វិធីបង្កើនតម្លៃឡានមុននឹងធ្វើការលក់

Auto Tips
មើល: 2369

ការលក់រថយន្តរបស់លោកអ្នកប្រាកដជាកើតឡើងពីការដែលចង់ដូរសេរី ឬក៏ត្រូវការលុយប្រញ៉ាប់ ដើម្បីដោះស្រាយបញ្ហាអ្វីមួយ អញ្ចឹងបើការលក់របស់លោកអ្នកទទួលបានតម្លៃដែលមិនគ្រប់គ្រាន់នឹងអ្វីដែលលោកអ្នកចង់បាន​ នោះវាពិតជាពិបាកហើយ អញ្ចឹងសាកមកប្រើប្រាស់វិធីទាំងនេះមើល ៖

  ១. ផ្លាស់ប្តូរផ្នែកដែលខ្វះខាតគឺជាការវិនិយោគ៖

នៅពេលដែលអ្នកលក់ឡានអ្នកទិញប្រាកដជាពិនិត្យមើលទៅគ្រប់ផ្នែកទាំងអស់ដើម្បីទម្លាក់តម្លៃរថយន្តរបស់លោកអ្នក អញ្ចឹងពេលយើងបានប្តូររួចរាល់ហើយអ្នកទិញមិនអាចចាប់យកចំនុចខ្វះខាតមកនិយាយដើម្បីទម្លាក់តម្លៃបានទេ ហើយក៏ទទួលបានលើសពីតម្លៃដែលយើងធ្វើការផ្លាស់ប្តូរដែរ ចំណែកសំបកកង់ជាផ្នែកមួយដែលយើងចាំបាច់ត្រូវប្តូរបើយើងប្រើប្រាស់វាមករយះពេលយូរហើយ។

Why you need to get your car serviced – Change Your Battery

  ២. សោភ័ណភាពខាងក្រៅ៖

សោភ័ណភាពខាងក្រៅសំខាន់ណាស់​ បើសិនជាមានការបាក់បែក គុណភាពភ្លើង ឬរបកទឹកថ្នាំរថយន្តរបស់អ្នកប្រាកដជាធ្លាក់តម្លៃកាន់តែច្រើន ព្រោះគេដកតម្លៃទៅ តាមតម្លៃនៃការជួសជុល ឬលើសហ្នឹង។

Car Detailing | Interior & Exterior Vehicle Detailing | Whitby, ON | Spotless Auto Glass and Car Care Inc.

ដូច្នេះប្រសិនបើបងប្អូនមានបំណងចង់លក់រថយន្តផ្ទាល់ខ្លួន អាចសាកល្បងនៅវិធី ២ នេះបាន ខ្ញុំជឿជាក់ថាវានឹងអាចជួយបង្កើនតម្លៃនៃរថយន្តរបស់បងប្អូនបាន ៕

ចែករំលែក:
ស្លាក:

Relate Post

វិធីសាស្រ្តងាយៗក្នុងការសន្សំសំចៃប្រេងឥន្ធនៈក្នុងស្ថានភាពដែលប្រេងឥន្ធនៈកំពុងឡើងថ្លៃ

