រថយន្ត Mitsubishi Eclipse Cross ស៊េរីឆ្នាំ ២០២៣ រថយន្តគ្រួសារខ្នាតមធ្យមតម្លៃមកដល់ខ្មែរជាង ៥ម៉ឺនដុល្លារ

News
មើល: 932

រយៈពេលប៉ុន្មានឆ្នាំកន្លងមកនេះក្រុមហ៊ុន Mitsubishi មានការគាំទ្រយ៉ាងច្រើននៅលើទីផ្សារជាមួយម៉ូដែល Eclipse Cross ដែលពេញនិយមលើម៉ូដែលផ្សេងៗទៀតរបស់ក្រុមហ៊ុនផលិតរថយន្តរបស់ជប៉ុនមួយនេះ។ ហើយថ្មីៗ ក្រុមហ៊ុន Mitsubishi បានធ្វើការកែប្រែប្រព័ន្ធមួយចំនួនទៅលើម៉ូដែល Eclipse Cross ស៊េរីឆ្នាំ ២០២៣ នឹងបានបន្ថែមឧបករណ៍ថ្មីៗជាច្រើន ហើយតម្លៃរបស់វាក៏ប្រែប្រួលទៅតាមស៊េរីថ្មីផងដែរ។

ការកែប្រែដ៏ធំបំផុតមួយតំណាងឱ្យការណែនាំនៃប្រព័ន្ធដំណើរការដោយប៉ុងទាំងពីរ ហើយលើសពីនេះទៅទៀតក្រុមហ៊ុនបានផ្ដល់ជូននូវជម្រើស Option ជាច្រើនដែលមានដូចជា LE, SE និង SEL ដែល Option ទាំងអស់នេះគឺទទួលបានយ៉ាន់ស្ព័រទំហំ ១៨ អ៊ីញ។ ដោយជម្រើស SE មានបំពាក់កាងខាងមុខពណ៌ប្រាក់ហើយ SEL មានការតុបតែងជាមួយកាងខាងក្រោមដែលមានពណ៌ដូចនឹងតួរថយន្ដ។

គ្រប់កំណែទាំងអស់នៃរថយន្ដប្រភេទ Crossover មួយនេះវាបានចែកចាយកម្លាំងរុញច្រានរវាងកង់ក្រោយឆ្វេង និងស្តាំ តាមរយៈកម្លាំងហ្វ្រាំង ហើយវានៅតែបំពាក់ជាមួយថាមពលម៉ាស៊ីន Turbocharged ចំណុះ ១.៥ លីត្រ ដែលអាចបង្កើតកម្លាំងបាន ១៥២ សេះ និងមានកម្លាំងបង្វិលជុំ ២៥០ ញូតុនម៉ែត្រ។ ជាមួយនឹង Eclipse Cross LE វាមានកៅអីខាងមុខដែលមានកំដៅ និងអេក្រង់កម្សាន្តទំហំ ៨ អ៊ីង វាមានទំហំកង់ ១៨ អ៊ីង និងការបន្ថែមពណ៌ខ្មៅមួយចំនួននៅខាងក្រៅជាថ្នូរនឹងតម្លៃ ២៧,០៤៥ ដុល្លារ។

និងជម្រើស SE នេះមានកញ្ចក់ចំហៀងអាចបត់បាន និងកៅអីអ្នកបើកបរដែលអាចលៃតម្រូវបានដោយអេឡិចត្រិច ការគ្រប់គ្រងអាកាសធាតុពីរជាន់ កញ្ចក់មើលក្រោយដែលបន្ថយពន្លឺដោយស្វ័យប្រវត្តិ និងច្រើនទៀតវាមានតម្លៃ ២៨,០៤៥ ដុល្លារ។

ហើយវាក៏មានជម្រើសពិសេសមួយទៀតគឺ SE Panorama Package ដែលបានបន្ថែមជាមួយដំបូលពណ៌ខ្មៅជាប្រភេទ Panoramic Sunroof ដែលជាដំបូលកញ្ចក់នឹងមានតម្លៃ ២៩,០៤៥ ដុល្លារ។ នឹងចុងក្រោយជាជម្រើស SEL ដែលវាមានកៅអីពូកស្បែក ដៃចង្កូតដែលមានកម្ដៅ និងមានបំពាក់កាមេរ៉ា ៣៦០ ដឺក្រេផងដែរ សម្រាប់តម្លៃចាប់ពី ២៩,២៩៥ ដុល្លារឡើងទៅដែលតម្លៃទាំងនេះជាតម្លៃចេញពីរោងចក្រ៕

អត្ថបទដោយ៖ សូនីតា

ចែករំលែក:

