Mercedes G-Class G550 ទទួលបានការកែតម្រូវថ្មីនៃគំរូឆ្នាំ ២០២៣ ជាមួយនឹងរូបរាងកាន់តែខ្ពស់ជាងមុន

News , New Car
មើល: 692

G-Class បានផ្តល់នូវកំណែទម្រង់ថ្មីទៅដល់ម៉ូដែល G550 4x4 Squared ដោយបានបំពាក់មកជាមួយឧបករណ៍ Off-road Portal Axles ដែលផ្តល់ឱ្យម៉ូដែលមួយនេះមានជំហរកាន់តែខ្ពស់ជាងមុន។

ការកែប្រែនៃទម្រង់ Portal Axles មួយនេះគឺបានមកពីកំណែ G-Class 6x6 squared ដែលត្រូវបានបង្កើតឡើងដំបូងដើម្បីផ្តល់ជូនដល់សម្រាប់តែកងកម្លាំងយោធាប៉ុណ្ណោះ ហើយវាក៏បានដំឡើងនូវផ្នែកខាងមុខនៃ Roof Rack បិតជិតផងដែរ។

ក្រុមហ៊ុន Mercedes បានត្រឹមតែបង្ហាញនូវរូបរាងដែលត្រៀមរួចជាស្រេចសម្រាប់ផលិតនៃគំរូឆ្នាំ ២០២៣ ដោយបានមកពីការដំឡើងនៃរថយន្ត G-Class G550 ។ បច្ចុប្បន្ន G550 បានបំពាក់ទៅដោយម៉ាស៊ីនចំណុះ ៤.០ លីត្រ Twin-turbocharged V-8 ដែលមានកម្លាំង ៤១៦ សេះ និងកម្លាំងបង្វិល ៦១០ ញ៉ូតុនមែ៉ត្រ។

ខណៈពេលដែលម៉ូដែល G63 បានបំពាក់ម៉ាស៊ីនដូចគ្នាទៅនឹង G550 ប៉ុន្តែ G63 បានបង្កើតកម្លាំងរហូតទៅដល់ ៥៧៧ សេះ និងកម្លាំងបង្វិល ៧៨២ ញ៉ូតុនម៉ែត្រ ហើយរថយន្តទាំងពីរនេះត្រូវបានបំពាក់ទៅដោយប្រអប់លេខ ៩ វគ្គស្វ័យប្រវត្តិផងដែរ។

រីឯរថយន្ត G550 4x4 Squared គំរូឆ្នាំ ២០២៣ មួយនេះមានតម្លៃ ២២៥,៩២៥ ដុល្លារសហរដ្ឋអាមេរិក នេះបើយោងទៅតាមគេហទំព័រ MotorAuthority ។ Mercedes បានបន្ថែមទៀតថា G-Class នឹងឈានដល់ការកែប្រែទៅជារថយន្តអគ្គិសនីនៅឆ្នាំ ២០២៤ ហើយវានឹងអាចមានប្រព័ន្ធ All Wheel Drive ដ៏ប្រណិតជាង G-Class គំរូឆ្នាំ ២០២៣ នេះទៅទៀត៕

អត្ថបទដោយ៖ សក្កណា

ចែករំលែក:
ស្លាក:

