Ford Mustang ម៉ូដែល 711 តែមួយគត់សម្រាប់ហាងលក់ទំនិញចម្រុះជាតិសាសន៍ដ៏ល្បី 7-Eleven

News
មើល: 1629

រថយន្ត Ford Mustang GT  ដែលជានិមិត្តរូបរថយន្តពីសហរដ្ឋអាមេរិក និងមានភាពពេញនិយមបំផុតនៅលើទីផ្សារពិភពលោកដោយសារតែភាពទាន់សម័យរបស់វា។

ក្រៅពីរថយន្តស្ព័រដ៏ទាក់ទាញអីឡូវនេះ Ford Mustang 711 កំពុងតែទទួលបានការចាប់អារម្មណ៍ជាខ្លាំងសម្រាប់ឆុតសម្លៀកបំពាក់ថ្មី និងបានក្លាយជាផ្ទាំងប៉ាណូផ្លាស់ទី ឬអ្នកដឹកភីផ្សារចល័តសម្រាប់ហាងលក់ទំនិញចម្រុះជាតិសាសន៍ 7-Eleven ។ វាត្រូវបានចូលរួមសហការជាមួយ Galpin Auto Sport ជាអ្នកមានបទពិសោធន៍ច្រើនបំផុតក្នុងការប្រែទម្រង់រូបរាង Mustang ។

តួររថយន្តទាំងមូលត្រូវបានកែសម្អដោយចាប់ផ្តើមពីឃ្លប់ខាងមុខដែលមានពណ៌ដូចគ្នាទៅនឹងម៉ាកយីហោ 7-Eleven ។ លើសពីនេះវាទទួលបានប្រព័ន្ធខាងក្រោមមានភ្លើងពណ៌ក្រហម ដែលជាការរំលឹកអំពីពន្លឺនៃសញ្ញា 7-Eleven នៅពេលយប់។

បំភ្លេចអំពីនិមិត្តសញ្ញាសត្វពស់របស់ Mustang ព្រោះវាត្រូវបានគេជំនួសដោយសត្វទីទុយពេលយប់នៅចំកណ្តាលនៃប៉ាណាខាងមុខ។ ការលាយបញ្ចូលនូវពណ៌ 7-Eleven ដែលមានក្រហម ខៀវ និង ទឹកក្រូច បន្ថែមពីលើរថយន្តពណ៌ស ចាត់ពីឃ្លប់ខាងមុខរហូតដល់គែមខាងក្រោយពណ៌បៃតង។ 

នៅខាងក្នុងរថយន្ត Ford Mustang ម៉ូដែល 711 ភ្ជាប់ជាមួយគ្រឿងបរិក្ខាស្បែក តុបតែងដោយឆ្នូតក្រហម ទឹកក្រូច នឹងបៃតង។ ប្រអប់លេខមានទម្រង់ជាភេសជ្ជៈ Slurpee និងផ្នែកដែលពិសេសបំផុត ការរចនាកន្លែងសម្រាប់ដាក់អាហារសម្រន់ដូចជាភីហ្សារផ្ទាល់ខ្លួននៅកន្លែងដាក់កែវ ឬ ភេសជ្ជៈ។ 

លោក Marissa Jarratt អនុប្រធានប្រតិបត្តិ 7-Eleven បាននិយាយថា "យើងដឹងថាអតិថិជនរបស់យើងមានភាពពេញនិយមចំពោះវប្បធម៌រថយន្ត ដូច្នេះហើយវាគឺជាការកសាងរថយន្តមួយប្រភេទដែលត្រូវបានបំផុសគំនិតដោយផលិតផលដ៏ល្បីបំផុតរបស់យើង"៕

ចែករំលែក:

Relate Post

ក្រុមហ៊ុនផលិតរថយន្តចំណូលថ្មី NAMX បានបញ្ចេញគំរូរថយន្ត SUV ដំបូងគេដែលប្រើថាមពលអ៊ីដ្រូសែន