Relate Post

ក្រុមហ៊ុន Lexus គ្រោងនឹងផ្តល់កៅអី ៣ ជួរនៅក្នុងរថយន្តខ្នាតកណ្តាលប្រភេទ Crossover

  • News

ប្រហែលជាក្រុមហ៊ុន Lexus ផ្តល់អោយរថយន្ត LX ជារថយន្ត SUV ដែលទំហំធំទូលាយតែយ៉ាងនេះក៏វានៅតែអាចដាក់កៅអីបានតែ ២ ជួរ។ Lexus មិនធ្លាប់មានបទពិសោធន៍ផ្តល់អោយអ្នកបើកបរនូវរថយន្តដែលផ្ទុកអ្នកបានច្រើនរហូតដល់ទៅ ៧ ឬ ៨ នាក់នោះទេ។ ប៉ុន្តែសម្រាប់យុគសម័យថ្មី Lexus ក៏មិនអាចបោះចោលទីផ្សាររថយន្តបីជួរទៀតទេ ហើយ TX នឹងមកដល់ជាប្រភេទ Crossover ខ្នាតកណ្តាលតែមួយគត់ដែកផ្តល់អោយអ្នកបើកបរនូវកៅអី ៣ជួរ។ សម្រាប់ត្រកូលរបស់ Lexus យើងសង្កេតឃើញថា GX និង LX ពិតជាមានទំហំធំជាងម៉ូដែល RX និង RX L ប៉ុន្តែវាសមនឹងទម្រង់នៃរថយន្ត SUV បីជួរសម្រាប់គ្រួសារដ៏ធំនោះទេ។  ដូច្នេះអ្វីដែល Lexus ត្រូវកាធ្វើគឺមានទំហំធំដូច GX និង LX ប៉ុន្តែផ្អែកលើរថយន្តជាមួយនឹងការវេចខ្ចប់ខាងក្នុងដ៏មានប្រសិទ្ធភាព និងកន្លែងទំនេរច្រើននៅក្នុងកៅអីជួរទីពីរ និងទីបី ក៏ដូចជាឃ្លុបខាងក្រោយកៅអីទាំងនោះ។ វាក៏ត្រូវការទំងន់ស្រាលជាងមុនដែរ ឬយ៉ាងហោចណាស់មិនត្រូវបានបំពាក់ដោយម៉ាស៊ីន V-8 ឬ Twin-turbo V-6 ធំដូច LX ទេ ជាពិសេសចំពោះបញ្ហាតម្លៃប្រឹងសាំងពេលបច្ចុប្បន្ននេះ ហើយកំពុងបញ្ចូល Lexus TX ដែលអ្នកបើកបរកំពុងទាមទារ។  ជាក់ស្តែង TX នេះនឹងផ្អែកលើ Toyota Grand Highlander ដែលនឹងមកដល់នាពេលខាងមុខ ដែលជាកំណែធំជាងនៃរថយន្ត Highlander បីជួរដែលមានទំហំមធ្យមនាពេលបច្ចុប្បន្ននេះ ដែលគ្រោងនឹងចាប់ផ្តើមផលិតនៅរដ្ឋ Indiana ក្នុងឆ្នាំ 2023។ TX នឹងផ្តល់កន្លែងអង្គុយសម្រាប់អ្នកដំណើររហូតដល់ 8 នាក់ និង ទំនងជាកញ្ចប់ Powertrain Hybrid។ ជាការសំខាន់ TX (និង Grand Highlander) នឹងមានទំហំធំជាង RX L ដែលពិតជាគ្រាន់តែជា RX ដែលមានមូលដ្ឋានកង់ដែលលាតសន្ធឹងបន្តិច និង vestigial ជួរទីបីដែលសមរម្យសម្រាប់តែកុមារប៉ុណ្ណោះ៕  

Lexus RZ 450e ស៊េរីឆ្នាំ ២០២៣ ប្រើថាមពលអគ្គិសនីនៅដំបូងបំផុតនៅក្នុងត្រកូលរបស់ Lexus

