆ្នាំ ២០២២

  • News

ប្រភេទ

ស្លាក

ទាញយកកម្មវិធីដោយឥតគិតថ្លៃ