ក្រុមហ៊ុន BYD របស់ចិនបញ្ឈប់ការផលិតរថយន្តប្រើសាំង ងាកមកផលិតរថយន្ត PHEV និង EV វិញម្តង

News
មើល: 568

ក្រុមហ៊ុនផលិតរថយន្តរបស់ប្រទេសចិន BYD ដែលជាដៃគូប្រគួតប្រជែងដ៏សំខាន់មួយរបស់ក្រុមហ៊ុន Tesla នៅក្នុងប្រទេសអាស៊ី។ ជាមួយគ្នានេះដែរ BYD ក៏បានយកឈ្នះក្រុមហ៊ុនផលិតរថយន្តរបស់អាមេរិកនៅក្នុងរយៈពេលពីរឆ្នាំចុងក្រោយមកនេះ ដោយការលក់របស់ BYD គឺច្រើនជាងទ្វេដងនៃ Tesla ឯណោះ។

ការយកឈ្នះរបស់ក្រុមហ៊ុន BYD គឺដោយសារជម្រើស Powertrain ជាច្រើនដែល BYD បានផ្តល់ជូនដល់អតិថិជនរបស់ពួកគេ ហើយនៅពីក្រោយការជោគជ័យរបស់ BYD ក៏ដោយសារការវិនិយោគិនពីមហាសេដ្ឋីជំនួញជនជាតិអាមេរិក Warren Buffet ផងដែរ។

ថ្មីៗនេះក្រុមហ៊ុនផលិតរថយន្តរបស់ប្រទេសចិនមួយនេះបាននិយាយថា ពួកគេបានបញ្ឈប់ការផលិតនូវរថយន្តប្រើងសាំងនៅចុងខែមីនាកន្លងមកនេះ។ ហើយក្រុមហ៊ុនក៏កំពុងជំរុញក្នុងការផលិតនូវរថយន្តប្រភេទ PHEV និង EV ឱ្យបានច្រើនតាមដែលអាចធ្វើបាន ដោយក្រុមហ៊ុននឹងព្យាយាមដើម្បីបង្កើតនូវរថយន្តដែលអាចរត់បានចម្ងាយឆ្ងាយ និងមានតម្លៃថោកសម្រាប់អតិថិជនរបស់ពួកគេ។

ប៉ុន្តែក្រុមហ៊ុនផលិតរថយន្ត BYD នៅតែមានការផ្គត់ផ្គង់គ្រឿងបន្លាស់ និងសេវាកម្មដែលនឹងផ្តល់ជូនសម្រាប់អតិថិជនរបស់ពួកគេ។ ហើយ BYD ក៏នៅតែផលិតម៉ាស៊ីនម៉ាស៊ូតផងដែរ ប៉ុន្តែវាប្រើបានសម្រាប់តែរថយន្តក្រុង និងរថយន្តដឹកទំនិញប៉ុណ្ណោះ។

ការផ្លាសប្តូរភ្លាមៗមួយនេះនឹងអាចធ្វើឱ្យក្រុមហ៊ុន BYD មានផលប៉ះពាល់ជាច្រើន ខណៈដែរក្រុមហ៊ុនមួយនេះក៏ជាក្រុមហ៊ុនផលិតរថយន្តក្រុងអគ្គិសនីដែលគេត្រូវការច្រើនបំផុត និងជាផ្នែកមួយនៃកិច្ចព្រមព្រៀងក្នុងការដឹកជញ្ជូនដ៏ធំបំផុតសម្រាប់ប្រទេសចិនផងដែរ៕

អត្ថបទដោយ៖ សាល សក្កណា

ចែករំលែក:
ស្លាក:

