Ford Ranger ត្រូវបានកែប្រែរូបរាងថ្មីដើម្បីត្រៀមខ្លួនក្នុងការប្រណាំងយកជើងឯកឆ្នាំ ២០២២

News
មើល: 858

Ford គឺជាក្រុមហ៊ុនផលិតរថយន្តដ៏ធំមួយរបស់អាមេរិកដែលមានការគាំទ្រយ៉ាងច្រើននៅទូទាំងពិភពលោក។ ការមកដល់នូវរថយន្ត Ford Ranger ឆ្នាំ ២០២២ កន្លងមកនេះបានធ្វើអ្នកគាំទ្រជាច្រើនមានការពេញចិត្តយ៉ាងខ្លាំងជាមួយរូបរាង និងការរចនាដ៏ប្រណិតនៃរថយន្តមួយនេះ។

គួរបញ្ជាក់ផងដែលថារថយន្ត Ford Ranger គឺជារថយន្តដ៏ពេញនិយមបំផុតមួយក្នុងចំណោមរថយន្តរបស់ក្រុមហ៊ុន ហើយវាក៏ជារថយន្តដែលនាំចេញរាប់ម៉ឺនគ្រឿងក្នុងមួយខែៗនៅសហរដ្ឋអាមេរិក អូស្ត្រាលី អាមេរិកខាងត្បូង និងអាហ្វ្រិកខាងត្បូង។

ថ្មីៗនេះក្រុមហ៊ុន Neil Woolridge Motorsport ជាក្រុមហ៊ុនឯកទេសផលិតរថយន្តប្រណាំងមានមូលដ្ឋាននៅឯប្រទេសអាហ្វ្រិកខាងត្បូង ដោយបាននាំនូវការរចនាថ្មីជាមួយនឹងរថយន្ត Ford Ranger ដើម្បីឱ្យក្លាយទៅជារថយន្តប្រណាំងមួយប្រចាំអាហ្វ្រិកខាងត្បូង ដែលគេហៅវាថា T1+ Ranger ។

កាលពីឆ្នាំមុនរថយន្ត FIA-class Ford Ranger ក៏ធ្លាប់បានចូលរួមការប្រណាំងក្នុងព្រឹត្តិការណ៍ SA Rally-Raid ដែលបានដណ្តើមជ័យជម្នះចំនួនពីរលើក និងទទួលបានចំណាត់ថ្នាក់លេខ ២ មួយលើកផងដែរ។ ជាមួយនឹងរដូវកាលថ្មីនេះ Ford នឹងនាំយក T1+ Ranger ដោយបានបំពាក់ម៉ាស៊ីន EcoBoost V6 ដែលបង្កើតកម្លាំងបាន ៤០២ សេះនិងកម្លាំងបង្វិល ៦០១ ញ៉ូតុនម៉ែត្រ។

ជាអកុសល ល្បឿនកំពូលរបស់ T1+ ត្រូវបានកាត់បន្ថយពី ១៨០ គីឡូម៉ែត្រក្នុងមួយម៉ោង មកត្រឹម ១៧១ គីឡូម៉ែត្រក្នុងមួយម៉ោង។ ហើយវាក៏បានមកជាមួយនឹងកង់ទំហំ ៣៧ អ៊ីញ និងយ៉ាន់កង់ទំហំ ១៧ អ៊ីញដែលមានហ្វ្រាំងធំជាងមុនផងដែរ។

ក្រឡែកមកមើលតួ និងកាប៊ីនដែលបានស្រោបទៅដោយសរសៃកាបូនហ្វាយបឺ ធ្វើឱ្យវាកាត់បន្ថយទន្ងន់ជាងមុន។ នាយកក្រុមហ៊ុន Neil Woolridge Motorsport Ford Castrol បាននិយាយថាគាត់កំពុងតែចាប់ផ្តើមក្នុងការធ្វើតេស្តដ៏ខ្លាំងក្លាមួយទៅលើរថយន្ត T1+ មួយនេះនៅសប្តាហ៍ក្រោយជាមួយនឹងក្រុមហ៊ុន BOS Suspension ដែលគាត់នឹងមើលពីចំណុចខ្វះខាតរបស់វាគាត់កែសម្រួលដើម្បីត្រៀមខ្លួនក្នុងការប្រណាំងនូវក្នុងរដូវការថ្មីនេះ៕