Relate Post

Brabus 800 Adventure XLP តម្លៃក្បែរ ១លានដុល្លារ​ជាមួយនឹងការរចនាពណ៌ខ្មៅដ៏អង់អាច

  • News

បន្ទាប់ពី ២ឆ្នាំដែល Brabus បាននែនាំ 800 Adventure XLP ដែលជាការបំប្លែងរថយន្ត G-Class ដ៏វែងមួយ ដែលបង្ហាញពីឆ្អឹង portal ដ៏រឹងមាំ និងម៉ាស៊ីន AMG ដែលត្រូវបានសម្រួលយ៉ាងខ្លាំង ។ ការផ្លាស់ប្តូររបស់ G-Class រួមមានឈុត Widestar bodykit ជាមួយនឹងការបន្ថែមដោយកាបូនហ្វាយបឺមាន ប៉ាណា, កាង, ឃ្លប់ខ្យល់, របងធំទូលាយ, បំពង់ផ្សែងដែលដាក់ចំហៀង ។ល។ លើសពីនេះ ដំណើរផ្សងព្រេង XLP ទទួលបាននូវការបំប្លែងរថយន្តភីកអាប់ទំហំពេញ ដែលបង្កើនប្រវែងរបស់វាដល់ ៥.៣១ ម៉ែត្រ។ កង់ខាងមុខ ដំបូលរ៉ាកែតដែលមានអំពូល LED បន្ថែម និងកង់ទំហំពេញដែលដាក់នៅលើទ្រុងខាងក្រោយនាំមកនូវការផ្សងព្រេងបន្ថែមទៀតចូលទៅក្នុងការលាយឡំគ្នា ខណៈដែលកង់ក្លែងក្លាយ Brabus Monoblock HD ទំហំ ២២ អ៊ីងត្រូវបានរចនាឡើងសម្រាប់ការប្រើប្រាស់នៅលើផ្លូវ Off-road ធំ ដែលជាសំបកកង់ Pirelli Scorpion ATR (325/55R22) ។ អ្វីដែលសំខាន់បំផុតនៅក្នុង Adventure XLP ទាំងអស់ ជើងក្រោមត្រូវបានជួសជុលឡើងវិញដោយមានឆ្អឹង Portal ខាងមុខ និងខាងក្រោយដែលរចនាដោយ Brabus ធ្វើការបើកបរកាន់តែមានរលូនហើយប្រវែងកង់ពីដីដ៏ធំ ១៩.២ អ៊ីង ឬ ៤៨៨ មីលីម៉ែត្រ។  នៅខាងក្រោម Hood ម៉ាស៊ីន Twin-turbo ​៤.០ លីត្រ V8 ត្រូវបានគេសម្រួលឡើងវិញដើម្បីផលិតកម្លាំង ៧៨៩ សេះ (៥៨៨ kW / ៨០០ PS) និងកម្លាំងបង្វិល ១០០០ ញូតុនម៉ែត្រ។ ថាមពលត្រូវបានបញ្ជូនទៅកង់ទាំងបួនតាមរយៈប្រអប់លេខស្វ័យប្រវត្តិប្រាំបួនល្បឿន។ ថាមពលប្រភេទនេះគឺល្អគ្រប់គ្រាន់ក្នុងការបង្កើនល្បឿនតួដ៏ធំពី ០ ទៅ ១០០ km/h  ក្នុងរយៈពេល ៤.៨ វិនាទី ខណៈដែលល្បឿនកំពូលត្រូវបានកំណត់ត្រឹម ២១០ km/h។ យ៉ាងណាក៏ដោយ Brabus ណែនាំថា វាគឺជារថយន្ត pick up ដ៏លឿនបំផុតមួយនៅក្នុងពិភពលោក ហើយវាត្រូវបានដាក់លក់នៅក្នុងតម្លៃ ៨២៥,០០០ ដុល្លារ តែដោយរូបរាងពណ៌ខ្មៅដ៏អង់អាចមួយនេះ អ្នកទិញអាចនឹងព្រមឱ្យតម្លៃដល់ទៅ ១ លានដុល្លារ៕

