រថយន្តអគ្គិសនីដែលរំពឹងថានឹងដាក់លក់នៅ៥ឆ្នាំខាងមុខនេះ

មានរោងចក្រផលិតរថយន្តធំៗជាច្រើន បានកំពុងផលិតរថយន្តអគ្គិសនីជាច្រើនម៉ូឌែលសម្រាប់ត្រៀមខ្លួនចូលទៅក្នុងទីផ្សាររថយន្តអគ្គិសនី។ ចាប់ផ្តើមពីគម្រោងរហូតដល់ការផលិត​ តែវាក៏អាចនឹងមានរថយន្តខ្លះដែលមិនអាចឈានចូលទីផ្សារបានដែរដោយសារបញ្ហាបច្ចេកវិទ្យា ឬហិរញ្ញវត្ថុក្រុមហ៊ុន។ នៅក្នុងនោះយើងឃើញថាមានរថយន្តជាច្រើនដែលគ្រោងនឹងដាក់លក់ ដូចជា៖

  ១. Aspark Owl ( គ្រោងដាក់លក់ក្នុងឆ្នាំ2021 )

រថយន្ត Aspark Owl ជារថយន្តស្ព័រដំបូងគេបង្អស់ដែលរោងចក្រផលិតរថយន្តអគ្គិសនីជប៉ុនសន្យាថាជារថយន្តដែលមានតម្លៃថ្លៃជាងគេ។​ ដោយម៉ូទ័រអគ្គិសនីបួនរបស់វា ចូលរួមជាមួយអាគុយ lithium-ion 64.0kWh ធ្វើអោយរថយន្តនេះអាចផលិតកម្លាំងបានរហូតទៅដល់1984សេះឯណោះហើយអាចប្រើប្រាស់បានរយះចម្ងាយជាង 400Km ។ រថយន្តនេះក្រុមហ៊ុននឹងផលិតត្រឹមតែ50គ្រឿងតែប៉ុណ្ណោះលើពិភពលោក។ ចំណែកតម្លៃវិញនោះគឺ 3.2លានដុល្លារ។

  ២. BMW iX ( គ្រោងដាក់លក់ក្នុងឆ្នាំ2022 )

រថយន្តនេះគ្រោងនឹងដាក់លក់នៅដើមឆ្នាំ2022 ហើយនឹងចែកចាយទៅប៉ែកអ៊ឺរ៉ុបមុនគេ។ រថយន្តនេះដំណើរការដោយកង់ទាំងបួន (AWD) ហើយក្រុមហ៊ុន Audi សន្យាថានឹងផ្តល់អោយរថយន្ត SUV អគ្គិសនីនេះនូវកម្លាំងយ៉ាងខ្លាំងរហូតដល់ 516សេះ ហើយវាអាចប្រើប្រាស់បានរយះចម្ងាយប្រហែលជា 500km​ ។

ទំហំរបស់ iX នេះស្មើរនឹង X5 ដែរ ចំណែកតម្លៃវិញគឺ $84,194 ចេញពីរោងចក្រ។​ ចំពោះ iX M60 វាកំពុងតែដំណើរការប៉ុន្តែគេរំពឹងថានឹងមានសម្ថភាពខ្លាំងជាង ហើយតួរបស់វាក៏វែងជាងផងដែរ។

  ៣.​ Chevrolet Silverado Electric (គ្រោងដាក់លក់ក្នុងឆ្នាំ2023)

មិនអោយចាញ់គេនោះទេ ក្រុមហ៊ុន GM Motor ក៏បានបញ្ចេញរថយន្តអគ្គិសនីប្រភេទ Pick-up ឈ្មោះថា Chevrolet Silverado Electric ដែលមានរូបរាងកាចហើយទាន់សម័យដែលអាចប្រកួតប្រជែងជាមួយ Ford F-150 Lightning បាន។ ក្រុមហ៊ុន GM Motor នៅតែប្រើប្រាស់អាគុយ Ultium របស់ខ្លួនដដែលនៅលើរថយន្តមួយនេះហើយអាចប្រើប្រាស់បានសឹងតែខ្លាំងជាងថាមពលរបស់រថយន្តនៃក្រុមហ៊ុនដទៃទៀត គឺរហូតទៅដល់ 643Km រាល់ពេលសាកថ្មពេញម្តង។

  ៤. Genesis Essentia (គ្រោងដាក់លក់ក្នុងឆ្នាំ2023)

ផែនការដ៏ធំរបស់ក្រុមហ៊ុនជំនាញផលិតរថយន្តអគ្គិសនីរបស់ប្រទេស ក្រូអាត ឈ្មោះ « Rimac » គឺនឹងផលិតរថយន្តម៉ាក Genesis Essentia ដែលជារថយន្តស្ព័រប្រណិតធ្វើអោយក្រុមហ៊ុន Hyundai សម្រេចចិត្តវិនិយោគជាមួយកញ្ចប់ថវិការយ៉ាងសន្ធឹកសន្ធាប់រហូតដល់ 90 លានដុល្លារ។ ហើយបើសិនជាគម្រោងនេះបានជោគជ័យមែនក្រុមហ៊ុន Hyundai នឹងក្លាយជាក្រុមហ៊ុនដំបូងដែលចែកចាយរថយន្តស្ព័រអគ្គិសនីនៅលើពិភពលោក។

  ៥. Mazda MX-30(គ្រោងដាក់លក់ក្នុងឆ្នាំ2022-2023)

គម្រោងរថយន្តអគ្គិសនីដំបូងគេបង្អស់របស Mazda គឺ MX-30 ផលិតមកជាប្រភេទ Crossover ដែលមានទ្វាខាងក្រោយពាក់កណ្តាលដូចរថយន្តស្ព័រ RX-8 ដែរ។

សម្រាប់ម៉ូឌែលនេះ​ត្រូវបានបញ្ជាក់ថានឹងដាក់លក់នៅលើទីផ្សារអាមេរិកនៅចុងឆ្នាំ2021 ឬដើមឆ្នាំ2022 ។ បច្ចេកវិទ្យាដំបូងរបស់វាចាប់ផ្តើមដោយអាគុយតូចត្រឹមតែ 35.5kWh ទេហើយអាចប្រើប្រាស់បានរយះចម្ងាយ 200Km ។ ចង់ដឹងថាតើរថយន្តអគ្គិសនីដំបូងរបស់ក្រុមហ៊ុន Mazda ទៅជាយ៉ាងណាមានតែរងចាំមើលទាំងអស់គ្នា។

ទោះយ៉ាងណាក៏ដោយ យើងមិនទាន់ដឹងទេថាក្រុមហ៊ុនណាខ្លះមានសមត្ថភាពបង្ហាញខ្លួននៅលើទីផ្សារអន្តរជាតិនៅឡើយទេ ប៉ុន្តែក្រុមហ៊ុនផលិតរថយន្តទាំងនោះកំពុងតែធ្វើការយ៉ាងខ្លាំង។ យើងក៏រំពឹងថានឹងបានទទួលបាននូវបច្ចេកវិទ្យាថ្មី និងទំនើបៗទាំងនោះជាក់ស្តែងជាជាងការមើលវីដេអូដែលគេបង្ហាញ ៕