អត្ថបទដោយ៖ សាល សក្កណា

 

ចែករំលែក:
ស្លាក:

Relate Post

ក្រុមហ៊ុន Ford និយាយថា Ford Ranger ជំនាន់ក្រោយៗអាចនឹងបំពាក់មកជាមួយថាមពលអគ្គិសនីទាំងស្រុង

  • News

Ford Ranger យន្តប្រភេទ Pick-up ដែលកំពុងតែពេញនិយមនៅក្នុងទីផ្សារទូទាំងពិភពលោក ដោយក្នុងនោះក៏មានប្រទេសកម្ពុជាយើងផងដែរ។ ជាមួយគ្នានេះដែរការមកដល់នូវរថយន្ត Ford Ranger ស៊េរីឆ្នាំ ២០២៣ ដែលបានបង្ហាញខ្លួនក្នុងខែវិច្ឆិកា ឆ្នាំ២០២១ កន្លងទៅ ដោយត្រូវបានគេសន្មត់ថាវាមានលក្ខណៈពិសេសជាច្រើនជាង Ford Ranger ស៊េរីឆ្នាំមុនៗ។ ហើយថ្មីៗនេះក្រុមហ៊ុន Ford បានបង្ហើបនូវការបង្កើតរថយន្ត Ranger ជំនាន់ថ្មីដែលនឹងអាចបំពាក់មកជាមួយថាមពលអគ្គិសនីពេញលេញមួយឬក៏បំពាក់មកជាមួយនឹងប្រភេទ Plug-in Hybrid ។ ទន្ទឹមនឹងនេះលោក Ian Foston ដែលជាប្រធានវិស្វករសម្រាប់រថយន្ត Ranger បានពន្យល់យ៉ាងលម្អិតអំពីអនាគតរបស់រថយន្ត Pick-up នេះថា គាត់មិនអាចបញ្ជាក់ពីអ្វីដែរគាត់កំពុងធ្វើនោះទេ ប៉ុន្តែគាត់កំពុងសង្កេតយ៉ាងយកចិត្តដាក់ជាមួយបច្ចេកវិទ្យាដែលបានដាក់ពង្រាយនៅលើរថយន្ត Ford ទាំងអស់។ បន្ថែមពីនេះលោក Foston ក៏បានទទួលនូវប្រព័ន្ធ Bandwidth ដែលជាផ្នែកដ៏សំខាន់មួយនៃរថយន្តអគ្គិសនី ហើយនេះក៏ជាឱកាសមួយសម្រាប់ការបង្កើតនូវរថយន្តអគ្គិសនីមួយដ៏ពេញលេញផងដែរ។ លោក Foster បានបញ្ជាក់ទៀតថា គាត់កំពុងធ្វើការស្រាវជ្រាវទៅលើតម្រូវការរបស់អតិថិជនដែលមាន ៣ ប្រភេទផ្សេងៗគ្នានៃរថយន្តអគ្គិសនី ដោយគាត់នឹងឆ្លើយតបភ្លាមៗទៅកាន់តម្រូវការរបស់អតិថិជននោះ។ ប្រសិនបើតម្រូវការរបស់អតិថិជនសម្រាប់រថយន្ត F-150 Hybrid និង F-150 Lightning នៅតែមានការកើនឡើង ប៉ុន្មានឆ្នាំខាងមុខពួកគេនឹងអាចឃើញនូវរថយន្ត Ranger មកជាមួយនឹងថាមពលអគ្គិសនី៕ អត្ថបទដោយ៖ សាល សក្កណា