Relate Post

ស្របពេលដែរប្រេងសាំងកំពុងតែឡើងថ្លៃរថយន្តអគ្គិសនី Tesla បែជាខំដំឡើងថ្លៃថែមទៀត

  • News

Tesla គឺជាក្រុមហ៊ុនផលិតរថយន្តអគ្គិសនីដែលលក់ដាច់បំផុតនៅលើពិភពលោក ហើយក៏ជាក្រុមហ៊ុនដែលមានតម្លៃថ្លៃបំផុតរបស់ពិភពលោកផងដែរ។ កាលពីសប្តាហ៍មុននាយកប្រតិបត្តិក្រុមហ៊ុន Tesla លោក Elon Musk បានដាក់សម្ភោធនូវរោងចក្រ Gigafactory ថ្មីរបស់ខ្លួននៅឯប្រទេសអាល្លឺម៉ង់ ខណៈដែររោចក្រនៅក្នុងទីក្រុង Austin  រដ្ឋ Texas កំពុងសាងសង់។ ថ្មីៗនេះក្រុមហ៊ុន Tesla បានទទួលរងនូវការរិះគន់ចំពោះការឡើងថ្លៃនៃតម្លៃរថយន្ត Tesla Model 3 ដែលវាបានកើនឡើងដល់ទៅ ២,០០០ ដុលា្លរ ដោយបានចាប់ផ្តើមនូវតម្លៃ ៤៤,៩៩០ ដុល្លារមកដល់ ៤៦,៩៩០ ដុល្លារ។ ជាមួយគ្នាដែរ Model Y ក៏បានកើនឡើងដល់ទៅ ៣,០០០ ដុលា្លរឯណោះដោយវាមានតម្លៃដើម ៥៩,៩៩០ ដុល្លារ ខណៈដែរបច្ចុប្បន្នវាមានតម្លៃរហូតដល់ទៅ ៦២,៩៩០ ដុល្លារ។ ហើយសម្រាប់អតិថិជនដែលបានធ្វើការបញ្ជាទិញ Model Y និងត្រូវរងចាំរហូតដល់ទៅចន្លោះពីខែមករាដល់ខែមេសា ឆ្នាំ ២០២៣ រីឯ Model 3 និងត្រូវចែកចាយនៅចន្លោះខែកក្កដា និងខែកញ្ញា ក្នុងឆ្នាំ ២០២២ នេះ។ ហើយមធ្យោបាយតែមួយគត់ដើម្បីបង្កើនល្បឿនជាងនេះគឺគ្រាន់តែជ្រើសរើសនូវជម្រើសបន្ថែមទៀតសម្រាប់រថយន្តរបស់អ្នក ដោយអ្នកចំណាយកាន់តែច្រើន អាទិភាពនៃការបញ្ជាទិញរបស់អ្នកក៏កាន់តែឆាប់រហ័សដែរ។ ខណៈដែរប្រេងឥន្ធនៈកំពុងតែឡើងថ្លៃផងនោះក្រុមហ៊ុន Tesla បានលេងមួយក្បាច់នេះធ្វើឱ្យអតិថិជនរបស់ពួកគេមានការខកចិត្តជាខ្លាំង៕ អត្ថបទដោយ៖ សាល សក្កណា    

Tesla រំពឹងថានឹងប្រកាស់ការលក់ ១៦.៤៤ ពាន់លានដុល្លារសម្រាប់ត្រីមាសទី១ នៃឆ្នាំ ២០២២ នេះ