  • News

ប៉ុន្មានឆ្នាំកន្លងមកនេះនៅលើទីផ្សារបច្ចុប្បន្នមានការប្រកួតប្រជែងយ៉ាងខ្លាំងជាមួយរថយន្ដដែលប្រើប្រាស់ជាមួយថាមពលអគ្គិសនីហើយ ថ្មីៗនេះម៉ាយីហោបានបញ្ចេញជាមួយរថយន្តម៉ូដែល Lexus RZ 450e ស៊េរីឆ្នាំ ២០២៣ ដែលជាប្រភេទ SUV Crossover ដែលប្រើប្រាស់ដោយថាមពលអគ្គិសនីសុទ្ធ។ ហើយពេលនេះម៉ូដែល RZ 450e ដែលប្រើប្រាស់ដោយថាមពលអគ្គិសនីដំបូងរបស់ម៉ាកយីហោរ Lexus ដែលនឹងមាននៅប្រទេសអាមេរិកខាងជើង។ រថយន្តប្រភេទ SUV Crossover នេះវាមានថាមពលថ្ម ៧១.៤ គីឡូវ៉ាត់ម៉ោង និងមានម៉ូទ័រអេឡិចត្រិចចំនួន ២ ដែលផ្នែកខាងមុខមានកម្លាំង ១៥០ គីឡូវ៉ាត់ និងខាងក្រោយ ៨០ គីឡូវ៉ាត់ដែលរួមបញ្ចូលគ្នាអាចបង្កើតកម្លាំងបាន ៣០៨ សេះ និងកម្លាំងបង្វិល ៤៣៥ ញូតុនម៉ែត្រ។ ម៉ូដែល RZ 450e ក៏ត្រូវបានផ្តល់ជូនជាមួយនឹងប្រព័ន្ធដំណើរការដោយប៉ុងទាំងពីរដែលប្រើបំពាក់ថាមពលថ្មី Direct4 និងប្រព័ន្ធ steer-by-wire ដែលវាមានសម្រាប់តែម៉ូដែល RZ 450e តែប៉ុណ្នោះ។ ម៉ូដែលនេះត្រូវបានក្រុមហ៊ុនយកចិត្ដទុកដាក់បានយ៉ាងល្អសម្រាប់ផ្នែកខាងក្នុងដ៏ប្រណិតរួមទាំងប្រើប្រាស់ជាមួយអេក្រង់ Touch screen ដែលមានទំហំ ១៤ អ៊ីញនឹងដំណើរការជាមួយប្រព័ន្ធព័ត៌មានកម្សាន្ត Lexus Interface ដែលទើបនឹងបំពាក់នៅលើរថយន្ត NX និង LX ។ វាបានបំពាក់ដំបូលបែប Panoramic ដែលអាចមើលខាងក្រៅឃើញហើយកាប៊ីនបានភ្ជាប់មកជាមួយនឹងឧបករណ៍កម្តៅដែលត្រូវបានរចនាឡើងដើម្បីកំដៅជង្គង់ឬជើងរបស់អ្នកជិះនិងមានការសន្សំសំចៃថ្មបានយ៉ាងល្អ។ ដូចដែលយើងបានឃើញក្នុងរូបហើយថារថយន្តម៉ូដែលនេះនៅខាងក្រោយមានភ្លើងអូសកាត់ពេញរាង និងមាននូវអ្វីដែលមើលទៅដូចជាស្លាបយន្តហោះតូចមួយគូនៅលើគែមខាងក្រោមនៃដំបូលដ៏ប្រណិត។ សម្រាប់ពេលនេះក្រុមហ៊ុនមិនទាន់បង្ហាញអ្វីច្រើនអំពីម៉ូដែល RZ ថ្មីនោះទេគ្រាន់តែបានប្រាប់ថា ការដាក់បង្ហាញលើកដំបូងនឹងឃើញពីភាពរីករាយនៃការបើកបរដែលមានតែ Lexus ប៉ុណ្ណោះដែលអាចផ្តល់ជូន។ ហើយសម្រាប់តម្លៃនៃរថយន្ត Lexus RZ 450e ស៊េរីឆ្នាំ ២០២៣ មិនទាន់ចេញនៅឡើយទេប៉ុន្ដែវានឹងអាចចេញលក់នៅចុងឆ្នាំនេះ៕ អត្ថបទដោយ៖ សូនីតា  