មិនចាំយូរ Ford បានបង្ហាញរថយន្ត Ranger Raptor ២០២៣ ជាមួយនឹងកម្លាំង ៣៩២ សេះ

  • News, New Car

ក្រុមហ៊ុន Ford បានបង្ហាញនូវរថយន្ត Ranger Raptor ជំនាន់ថ្មីដែលត្រូវបានបង្កើតឡើងដោយក្រុមហ៊ុន Ford Performance ដែលជាប្រភេទរថយន្ត Pick-up ទំហំមធ្យម។ Ranger បានក្លាយជារថយន្តទីបីនៃគ្រួសារ Raptor ដែលរួមមានដូចជា F-150 Raptor និង Bronco Raptor ។ Ford ត្រូវបានបង្ហាញខ្លួនជាលើកដំបូងជាមួយនឹង Teaser នៅលើបណ្តាញ Youtube កាលពីប៉ុន្មានសប្តារហ៍មុននេះដែលវាបានធ្វើឱ្យអ្នកគាំទ្រអន្ទះសារចង់ដឹងជាមួយនឹងរូបរាងដ៏ប្រណិតរបស់វា ។ ការបង្ហាញខ្លួនរបស់ Ranger Raptor មួយនេះបានឱ្យដឹងថាវាបំពាក់មកជាម៉ាស៊ីនសាំងចំណុះ ៣.០ លីត្រ Twin-Turbo EcoBoost V6 ដោយអាចបង្កើតកម្លាំងបានរហូតទៅដល់ ៣៩២ សេះនិងមានកម្លាំងបង្វិល ៥៣០ ញ៉ូតុនម៉ែត្រ។ Raptor ស៊េរីឆ្នាំ ២០២៣ មួយនេះក៏បានភ្ជាប់មកជាមួយនឹងយ៉ាន់កង់ទំហំ ១៧ អ៊ីងដែលស្រោបដោយសំបកកង់ទំហំ ៣២ អ៊ីញដ៏ធំ ខណៈពេលដែលការរត់លើផ្លូវ Off-road កំពុងតែមានការពេញនិយមយ៉ាងខ្លាំងក្នុងពេលបច្ចុប្បន្ននេះ។ រីឯផ្ទៃខាងក្រោមនៃរថយន្តវាបានបំពាក់ Front skid Plate ដែលវាមានកម្រាស់ ២.៣ អ៊ីញនិងបូមទាំងបួនជាប្រភេទបូម Fox shocks ទំហំ ២.៥ អ៊ីញដោយធ្វើឱ្យផ្ទៃខាងក្រោមនៃ Ranger Raptor កាន់តែរឹងមាំជាងមុន។ ចំណែកឯផ្នែកខាងក្នុងនៃររថយន្តមួយនេះបានរចនាឡើងដ៏អស្ចារ្យេជាមួយនឹងកាប៊ីនបែបយន្តហោះចម្បាំងនិងដៃចង្កូតស្បែកដែលភ្ជាប់ទៅនឹងបន្ទះម៉ាញេស្យូម។ ជាពិសេសពីនេះទៅទៀត Ford បានបំពាក់មកជាមួយ Paddles Shift ដែលធ្លាប់តែមាននៅលើរថយន្ត Sports ពេលនេះបានធ្លាក់មកលើដៃរថយន្ត  Pick-up មួយនេះហើយ។ Raptor ថ្មីនេះក៏បានទទួលនូវប្រព័ន្ធសំឡេង  B&O Speaker ចំនួន ១០ គ្រាប់ដែលផ្អែកទៅលើប្រព័ន្ធឌីជីថលទំហំ ១២.៤ អ៊ីង អមដោយអេក្រង់ SYNC 4 បែបបញ្ឈរទំហំ ១២ អ៊ីញ ដោយអាចភ្ជាប់ជាមួយ Android Auto និង Apple CarPlay ។ បន្តែមពីនេះទៅទៀត Ford ក៏បានផ្តលជូននូវជម្រើសនៃការបើកបរ ៧ កម្រិតរួមមាន Normal, Sport, Slippery, Rock Crawl, Sand, Mud/Ruts, និង Baja ។ រថយន្ត Ford Ranger Raptor ស៊េរីឆ្នាំ ២០២៣ នេះនឹងមកដល់ដៃអ្នកចែកចាយសម្រាប់នារដូវក្តៅឆ្នាំ ២០២២ ខាងមុខនេះ។ រីឯតម្លៃនៃរថយន្ត Ranger Raptor ជំនាន់ថ្មីនេះ Ford មិនទាន់បានបង្ហាញនៅឡើយទេ។ អត្ថបទដោយ៖ សាល សក្កណា  

