តោះ! មកស្វែកយល់ពីទំហំនៃម៉ាស៊ីនរបស់រថយន្ត [MekongCar.com]

ធ្លាប់ដែរទេបងប្អូនដែលទិញឡានជិះជាលើកដំបូង ឬក៏មានគម្រោងចង់ទិញឡានថ្មី នៅពេលគិតទៅដល់ទំហំម៉ាស៊ីនរថយន្ត។ តើគួរជ្រើសរើសរថយន្តដែលម៉ាស៊ីនទំហំប៉ុណ្ណាទើបសាមសម។ ការសម្រេចចិត្តថាម៉ាស៊ីនមួយណាដែលយើងចង់បានវាហាក់ដូចជារៀងស្មុញស្មាញបន្តិច ព្រោះដំណើរការសេដ្ឋកិច្ចប្រេងឥន្ធនៈ បំណុលពន្ធ និងការចំណាយផ្សេងទៀតដែលគួរតែពិចារណាផងដែរ។

ដូច្នេះនេះជាអ្វីដែល MekongCar ចង់ចែករំលែក តោះមកស្វែងយល់ពីទំហំម៉ាស៊ីនរថយន្តទាំងអស់គ្នា។ 

នៅពេលដែលនិយាយអំពីទំហំម៉ាស៊ីនយើងគួរតែដឹងថាទំហំម៉ាស៊ីនមានន័យដូចម្តេច?

ទំហំនៃម៉ាស៊ីនមូលដ្ឋានមានន័យថា សមត្ថភាពដែលភីស្តុងរបស់វាត្រូវបានរុញតាមខ្យល់និងប្រេងឥន្ធនៈ ឆ្លងកាត់ស៊ីឡាំងរបស់រថយន្តហើយវាស់គិតជាសង់ទីម៉ែត្រគូប ឬ cc។ ទំហំម៉ាស៊ីនឡានជាធម្មតាត្រូវបានបញ្ជាក់ជាលីត្រ(L) ហើយត្រូវបានបង្គត់រហូតដល់ជិតមួយភាគដប់នៃមួយលីត្រ។ ឧទាហរណ៍ដូចជារថយន្តដែលមានម៉ាស៊ីន  ១៣៩០ cc ម៉ាស៊ីនរបស់វាអាចនិយាយបានថាមានចំណុះ ១.៤L។

ជាទូទៅគេបែកចែកម៉ាស៊ីនចេញជា4ក្រុម មានម៉ាស៊ីនចំណុះ ១.០L , ១.០Lទៅ ២.០L,  ២.០Lទៅ ៣.០L និង ចំណុះ ៣.០L ឡើងទៅ។ ដែលការបែកចែកនេះគឺសំដៅទៅលើម៉ាស៊ីនសាំងតែប៉ុណ្ណោះ។ 

•   ម៉ាស៊ីនចំណុះ ១.០L 

ម៉ាស៊ីនចំណុះ ១.០L ឬតិចជាងនេះមានស៊ីឡាំង៣ ឬ៤ ហើយឥឡូវនេះមនុស្សភាគច្រើនប្រើ TurboCharge ដើម្បីជួយបង្កើនថាមពល។ យើងអាចរកឃើញម៉ាស៊ីននេះនៅលើរថយន្តតូចៗ ឬធន់មធ្យមសម្រាប់បើកបរក្នុងទីក្រុងដូចជា Toyota Raize ដែលនាំចូលមកប្រទេសកម្ពុជាថ្មីៗនេះ វាមានម៉ាស៊ីន ១.០L បង្កើតកម្លាំងសេះ ៩៦Hp។ ម៉ាស៊ីនតូចបែបនេះជាធម្មតាវាមានទំនោរសន្សំសំចៃច្រើនដោយសារតែប្រើប្រាស់ប្រេងឥន្ធនៈតិចក្នុងការដុតដើម្បីបង្កើតថាមពល។

ប៉ុន្តែទោះជាយ៉ាងណាវាផ្តល់ថាមពលតិចដូច្នេះម៉ាស៊ីនអាចនឹងធ្វើការយ៉ាងលំបាកក្នុងការបង្កើនល្បឿន ឬវ៉ាជែងនៅតាមផ្លូវហាយវេ។ ជាពិសេសប្រសិនបើអ្នកដឹកអ្នកដំណើរ ៣ ទៅ ៤ នាក់ជាប្រចាំឬរបស់របរច្រើនម៉ាស៊ីនតូចទាំងនេះសាមសមនោះទេ អ្នកត្រូវការរកមើលអ្វីដែលធំជាងនេះ។

•   ម៉ាស៊ីនចំណុះ ១.០L ទៅ ២.០L 

ជាធម្មតាវាមានស៊ីឡាំង៤ ហើយពេលខ្លះវាក៏មាន Turbo ផងដែរ។ ភាគច្រើននៅក្នុងក្រុមនេះវាអាចបង្កើតកម្លាំងសេះបានប្រហែល ១៥០Hp ជាមួយនឹងទំហំម៉ាស៊ីន ១.៤L។ វាអាចមានកម្លាំងខ្លាំង និងបង្កើនល្បឿនលឿនជាងមុន ហើយយើងក៏អាចរកឃើញទំហំម៉ាស៊ីនទាំងនេះនៅក្នុងរថយន្តដែលចាប់ពីរថយន្តធន់មធ្យមពួកប្រភេទ Hatchbacks ឬដូចជា Corolla បំពាក់ម៉ាស៊ីនចំណុះ ១.៨L វាអាចកម្លាំងសេះ ១៣៩Hp រហូតទៅដល់រថយន្តធំៗប្រភេទ SUV ដូចជា Lexus NX 200t ចំណុះម៉ាស៊ីន ២.០L និងមាន Turbo បង្កើតកម្លាំងសេះបាន ២៣៥Hp។