  • News

ថ្មីៗនេះអ្នកវិភាគស្រាវជ្រាវភាគហ៊ុនបានរំពឹងថាក្រុមហ៊ុន Tesla នឹងរាយការណ៍ពីការលក់ ១៦.៤៤ ពាន់លានដុល្លារសម្រាប់មួយត្រីមាសដំបូងនៃសារពើពន្ធក្នុងឆ្នាំ ២០២២ ។ ជាមួយគ្នានេះដែរនៅក្នុងត្រីមាសទី ១ នៃឆ្នាំ ២០២១ ក្រុមហ៊ុន Tesla បានរាយការណ៍ពីការលក់ ១០.៣៩ ពាន់លានដុល្លារដោយវាបានបង្ហាញពីអត្រាកំណើនពីមួយឆ្នាំទៅមួយឆ្នាំដែលមានការកើនឡើង ៥៨.២ ភាគរយ។ បើយោងតាមក្រុមហ៊ុន Zacks ដែលជាអ្នកវិភាគក្រុមហ៊ុនស្រាវជ្រាវភាគហ៊ុនបានរំពឹងថាក្រុមហ៊ុន Tesla នឹងរាយការណ៍ពីការលក់ពេញមួយឆ្នាំចំនួន ៨១.៤៨ ពាន់លានដុល្លារសម្រាប់ឆ្នាំ ២០២២ នេះ។ ដោយ Zacks បានប៉ាន់ស្មាននៃការលក់របស់ Tesla ចាប់ពី ៦៤.៣៧ ពាន់លានដុល្លារដល់ ៩៣.៣០ ពាន់លានដុល្លារ ដែលពួកគេបានផ្អែកទៅលើការស្ទង់មតិអ្នកវិភាគផ្នែកលក់របស់ Tesla ។ សម្រាប់សារពើពន្ធឆ្នាំ ២០២៣ អ្នកវិភាគបានរំពឹងថាក្រុមហ៊ុន Tesla នឹងរាយការណ៍ពីការលក់ចំនួន ១០៧.៤៣ ពាន់លានដុល្លារជាមួយនឹងការប៉ាន់ស្មានចាប់ពី ៨១.២៨ ពាន់លានដុល្លារដល់ ១៣៤.៩៣ ពាន់លានដុល្លារ។ Tesla Gigafactory Berlin ដែលស្ថិតនៅលំដាប់កំពូលនៃបញ្ជីជាមួយនឹងរថយន្ត Model Y ដោយបានផលិតក្នុងប្រទេសអាឡឺម៉ង់ដំបូងគេសម្រាប់ការចែកចាយនៅថ្ងៃទី ២២ ខែមីនា។ ដោយ Gigafactory Berlin នឹងរៀបចំព្រឹត្តិការណ៍តូចមួយសម្រាប់ការផ្តល់ជូន Model Y ដំបូងរបស់ខ្លួនទៅឱ្យអ្នកចែកចាយក្នុងប្រទេសអាល្លឺម៉ង់។ ទន្ទឹមនឹងនេះនៅក្នុងរដ្ឋ Texas ក្រុមហ៊ុន Tesla ក៏កំពុងតែរៀបចំចែកចាយរថយន្ត Model Y ដំបូងគេដោយបានបំពាក់មកជាមួយនឹងកញ្ចប់កោសិកាថ្មទំហំ ៤៦៨០ ។ មិនបង្អង់យូរ Tesla Giga Shanghai បានបង្ហោះតួរលេខលក់ដុំនៃរថយន្តចំនួន ៥៩,៨៤៥ គ្រឿងសម្រាប់ខែមករា និងរថយន្ត ៥៦,៥១៥ គ្រឿងសម្រាប់ថ្ងៃទី ២២ ខែកុម្ភៈ។ Tesla ដែលមានមូលដ្ឋានូវប្រទេសចិនមួយនេះបានបង្កើនប្រាក់ចំណូលរបស់ខ្លួនលើសពី ១០០ ភាគរយសម្រាប់រយៈពេលពីរឆ្នាំជាប់ៗគ្នាចាប់តាំងពីការចាប់ផ្តើមប្រតិបត្តិការនៅឆ្នាំ ២០១៩។ ជាមួយគ្នានេះ Tesla ក៏កំពុងតែស្ថិតក្នុងការពង្រីករោងចក្រ Fremont នៅឯរដ្ឋ California ផងដែរ៕ អត្ថបទដោយ៖ សាល សក្កណា

គ្រាន់តែវិក្កយបត្រ Tesla ទូទាត់ជាង ៦០ ម៉ឺនដុល្លារម្ចាស់រថយន្តលាន់មាត់ថាអាចសាងសង់ស្ថានីយ៍សាកថ្មផ្ទាល់ខ្លួនមួយបាន