Ford Everest ស៊េរីឆ្នាំ ២០២៣ គូរប្រជែងដ៏ខ្លាំងក្លារបស់ Fortuner ត្រៀមបង្ហាញខ្លួននៅដើមខែក្រោយនេះ

  • News, New Car

ក្រុមហ៊ុន Ford គឺជាក្រុមហ៊ុនផលិតរថយន្ត របស់អាមេរិក ដែលមានទីស្នាក់ការកណ្តាលនៅទីក្រុង Dearborn រដ្ឋ Michigan ។ ហើយក្រុមហ៊ុនផលិតរថយន្ត Ford ក៏មានទីស្នាក់ការនៅប្រទេស Australia ដែរ ដោយថ្មីៗនេះ Ford Australia បានបង្ហាញនូវវីដេអូថ្មីមួយដែលជារថយន្ត Ford Everest ស៊េរីឆ្នាំ ២០២៣ ។ ការបង្ហាញនេះ Ford មិនបានឱ្យឃើញនូវរូបភាពរបស់ Everest ពេញលេញនោះទេ ប៉ុន្តែ Ford បានបញ្ជាក់ថាខ្លួននឹងបង្ហាញជាផ្លូវការនៅថ្ងៃទី ០១ ខែមីនា ឆ្នាំ ២០២២ ខាងមុខនេះ ។ ក្នុងវីដេអូនេះ Ford បានបង្ហាញនូវរូបរាងដែលជាប្រភេទរថយន្ត SUV ដោយមានចង្កៀងខាងមុខជាប្រភេទ LED រចនាឡើងជារូបរាងអក្សរ C ដែលស្រដៀងទៅនឹងរថយន្ត F-series ដែរ។ Everest ត្រូវបានរចនាឡើងដោយបំពាក់មកជាមួយ ប្រព័ន្ឋជើងក្រោមដែលដូចគ្នាទៅនឹងរថយន្តភីកអាប់ Ranger ។ ដូច្នេះ Everest នឹងអាចបំពាក់មកជាមួយម៉ាស៊ីនចំណុះ ៣.០ លីត្រ turbo V6 ដែលជាម៉ាស៊ីនរបស់រថយន្ត Ranger ។ ហើយវាក៏អាចភ្ជាប់មកជាមួយនឹងប្រអប់លេខ ១០ វគ្គស្វ័យប្រវត្តិផងដែរ។ នៅតំបន់អាស៊ីតែងតែជាទីផ្សារដ៏ចម្បងមួយសម្រាប់រថយន្ត Ford Everest ដោយរថយន្តមួយនេះមិនដែលធ្លាប់បានដាក់លក់នៅសហរដ្ឋអាមេរិកទេ។ ក្រុមហ៊ុន Ford បានបន្ថែមទៀតថាពួកគេនឹងត្រៀមខ្លួនក្នុងការដាក់បង្ហាញ នៅវេលាម៉ោង ២ៈ០០ រសៀល ដោយម៉ូដែលនេះនឹងត្រូវបានផ្តល់ជូននៅក្នុងទីផ្សារមួយចំនួនដូចជាប្រទេសហ្វីលីពីន ថៃ អូស្ត្រាលី និងឥណ្ឌា។ ហើយ Ford Everest  នឹងត្រូវប្រឈមមុខជាមួយគូប្រជែងរួមមានដូចជា Toyota Fortuner, Mitsubishi Pajero Sport, Nissan X-Terra និង Isuzu MU-X ៕ អត្ថបទដោយ៖ សាល សក្កណា

Ford បង្ហាញ Teaser នៃរថយន្ត Ranger Raptor ជំនាន់ថ្មីដែលត្រៀមចេញលក់នៅប៉ុន្មានថ្ងៃខាងមុខនេះ