  • Auto Tips

ខណៈពេលដែលយើងមិនអាចគ្រប់គ្រងតម្លៃប្រេងដែលកំពុងតែឡើងថ្លៃ វាបានក្លាយជាបញ្ហាធំបំផុតសម្រាប់អ្នកបើកបរ ដូច្នេះដើម្បីកាត់បន្ថយការចំណាយរបស់អ្នក មានរឿងសំខាន់ដែលយើងត្រូវដឹងពីល្បិចសន្សំសំចៃ និងបច្ចេកទេសបើកបរណាដែលអាចជួយសន្សំសំចៃប្រេងបាន។ តែមុននឹងយើងដឹងពីរបៀបសន្សំលើការចំណាយ និងគន្លឹះដ៏មានប្រសិទ្ធភាព សូមក្រឡេកមើលទៅមូលហេតុដែលតម្លៃប្រេងឥន្ធនៈឡើងថ្លៃខ្លាំងជាមុនសិន។ ហេតុអីវាជាប្រេងឥន្ធនៈឡើងថ្លៃយ៉ាងនេះ? ប្រេងឆៅត្រូវបានទិញដោយអ្នកលក់រាយនៅលើទីផ្សារពិភពលោក ដែលតម្លៃអាចប្រែប្រួលទៅតាមការផ្គត់ផ្គង់ និងតម្រូវការ។ អត្រាប្តូរប្រាក់ទំនងជាមានឥទ្ធិពលលើតម្លៃផងដែរ។មួយវិញទៀត តម្លៃប្រេងកំពុងឡើងថ្លៃនៅថ្ងៃនេះ ព្រោះតែប្រទេសសេដ្ឋកិច្ចធំៗបានត្រៀមខ្លួនជាស្រេចដើម្បីបើកឡើងវិញបន្ទាប់ពីវិបត្តិសកល… ដែលតម្រូវការប្រេងសម្រាប់ការប្រើប្រាស់ក្នុងឧស្សាហកម្មក៏ចាប់ផ្តើមកើនឡើងដូច្នេះ។ ឥឡូវជៀសវាងពីការខ្ជះខ្ចាយប្រេងដែលកំពុងតែឡើងថ្លៃនេះអ្នកអាចចាប់ផ្តើមពីការ៖ ថែទាំរថយន្តឱ្យស្ថិតក្នុងស្ថានភាពបើកបរបានយ៉ាងល្អបំផុត យានជំនិះរបស់អ្នកគួរតែមានសេវាថែទាំឱ្យទៀងទាត់ ការកែសំរួលម៉ាស៊ីន សម្អាតតម្រងខ្យល់ ពិនិត្យប្រេងជាដើម ។ បើកបរតែនៅពេលចាំបាច់។ មធ្យោបាយដ៏ល្អបំផុតដើម្បីកាត់បន្ថយការប្រើប្រាស់ប្រេងឥន្ធនៈគឺគ្រាន់តែបើកបររថយន្តរបស់អ្នកឱ្យតិចជាងមុន។ បើកឡានតែនៅពេលដែលអ្នកពិតជាត្រូវការ។ ប្រសិនបើអ្នកត្រូវការធ្វើដំណើរជិតៗ សូមពិចារណាការដើរ ឬការជិះកង់។ មិនត្រឹមតែសន្សំលុយទៅលើប្រេងទេ ថែមទាំងបានធ្វើលំហាត់ប្រាណខ្លះដែរ។ ប្រើការគ្រប់គ្រងពេលបើកបរនៅលើផ្លូវល្បឿនលឿនដូចជាការប្រើប្រាស់ Cruise Control ឱ្យរថយន្តរបស់អ្នកនឹងបើកបរនៅក្នុងល្បឿនថេរ ដែលមានន័យថាមិនមានការបង្កើនល្បឿនទេ។ គ្មានការបង្កើនល្បឿនកាត់បន្ថយបរិមាណការងារដែលម៉ាស៊ីនរបស់អ្នកធ្វើការដូច្នេះវាប្រើប្រាស់ឧស្ម័នតិច។ អ្នកគួរតែកំណត់ការគ្រប់គ្រងពេលបើកបររបស់អ្នកនៅល្បឿនកំណត់ ៨៨គ.