  • News

ក្រុមហ៊ុន Tesla កំពុងតែមានភាពល្បីល្បាញជាខ្លាំងនៅពេលមនុស្សចាប់ផ្តើមងាកមកជួយបរិស្ថានវិញដោយការប្រើប្រាស់រថយន្តអគ្គិសនីទាំងស្រុង ព្រោះនឹងអាចជួយកាត់បន្ថយផ្សែងពុលដែលកើតពីរថយន្តប្រើឥន្ធនៈ។ ក្រៅពីរថយន្តដែលគ្មានការបំភាយផ្សែងពុលក្រុមហ៊ុន Tesla ក៏បានបង្កើតស្ថានីយសាកថ្មជាច្រើនដែលហៅថា Tesla Supercharger ដើម្បីបង្កើតភាពងាយស្រួលដល់អ្នកប្រើប្រាស់របស់ខ្លួន។ បណ្តាញ Tesla Supercharger របស់ក្រុមហ៊ុន Tesla គឺជាបណ្តាញដ៏ល្អបំផុតនៅក្នុងឧស្សាហកម្មនេះ ហើយមនុស្សជាច្រើនក៏បានសរសើរពីភាពងាយស្រួលក្នុងការប្រើប្រាស់ គ្រប់ទីកន្លែងនៃស្ថានីយសាកថ្ម និងរួមបញ្ចូលប្រព័ន្ធទូទាត់វិក្កយបត្រដោយរលូនជាមួយនឹងគណនីរបស់ម្ចាស់រថយន្ត Tesla។ ក៏ប៉ុន្តែថ្មីៗនេះប្រព័ន្ធទូទាត់សាច់ប្រាក់នៅក្នុង Tesla Supercharger មិនដំណើរការល្អទេបន្ទាប់មានរឿងដ៏គួរឱ្យភ្ញាក់ផ្អើលមួយកើតឡើងទៅលើម្ចាស់រថយន្ត Tesla Model 3 ជនជាតិចិនម្នាក់ ដែលបានបង្ហាញពីវិក្កយបត្រដែលទទួលបានពីក្រុមហ៊ុន Tesla នៅប្រទេសចិនជាមួយនឹងចំនួនទឹកប្រាក់ដែលត្រូវបង់ប្រមាណ ៦០ ម៉ឺនដុល្លារ។ យោងតាមរយៈសារព័ត៌មាន CnEVPost ម្ចាស់រថយន្ត Tesla Model 3 បានទទួលការជូនដំណឹងពីកម្មវិធី Tesla ថារថយន្តរបស់គាត់ត្រូវបានហាមឃាត់ពីបណ្តាញ Supercharger ។ គាត់ក៏បានធ្វើការចែកចាយរូបភាពវិក្កយបត្រនៅបណ្តាញផ្សព្វផ្សាយរបស់ប្រទេសចិន Weibo ដែលមានតួរលេខនៃអគ្គិសនីដែលគាត់បានប្រើប្រាស់អស់ចំនួន ១,៩២៣,៧២០ គីឡូវ៉ាត់ម៉ោង នេះគឺវាមិនអាចទៅរួចនោះ បើគិតពីថ្លៃដែលគាត់ត្រូវបង់ទឹកប្រាក់សម្រាប់ក្រុមហ៊ុន Tesla នេះគឺគាត់អាចទិញ Tesla Model S Plaid ថ្មីបានដល់ទៅ ៥ គ្រឿងឯណោះ។ គាត់បានបញ្ជាក់ទៀតថាគាត់បានប្រើ Tesla Supercharger ចុងក្រោយនៅក្នុងខែកុម្ភៈ នៅពេលដែលគាត់សាក Model 3 របស់គាត់ត្រឹម ២០ នាទីប៉ុណ្ណោះ។ នៅថ្ងៃដដែលនោះ កម្មវិធី Tesla បានបង្ហាញថាគាត់នៅតែមាន ២,២៨៥ គីឡូម៉ែត្រ នៃការសាកថ្មដោយឥតគិតថ្លៃ ដោយមានការអនុញ្ញាតពីកម្មវិធីបញ្ជូនត Tesla ហើយប៉ុន្មានថ្ងៃក្រោយគាត់បានទទួលវិក្កយបត្រដែលតម្លៃខ្ពស់ល្មអាចឱ្យគាត់សាងសង់ស្ថានីយ៍ Tesla Supercharger ផ្ទាល់ខ្លួនបាន។  បន្ទាប់ពីរឿងដ៏គួរឱ្យអស់សំណើចនេះបានកន្លងផុតទៅក្រុមហ៊ុន Tesla បានផ្ញើរទៅគាត់ថា មានកំហុសនៅក្នុងប្រព័ន្ធខាងក្រោយនៃរថយន្តមួយចំនួន ហើយអ្វីៗវានឹងត្រូវជួសជុលឱ្យដំណើរការប្រក្រតីឡើងវិញ។ គួរបញ្ជាក់ផងដែរថាតម្លៃជាមធ្យមនៃ Supercharger របស់ Tesla មានតម្លៃ ០.២៥ ដុល្លារក្នុងមួយគីឡូវ៉ាត់ (kW) សម្រាប់ Model 3 ក៏ដូចជាម៉ូដែលផ្សេងៗ។ ការបញ្ចូលថ្មពេញទៅប្រហែល ៤០២ គីឡូម៉ែត្រនៃកម្រិតរបស់វាអាចមានតម្លៃប្រហែល ២២ ដុល្លារ។ ជាទូទី ការគិតម្លៃពាក់កណ្តាល ២៤១ គីឡូម៉ែត្រនឹងមានតម្លៃប្រហែល ១១ ដុល្លារ តម្លៃប្រែប្រួលអាស្រ័យលើតំបន់នៃប្រទេស និងអត្រាអគ្គិសនីក្នុងតំបន់៕ អត្ថបទដោយ៖ សាល សក្កណា