  • News, New Car

ក្រុមហ៊ុន Ford បានបង្ហាញ រថយន្តភីកអាប់បែបស្ព័រដោយ បានទម្លាក់ Teaser នៅលើ YouTube ជាផ្លូវការរបស់ក្រុមហ៊ុនកាលពីពេលថ្មីៗនេះ។  Ranger Raptor ឆ្នាំ ២០២៣ ថ្មីនេះជាជំនាន់ទី២ ដែលត្រូវបានបង្កើតឡើងដោយផ្ដោតទៅលើគោលការណ៍បែបស្ព័រស្ថិតក្នុងរទម្រង់ឡាន Off-Road។ Ranger Raptor ជំនាន់ក្រោយនេះត្រូវបានវិស្វកររបស់ Ford បំពាក់មកជាមួយនឹងបច្ចេកវិទ្យាឆ្លាតវៃ និងធ្វើយ៉ាងណាគ្រប់គ្រងផ្នែក hardware ឲ្យកាន់តែរឹងមាំជាងមុន ដើម្បីរុញច្រាន Ranger ឲ្យទៅកាន់កម្រិតខ្ពស់បំផុតដែលមិនធ្លាប់មាន។ ហើយវាបំពាក់ជាមួយនឹងម៉ាស៊ីនម៉ាស៊ូត ៤ ស៊ីឡាំង Bi-turbo ២.២ លីត្រ និង ៣.២ លីត្រ បង្កើតកម្លាំងបាន ១៩៧ សេះ និងកម្លាំងបង្វិលជុំ ៤០០ ញូតុនម៉ែត្រ។ ការជំនួសថ្មីត្រូវបានគេជឿជាក់ថានឹងប្តូរទៅ EcoBoost, V-6 ដែលសន្មត់ថាប្រើប្រាស់ម៉ាស៊ីន twin-turbo ៣.០ លីត្រ ដែលបានមកពីប្អូនជីដូនមួយរបស់វាគឺ Ford Bronco Raptor ដែលម៉ាស៊ីននោះមានកម្លាំងជាង ៤០០ សេះ ។ ចំពោះតួរលេខកម្លាំងបង្វិលជុំនៅតែជាអាថ៌កំបាំង ប៉ុន្តែយើងប៉ាន់ស្មានថាម៉ាស៊ីននេះមានកម្លាំងរមួលកង់ ៥៦៣ ញូតុនម៉ែត្រ ហើយវាក៏មាននៅលើ Ford Explorer ST ផងដែរ។ នៅក្នុងវីដេអូថ្មីបង្ហាញពី Ranger ដែលកំពុងតែលេងនៅក្នុងដីខ្សាច់ និងស្រូបយកខ្យល់អាកាសធម្មជាតិយ៉ាងពេញទំហឹង ខណៈពេលដែល Ford ក៏ចង់បង្អួតប្រព័ន្ធជើងក្រោមរបស់ខ្លួនដែលបានអាប់ដេតថ្មីបំផុត ហើយការរចនាមួយនេះរំពឹងថាចំពោះ Trim កម្រិតទាបត្រូវបានបន្ថែមកម្រិតតុបតែង Fender Flares ដើម្បីកាត់បន្ថយការប៉ះទង្គិចរវាងសំបកកង់ធ្វើឲ្យវាងាយស្រួលក្នុងការបើកបរនៅលើផ្លូវ Off-Road រីឯប៉ាណាខាងមុខនៅតែមានការរចនាឡូហ្គូជាអក្សរ Ford ដ៏ធំនៅចំកណ្ដាលដូចសព្វដង។ គួរឲ្យកត់សម្កាល់ផងដែរវាបានបន្ថែមមុខងារ paddles shift នៅក្រោយដៃចង្កូតថ្មីដោយមុខងារនេះធ្លាប់តែប្រទះភ្នែកនៅលើឡាន Performance ប៉ុណ្ណោះហើយចង្កឹះលេខប្រភេទនេះ ដែលទំនងជាកម្មសិទ្ធិរបស់ប្រអប់លេខស្វ័យប្រវត្តិ ១០ វគ្គ ហើយបញ្ជូនថាមពលទៅកាន់ប្រព័ន្ធប៉ុងទាំង២ គឺប្រភេទ Full time  All-wheel-drive ។  ចំពោះព័ត៌មានលម្អិតអំពីររថយន្ត Ford Ranger Raptor ស៊េរីឆ្នាំ ២០២៣ ត្រូវបានគេរំពឹងថានឹងមកដល់ទឹកដីសហរដ្ឋអាមេរិក ហើយអ្វីៗត្រូវបានបង្ហាញនៅថ្ងៃទី ២២ កុម្ភះ ២០២២ ខាងមុខនេះ៕ វីដេអូ៖