ម ក្នុងមួយម៉ោង គឺជាល្បឿនដ៏ល្អឥតខ្ចោះសម្រាប់ប្រសិទ្ធភាពប្រេងអតិបរមា។   ការបើកបរក្នុងល្បឿនលឿន និងការចាប់ហ្វ្រាំងញឹកញាប់ វាបណ្តាលឱ្យរថយន្តស៊ីសាំងច្រើន។ ការអនុវត្តទាំងនេះអាចកាត់បន្ថយប្រសិទ្ធភាពប្រេងរបស់អ្នកបានរហូតដល់ ៣៣%នៅលើផ្លូវល្បឿនលឿន និងការបើកបរក្នុងទីក្រុង។ ជៀសវាងការបើកបរដោយកន្ត្រាក់ ការបង្កើនល្បឿនភ្លាមៗ និងការចាប់ហ្វ្រាំងភ្លាមៗដែលបានធ្វើជាញឹកញាប់អាចបង្កើនការប្រើប្រាស់ប្រេងដែលមិនចាំបាច់ដល់ទៅ ២០%។ ការបង្កើនល្បឿនយឺត មានស្ថិរភាព និងការចាប់ហ្វ្រាំងគឺជាបច្ចេកទេសណែនាំសម្រាប់ការសន្សំសំចៃប្រេង។ បើកបង្អួចនៅពេលដែលអាកាសធាតុល្អសូមបិទម៉ាស៊ីនត្រជាក់ នេះអាចកាត់បន្ថយការប្រើប្រាស់ប្រេងបានរហូតដល់ ១០%ក្នុងការបើកបរផ្លូវទីក្រុង។ ការកំណត់ការប្រើប្រាស់ម៉ាស៊ីនត្រជាក់ពេលកំពុងបើកបរដូចដែលយើងទាំងអស់គ្នាដឹងហើយថា ការបើកបររថយន្តដោយប្រើភ្លើង AC អាចបង្កើនបន្ទុកលើម៉ាស៊ីន ដែលបណ្តាលឱ្យស៊ីប្រេងកាន់តែច្រើន។ ដូច្នេះកំណត់ការប្រើម៉ាស៊ីនត្រជាក់ លុះត្រាតែវាចាំបាច់។ ជៀសវាងការដំណើរការម៉ាស៊ីននៅពេលដែលរថយន្តមិនមានចលនាជាទូទៅការបញ្ឆេះម៉ាស៊ីនចោលគឺដើម្បីរក្សារ AC ឱ្យដំណើរការនេះជាទម្លាប់ធម្មតាដែលមនុស្សធ្វើតាមផ្លូវពេលកំពុងរង់ចាំចរាចរណ៍ ប៉ុន្តែវាក៏បញ្ចប់ដោយការខ្ជះខ្ជាយប្រេងច្រើន។ វាត្រូវបានណែនាំថាប្រសិនបើពេលវេលារង់ចាំក្នុងចរាចរណ៍លើសពី ១០វិនាទី អ្នកគួរតែបិទម៉ាស៊ីនសិន។ ជំនួសតម្រងខ្យល់កខ្វក់។ តម្រងខ្យល់កខ្វក់បណ្តាលឱ្យម៉ាស៊ីនរថយន្តរបស់អ្នកធ្វើការខ្លាំងហើយតែងតែបណ្តាលឱ្យចុះប្រេងខ្លាំង។ ដូច្នេះ ត្រូវប្រាកដថាអ្នកធ្វើតាមការណែនាំ សម្រាប់ការផ្លាស់ប្តូរតម្រងខ្យល់ជាទៀងទាត់។ តម្រងខ្យល់ស្អាតអនុញ្ញាតឱ្យម៉ាស៊ីនរបស់អ្នកដំណើរការកាន់តែមានប្រសិទ្ធភាព ហើយថែមទាំងជួយអ្នកសន្សំប្រាក់នៅលើបូមផងដែរ។ កាត់បន្ថយទំងន់នៅក្នុងឡាន។ កម្ចាត់វត្ថុដែលមិនចាំបាច់នៅផ្នែកខាងក្នុងរថយន្ត ឬកន្លែងផ្សេងទៀតនៃរថយន្ត។ សម្រាប់រាល់ទម្ងន់ ៤៥គីឡូក្រាម ក្នុងយានជំនិះការសន្សំសំចៃប្រេងរបស់រថយន្តរបស់អ្នកថយចុះប្រហែលមួយ ឬពីរភាគរយ។ ជាចុងក្រោយបើសិនជាបងប្អូនមានបំណងចង់ទិញឡានថ្មីនៅក្នុងស្ថានភាពនៃប្រេងកំពុងឡើងថ្លៃដូច្នេះ ការជ្រើសរើសរថយន្តដែលគិតទៅលើ EPA នៃកម្រិតស៊ីសាំងក៏ជារឿងមួយដែលគួរតែពិចារណាផងដែរ។