Dartz កែប្រែ Maybach GLS600 ក្លាយជាអាវក្រោះការពារគ្រាប់កាំភ្លើងយ៉ាងពិសេស

  • News

ក្រុមហ៊ុន Dartz ដែលជាក្រុមហ៊ុនផលិតរថពាសដែកដែលមានសមត្ថភាពខ្ពស់ បានបង្ហាញម៉ូដែលពិសេសនៃ Black Alligator MMXX របស់ខ្លួនដែលដាក់ឈ្មោះថា Black Tiger Lunar Year Edition។ ក្រុមហ៊ុននេះ ទទួលបានភាពល្បីល្បាញនៅពេលដែលផលិតផលរបស់ខ្លួនត្រូវបានគេប្រើនៅក្នុងរឿងកំប្លែងឆ្នាំ ២០១២ គឺ The Dictator ។ ហើយអ្នកឯកទេសផលិតរថពាសដែកបានបង្កើតនូវអ្វីដែលពិសេសដើម្បីអបអរឆ្នាំថ្មីនៃឆ្នាំខ្លា ដែលវាជាជម្រើសដ៏គួរឱ្យចាប់អារម្មណ៍មួយ ដោយសារសត្វខ្លាត្រូវបានចាត់ទុកថាជាការប្រមាថដល់ព្រះនៃយុគសម័យ ដែលនាំមកនូវសំណាងមិនល្អ។ យោងទៅតាមក្រុមហ៊ុនបានបញ្ជាក់ថា ការបង្កើតថ្មីបំផុតរបស់វាគឺផ្អែកលើរថយន្ត Mercedes Maybach GLS600 ដ៏ប្រណិត បើទោះបីជាមានរូបរាងដូចជារថពាសដែកខ្លាំងក៏ដោយ ក៏រថយន្ត Black Tiger នេះមានទម្ងន់ត្រឹមតែ ២៦៨៥ គីឡូក្រាមប៉ុណ្ណោះ។ មួយវិញទៀតរថយន្តនេះត្រូវបានគេរចនាឡើងសម្រាប់មេដឹកនាំផ្ដាច់ការ ឬ មេក្រុមជួញដូរគ្រឿងញៀនដែលត្រូវការចាំបាច់សម្រាប់ការពារក៏ព្រោះតែសមត្ថភាពបាញ់មិនធ្លុះ ហើយលក្ខណៈពិសេសរបស់វាមួយទៀតនោះទេកញ្ចកនៃរថយន្តប្រែទៅជាពណ៌ខ្មៅភ្លាមនៅដែលរថយន្តត្រូវបាញ់ដោយគ្រាប់កាំភ្លើង។ Dartz មិនបានបង្ហាញពីម៉ាស៊ីនពិតប្រាកដរបស់វាទេ ប៉ុន្តែវាប្រើម៉ាស៊ីន Supercharged ៦.២ លីត្រ Hellcat V8 ដែលផលិតកម្លាំង ៧៤៥ គីឡូវ៉ាត់(kW) ហើយវាបានបំពាក់មកជាមួយ Prombron ដែលបំផុសគំនិតដោយ Tiger ជាមួយនឹងកញ្ចក់ Sapphire ដែលមានប្រភពមកពីតំបន់ Bohemia រីឯតំបន់នៅខាងលើ កុងទ័រ ឌីជីថល គ្រប់ដណ្ដប់ដោយស្បែកក្រពើ ។ ក្រុមហ៊ុន Dartz បានបញ្ចាក់ថា មិនត្រឹមតែឧកញ៉ានៅ Myanmar នោះទេដែលចង់បានរថយន្តនេះហើយសូម្បីតែតារាK-pop ក៏កំពុងសម្លឹងមើលម៉ូដែលនេះដែរ៕  

Polestar បង្ហើបពីគម្រោងម៉ូដែលថ្មីចំនួនបីដែលនឹងមកដល់នាពេលប៉ុន្មានឆ្នាំខាងមុខ

  • News

ថ្មីៗនេះ Polestar មានផែនការធំសម្រាប់ប៉ុន្មានឆ្នាំខាងមុខ ដោយក្រុមហ៊ុនផលិតរថយន្តស៊ុយអែតនេះ គ្រោងនឹងបង្កើតរថយន្តអគ្គិសនីនៅឆ្នាំ ២០២៤ ដោយសង្ឃឹមថានឹងអាចបង្កើនការលក់នៅឆ្នាំ ២០២៥ ដែលជាម៉ូដែល Polestar ថ្មីដែលនឹងមកដល់ក្នុងពេលដ៏ខ្លីខាងមុខនេះ។​​ យានជំនិះអគ្គិសនីទាំងនេះកំពុងកំណត់គោលដៅប្រើប្រាស់ស្ថាបត្យកម្មអគ្គិសនី ៨០០ វ៉ុល ដែលសហការបង្កើតឡើងដោយក្រុមហ៊ុន Volvo និង Lotus ជាមួយនឹងកញ្ចប់ថ្ម ១០៣.០ kWh ហើយ Polestar ក៏បានអះអាងថាវាអាចនឹងសាកបាន ៨០ ភាគរយក្នុងរយៈពេល ២០ នាទី ។ Polestar ក៏កំពុងរចនាម៉ូទ័រអេឡិចត្រិចដែលនឹងផលិតកម្លាំងបាន ៦០៣ សេះ ហើយម៉ូដែលនាពេលអនាគតទាំងនេះនឹងប្រើប្រអប់លេខ Two-speed ដូចរថយន្ត Porsche Taycan និង Audi e-tron GT ផងដែរ។ Model ទីមួយនោះគឺ Polestar ៣ (២០២២) ដែលជាប្រភេទ Crossover ដែលមានទំហំ តម្លៃ និងដំណើរការស្រដៀងគ្នាទៅនឹង Porsche Cayenne ។ ហើយតម្លៃត្រូវបានគេរំពឹងថាប្រហែល ៧៥,០០០ ដុល្លារ ។ Model ទីពីរគឺ Polestar ៤ (២០២២) ដែលក្រុមហ៊ុនទើបតែចែករំលែករូបភាពនៃរថយន្ត SUV ៤ គ្រឿងដែលគ្របដណ្តប់ដោយសន្លឹកពណ៌ស ប៉ុន្តែក្រុមហ៊ុនពណ៌នាថាវាជាប្រភេទ Crossover ដូចទៅនឹងរថយន្ត Coupe។ រីឯតម្លៃវិញអាចនឹងចាប់ផ្តើមពាក់កណ្តាលចន្លោះ $ ៥០,០០០​ ។ ចំណែកឯ Model ទីបីនោះគឺ Polestar ៥ (២០២៤) ដែលជាប្រភេទ Crossover ទំហំមធ្យមទាក់ទងទៅនឹង Volvo XC90 ដែលត្រូវបានរចនាឡើងវិញ ព្រមទាំងជាគូប្រជែងជាមួយនឹង Model Porsche Panamera ផងដែរ។ មិនតែប៉ុណ្ណោះវាក៏ជា Model ដែលប្រកួតប្រជែងយ៉ាងខ្លាំងក្លាជាមួយនឹងរថយន្តអគ្គិសនីប្រណីតផ្សេងៗទៀតដូចជា Tesla Model S, Porsche Taycan, Mercedes-Benz EQS និង Lucid Air ។ រីឯតម្លៃវិញត្រូវបានគេរំពឹងថានឹងចាប់ផ្តើមប្រហែល $១០០,០០០ ៕  

