រថយន្តទាំងនេះ ទទួលបានទំនុកចិត្តខ្លាំងពីអ្នកប្រើប្រាស់សម្រាប់ឆ្នាំ២០២១

នៅពេលទិញរថយន្តថ្មីកត្តាសំខាន់បំផុតមួយដែលមនុស្សរាល់គ្នាចង់បាននោះគឺ ទំនុកចិត្ត ឬភាពជឿជាក់របស់រថយន្ត។ ថ្មីត្បិតតែរថយន្តទំនើបត្រូវបានរចនាឡើងសម្រាប់ការប្រើប្រាស់បានយូរអង្វែងដូចៗគ្នាក៏ដោយ តែនៅតែមានម៉ូដែលមួយចំនួនដែលទទួលបានការគាំទ្រនិងពេញចិត្តខ្លាំងពីអតិថិជន។

រថយន្តដែលគួឱ្យទុកចិត្តបំផុត និងបើកបរបានល្អនៅលើដងផ្លូវវាអាចផ្តល់មកជាមួយសុវត្ថិភាពកាន់តែប្រសើរ សន្សំសំចៃប្រេងខ្ពស់ និងផ្តល់នូវលក្ខណៈច្រើនជាងម៉ូដែលមុនៗ។ ហើយទាំងនេះគឺជារថយន្តដែលទទួលបានទំនុកចិត្តខ្ពស់ពីសំណាក់អ្នកប្រើប្រាស់សម្រាប់ឆ្នាំ២០២១។

  ១. Toyota Prius 

រថយន្តប្រភេទ Hybrid ដែលប្រើបានយូរអង្វែងជាពិសេសសន្សំសំចៃប្រេងរបស់តូយ៉ូតាឈរលើគេក្នុងបញ្ជីរបាយការណ៍អតិថិជនសម្រាប់ភាពជឿជាក់។ Prius ត្រូវបានបំពាក់ដោយម៉ាស៊ីន ៤ស៊ីឡាំង ១.៨លីត្រ ជាមួយនឹងម៉ូទ័រអេឡិចត្រិច ដែលល្អសម្រាប់កម្លាំង ១២១សេះ។

រថយន្តនេះដំណើរការដោយប៉ុងទាំងអស់ AWD ឥឡូវនេះវាគឺជាមុខងារដែលអាចប្រើបានសម្រាប់ម៉ូដែលឆ្នាំ២០២១។ វាពិតជាទទួលបានទំនុកចិត្តខ្ពស់នៃការសន្សំសំចៃប្រេង ដោយតាម EPA Fuel Economy របស់ 4.2l/100km ទាំងផ្លូវទៅក្រុង និងនៅលើផ្លូវហាយវេ។

  ២. Lexus NX 

Lexus NX រថយន្ត SUV តូចមួយដែលមានទំហំប្រហាក់ប្រហែលនឹង Toyota RAV4 ។ វាអាចប្រើបានជាមួយនឹងម៉ាស៊ីន turbocharged ៤ស៊ីឡាំង ផ្តល់នូវកម្លាំង ២៣៥សេះ ឬម៉ាស៊ីន Hybrid powertrain ដែលធ្វើឱ្យវាមានលក្ខណៈពិសេសនៅក្នុងទីផ្សាររថយន្ត SUV។

ឧទាហរណ៍ បើតាមការវាយតម្លៃភាពជឿជាក់របស់ Lexus NX200t គឺ ៤.០ ក្នុងចំណោម ៥.០ ដែលវាជាប់ចំណាត់ថ្នាក់ទី២ ក្នុងចំណោម១១ សម្រាប់រថយន្ត SUV ប្រណីតខ្នាតតូច។ ដោយសារ Lexus ស្ថិតនៅក្រោមដំបូលរបស់ Toyota វាមិនគួរឱ្យភ្ញាក់ផ្អើលទេដែល NX ចុងក្រោយបង្អស់អាចជឿទុកចិត្តបាន។ បើតាម Consumer Reports បានសរសេរថា NX មិនមែនគ្រាន់តែជាប្រភេទ SUV ដែលអាចទុកចិត្តបាននោះទេ ប៉ុន្តែវាជាប្រភេទ SUV ដែលអាចទុកចិត្តបំផុតដែលមាននៅលើទីផ្សារនាពេលបច្ចុប្បន្ននេះ។