វិធីងាយៗថែទាំរថយន្តអ្នកឱ្យប្រើប្រាស់បានយូរអង្វែង

  • Auto Tips

ការថែទាំរថយន្តរបស់អ្នកអោយបានត្រឹមត្រូវវាគឺជាគន្លឹះសំខាន់ក្នុងការរក្សាររថយន្តរបស់អ្នកអោយប្រើប្រាស់បានយូរអង្វែង។ ព្រោះថារថយន្តគឺដូចជាការវិនិយោគមួយអញ្ចឹង នៅពេលដែលវាខូចការជួសជុលប្រាកដជាត្រូវចំណាយទឹកប្រាក់ច្រើន ដូច្នេះជាហេតុដែលបងប្អូនគួរតែថែទាំវាអោយល្អបំផុត។ ធម្មតាទេការប្រើប្រាស់ជៀសមិនផុតពីការជួសជុលនោះទេ ប៉ុន្តែបើយើងថែទាំដោយខ្លួនឯងវានឹងកាត់បន្ថយការចំណាយជាពិសេសពេលចង់បានថ្មីលក់វិញមិនសូវខាត។ ទាំងនេះគឺTips ខ្លះៗសម្រាប់ប្រិយមិត្តយកទៅអនុវត្តន៍នៅលើរថយន្តរបស់ខ្លួន។    ១. រក្សាឡានរបស់យើងអោយនៅតែស្អាតហើយថ្មី មិនថាបងប្អូនធ្វើការលាងវាដោយខ្លួនឯងឬមកលាងនៅការ៉ាសក៏ដោយ គួរតែសម្អាតខាងផ្នែកក្រៅនឹងខាងក្នុងអោយបានទៀងទាត់យ៉ាងហោច ៣ទៅ៤ដង ក្នុងមួយខែទោះជាវាមិនសូវប្រឡាក់ខ្លាំងក៏ដោយ។   ២. ពិនិត្យសម្ពាធកង់អោយបានទៀងទាត់ សំបកកង់វាដូចជាយ័នសម្រាប់ការពារជិវិតបងប្អូនអញ្ចឹង ដូច្នេះពិនិត្យវាយ៉ាងហោចណាស់មួយសប្តាហ៌អោយបានម្តង។ ហើយវាក៏ជួយសន្សំសំចៃបងប្អូនដែរ នៅពេលយើងទុកអោយសំបកកង់ធូរខ្យល់ច្រើនដងវានឹងកាត់បន្ថយអាយុកាលនៃការប្រើប្រាស់របស់វា។   ៣. ត្រួតពិនិត្យបច្ចេកទេសយានយន្ត ត្រួតពិនិត្យបច្ចេកទេសយានយន្តដោយកំណត់ទៅលើការប្រើប្រាស់ ការយកចិត្តទុកដាក់ទៅលើកុងទ័រចំងាយនៃការប្រើប្រាស់៖  -ផ្លាស់ប្តូរប្រេងម៉ាស៊ីនរៀងរាល់កាបើកបរបាន៥០០០ គីឡូម៉ែត្រ វានឹងជួយអោយរថយន្តរបស់បងប្អូនបើកបរបានយ៉ាងរលូន។  -ផ្លាស់ប្តូរតម្រងខ្យល់រៀងរាល់២០០០០ គីឡូម៉ែត្រ ជាការងារមួយក្នុងចំណោមការងារថែទាំរថយន្តងាយបំផុត ដើម្បីបង្កើនប្រសិទ្ធភាព ឥន្ធនៈធ្វើអោយម៉ាស៊ីនមានអាយុកាលវែង និងកាត់បន្ថយការបំភាយចំហេះ។  -បង្វិលសំបកកង់រៀងរាល់ ៨០០០ គីឡូម៉ែត្រ ទៅ១២០០០ គីឡូម៉ែត្រ ការឆ្លាស់កង់របស់រថយន្តដើម្បីអោយរថយន្តរបស់បងប្អូនស្មើគ្នានឹងធានានូវការបើកបរយ៉ាងរលូនហើយមានសុវត្ថិភាព ។   ៤. ត្រួតពិនិត្យធុងទឹក កុំភ្លេចពិនិត្យធុងទឹកអោយបានញឹកញាប់ព្រោះវត្ថុរាវគឺជាអាយុកាលរបស់ឡាន បើបងប្អូនខកខានមិនបានបំពេញទេវានឹងអាចមានផលវិបាកធ្ងន់ធ្ងរ។    ៥. ការថែរក្សារអាគុយឡាន  ប្រសិនបើមិនប្រើឡានរបស់បងប្អូនអស់រយៈពេលយូរនោះអាគុយរបស់វានឹងចុះខ្សោយដូច្នេះដើម្បីថែរក្សារវាអោយនៅល្អបងប្អូនគួរតែព្យាយាមបើកឡានរបស់បងប្អូន យ៉ាងហោចណាស់ម្តងក្នុងមួយសប្តាហ៍ប្រសិនបើអាច ជាពិសេសនោះគឺសម្រាប់ខែត្រជាក់។   ៦. ប្រើប្រាស់ម៉ាស៊ីនត្រជាក់ បងប្អូនមួយចំនួនគិតថាការសន្សំសំចៃប្រេងដោយកាត់បន្ថយការប្រើប្រាស់ម៉ាស៊ីនត្រជាក់ ប៉ុន្តែបងប្អូនត្រូវដឹងថាការមិនប្រើប្រាស់វាបានទៀងទាត់វាអាចធ្វើម៉ាស៊ីនត្រជាក់មានបញ្ហា ចឹងផ្លាស់ប្តូរពីការសន្សំសំចៃអាចជាការជួសជុលម៉ាស៊ីនត្រជាក់ញឹកញាប់បាន។    ៧. កុំបើកឡានរបស់បងប្អូនរហូតដល់អស់សាំង ព្រោះម៉ាស៊ីនបូមសាំងនឹងវាសម្បូរដោយកំម្ទេចកំទី ហើយនឹងច្រេះដែលត្រូវបានរកឃើញនៅក្នុងធុងសាំង។ ទាំងនេះគឺសុទ្ធតែវិធីសាស្រ្តងាយៗដែលបងប្អូនអាចអនុវត្តន៍បាននៅផ្ទះ៕ 