  • News

ក្រុមហ៊ុនផលិតរថយន្ត Startup NAMX មួយទើបតែបានបង្ហាញគំរូរថយន្ត SUV ដំបូងបង្អស់ដែលដើរដោយថាមពលអ៊ីដ្រូសែន បន្ទាប់ពីក្រុមហ៊ុន Toyota ដែលបានចាប់ផ្តើមបច្ចេកវិទ្យានេះនឹងបានបំពាក់នៅលើរថយន្តប្រភេទ Hatchback Mirai ។ រថយន្តដែល SUV ថាមពលអ៊ីដ្រូសែនថ្មី កំពុងបង្ហាញលក្ខណៈពិសេសដែលនឹងស្មានមិនដល់ព្រោះវាអាចដកធុងថាមពលចេញមកខាងក្រៅ ហើយវាក៏បានពណ៌នាពី HUV បច្ចេកវិទ្យាថ្មីដែលបែងចែកជាពីរ Version នឹងទទួលបានការរចនារូបរាងពីក្រុមហ៊ុន Pininfarina។  សម្រាប់់ម៉ូដែលដំបូង entry-level របស់ក្រុមហ៊ុន NAMX បានបញ្ជាក់ថាវានឹងមកជាមួយនឹងប្រព័ន្ធបើកបរដោយកង់ខាងក្រោយ (RWD) ហើយអាចបង្កើតកម្លាំងបាន ២៩៦ សេះ ឬ ២២៤ kW ។ រថយន្តនេះគួរតែអាចឈានទៅដល់ល្បឿន ១០០ km/h ប្រើពេល ៦.៥ វិនាទី នឹងបន្តទៅដល់ល្បឿនកំពូលរបស់វាគឺ ២០០ km/h ។  ទន្ទឹមនឹងនេះ GTH version នឹងទទួលបានការបំពាក់ជាមួយនឹងប្រព័ន្ធបើកបរដោយកង់ទាំងបួន (4WD) ដែលមានកម្លាំង ៥៤២ សេះ ឬ ៤១០ kW ។ ចំណែកឯល្បឿនកំពូលរបស់វាគឺ ២៥០ km/h ជាមួយគ្នានេះល្បឿនសន្ទុះពី ០​ ទៅ ១០០ km/h វាចាយពេលតិចជាង ៤.៥ វិនាទី។ តម្លៃសម្រាប់ម៉ូដែលទាំងពីរនេះក្រុមហ៊ុនក៏បានបង្ហាញជាផ្លូវការផងដែរ ដោយតម្លៃរបស់វាចន្លោះពី ៦៥,៤១០ ដុល្លារ ទៅ ៩៩,៩៨៤ ដុល្លារ។ ប៉ុន្តែនៅក្នុងនោះក្រុមហ៊ុនក៏បានបញ្ជាក់ផងដែរថា រថយន្តនេះនឹងបង្ហាញខ្លួននៅលើទីផ្សារត្រឹមឆ្នាំ ២០២៥ ដូច្នេះយើងនឹងរងចាំមើលថាតើនៅប៉ុន្មានឆ្នាំខាងមុខទៀតនេះ ឧស្សាហកម្មរថយន្តនឹងមានភាពរីកចម្រើនអ្វីខ្លះជាពិសេសសម្រាប់រថយន្តដែលប្រើថាមពលអ៊ីដ្រូសែនទាំងនេះ៕ 

ក្រុមហ៊ុន Geely របស់ចិនចរចារបានសម្រេចក្នុងការទិញភាគហ៊ុន 34.02% ពីក្រុមហ៊ុនល្បីឈ្មោះមួយ