បូកសរុបចំនួនក្រុមហ៊ុនផលិតរថយន្ត នឹងប្រទេសដែលបានធ្វើកិច្ចសន្យាបញ្ឈប់ការផលិតឡានសាំងនៅក្នុងឆ្នាំ ២០២១ នេះ

  • News

ពិភពលោកកំពុងជួបបញ្ហាពីការបំពុលបរិស្ថានដែលបណ្តាលមកពីឧស្ម័នពុលនានានៅលើបរិយាកាស ហើយក្នុងនោះចំហេះឥន្ធនៈបំភាយចេញមកពីរថយន្តប្រើប្រាស់សាំង គឺជាបញ្ហាចម្បងមុនគេដែលពិភពលោកកំពុងរកដំណោះស្រាយ។ បន្ទាប់ពីកិច្ចខិតខំប្រឹងប្រែងរបស់ថ្នាក់ដឹកនាំដែលចូលរួមជាមួយនឹងម្ចាស់សាជីវកម្មរថយន្តទាំងអស់ ទីបំផុតពួកគេអាចរកឃើញច្រកចេញពីកង្វល់ទាំងនេះ ដោយការកាត់បន្ថយរថយន្តប្រើប្រាស់ចំហេះខាងក្នុង ជំនួសមកវិញដោយថាមពលថ្មីនោះគឺ “អគ្គិសនី” ។ ជាក់ស្តែងកាលពីខែវិច្ឋិកា ក្រុមហ៊ុនផលិតរថយន្តនៅជុំវិញពិភពលោកបានចុះហត្ថលេខាលើកិច្ចសន្យាមួយដែលយល់ព្រមបញ្ឈប់ការលក់រថយន្តដែលប្រើប្រេងសាំង និងម៉ាស៊ូតត្រឹមឆ្នាំ ២០៤០ ។ រោងចក្រផលិតរថយន្តធំៗទាំងនោះរួមមាន Ford, Mercedes-Benz, General Motors, នឹង Volvo ។ ហើយក្រុមហ៊ុន BYD ដែលជាក្រុមហ៊ុនផលិតរថយន្តអគ្គិសនីដ៏ធំរបស់ចិននៅក្នុងទ្វីបអឺរ៉ុប ក៏ដូចជា Jaguar Land Rover ក៏បានចូលរួមលើកិច្ចសន្យានេះផងដែរ ។ ប៉ុន្តែក៏មានក្រុមហ៊ុនធំៗមួយចំនួនដែលមិនបានចុះហត្ថលេខាលើកិច្ចសន្យា មានដូចជាក្រុមហ៊ុន Toyota, Volkswagen និង Nissan-Renault ។ ទោះបីជាមិនបានចុះហត្ថលេខាលើកិច្ចព្រមព្រៀងនេះក៏ពិតមែន ប៉ុន្តែក្រុមហ៊ុនទាំងនេះកំពុងតែសំងំខ្លួនបោះទុនវិនិយោគទៅលើបច្ចេកវិទ្យារថយន្តអគ្គិសនី ។ ដោយឡែកក្រុមហ៊ុន Volkswagen បានប្រកាសថា ខ្លួននិងផលិត ព្រមទាំងដាក់បញ្ចេញរថយន្តដែលប្រើប្រាស់ដោយថាមពលអគ្គិសនីនៅឆ្នាំ ២០៣០ ។ រីឯក្រុមហ៊ុន Toyota ក៏បាននិយាយថា ខ្លួនកំពុងធ្វើការបណ្តាក់ទុនដ៏ធំនៅក្នុងវិស័យរថយន្តអគ្គិសនីផងដែរ។ ចំណែកប្រទេសធំៗចំនួនបីដូចជា សហរដ្ឋអាមេរិក ចិន និងជប៉ុន ក៏បានបដិសេធមិនចុះហត្ថលេខាផងដែរ ប្រហែលជាដោយសារតែ Toyota, VW និង Nissan សុទ្ធតែមានរោងចក្រនៅក្នុងប្រទេសទាំងនោះ។ មកដល់សព្វថ្ងៃនេះ រថយន្តអគ្គិសនីនៅតែបន្តបង្កើនកំណត់ត្រាលក់ជាសាកលថ្មីរៀងរាល់ឆ្នាំ  ហើយថ្មីៗនេះក្រុមហ៊ុនរថយន្តធំៗក៏បានចាប់ផ្តើមវិនិយោគរាប់សិបពាន់លានដុល្លារ ដើម្បីជួសជុលរោងចក្រឡើងវិញ និងបង្កើតរថយន្តដែលប្រើថ្ម និងរថយន្តធុនស្រាលថ្មី។
✔