អំពូលចង្កៀងមុខនៃរថយន្តទាំង5ប្រភេទ..........

  • Auto Tips

ចង្កៀងមុខរបស់រថយន្តមានតួនាទីសំខាន់បំផុតនៅពេលបើកបរលើផ្លូវងងឹតហើយស្ងួត វាជួយបំភ្លឺផ្លូវខាងមុខដែលផ្តល់សញ្ញាអោយអ្នកខាងមុខដឹងពីវត្តមានរបស់រថយន្តយើង។ បច្ចេកវិទ្យាចង្កៀងមុខរថយន្តបានអភិវឌ្ឍន៍ទៅមុខរហូតតាំងពីចង្កៀង Carbide រហូតមកដល់ចង្កៀងប្រភេទ Lasers បំពាក់នៅលើរថយន្តសម័យទំនើប។ មានចង្កៀងមុខរបស់រថយន្តជាច្រើនដែលក្រុមហ៊ុនផលិតរថយន្តកំពុងប្រើប្រាស់ តែថ្ងៃនេះមេគង្គខាលើកយកចង្កៀង5ប្រភេទដែលសំខាន់ៗមកនិយាយ៖   ១. Halogen         ចង្កៀងប្រភេទ Halogen ត្រូវបានគេប្រើប្រាស់យ៉ាងទូលំទូលាយដែលអ្នកឃើញស្ទើរតែគ្រប់រថយន្ត ។ ចង្កៀង Halogen ដំណើរការដោយការបញ្ជូនអគ្គិសនីតាមរយះសរសៃតង់ស្តែនដែលដាក់ក្នុងកញ្ចក់កែវ ពោរពេញទៅដោយឧស្ម័នហាឡូហ្សែន ។ ឧស្ម័នមានភាពធន់នឹងកម្តៅខ្លាំងដូច្នេះខ្សែភ្លើងដែលត្រូវបានផ្គត់ផ្គង់ដោយចរន្តអគ្គិសនីចាប់ផ្តើមឡើងកម្តៅ និងបញ្ចេញពន្លឺ ។ នេះជាហេតុផលដែលអំពូល Halogen បញ្ចេញពន្លឺមកជាពណ៌លឿង ។ អំពូលប្រភេទនេះមិនសូវមានប្រសិទ្ធិភាពទេ ព្រោះវាខ្ចះខ្ចាយថាមពលច្រើនទើបទទួលបានកម្តៅ ហើយវាអាចជះពន្លឺបានត្រឹមតែ 100ម៉ែត្រប៉ុណ្ណោះ ។   ២. Zenon ឬ HID ការបញ្ចេញអាំងតង់ស៊ីតេខ្ពស់(HID) ឬចង្កៀងមុខ Zenon ស្រដៀងនឹងអំពូលប្រភេទ CFL​ ដែលយើងធ្លាប់ប្រើនៅក្នុងផ្ទះដែរ។ ចង្កៀងនេះមិនត្រូវការខ្សែភ្លើងនៅខាងក្នុងទេ ផ្ទុយទៅវិញវាដំណើរការដោយការបង្កើតតំបន់តង់ស្យុងខ្ពស់រវាងអេឡិចត្រូតពីរកន្លែងដែលនៅសល់បំពេញដោយឧស្ម័នស៊ីនូន។ អំពូលបែបនេះចំណាយពេលតិចដើម្បីឈានដល់ពន្លឺអតិបរមារបស់វា។ នៅពេលវាឈានដល់កម្តៅកំពូលវាបញ្ចេញពន្លឺពណ៌ខៀវបន្តិច សបន្តិច។​ ចង្កៀង HID មានថាមពលខ្លាំងជាង Halogen ហើយអាចជះពន្លឺបានចម្ងាយប្រហែល 200 ទៅ 250ម៉ែត្រ។   ៣. LED LED ដែលទូទៅគេស្គាល់ថាវាដំណើរការដោយចរន្តអគ្គិសនីហូរតាមឌីយ៉ូដដែលបញ្ចេញពន្លឺ។ វាជាប្រភេទអំពូលអេឡិចត្រូនិចដូច្នេះវាមិនត្រូវការពេលកម្តៅទេហើយស្ទើរតែគ្មានបញ្ចេញកម្តៅផង។ វាមានថាមពលខ្លាំងបំផុតក្នុងការផលិតពន្លឺអោយភ្លឺ។ LED ងាយតម្លើងនៅលើចង្កៀងមុខនៃរថយន្តផ្សេងៗ។ អត្ថប្រយោជន៍មួយទៀតគឺវាអាចប្រើទៅតាមការច្នៃផ្សេងៗទៅលើចង្កៀងរថយន្ត​។​ ដូចដែលអ្នកបានឃើញអំពូល LED បំពាក់នៅលើរថយន្តទំនើបៗ។ LED អាចជះពន្លឺបានរហូតដល់ 300ម៉ែត្រ។   ៤. Matrix Matrix ត្រូវបានគេស្គាល់ថាជាអំពូលដែលមានពន្លឺភីកសែល។ អំពូល LED ខុសៗគ្នាជាច្រើនត្រូវបានប្រើដើម្បីធ្វើចង្កៀងមុខហើយអំពូលទាំងអស់នោះត្រូវបានគ្រប់គ្រងដោយឯករាជ្យ។ កាមេរ៉ាមួយត្រូវបានតំឡើងនៅខាងក្រោយកញ្ចក់មើលខាងក្នុងដែលអាចចាប់បាននូវចង្កៀងមុខ និងចង្កៀងក្រោយរបស់រថយន្ត។ នៅពេលប្រព័ន្ធរកឃើញយានយន្តវានឹងបិទភ្លើង LED រៀងៗខ្លួនដើម្បីកុំឱ្យអ្នកបើកបររថយន្តផ្សេងទៀតពិបាកក្នុងការមើល។ ដូច្នេះចង្កៀងមុខមិនបញ្ចាំងពន្លឺបញ្ឈរ និងផ្ដេកលើយានយន្តផ្សេងឡើយ។   ៥. Lasers ភ្លើងឡាស៊ែរ គឺជាបច្ចេកវិទ្យាទំនើបបំផុតដែលមានលក់នៅលើទីផ្សារ នេះគឺជាហេតុផលដែលវាល្អបំផុតនៅក្នុងថ្នាក់ប៉ុន្តែវាក៏ជារបស់ថ្លៃបំផុតផងដែរ។ ភ្លើងឡាស៊ែរផ្តល់ថាមពលដល់ឧស្ម័នដោយមានជំនួយពីឡាស៊ែរ ដោយសារតែឧស្ម័នបញ្ចេញពន្លឺយ៉ាងខ្លាំង។ អត្ថប្រយោជន៍សំខាន់បំផុតនៃភ្លើងឡាស៊ែរគឺការជះពន្លឺចង្កៀងមុខរបស់វាខ្លាំងជាងអំពូលចង្កៀងមុខប្រភេទផ្សេងទៀត។ ភាគច្រើនវាត្រូវបានប្រើលើរថយន្តទំនើបលំដាប់ខ្ពស់ ឬអាចប្រើបានជាមួយរថយន្តផ្សេងៗ ប៉ុន្តែវាក៏មានតម្លៃថ្លៃផងដែរ។ ភ្លើងឡាស៊ែរអាចបំភ្លឺផ្លូវប្រហែល ៦០០ម៉ែត្រពីមុខ។ ទាំងនេះគឺជាចង្កៀងមុខ ៥ប្រភេទសំខាន់ៗដែលក្រុមហ៊ុនផលិតកំពុងប្រើប្រាស់។ ដូចបច្ចេកវិទ្យាដទៃទៀតដែរនៅពេលដែលពេលវេលាកន្លងផុតទៅបច្ចេកវិទ្យានឹងវិវត្តន៍កាន់តែច្រើនហើយវានឹងអាចអោយយានយន្តចំណាយអស់តិចជាងមុន ៕
✔