BYD Seal របស់ចិនរំពឹងថានឹងប្រជែងជាមួយ Tesla Model 3 នៅខែមេសាខាងមុខនេះ

  • News, New Car

ក្រុមហ៊ុន BYD គឺជាក្រុមហ៊ុនផលិតរថយន្តរបស់ចិនដែលមានទីស្នាក់ការនៅទីក្រុង Shenzhen ខេត្ត Guangdong ដែលបង្កើតឡើងដោយលោក Wang Chuanfu តាំងពីឆ្នាំ ១៩៩៥ មកម្លេះ។ បច្ចុប្បន្ននេះក្រុមហ៊ុន BYD កំពុងតែត្រៀមក្នុងការបង្ហាញនូវគំរូរថយន្តអគ្គិសនីថ្មីមួយប្រភេទដែលហៅថា Seal ដោយនិងបង្ហាញខ្លួននៅខែមេសាខាងមុខនេះ។ ដែលក្រុមហ៊ុន BYD រំពឹងថារថយន្តមួយនេះនឹងអាចក្លាយជាគូប្រជែងដ៏សំខាន់បំផុតរបស់ក្រុមហ៊ុន ជាមួយ Tesla Model 3 ។ ស្របជាមួយគ្នានេះដែរលោក Greg Kable ដែលជាអ្នកសារព័ត៌មានជនជាតិអាឡឺម៉ង់មួយរូបដែលបានបង្ហាញក្រៅផ្លូវការថារថយន្ត  BYD Seal នឹងអាចប្រឈមមុខជាមួយក្រុមហ៊ុនដ៏ធំរបស់អាមេរិកនោះគឺក្រុមហ៊ុន Tesla ។ បើតាមគេហទំព័រ CnEVPost របស់ចិនបានបង្ហាញនូវរូបភាពនៃគំរូរថយន្ត BYD Seal តាំងពីខែមករាមកម្លេះ ដោយពួកគេបាននិយាយថារថយន្តនេះបានរចនាមកជាមួយនឹងកញ្ជក់ទ្វារដែលគ្មានស៊ុមជំវិញ  និងដំបូលកញ្ចក់ដ៏ប្រណិត។ ហើយគេបានកត់សម្គាល់ទៀតថា BYD Seal នឹងអាចភ្ជាប់មកជាមួយ E-platform ៣.០ ដោយប្រព័ន្ឋនេះបានបំពាក់លើម៉ូដែល Dolphin ដែលបានដាក់លក់លើទីផ្សារនៅចុងឆ្នាំ ២០២១ កន្លងទៅ ហើយមានតម្លៃចាប់ ពី ១៤៨២៣ ដុល្លារ ដល់ ១៩២៤៨ ដុល្លារ។ បន្តែមពីនេះទៅទៀត BYD Seal នឹងត្រូវបានបំពាក់ដោយ BYD Blade Battery ដែលមានផ្ទុកថាមពលថ្ម រហូតទៅដល់ ៨០០ វ៉ុល ហើយការសាកថ្មរបំពេញអាចរត់បានចម្ងាយរហូតដល់ ៧០០ គីឡូម៉ែត្រ។ BYD Seal ដោយវាត្រូវបានគេរំពឹងថាវានឹងអាចមានតម្លៃចន្លោះពី ៣៤,៧៦៨  ដុល្លាររហូតដល់ ៤៤,២៥១ ដុល្លារ។ ខណៈក្រុមហ៊ុន BYD កំពុងតែស្វែងរកផ្លូវទៅកាន់អឺរ៉ុប ដែលបច្ចុប្បន្ននេះ BYD Tang EV កំពុងតែឈានជើងចូលទៅក្នុងទីផ្សារប្រទេសន័រវេសផងដែរ  ដោយមានតម្លៃ ៤៣,៨៨០ ដុល្លារ ។ អត្ថបទដោយ៖ សាល សក្កណា  