រថយន្តប្រភេទ Off-Road ទាំង ៥ ដែលមានឥទ្ធិពលបំផុតនៅក្នុងឆ្នាំ ២០២២

  • News, New Car

រថយន្តប្រភេទ Off-Road គឺសំដៅទៅលើរថយន្តដែលមានភាពរឹងមាំយ៉ាងពិសេសក្នុងការជំនះឧបសគ្គនៅលើផ្លូវ និង ធ្វើការដំណើរផ្សងព្រេងដ៏អស្ចារ្យ ហើយវាក៏កំពុងតែពេញនិយម និងចាប់អារម្មណ៍យ៉ាងខ្លាំងពីសំណាក់អ្នកបើកបរនាពេលបច្ចុប្បន្ននេះផងដែរ។ ហើយទាំងនេះគឺជាកំពូលរថយន្ត Off-Road ទាំង ៥ ដែលកំពុងមានឥទ្វិពលនៅក្នុងឆ្នាំ ២០២២ នេះ។   ១. Toyota Tacoma TRD Pro Toyota Tacoma TRD Pro ឆ្នាំ ២០២២ ដែលវានិងក្លាយទៅជាតម្រូវការខ្ពស់របស់អតិថិជននៅក្នុងទីផ្សារ off-road ។ ការលក់របស់ម៉ូដែល Tacoma តែងតែមានការចាប់អារម្មណ៍យ៉ាងខ្លាំងក្នុងការជិះ Off-road គឺដោយសារតែវាមានភាពធន  និងសមត្ថភាពដ៏អស្ចារ្យក្នុងការរក្សាតម្លៃរបស់ខ្លួន។ Tacoma TRD Pro បានបំពាក់ដោយម៉ាស៊ីនចំណុះ ៣.៥ លីត្រ V6 ដែលវាអាចបង្កើតកម្លាំងបាន ២៧៨ សេះ និងមានកម្លាំងបង្វិល ៣៥៩ ញ៉ូតុនម៉ែត្រ។ រីឯសំបកកង់មានទំហំ ៣០.៥ អ៊ីញ អ្វីដែលពិសេសជាងនេះទៅទៀតនោះគឺវាបានបំពាក់ទៅដោយ Skid Plates ដើម្បីជួយទប់លំនឹងរថយន្តនៅពេលដែលជិះចុះចំណោត និងផ្លូវដែលមានភក់បានយ៉ាងងាយស្រួល។    ២. Ford Ranger Raptor រថយន្ត Ford Ranger Raptor ជាញឹកញាប់ត្រូវបានគេមើលឃើញថាជារថយន្ត Off-road ដែលងាយស្រួលជាងរថយន្តផ្សេងទៀត ដោយសារទំហំដឹកទំនិញដ៏ធំរបស់វា។ ទោះយ៉ាងណាក៏ដោយ វានៅតែអាចរក្សាខ្លួនវាបានយ៉ាងល្អ ក្នុងការបើកបរលើផ្លូវផ្សងព្រេង ឬផ្លូវ Off-road ជាដើម។ Ford Raptor បានបំពាក់ទៅដោយម៉ាស៊ីនចំណុះ ២.០ លីត្រ Twin-turbo 4 ដែលវាមានកម្លាំង ២១១ សេះ និងមានកម្លាំងបង្វិល ៥០០ ញ៉ូតុនម៉ែត្រ។ Raptor វាមានលក្ខណៈពិសេសដោយាវាបានបំពាក់ទៅដោយបូម Foxx វាជាប្រភេទបូម ដែលរឹងមាំក្នុងការបើកបរលើផ្លូវដែលមានឧបសគ្គខ្លាំង ជាពិសេសពីនេះទៅទៀតបូមទាំង ៤ របស់វាជួយទប់លំនឹងក្នុងការបើកបរល្បឿនលឿនយ៉ាងល្អ។   ៣. Land Rover Defender Land Rover Defender ឆ្នាំ ២០២២ ជារថយន្តដែលស្ថិតក្នុងត្រកូលអ្នកមាននិងកំពុងតែអភិវឌ្ឍខ្លួនទៅជារថយន្ត Off-road មួយដ៏ពេញលេញ។ Defender កំពុងតែបំពេញចិត្តអតិថិជនដែលកំពុងស្វែងរករថយន្ត Off-road ដែលមានសុវត្ថិភាព។ លក្ខណៈពិសេសរបស់វា គឺផ្នែកខាងក្នុងដែលធ្វើឱ្យមានផាសុខភាពនៅពេលដែលបើកបរលើផ្លូវណាមួយ។ Defender បានបំពាក់ទៅដោយម៉ាស៊ីនចំណុះ ៥.