  ៣. Lexus GX

GX គឺជាប្រភេទ SUV ខ្នាតមធ្យមរបស់ Lexus ហើយវាភ្ជាប់មកជាមួយម៉ាស៊ីន V8 ដ៏ធំ មានសមត្ថភាពបង្កើតកម្លាំងបានរហូតដល់ទៅ ៣០១សេះ។ ក្រឡេកទៅមើលជើងក្រោមរបស់វាការរចនាធ្វើឱ្យវាងាយស្រួលក្នុងការជៀសវាងនូវឧបសគ្គនៅតាមដងផ្លូវ ហើយមានសមត្ថភាពអូសទាញ ២៩៤៨គីឡូក្រាម របស់វាផ្តល់ឱ្យវានូវសមត្ថភាពច្រើនជាងរថយន្ត SUV ប្រណិតមធ្យមដដៃទៀត។

ការវាយតម្លៃភាពជឿជាក់របស់ Lexus GX460 គឺ ៣.៥ ក្នុងចំណោម ៥.០ ដែលវាជាប់ចំណាត់ថ្នាក់ទី៥ ក្នុងចំណោម១៤ សម្រាប់រថយន្ត SUV ខ្នាតមធ្យម។

  ៤. Honda HR-V

ជាមួយនឹងរថយន្តធុនតូច Fit hatchback មួយដែលត្រូវបានបញ្ឈប់ សម្រាប់ឆ្នាំ២០២១ HR-V គឺជារថយន្តតូចបំផុតនៅក្នុងត្រកូលរបស់ Honda ប៉ុន្តែទំហំតូចរបស់វាបានបង្កប់មកនូវផ្នែកខាងក្នុងដែលធំទូលាយ និងងាយស្រួលក្នុងការដឹករបស់របរ។ គ្រប់ម៉ូដែលទាំងអស់មកជាមួយស៊ីឡាំង៤ មានកម្លាំង ១៤១សេះ។

ការវាយតម្លៃភាពជឿជាក់របស់ Honda HR-V គឺ ៥.០ ក្នុងចំណោម ៥.០ ដែលវាជាប់ចំណាត់ថ្នាក់ទី១ ក្នុងចំណោម ៧ សម្រាប់រថយន្តប្រភេទ SUV តូចដែលតូចបំផុត។ ការចំណាយលើការជួសជុលប្រចាំឆ្នាំជាមធ្យមគឺ មានកម្រិតទាបដែលមានន័យថាវាសាកសមក្នុងការធ្វើជាម្ចាស់នៃរថយន្តនេះ។

  ៥. Toyota Prius Prime

Prius Prime ជាប្រភេទ Plug-in hybrid version ផ្តល់នូវការបើកបរ ៤០គីឡូម៉ែត្រ សម្រាប់ការប្រើប្រាស់នូវថាមពលអគ្គិសនីសុទ្ធ ហើយវាក៏បានបន្ថែមនូវរចនាបថកាន់តែទាក់ទាញ។ នៅពេលយើងសាកល្បង Prius Prime វាប្រើប្រាស់ប្រេងឥន្ធនៈ 4.8l/h នៅលើផ្លូវសន្សំសំចៃប្រេង 120Km/h ដែលធ្វើឱ្យវាមានប្រសិទ្ធភាពជាង Prius ធម្មតា។ គ្រប់ម៉ូដែលទាំងអស់មកជាមួយនឹងការសមត្ថភាពបង្កើតកម្លាំង ១២១សេះដូចៗគ្នា។

  ៦. Hyundai Kona

ជាមួយនឹងការរចនារូបរាង និងភាពរីករាយក្នុងការបើកបរលក្ខណៈធម្មជាតិ Hyundai Kona គឺជារថយន្តប្រភេទ SUV ដ៏តូចមួយដែលក្លាយជាទីពេញចិត្តបំផុត។ វាត្រូវបានផ្តល់ជូនជាមួយនឹងម៉ាស៊ីន ៤ស៊ីឡាំង ផលិតកម្លាំងបាន ១៤៧សេះ ឬម៉ាស៊ីន turbocharged នៃកម្លាំង ១៧៥សេះ។ ផ្ទៃខាងក្នុងរបស់ Kona មិនមានភាពទូលាយដូច HR-V ទេ ប៉ុន្តែវានៅតែផ្តល់កន្លែងគ្រប់គ្រាន់សម្រាប់ដឹករបស់របរ និងអ្នកដំណើរ។