Ford បោះលុយ ២០ ពាន់លានដុល្លារត្រៀមខ្លួនដណ្តើមទីផ្សាររថយន្តអគ្គិសនីរបស់ Tesla

  • News

Ford គឺជាក្រុមហ៊ុនផលិតរថយន្តដ៏ធំមួយរបស់អាមេរិក ហើយក៏ជាក្រុមហ៊ុនធំជាងគេទី ៥ ក្នុងចំណោមក្រុមហ៊ុនធំៗជុំវិញពិភពលោកដោយផ្អែកទៅលើការលក់ទូទាំងពិភពលោក។ មកមើលពេលបច្ចុប្បន្នវិស័យឧស្សាហកម្មផលិតរថយន្តកំពុងតែមានការរីកចម្រើនយ៉ាងខ្លាំង រីឯក្រុមហ៊ុន Ford នឹងត្រូវប្រឈមមុខក្នុងការចំណាយប្រាក់រហូតដល់ ២០ ពាន់លានដុល្លារ ដើម្បីរៀបចំអាជីវកម្មរបស់ខ្លួនឡើងវិញសម្រាប់អនាគតរថយន្តអគ្គិសនី នេះបើយោងតាមព័ត៌មាន Bloomberg ។ ក្រុមហ៊ុន Ford ធ្លាប់បាននិយាយថា ខ្លួននឹងចំណាយប្រាក់ ៣០ ពាន់លានដុល្លារទៅលើការអភិវឌ្ឍន៍រថយន្តអគ្គិសនីនៅឆ្នាំ ២០២៥ ខាងមុខ។ គេបានរាយការណ៍បន្ថែមទៀតថា Ford បាននាំយកអតីតនាយកប្រតិបត្តិ Apple និង Tesla គឺលោក Doug Field ឱ្យទទួលខុសត្រូវលើការរៀបចំឡើងវិញ ដែលនឹងរួមបញ្ចូលការបំប្លែងរោងចក្ររបស់ខ្លួនពីថាមពលហ្គាស ទៅជាការផលិតរថយន្តអគ្គិសនី ។ Ford កំពុងតែជាប់គាំងក្នុងការប្រជែងយកភាគហ៊ុនដើម្បីប្រឆាំងនឹងគូប្រជែងរបស់ខ្លួនគឺក្រុមហ៊ុន Tesla ដែលជាក្រុមហ៊ុនកំពូលមួយក្នុងការផលិតរថយន្ត EV ។ នាយកប្រតិបត្តិក្រុមហ៊ុន Ford លោក Jim Farley កំពុងព្យាយាមផ្លាស់ប្តូរការគិតអំពីការប្រជែងយកភាគហ៊ុន ជាមួយនឹងកិច្ចខិតខំប្រឹងប្រែងដើម្បីបង្ហាញថាក្រុមហ៊ុនរបស់គាត់នឹងអាចប្រកួតប្រជែងបាន។ ថ្មីៗនេះក្រុមហ៊ុន Ford បានប្រកាសថាខ្លួនកំពុងផលិតទ្វេដងនៃរថយន្ត Pickup EV គឺ F-150 Lightning និងការផលិតច្រើនជាងមុនបីដងសម្រាប់រថយន្ត Mustang Mach-E ជាមួយនឹងការរំពឹងទុកថាវានឹងកើនឡើងដល់ជាង ២០០,០០០ គ្រឿងនៅក្នុងឆ្នាំ ២០២២ នេ៕