Honda HR-V សេ៊រីឆ្នាំ ២០២៣ ទទួលបានការកែប្រែមុខមាត់កាន់តែប្លែកជាងឆ្នាំមុនៗ

  • News

ថ្មីៗនេះក្រុមហ៊ុន Honda បានបញ្ចេញនូវរថយន្ដថ្មីនៃម៉ូដែល Honda HR-V សេ៊រីឆ្នាំ ២០២៣ ជាលើកដំបូងជាមួយជំនាន់ទី ២ នៃរថយន្តប្រភេទ Crossover នឹងចាប់ផ្តើមដំណើរការលើទីផ្សារនៅរដូវក្តៅនេះ។ ហើយការផ្លាស់ប្ដូរថ្មីនៃម៉ូដែលមួយនេះយើងអាចនឹងមើលចាប់ពីរូបរាងខាងក្រៅនៃតួរថយន្ដ ដែលបានបំពាក់បា៉ណាថ្មីដែលមានមានរាងជ្រុងជាងរថយន្តជំនាន់មុនៗ និងមានសំណាញ់នៅខាងក្រោមបា៉ណា រីឯរន្ធខ្យល់បញ្ឈរនៅជ្រុងម្ខាងនៃរថយន្ដ ដោយមានការបំបែកចង្កៀងមុខដាច់ចេញពីប៉ាណា។ ចង្កៀងក្រោយមើលទៅតូចជាង និងរលោងជាងហើយវាដូចជាសាមញ្ញជាងម៉ូដែលមុនៗបន្តិច។ បុ៉ន្ដែក្រុមហ៊ុន Honda មិនទាន់បានបង្ហាញផ្នែកណាមួយនៅផ្នែកខាងក្នុងរបស់ HR-V ថ្មីនោះទេ។ រថយន្ដប្រភេទ Crossover របស់អាមេរិកខាងជើងមានការរចនាបថខុសពីកំណែផ្សេងទៀតនៃពិភពលោក។ ប៉ុន្ដែព័ត៌មានបានបង្ហាញថា ស៊ីឡាំង ៤ ចំណុះ ១.៨ លីត្រ បង្កើតកម្លាំងបាន ១៤១ សេះ និងកម្លាំងបង្វិល ១៧២ ញូតុនម៉ែត្រ នឹងមិនផ្តល់ជូនអោយម៉ូដែលថ្មីនេះទេ។ ប្រព័ន្ធ non-Si របស់ម៉ូដែល Civic ដែលបច្ចុប្បន្ននៅសហរដ្ឋអាមេរិកអាចរកបានជាមួយនឹង ២.០ លីត្រ ៤ ស៊ីឡាំងដែលផ្តល់ ១៥៨ សេះ និងកម្លាំងបង្វិល ១៨៧ ញូតុនម៉ែត្រ ឬក៏ turbocharged ១.៥ លីត្រ ដែលមានស៊ីឡាំង ៤ មានកម្លាំង ១៨០ សេះ និងកម្លាំងបង្វិល ២៣៩ ញូតុនម៉ែត្រ  ដែលម៉ូដែល HR-V ២០២៣ នេះបានកំណែ Platform តាមម៉ូដែល Civic ចុងក្រោយបង្អស់។ សេចក្តីប្រកាសរបស់ក្រុមហ៊ុន Honda បានសំគាល់ថា ម៉ូដែល HR-V ថ្មីនេះនឹងបំពាក់នូវម៉ាស៊ីនដែលខ្លាំង និងប្រព័ន្ធជើងក្រោមថ្មី ដែលផ្តល់ឱ្យរថយន្តមានទំនុកចិត្ត ភាពស្រស់ស្រាយ និងមានភាពរីករាយក្នុងការបើកបរ៕ អត្ថបទដោយ៖ សូនីតា