Copy link Success.

×

វីដេអូ

Ford Ranger ស៊េរីឆ្នាំ២០២២ បានបង្ហាញខ្លួនសម្រាប់ពិភពលោកទាំងមូល នេះជាអ្វីដែលអ្នកទទួលបាន

  • Reviews, New Car

ឡានចាស់សេ៊រីថ្មី ឆ្នាំ២០២២ CR-V របស់ Honda ទទួលបានការរិះគន់ច្រើនប៉ុន្តែបែរជានៅតែលក់ដាច់ទៅវិញ

  • Reviews, New Car

ធ្លាប់តែឃើញឡានហោះនៅ ក្នុងរឿងពេលនេះបានឃើញហើយ ឡានហោះពិតៗ

  • News

ព័ត៌មានពេញនិយម

ចំណាយត្រឹមតែ ៧ ម៉ឺនដុល្លារសម្រាប់ម៉ូដែល F-150 Lightning នឹងធ្វើអោយលោកអ្នកចំណេញទ្វេដង

  • News

មិនបាច់ត្រូវចាំ ៤ ឆ្នាំចិនប្រើសំបក Land Cruiser ស៊េរី 300 ថ្មីគ្របពីលើស៊េរី 200 ចាស់ដូចគ្នាគ្មានទាស់

  • News

អ្នករចនាបង្កើតរូបភាពឌីជីថលនៃរថយន្ត FJ Cruiser អគ្គិសនីថ្មីដែល Toyota គ្រោងនឹងផលិតនាពេលឆាប់ៗនេះ

  • News

Lexus បានបង្ហាញរូបភាពអាវុធថ្មីដែលធ្វើអោយអ្នកគាំទ្រអន្ទះសារចង់ដឹងលម្អិតពីវា

  • News

រថយន្តប្រភេទ Off-Road ទាំង ៥ ដែលមានឥទ្ធិពលបំផុតនៅក្នុងឆ្នាំ ២០២២

  • News, New Car

Hyundai Santa Fe ឆ្នាំ ២០២២ កំពុងតែជួបបញ្ហាដែលតម្រូវឱ្យក្រុមហ៊ុនធ្វើការប្រមូលរថយន្តមកវិញ

  • News

ម្ចាស់រថយន្ត Ford Mustang Mach-E អគ្គិសនីរងភាពអយុត្តិធម៌ជាមួយនឹងវិក័យប័ត្រជួសជុលខ្ទង់ម៉ឺនដុល្លារ 

  • News

Tundra Capstone ឆ្នាំ 2022 ប្រណិតហើយមានតម្លៃថោកជាង F-150 PowerBoost

  • News

Toyota ត្រូវបានគេរាយការណ៍ថាកំពុងធ្វើតេស្ត TRD Pro ដើម្បីប្រកួតប្រជែងជាមួយនិង Ford F-150 Raptor

  • News

Toyota bZ4X GR Sport ត្រៀមដាក់បង្ហាញក្នុងការតាំងពិព័រណ៍រថយន្តTokyo ឆ្នាំ ២០២២

  • News

ប្រភេទ

ស្លាក

ទាញយកកម្មវិធីដោយឥតគិតថ្លៃ