Copy link Success.

×

វីដេអូ

Ford Ranger ស៊េរីឆ្នាំ២០២២ បានបង្ហាញខ្លួនសម្រាប់ពិភពលោកទាំងមូល នេះជាអ្វីដែលអ្នកទទួលបាន

  • Reviews, New Car

ឡានចាស់សេ៊រីថ្មី ឆ្នាំ២០២២ CR-V របស់ Honda ទទួលបានការរិះគន់ច្រើនប៉ុន្តែបែរជានៅតែលក់ដាច់ទៅវិញ

  • Reviews, New Car

ធ្លាប់តែឃើញឡានហោះនៅ ក្នុងរឿងពេលនេះបានឃើញហើយ ឡានហោះពិតៗ

  • News

ព័ត៌មានពេញនិយម

ចំណាយត្រឹមតែ ៧ ម៉ឺនដុល្លារសម្រាប់ម៉ូដែល F-150 Lightning នឹងធ្វើអោយលោកអ្នកចំណេញទ្វេដង

  • News

មិនបាច់ត្រូវចាំ ៤ ឆ្នាំចិនប្រើសំបក Land Cruiser ស៊េរី 300 ថ្មីគ្របពីលើស៊េរី 200 ចាស់ដូចគ្នាគ្មានទាស់

  • News

អ្នករចនាបង្កើតរូបភាពឌីជីថលនៃរថយន្ត FJ Cruiser អគ្គិសនីថ្មីដែល Toyota គ្រោងនឹងផលិតនាពេលឆាប់ៗនេះ

  • News

Lexus បានបង្ហាញរូបភាពអាវុធថ្មីដែលធ្វើអោយអ្នកគាំទ្រអន្ទះសារចង់ដឹងលម្អិតពីវា

  • News

រថយន្តប្រភេទ Off-Road ទាំង ៥ ដែលមានឥទ្ធិពលបំផុតនៅក្នុងឆ្នាំ ២០២២

  • News, New Car

Hyundai Santa Fe ឆ្នាំ ២០២២ កំពុងតែជួបបញ្ហាដែលតម្រូវឱ្យក្រុមហ៊ុនធ្វើការប្រមូលរថយន្តមកវិញ

  • News

ម្ចាស់រថយន្ត Ford Mustang Mach-E អគ្គិសនីរងភាពអយុត្តិធម៌ជាមួយនឹងវិក័យប័ត្រជួសជុលខ្ទង់ម៉ឺនដុល្លារ 

  • News

Tundra Capstone ឆ្នាំ 2022 ប្រណិតហើយមានតម្លៃថោកជាង F-150 PowerBoost

  • News

Toyota ត្រូវបានគេរាយការណ៍ថាកំពុងធ្វើតេស្ត TRD Pro ដើម្បីប្រកួតប្រជែងជាមួយនិង Ford F-150 Raptor

  • News

Toyota bZ4X GR Sport ត្រៀមដាក់បង្ហាញក្នុងការតាំងពិព័រណ៍រថយន្តTokyo ឆ្នាំ ២០២២

  • News

ប្រភេទ

ស្លាក

ទាញយកកម្មវិធីដោយឥតគិតថ្លៃ