Mitsubishi Eclipse Cross ស៊េរីឆ្នាំ ២០២២ កាន់តែពិសេសទាំងរូបរាងនិងតម្លៃ

  • News

ម៉ូដែល Eclipse Cross ដែលជាប្រភេទរថយន្ត Crossover បានដាក់បង្ហាញលើទីផ្សារនៅក្នុងឆ្នាំ ២០១៧ ដោយក្រុមហ៊ុនផលិតរថយន្តជប៉ុន Mitsubishi Motor ហើយវាបានទាក់ទាញចំណាប់អារម្មណ៍អតិថិជនទូទាំងពិភពលោក។ មកទល់ពេលនេះ Mitsubishi Eclipse Cross សេ៊រីឆ្នាំ ២០២២ បានកែប្រែរូបរាងជាច្រើនសម្រាប់ម៉ូដែលថ្មីដោយផ្តល់នូវជម្រើសជាច្រើនដល់អតិថិជន។ ទោះយ៉ាងណាក៏ដោយម៉ូដែលមួយនេះផ្តោតសំខាន់លើការប្រើប្រាស់បែបលក្ខណៈគ្រួសារ កាប៊ីនមានទំហំធំងាយស្រួលក្នុងការផ្ទុករបស់របរ។ កៅអីនីមួយៗមានភាពធំទូលាយគ្រប់គ្រាន់សម្រាប់អ្នកដំណើរការបើកបរដងផ្លូវ ឬសូម្បីតែការបើកបរនៅលើផ្លូវលំបាកដូចជា Off-Road ក៏ម៉ូដែលនេះអាចគ្រប់គ្រងលំនឹងបានយ៉ាងល្អការធ្វើដំណើរប្រកបដោយស្ថេរភាព។ លើសពីនេះទៀតការកែប្រែផ្នែកខាងមុខ និងផ្នែកខាងក្រោយកាន់តែទំនើបពិសេសជាងជំនាន់មុនៗ ដោយរចនាបថដ៏ទំនើប និងការអនុវត្តរួមបញ្ចូលគ្នាដើម្បីធ្វើឱ្យវាកាន់តែទាក់ទាញ។ ម៉ូដែលមួយនេះមានជម្រើសច្រើនសម្រាប់ជ្រើសរើសរួមមាន ES, LE, SE, SE Special Edition, SEL, និង SEL Special Edition ហើយវាប្រើប្រាស់ជាមួយនឹងម៉ាស៊ីន ៤ ស៊ីឡាំង និងកម្លាំងប្រហែល ១៥០ សេះ អាស្រ័យលើ Option ដែលបានជ្រើសរើស។ ជម្រើសនីមួយៗនាំមកនូវលក្ខណៈខុសគ្នានៃតម្លៃរវាងការរចនាមូលដ្ឋានដែលមាន  Mitsubishi Eclipse Cross ES ចាប់ពី ២៣,៦៩៥ ដុល្លាឡើងទៅ និងជម្រើសកំពូល SEL ចាប់ពី ២៧,៦៩៥ ដុល្លារឡើងទៅជាតម្លៃចេញពីរោងចក្រ។ តម្លៃកាន់តែខ្ពស់នឹងត្រូវចំណាយកាន់តែច្រើនសម្រាប់មុខងារកំពូលៗមួយចំនួន នៅពេលនិយាយអំពីលក្ខណៈបច្ចេកទេស រថយន្ត Mitsubishi Eclipse Cross ផ្តល់នូវអ្វីៗស្តង់ដារទាំងអស់រួមទាំងប្រព័ន្ធព័ត៌មានកម្សាន្តអេក្រង់ Touchscreen និងការតភ្ជាប់ Apple CarPlay ឬ Android Auto។ ក្រុមហ៊ុន Mitsubishi យកចិត្តទុកដាក់យ៉ាងខ្លាំងចំពោះសុវត្ថិភាពអ្នកដំណើរ ដូច្នេះអ្នកអាចរំពឹងថានឹងស្វែងរកប្រព័ន្ធសុវត្ថិភាពកម្រិតខ្ពស់នៅក្នុងប្រភេទ Crossover នេះ។ ក្រុមហ៊ុនក៏មានការធានារយៈពេល ១០ ឆ្នាំលើ powertrain ១៦០,៩៣៤ គីឡូម៉ែត្រ ស្តាប់ទៅពិតជាល្អណាស់ជាពិសេសការពិចារណាលើការធានាមានកំណត់ គ្របដណ្តប់រយៈពេល ៥ ឆ្នាំ ឬ ៩៦,៥៦០ គីឡូម៉ែត្រ៕ អត្ថបទដោយ៖ សូនីតា