០ លីត្រ V8 ដែលវាមានកម្លាំង ៥១៨ សេះ។ ពិសេសពីនេះទៅទៀត Defender បានបន្ថែមបូមខ្យល់ និងកំណែដ៏ទំនើបបំផុតរបស់ Land Rover នៃ Terrain Response Off-road អេឡិចត្រូនិចជួយឱ្យវាយកឈ្នះលើផ្លូវ Off-road បានដោយងាយស្រួល។   ៤. Jeep Grand Cherokee Trailhawk រថយន្ត Jeep Grand Cherokee Trailhawk ឆ្នាំ ២០២២ គឺជារថយន្តដែលត្រៀមរួចជាស្រេចនៅលើផ្លូវដ៏វែងឆ្ងាយ ដែលវាផ្តល់នូវសមត្ថភាពមិនគួរឱ្យជឿនៅពេលជិះលើផ្លូវលំបាក។ Jeep Trailhawk បានបំពាក់ទៅដោយម៉ាស៊ីនចំណុះ ៣.៦ លីត្រ V6 ដែលវាមានកម្លាំង ២៩៣ សេះ និងមានកម្លាំងបង្វិល ៣៤៨ ញ៉ូតុនម៉ែត្រ និងមានសំបកកង់ទំហំ ៣០.៥ អ៊ីញដ៏គួរឱ្យចាប់អារម្មណ៍។  Jeep Trailhawk បានបំពាក់ Skid Plates ដើម្បីជួយទប់លំនឹងរថយន្តនៅពេលដែលជិះចុះចំណោត និងផ្លូវដែលមានភក់បានយ៉ាងងាយស្រួល។ អ្វីដែលពិសេសជាងនេះទៅទៀតនោះ គឺរថយន្ត Jeep មានផ្ទៃខាងក្នុងដ៏ស្រស់ស្អាត ដែលជួយឲ្យអ្នកបើកបរមានផាសុកភាព និងមានភាពប្រណិតជុំវិញពេលបើកបរ គ្រប់ស្ថានភាពផ្លូវ។   ៥. Suzuki Jimny Suzuki Jimny សម្រាប់ឆ្នាំ ២០២២ នេះមិនមែនជារថយន្ត Off-road ធម្មតាដែលអ្នកគិតទេ។ ដូច្នេះហើយ វាមានលក្ខណៈប្លែកពីគេ ដែលវាមានរាងតូច។ ថ្វីត្បិតតែ Suzuki Jimny ជាយានជំនិះ Off-road តូចក៏ដោយ ប៉ុន្តែវាមានបំពាក់នូវឧបករណ៏ដែលរឹងមាំជាងដៃគូប្រជែងរបស់វា។ Jimny ជាប្រភេទរថយន្តធន់ស្រាលដែលមានជើងក្រោមដ៏រឹងមាំ និងប្រព័ន្ធជើងក្រោម 3-link rigid ជាមួយ coil springs ដែលធ្វើឱ្យវាល្អក្នុងការជិះជុំវិញផ្លូវ Off-road ឬងាយស្រួលក្នុងការគ្រប់គ្រងសម្រាប់អ្នកដែលទើបនឹងបើក Off-road ជាលើកដំបូង។ Jimny បានបំពាក់ទៅដោយម៉ាស៊ីនចំណុះ ១.៥ លីត្រ normally-aspirated ដែលវាមានកម្លាំង ១០១ សេះ និងមានកម្លាំងបង្វិល ១៣០ ញ៉ូតុនម៉ែត្រ។ រថយន្តទាំងអស់នេះមានលក្ខណៈពិសេសផ្សេងៗគ្នា ប៉ុន្តែវាមានសមត្ថភាពសម្រាប់ការផ្សងព្រេង Off-road ដូចៗគ្នា។ សម្រាប់ Land Rover Defender និង Toyota Tacoma គឺល្អសម្រាប់ដោះស្រាយគ្រប់ស្ថានភាពផ្លូវ ចំណែកឯរថយន្ត Suzuki វិញគឺល្អសម្រាប់អ្នកដែលទើបនឹងបើក Off-road ជាលើកដំបូង៕
✔