  • News

ក្រុមហ៊ុនបារាំង Renualt បានសម្រេចចិត្តលក់ភាគហ៊ុនមួយភាគបីរបស់ខ្លួនក្នុងប្រទេសកូរ៉េខាងត្បូងក្នុងតម្លៃ $207 លានដុល្លារអោយទៅក្រុមហ៊ុនប្រទេសចិន Geely Automobile ដែលជាយុទ្ធសាស្រ្តជួយជម្រុញការផលិតរថយន្តនៅក្នុងប្រទេសកូរ៉េខាងត្បូង។ ហើយកិច្ចព្រមព្រៀងរបស់ Reanult នៅកូរ៉េខាងត្បូងក៏មានការរួមចំណែកនៅក្នុងទីផ្សារអគ្គីសនីរួមមាន Samsung SDI, SK Innovation Unit, and LG Energy Solution។ តាមការបញ្ជាក់របស់សារព័ត៌មាន Reutor ទៅលើកិច្ចព្រមព្រៀងរវាងភាគីទាំងពីរគឺផ្ដោតលើការផលិតរថយន្តនៅក្នុងប្រទេសកូរ៉េខាងត្បូង លើសពីនេះក៏ជាយុទ្ធសាស្រ្តរបស់ក្រុមហ៊ុនចង់នាំចេញរថយន្តអគ្គីសនីពីកូរ៉េខាងត្បូងទៅកាន់ទីផ្សារសហរដ្ឋអាមេរិកផងដែរ។ សហរដ្ឋអាមេរិក និងកូរ៉េខាងត្បូងមានកិច្ចព្រមព្រៀងពាណិជ្ជកម្មសេរីដូច្នេះក្រុមហ៊ុន Renault និង Geely នឹងត្រូវបានលើកលែងពីបន្ទុកពន្ធលើការនាំចេញរថយន្តដែលផលិតនៅក្នុងប្រទេសកូរ៉េខាងត្បូង។ ប៉ុន្តែបញ្ហាដែលក្រុមហ៊ុននឹងជួបប្រទះទៅលើការធ្លាក់ចុះតែមួយគត់សម្រាប់ភាពជាដៃគូគឺវានឹងប្រឈមមុខជាមួយតម្លៃពលកម្មខ្ពស់និងការប្រកួតប្រជែងដ៏ស្វិតស្វាញពីក្រុមហ៊ុន Hyundai និង Kia ដែលបច្ចុប្បន្នកំពុងគ្រប់គ្រងទីផ្សារ។ យ៉ាងណាមិញ ការសម្រេចចិត្តលក់ភាគហ៊ុនមួយចំណែករបស់ខ្លួននៅកូរ៉េខាងត្បូងបានកើតឡើងពីរបីសប្តាហ៍ទៅហើយបន្ទាប់ពីសារព័ត៌មាន Bloomberg បានរាយការណ៍ថាក្រុមហ៊ុននឹងកាត់បន្ថយភាគហ៊ុនរបស់ខ្លួននៅក្នុងក្រុមហ៊ុន Nissan ដែលជាកន្លែងកាន់កាប់ភាគហ៊ុននាំមុខគេ៕ អត្ថបទដោយ ៖​ យី.នរ៉ាវុធ 

Land Cruiser ស៊េរីឆ្នាំ ២០២២ អាចឱ្យអ្នកដកលុយ ២៥,០០០ ដុល្លារទៀតដើម្បីទទួលបានឆុតកាបូនមួយនេះ