បើកបង្ហាញម៉ូដែលទាំង ៨ របស់ TOYOTA ដែលពេញនិយមបំផុតសម្រាប់ឆ្នាំ ២០២២

  • News

Toyota ដែលជាក្រុមហ៊ុនរថយន្តធំជាងគេនៅប្រទេសជប៉ុន ក៏ជាក្រុមហ៊ុនផលិតរថយន្តដ៏ធំបំផុតមួយរបស់ពិភពលោកផងដែរ។ Toyota មានម៉ូដែលជាច្រើនកំពុងចរាចរណ៍នៅលើទីផ្សារ មួយក្នុងចំនោមកំពូលរថយន្តទាំងនោះម៉ូដែល Corolla ស្ថិតក្នុងចំណោមរថយន្តដែលលក់ដាច់បំផុតនៅលើពិភពលោក។ ហើយបច្ចុប្បន្នម៉ាកយីហោរនេះក៏កំពុងបន្តចែកចាយរថយន្តជាច្រើនម៉ូដែល ប៉ុន្តែនៅក្នុងនោះយើងសង្កេតឃើញថាមានម៉ូដែលមួយចំនួនកំពុងទទួលបានការចាប់អារម្មណ៍យ៉ាងខ្លាំងពីអ្នកប្រើប្រាស់។ ហើយក្នុងអត្ថបទនេះយើងនឹងមកបង្ហាញម៉ូដែលទាំង ៨ ដែលកំពុងពេញនិយមខ្លាំងសម្រាប់ឆ្នាំ ២០២២៖   ១. Toyota RAV4 Prime ស៊េរីឆ្នាំ ២០២២ រថយន្ត RAV4 មិនខុសពីម៉ូដែល Corolla គឺស្ថិតនៅក្នុងចំណាត់ថ្នាក់កំពូលមួយនៅទូទាំងពិភពលោក។ សម្រាប់ស៊េរីឆ្នាំ ២០២២ នេះ Toyota បានកែប្រែពិសេសទៅលើ RAV4 Prime ដោយបានបំពាក់នូវ Plug-in Hybrid ជាមួយនឹងម៉ាស៊ីនដែលមានចំណុះ ២.៥ លីត្រមានស៊ីឡាំង ៤ ផ្តល់នូវការបង្កើនល្បឿន និងសន្សំសំចៃប្រេងបានយ៉ាងល្អ។ រថយន្តនេះដំណើរការដោយប៉ុងទាំងអស់ (AWD) នឹងមានលក្ខណៈស្តង់ដារហើយ RAV4 Prime អាចធ្វើដំណើរបានចម្ងាយ ៦៧ គីឡូម៉ែត្រដោយម៉ូទ៏រអគ្គិសនីសុទ្ធ។ Toyota បានដាក់លក់ RAV4 Prime នៅក្នុងតម្លៃ ៤១,០១៥ ដុល្លារដែលជាតម្លៃចេញពីររោងចក្រ។    ២. Toyota Sienna ស៊េរីឆ្នាំ ២០២២  រថយន្ត Minivan ទ្វារ ៥ ទទួលបានការរចនាឡើងវិញយ៉ាងសំខាន់សម្រាប់ឆ្នាំ ២០២១។ សម្រាប់ម៉ូដែលឆ្នាំ ២០២២ យើងក៏ឃើញមានការកែប្រែមួយចំនួន ដែលធ្វើឱ្យ Sienna ទទួលបានចាប់អារម្មណ៍ខ្លាំងជាងឆ្នាំមុនៗ ហើយរថយន្តច្រើនជាង ១០០,០០០ គ្រឿងត្រូវបានលក់ចេញ។ Sienna បានបំពាក់មកជាមួយនឹងម៉ាស៊ីនចំណុះ ២.៥ លីត្រ ស៊ីឡាំង ៤ នឹងម៉ូទ័រអេឡិចត្រិចមួយគូរ ផ្សំគ្នាដើម្បីបង្កើតកម្លាំង ២៤៣ សេះ។ ដូចឆ្នាំមុនៗ Sienna ត្រូវបានផ្តល់ជូនផ្តាច់មុខជារថយន្ត Hybrid ហើយវាក៏ជារថយន្តមួយក្នុងចំណោមរថយន្តធុនស្រាលនៅលើទីផ្សារដែលដំណើរការដោយប៉ុងទាំងអស់ (AWD) នឹងមានតម្លៃ ៣៥,៩២៥ ដុល្លារ តម្លៃចេញពីររោងចក្រ។   ៣. Toyota Tundra ស៊េរីឆ្នាំ ២០២២ Tundra ទទួលបានលក្ខណៈពិសេសផ្នែកខាងក្រៅថ្មីសម្រាប់ឆ្នាំ ២០២២ ដូចជាប៉ាណាដ៏ធំ និងជម្រើស Hybrid V6 ដែលផ្តល់ឱ្យអ្នកនូវកម្លាំងបង្វិលជុំបន្ថែមរហូតដល់ ៦៤៩ ញ៉ូតុនម៉ែត្រ។ នៅខាងក្នុងប្រព័ន្ធ infotainment ក៏មានការរចនាប្រសើរឡើងផងដែរ លើសពីនេះទៀតវាមានជម្រើសដំណើរការដោយប៉ុងទាំងពីរ (4WD) អាចបិទបើកបាន នឹងដាក់លក់នៅក្នុងតំម្លៃ ៣៧,៦៤៥ ដុល្លារឡើងទៅ ក៏ជាតម្លៃចេញពីររោងចក្រ។ ជំនាន់ថ្មី Tundra មានម៉ាស៊ីនមូលដ្ឋានចំណុះ ៣.៥ លីត្រ twin-turbo V-6 ផ្តល់កម្លាំង ៣៨៩ សេះ។    ៤. Toyota Highlander ស៊េរី២០២២ រថយន្តប្រភេទ SUV មានកៅអីអង្គុយចំនួន ៣ ជួរ ដែលពេញនិយមខ្លាំងនៅក្នុងទីផ្សារកម្ពុជា គឺជារថយន្តដែលលក់ដាច់បំផុតនៅក្នុងថ្នាក់របស់ Toyota អស់រយៈពេល ២០ ឆ្នាំ។ ស៊េរីថ្មីបានបំពាក់មកជាមួយនឹងម៉ាស៊ីន V6 ចំណុះ ៣.