នាយកប្រតិបត្តិការក្រុមហ៊ុន Huaweiត្រូវបានគេដកចេញដំណែងភ្លាមៗ បន្ទាប់ពីនិយាយថារថយន្តរបស់ Tesla កំពុងតែសម្លាប់មនុស្ស

លោក Su Jing ដែលជាប្រធានគ្រប់គ្រងផ្នែកបច្ចេកវិទ្យាបើកបរដោយខ្លួនឯង របស់ក្រុមហ៊ុន Huawei Technologies Co.LTD បានបង្កភាពចម្រូងចម្រាស់ដោយប្រាប់អ្នកចូលរួមពិព័រណ៍រថយន្តនៅទីក្រុង ប៉េកាំងប្រទេសចិនថាបច្ចេកវិទ្យា បើកបរដោយខ្លួនឯងដែលក្រុមហ៊ុន Teslaប្រើប្រាស់កំពុងតែសម្លាប់មនុស្ស​។

រថយន្តទាំងនោះគឺមានអត្រាគ្រោះថ្នាក់ខ្ពស់បំផុតក្នុងរយៈពេលប៉ុន្មានឆ្នាំចុងក្រោយនេះ ពីការស្លាប់មនុស្សទី១រហូតដល់មនុស្សបន្តបន្ទាប់ដោយ ករណីគ្រោះថ្នាក់ទាំងនោះគឺមានលក្ខណៈប្រហាក់ប្រហែលគ្នាខ្លាំងណាស់ ពាក្យសំដីរបស់លោកត្រូវបានថតជា Clip Video និងចែកចាយនៅក្នុងប្រព័ន្ធផ្សព្វផ្សាយក្នុងស្រុក Weibo ហើយមានការរីករាលដាលជាខ្លាំងរហូតបានជំរុញអោយក្រុមហ៊ុន Huawei ចាត់វិធានការដកលោកចេញពីដំណែងដូច្នេះលោកSu jing ត្រូវបានគេដកចេញពីដំណែង នាយកប្រតបត្តិការនៃក្រុមហ៊ុន Huawei ហើយក្រុមហ៊ុនក៏បានចេញសេចក្តីថ្លែងថាលោក Su បានធ្វើការអត្ថាធិប្យាយមិនសមរម្យទៅលើរថយន្ត Tesla ចំពោះបច្ចេកវិទ្យាបើកបរដោយស្វ័យប្រវត្តិនិងសុវត្តិភាព គាត់នឹងត្រូវដកចេញទៅកាន់មុខដំណែងថ្មីប៉ុន្តែក្រុមហ៊ុនមិនបានបញ្ជាក់ច្បាស់លាស់នោះទេ។

យ៉ាងណាក៏ដោយទ្រឹស្តីរបស់លោក Su ដែលបានលើកឡើងនេះក៏មានចំណុចត្រូវផងដែរ​ ព្រោះដោយសារតែបច្ចេកវិទ្យាទំនើបនៃការបើកបរដោយស្វ័យប្រវត្តិបានធ្វើអោយអ្នកបើកបរខ្វះការប្រុងប្រយ័ត្ននៅពេលធ្វើដំណើរ តែក្រុមហ៊ុន Tesla ក៏បានធ្វើការក្រើនរំលឹកទៅកាន់អតិថិជនរបស់ខ្លួនថា ទោះបីជាមានប្រព័ន្ធនៃការបើកបរដោយខ្លួនឯងក៏ដោយសូមអោយអតិថិជនព្យាយាមយកចិត្តទុកដាក់ទៅលើដៃចង្កូត ដើម្បីជៀសវៀងគ្រោះថ្នាក់ផ្សេងៗកើតឡើង​ ៕