✔

Copy link Success.

×

វីដេអូ

Ford Ranger ស៊េរីឆ្នាំ២០២២ បានបង្ហាញខ្លួនសម្រាប់ពិភពលោកទាំងមូល នេះជាអ្វីដែលអ្នកទទួលបាន

  • Reviews, New Car

ឡានចាស់សេ៊រីថ្មី ឆ្នាំ២០២២ CR-V របស់ Honda ទទួលបានការរិះគន់ច្រើនប៉ុន្តែបែរជានៅតែលក់ដាច់ទៅវិញ

  • Reviews, New Car

ធ្លាប់តែឃើញឡានហោះនៅ ក្នុងរឿងពេលនេះបានឃើញហើយ ឡានហោះពិតៗ

  • News

ព័ត៌មានពេញនិយម

ចំណាយត្រឹមតែ ៧ ម៉ឺនដុល្លារសម្រាប់ម៉ូដែល F-150 Lightning នឹងធ្វើអោយលោកអ្នកចំណេញទ្វេដង

  • News

មិនបាច់ត្រូវចាំ ៤ ឆ្នាំចិនប្រើសំបក Land Cruiser ស៊េរី 300 ថ្មីគ្របពីលើស៊េរី 200 ចាស់ដូចគ្នាគ្មានទាស់

  • News

អ្នករចនាបង្កើតរូបភាពឌីជីថលនៃរថយន្ត FJ Cruiser អគ្គិសនីថ្មីដែល Toyota គ្រោងនឹងផលិតនាពេលឆាប់ៗនេះ

  • News

Lexus បានបង្ហាញរូបភាពអាវុធថ្មីដែលធ្វើអោយអ្នកគាំទ្រអន្ទះសារចង់ដឹងលម្អិតពីវា

  • News

រថយន្តប្រភេទ Off-Road ទាំង ៥ ដែលមានឥទ្ធិពលបំផុតនៅក្នុងឆ្នាំ ២០២២

  • News, New Car

Hyundai Santa Fe ឆ្នាំ ២០២២ កំពុងតែជួបបញ្ហាដែលតម្រូវឱ្យក្រុមហ៊ុនធ្វើការប្រមូលរថយន្តមកវិញ

  • News

ម្ចាស់រថយន្ត Ford Mustang Mach-E អគ្គិសនីរងភាពអយុត្តិធម៌ជាមួយនឹងវិក័យប័ត្រជួសជុលខ្ទង់ម៉ឺនដុល្លារ 

  • News

Toyota ត្រូវបានគេរាយការណ៍ថាកំពុងធ្វើតេស្ត TRD Pro ដើម្បីប្រកួតប្រជែងជាមួយនិង Ford F-150 Raptor

  • News

Tundra Capstone ឆ្នាំ 2022 ប្រណិតហើយមានតម្លៃថោកជាង F-150 PowerBoost

  • News

Toyota bZ4X GR Sport ត្រៀមដាក់បង្ហាញក្នុងការតាំងពិព័រណ៍រថយន្តTokyo ឆ្នាំ ២០២២

  • News

ប្រភេទ

ស្លាក

ទាញយកកម្មវិធីដោយឥតគិតថ្លៃ