៥ លីត្រ ផលិតកម្លាំង ២៩៥ សេះ ដែលភ្ជាប់មកជាមួយនឹងប្រអប់លេខស្វ័យប្រវត្តិ ៨ វគ្គ។ ការដំណើរការដោយប៉ុងខាងមុខ ឬដំណើរការដោយប៉ុងប៉ុងទាំងពីរ ព្រមទាំងប្រើប្រាស់ជាមួយប្រព័ន្ធ Hybrid ធ្វើឱ្យ Highlander ថ្មីមានតម្លៃខ្លួនដល់ទៅ ៣៦,៦២០ ដុល្លារ ជាតម្លៃចេញពីររោងចក្រ។    ៥. Prius Prime ស៊េរីឆ្នាំ ២០២២ Prius ដែលជារថយន្ត Hatchback ធន់ស្រាលរបស់ Toyota ដ៏ល្បីល្បាញមួយទៀត ក៏ជារថយន្តដំបូងគេបង្អស់ដែលផលិតឡើងដោយភ្ជាប់មកជាមួយនឹងបច្ចេកវិទ្យា Hybrid ផ្តល់នូវការសន្សំសំចៃប្រេងដល់អ្នកប្រើប្រាស់។ ការរចនាបន្ថែមសម្រាប់ Prius Prime ស៊េរីឆ្នាំ ២០២២ ផ្តល់ជូននូវ Option ចំនួនបី កំណែ Plug-in Hybrid Prime នឹងលក្ខណៈពិសេសស្តង់ដារដូចជាកៅអីខាងមុខដែលមានកំដៅងាយស្រួលក្នុងការបើកបរ។ ជាមួយនឹងតម្លៃចេញពីរោងចក្រ ២៩,២៤៥ ដុល្លារដែលអ្នកបានកំណត់ Prius ផ្តល់ឱ្យអ្នកនូវម៉ាស៊ីន ៤ ស៊ីឡាំងដែលដំណើរការដោយម៉ូទ័រអេឡិច កញ្ចប់ថ្ម និង ប្រអប់លេខ CVT ស្វ័យប្រវត្តិដើម្បីបង្កើនប្រសិនភាពដល់ Prime។    ៦. Toyota Venza ស៊េរីឆ្នាំ ២០២២ រថយន្ត SUV មានកៅអីពីរជួ Toyota Venza បានត្រឡប់មកវិញជាមួយនឹងនាំយកនូវប្រព័ន្ធ Hybrid powertrain ទទួលបានការសន្សំសំចៃប្រេងកាន់តែប្រសើរ។ វាត្រូវបានរួមបញ្ចូលនៅក្នុងត្រកូល Crossover ដែលមាន Venza, RAV4 និង Highlander។ Venza ត្រូវបានផ្តល់ជូនផ្តាច់មុខជារថយន្ត Hybrid ដំណើរការដោយការដំឡើងដែលមានម៉ាស៊ីនសាំង ៤ ស៊ីឡាំង ចំណុះ ២.៥ លីត្រ និងម៉ូទ័រអេឡិចត្រិចចំនួន ៣ ដែលរួមគ្នាបង្កើតកម្លាំង ២១៩ សេះ។ បើនិយាយពីតម្លៃថោកជា Highlander បន្តិចគឺវាមានតម្លៃ ៣៤,១០៥ ដែលជាតម្លៃចេញពីរោងចក្រ។    ៧. Toyota Corolla Cross ស៊េរីឆ្នាំ ២០២២ ថ្មីបំផុតសម្រាប់ឆ្នាំ ២០២២ Toyota Corolla Cross គឺជារថយន្តប្រភេទ SUV ដែលគួរឱ្យចាប់អារម្មណ៍វាមានទំហំតូចជាង C-HR ប៉ុន្តែធំជាង RAV4។ Corolla Cross ថ្មីបានផ្តល់នូវសុវត្ថិភាពពិសេសបំផុតដែលអាចឱ្យជ្រើសរើសវាជារថយន្តដែលមានការគាំទ្រច្រើន។ យ៉ាងណាមិញក្រៅពីប្រព័ន្ធសុវត្ថិភាពខ្ពស់វាក៏បានបំពាក់មកជាមួយនឹងម៉ាស៊ីនចំណុះ ២.០ លីត្រ មានស៊ីឡាំង ៤ ផលិតកម្លាំងបាន ១៦៩ សេះ និងប្រើប្រាស់ប្រអប់លេខ Variable automatic។ បច្ចុប្បន្ន Corolla Cross កំពុងពេញនិយមនៅលើទីផ្សារទូទាំងពិភពលោក ហើយក្រុមហ៊ុន Toyota ក៏បានកំណត់តម្លៃចេញពីរោងចក្រ ២៣,៤១០ ដុល្លារ។   ៨. Toyota Camry ស៊េរីឆ្នាំ ២០២២ Toyota Camry សេ៊រីឆ្នាំ ២០២២ រថយន្តដ៏ពេញនិយមបំផុតមិនថាក្នុងទីផ្សារប្រទេសកម្ពុជា ឬ ទីផ្សារនានាលើពិភពលោក Toyota គឺបានធ្វើអាប់ដេតសម្រាប់ម៉ូដែលមិនធ្វើឱ្យអ្នកបើកបរមានអារម្មណ៍នឿយណាយនោះទេ។ ការផ្លាស់ប្តូរដ៏សំខាន់បំផុតរបស់ Camry សម្រាប់ឆ្នាំ ២០២២ គឺជាកម្រិតតុបតែងថ្មី Nightshade Edition សម្រាប់កំណែ Hybrid។ Toyota Camry ផ្តល់ឱ្យអ្នកបើកបរនូវជម្រើសនៃការបញ្ជូនថាមពលពីរផ្សេងគ្នា។ ទាំងនេះរួមបញ្ចូលម៉ាស៊ីន ៤ ស៊ីឡាំង ២.៥ លីត្រដ៏ខ្លាំងក្លា និងម៉ាស៊ីន V6 ៣.៥ លីត្រដែលមានថាមពល D-4S Fuel Injection ។ លក្ខណៈពិសេសជាច្រើនត្រូវបានបញ្ចូលនៅលើ Camry ហើយកំណត់តម្លៃមូលដ្ឋានចាប់ផ្តើមពី ២៦,៤២០ ដុល្លារជាតម្លៃចេញពីររោងចក្រ៕ អត្ថបទដោយ៖ សូនីតា
✔