បើតាមសន្ទស្សន៍វាយតម្លៃអតិថិជនរបស់ Kelley Blue Book ផ្តល់ឱ្យ Kona នូវចំណាត់ថ្នាក់ភាពអាចជឿជាក់បាន ៤.៧ក្នុងចំណោម៥។ ក្រុមហ៊ុន RepairPal បានដាក់ពិន្ទុលើក្រុមហ៊ុន Hyundai នូវចំណាត់ថ្នាក់ភាពអាចជឿជាក់បាន ៤.០ ក្នុងចំណោម៥ ហើយជាម៉ាកយីហោទី ៤/៣២ ដែលបានចុះបញ្ជីដោយភាពជឿជាក់។

  ៧. Audi A5

A5 ត្រូវបានផ្តល់ជូនជារថយន្តប្រភេទ Coupe និងរថយន្តបំប្លែង A5 ដែលជាម៉ូដែលទ្វារពីរដ៏ប្រណីតរបស់ Audi។ អ្នកទិញដែលកំពុងស្វែងរកកន្លែងបន្ថែមសម្រាប់ដឹកមនុស្ស និងទំនិញ គួរតែពិចារណាម៉ូដែល A5 Sportback ដែលស្រដៀងគ្នា។

A5 Sportback អាចមានជាមួយនឹងម៉ាស៊ីន turbocharged ៤ស៊ីឡាំង powertrains ទាំងពីរ ដែលប្រើប្រាស់ប្រព័ន្ធ Hybrid 12-volt។ វាមានសមត្ថភាពអាចបង្កើតកម្លាំងពី ២០១-២៦១សេះ។ AWD គឺជាស្តង់ដារ ហើយ A5 Sportbacks ទាំងអស់មកជាមួយប្រអប់លេខអូតូប្រាំពីរវគ្គ។

ការវាយតម្លៃភាពជឿជាក់របស់ Audi A5 គឺ ៣.០ ក្នុងចំណោម ៥.០ ដែលវាជាប់ចំណាត់ថ្នាក់ទី២៣ ក្នុងចំណោម៣១ សម្រាប់រថយន្តប្រណិតខ្នាតមធ្យម។

  ៨. Mazda CX-5

រថយន្តនេះបានរួមបញ្ចូលគ្នានូវភាពសប្បាយរីករាយក្នុងការបើកបរនៃម៉ាក Mazda ជាមួយនឹងកាប៊ីនដ៏ប្រណិត និងប្រព័ន្ធថាមពលដែលសន្សំសំចៃប្រេង។ វាអាចមានជាមួយនឹងម៉ាស៊ីន turbocharged បួនស៊ីឡាំងដ៏មានអានុភាព និងការដំណើរការដោយកង់ទាំងអស់។ ការវាយតម្លៃភាពជឿជាក់ Mazda CX-5 គឺ ៤.៥ ក្នុងចំណោម ៥.០ ដែលវាជាប់ចំណាត់ថ្នាក់ទី១ ក្នុងចំណោម២៦ សម្រាប់រថយន្តប្រភេទ SUV ខ្នាតមធ្យម។

Mazda CX-5 2021 មានម៉ាស៊ីនដ៏ខ្លាំងចំនួនពីរដែលម៉ាស៊ីនទីមួយគឺ SKYACTIV®-G DOHC 16-valve ៤ស៊ីឡាំងចំណុះ ២.៥ លីត្រ ជាមួយនឹងស៊ីឡាំង Deactivation។ ម៉ាស៊ីននេះផ្តល់កម្លាំងដល់ទៅ ១៨៧សេះ វាអាចចាត់ទុកថាជារថយន្តដែលល្អបំផុតនិងទុកចិត្តបាននៅក្នុងចំណោមរថយន្ត SUV ខ្នាតតូច។ 

គ្រប់រថយន្តទាំងអស់ត្រូវបានម្ចាស់មួយចំនួនស្នើសុំឱ្យវាយតម្លៃដំណើរការម៉ាស៊ីន ជម្រើសព័ត៌មានកម្សាន្ត ប្រព័ន្ធសុវត្ថិភាព និងទិដ្ឋភាពផ្សេងទៀតនៃយានយន្តរបស់ពួកគេ។ Toyota និងម៉ាកយីហោប្រណីត Lexus របស់ខ្លួនមានទំនោរធ្វើបានល្អជារួមដូចម៉ាកយីហោកូរ៉េដូចជា Hyundai និង Kia ដែរ។ រថយន្តកូរ៉េច្រើនតែមានប្រៀបជាងគូប្រជែងជប៉ុនរបស់ពួកគេរួមមាន Nissan, Honda, Infiniti, និង Acura៕