ទំហំម៉ាស៊ីនក្រុមនេះវាសមល្មមមិនទាន់ប៉ះពាល់សេដ្ឋកិច្ចខ្លាំងពេកនោះទេ។ ហើយប្រសិនបើអ្នកបើកបរភាគច្រើនប្រើនៅលើផ្លូវហាយវេម៉ាស៊ីនទំហំនេះអាចជាការប្រកួតប្រជែងដ៏ល្អឥតខ្ចោះរបស់អ្នក។

•   ម៉ាស៊ីនចំណុះ ២.០L ទៅ ៣.០L

ម៉ាស៊ីនដែលមានចំណុះចន្លោះពី ២.០L ទៅ ៣.០L នេះវិញវាអាចមានកម្លាំងសេះ ២០០-៣០០Hp ដែលនេះក្លាយជាកម្លាំងដ៏សំខាន់សម្រាប់រថយន្តធំៗ ដូចជា BMW 3 Series និង Audi Q5 ។ ភាគច្រើននៅក្នុងក្រុមនេះម៉ាស៊ីន Turbo និងស៊ីឡាំង៤ ។

ម៉ាស៊ីនទំហំនេះអាចសាកសមជាមួយនឹងអ្នកបើកបរជាច្រើនជាពិសេសអ្នកដែលស្វែងរករថយន្តដែលមានល្បឿនលឿននឹងភាពជាក់ស្តែង។ ថាមពលកាន់តែច្រើនរួមជាមួយនឹងការបើកបរកាន់តែច្រើននឹងផ្តល់អោយអ្នកបើកបរនៅបទពិសោធន៍ដ៏អស្ចារ្យ។ រថយន្ត SUV ដ៏មានឥទ្ធិពលបំផុតក៏អាចមានម៉ាស៊ីនដ៏ល្អបំផុតនឹងអាចទ្រទំងន់បានយ៉ាងច្រើនជាមួយនឹងរថយន្ត Audi Q7 ដែលមានម៉ាស៊ីនតូចបំផុតរបស់វាគឺចំណុះ ៣.០L ។ 

•   ដែលមានចំណុះម៉ាស៊ីន 3.0 L ឡើងទៅ 

ម៉ាស៊ីនដែលមានចំណុះច្រើនជាង៣.០L ជាធម្មតាត្រូវបានរកឃើញនៅក្នុង saloons/estates ធំៗដូចជារថយន្ត Mercedes E-Class រថយន្តប្រភេទ SUV ដូចជា Range Rover និងដែលមាន Performance លឿន។ ក្រុមនេះវាអាចមកជាមួយនឹង ៦ស៊ីឡាំង៧​​ ស៊ីឡាំង ឬពេលខ្លះអាចមានរហូតដល់ទៅ ១២ស៊ីឡាំង។ 

ដូចដែលបានរៀបរាប់ខាងលើ ដូច្នេះតើទំហំម៉ាស៊ីនមួយណាដែលល្អសម្រាប់បងប្អូន។ ទំហំម៉ាស៊ីនវាអាចតម្លៃបន្តិចដើម្បីពិចារណា ប្រសិនបើអ្នកមានសុវត្តិភាពផ្នែកហិរញ្ញវត្ថុគ្រប់គ្រាន់ដើម្បីចំណាយបន្ថែមបន្តិចបន្តួចលើរថយន្តព្រមទាំងថ្លៃប្រេង នោះរថយន្តដែលមាន cc ខ្ពស់ទំនងមិនមែនជាបន្ទុកអ្វីឡើយ។  ឬមួយក៏អ្នកដែលផ្តល់អាទិភាពទៅដល់ការសន្សំសំចៃប្រេងឥន្ធនៈ និងការចំណាយប្រាក់តិចទៅលើការថែទាំរថយន្តទំនងនឹងសាកសមជាមួយរថយន្តដែលមានទំងន់ស្រាល និង cc ទាប។

មួយវិញទៀតបើអ្នកបើកបរនៅក្នុងទីក្រុងដែលចង់សន្សំសំចៃប្រេង មានលទ្ធភាពគួទិញរថយន្តដែលមានម៉ាស៊ីន Hybrid ។ វារួមបញ្ចូលនូវម៉ូទ័រអគ្គិសនី និង ម៉ាស៊ីនសាំងធម្មតា ដែលកាត់បន្ថយការប្រើប្រាស់ប្រេងឥន្ធនៈ និងការបញ្ចេញផ្សែងពុល ។ វាប្រើប្រាស់ថាមពលអគ្គិសនីនៅពេលចុះថតឬបើកបរក្នុងល្បឿនទាប​ ៕