Copy link Success.

×

វីដេអូ

Ford Ranger ស៊េរីឆ្នាំ២០២២ បានបង្ហាញខ្លួនសម្រាប់ពិភពលោកទាំងមូល នេះជាអ្វីដែលអ្នកទទួលបាន

  • Reviews, New Car

ឡានចាស់សេ៊រីថ្មី ឆ្នាំ២០២២ CR-V របស់ Honda ទទួលបានការរិះគន់ច្រើនប៉ុន្តែបែរជានៅតែលក់ដាច់ទៅវិញ

  • Reviews, New Car

ធ្លាប់តែឃើញឡានហោះនៅ ក្នុងរឿងពេលនេះបានឃើញហើយ ឡានហោះពិតៗ

  • News

ព័ត៌មានពេញនិយម

ចំណាយត្រឹមតែ ៧ ម៉ឺនដុល្លារសម្រាប់ម៉ូដែល F-150 Lightning នឹងធ្វើអោយលោកអ្នកចំណេញទ្វេដង

  • News

មិនបាច់ត្រូវចាំ ៤ ឆ្នាំចិនប្រើសំបក Land Cruiser ស៊េរី 300 ថ្មីគ្របពីលើស៊េរី 200 ចាស់ដូចគ្នាគ្មានទាស់

  • News

អ្នករចនាបង្កើតរូបភាពឌីជីថលនៃរថយន្ត FJ Cruiser អគ្គិសនីថ្មីដែល Toyota គ្រោងនឹងផលិតនាពេលឆាប់ៗនេះ

  • News

Lexus បានបង្ហាញរូបភាពអាវុធថ្មីដែលធ្វើអោយអ្នកគាំទ្រអន្ទះសារចង់ដឹងលម្អិតពីវា

  • News

រថយន្តប្រភេទ Off-Road ទាំង ៥ ដែលមានឥទ្ធិពលបំផុតនៅក្នុងឆ្នាំ ២០២២

  • News, New Car

Hyundai Santa Fe ឆ្នាំ ២០២២ កំពុងតែជួបបញ្ហាដែលតម្រូវឱ្យក្រុមហ៊ុនធ្វើការប្រមូលរថយន្តមកវិញ

  • News

ម្ចាស់រថយន្ត Ford Mustang Mach-E អគ្គិសនីរងភាពអយុត្តិធម៌ជាមួយនឹងវិក័យប័ត្រជួសជុលខ្ទង់ម៉ឺនដុល្លារ 

  • News

Tundra Capstone ឆ្នាំ 2022 ប្រណិតហើយមានតម្លៃថោកជាង F-150 PowerBoost

  • News

Toyota ត្រូវបានគេរាយការណ៍ថាកំពុងធ្វើតេស្ត TRD Pro ដើម្បីប្រកួតប្រជែងជាមួយនិង Ford F-150 Raptor

  • News

Toyota bZ4X GR Sport ត្រៀមដាក់បង្ហាញក្នុងការតាំងពិព័រណ៍រថយន្តTokyo ឆ្នាំ ២០២២

  • News

ប្រភេទ

ស្លាក

ទាញយកកម្មវិធីដោយឥតគិតថ្លៃ