Copy link Success.

×

វីដេអូ

Ford Ranger ស៊េរីឆ្នាំ២០២២ បានបង្ហាញខ្លួនសម្រាប់ពិភពលោកទាំងមូល នេះជាអ្វីដែលអ្នកទទួលបាន

  • Reviews, New Car

ឡានចាស់សេ៊រីថ្មី ឆ្នាំ២០២២ CR-V របស់ Honda ទទួលបានការរិះគន់ច្រើនប៉ុន្តែបែរជានៅតែលក់ដាច់ទៅវិញ

  • Reviews, New Car

ធ្លាប់តែឃើញឡានហោះនៅ ក្នុងរឿងពេលនេះបានឃើញហើយ ឡានហោះពិតៗ

  • News

ព័ត៌មានពេញនិយម

ចំណាយត្រឹមតែ ៧ ម៉ឺនដុល្លារសម្រាប់ម៉ូដែល F-150 Lightning នឹងធ្វើអោយលោកអ្នកចំណេញទ្វេដង

  • News

មិនបាច់ត្រូវចាំ ៤ ឆ្នាំចិនប្រើសំបក Land Cruiser ស៊េរី 300 ថ្មីគ្របពីលើស៊េរី 200 ចាស់ដូចគ្នាគ្មានទាស់

  • News

អ្នករចនាបង្កើតរូបភាពឌីជីថលនៃរថយន្ត FJ Cruiser អគ្គិសនីថ្មីដែល Toyota គ្រោងនឹងផលិតនាពេលឆាប់ៗនេះ

  • News

Lexus បានបង្ហាញរូបភាពអាវុធថ្មីដែលធ្វើអោយអ្នកគាំទ្រអន្ទះសារចង់ដឹងលម្អិតពីវា

  • News

រថយន្តប្រភេទ Off-Road ទាំង ៥ ដែលមានឥទ្ធិពលបំផុតនៅក្នុងឆ្នាំ ២០២២

  • News, New Car

Hyundai Santa Fe ឆ្នាំ ២០២២ កំពុងតែជួបបញ្ហាដែលតម្រូវឱ្យក្រុមហ៊ុនធ្វើការប្រមូលរថយន្តមកវិញ

  • News

ម្ចាស់រថយន្ត Ford Mustang Mach-E អគ្គិសនីរងភាពអយុត្តិធម៌ជាមួយនឹងវិក័យប័ត្រជួសជុលខ្ទង់ម៉ឺនដុល្លារ 

  • News

Tundra Capstone ឆ្នាំ 2022 ប្រណិតហើយមានតម្លៃថោកជាង F-150 PowerBoost

  • News

Toyota ត្រូវបានគេរាយការណ៍ថាកំពុងធ្វើតេស្ត TRD Pro ដើម្បីប្រកួតប្រជែងជាមួយនិង Ford F-150 Raptor

  • News

Toyota bZ4X GR Sport ត្រៀមដាក់បង្ហាញក្នុងការតាំងពិព័រណ៍រថយន្តTokyo ឆ្នាំ ២០២២

  • News

ប្រភេទ

ស្លាក

ទាញយកកម្មវិធីដោយឥតគិតថ្លៃ