  • News

រថយន្ត SUV ដ៏ពេញនិយមបំផុតរបស់ក្រុមហ៊ុនផលិតរថយន្តជប៉ុន Toyota បន្ទាប់ពីបានចាប់ផ្តើមដំណើរការតាំងពី ៧០ ឆ្នាំមុន មកទល់ពេលនេះ Toyota Land Cruiser ជំនាន់ថ្មីស៊េរីឆ្នាំ ២០២២ ទើបតែបាននែនាំកាលពីឆ្នាំមុនជាមួយនឹងការកែប្រែរូបរាងជាច្រើនដែលប្លែកដាច់ពីជំនាន់មុនៗ។ ហើយដោយសារតែរូបរាងដ៏ទាក់ទងទាំងនេះទើបក្រុមហ៊ុនកែប្រែរថយន្តដ៏ល្បីលំដាប់ពិភពលោក Khann International សម្រេចធ្វើការរចនាបន្ថែមដើម្បីធ្វើឱ្យ Land Cruiser មានរូបរាងកាន់តែអង់អាច។  ក្រុមហ៊ុន Khann តែងផ្តោតលើការធ្វើឱ្យរថយន្ត SUV មានលក្ខណៈស្ព័រ ហើយ Land Cruiser ទទួលបានប៉ាណាថ្មី និងបំពង់ខ្យល់ដែលផលិតពីសរសៃកាបូន បូករួមទាំងការបន្ថែមកាងខាងមុខដែលបង្ហាញពីការបញ្ចូលភ្លើងក្លែងក្លាយ និងអំពូល LED ជាដើម។ មិនតែប៉ុណ្ណោះពួកគេក៏បានពង្រីកបន្ថែមគម្របកង់ឱ្យធំទូលាយតាមទម្រង់ថ្មី ដែលមានយ៉ាន់កង់ទំហំ ២២ អ៊ីង និងសំបកកង់ដែលមានទ្រង់ទ្រាយទាប។ សមាសធាតុផ្សេងទៀតរួមមានមួកកញ្ចក់កាបូន ព្រមទាំង Spoiler ខាងក្រោយក៏រំលេចដោយសរសៃកាបូនផងដែរ។  សម្រាប់តម្លៃដែលបានចំណាយលើការកែប្រែមួយនេះ ក្រុមហ៊ុន Khann បានកំណត់តម្លៃដូចតទៅ៖ តម្លៃ ៥,២១០ ដុល្លារ សម្រាប់ខ្លប់ខាងមុខកាបូនហ្វាយប័រ តម្លៃ ១,៤៤០ ដុល្លារសម្រាប់មួកកញ្ចក់ទាំងសងខាង តម្លៃ ១,៣៥០ ដុល្លារសម្រាប់ Spoiler ខាងក្រោយ តម្លៃ  ២,០៦០ ដុល្លារសម្រាប់ប៉ាណាខាងមុខ តម្លៃ ២,៥១០ ដុល្លារសម្រាប់ bodykit តម្លៃ ២,២៤០ ដុល្លារសម្រាប់កាបូនហ្វាយប័រ ៨ ផ្នែក  តម្លៃ ៨,៦០០ ដុល្លារសម្រាប់សំណុំកង់ទាំង៤ មានយ៉ាន់កង់ និងរបាំងការពារកង់ អ្វីដែលលើសពីនេះតម្លៃដែលបានចំណាយនេះមិនរាប់បញ្ចូលការដឹកជញ្ជូន ថ្នាំលាប ពន្ធ និងថ្លៃប្រតិបត្តិការទេ។  គួរបញ្ជាក់ផងដែរជាមួយនឹងរូបរាងដ៏កាចមួយនេះត្រូវបានផ្សំជាមួយនឹងការបង្កើតថាមពលរបស់ម៉ាស៊ីន V6 ចំណុះ ៣.៥ លីត្រ ដែលមានសមត្ថភាពអាចផលិតកម្លាំងបាន ៤០៩ សេះ ។  ដូច្នេះប្រសិនបើអ្នកចង់ធ្វើការកែប្រែ Land Cruiser ថ្មីរបស់ អ្នកមិនចាំបាច់ចំណាយទៅលើការកែប្រែម៉ាស៊ីនថ្មីនោះទេ តែអ្នកអាចចំណាយទឹកប្រាក់ប្រហែល ២៤,០០០ ដុល្លារ ទៅ ២៥,០០០ ដុល្លារពីលើតម្លៃរថយន្តចេញពីរោងចក្រ ៨០,៨៧៣ ដុល្លារ៕

គួអោយសោកស្ដាយ ! BMW ប្រកាសផ្ដាច់ Android Auto និង CarPlay ដែលជាជនរងគ្រោះចុងក្រោយនៃការខ្វះខាតបន្ទះឈីប

  • News

ក្រុមហ៊ុនផលិតរថយន្ត BMW សម្រេចិត្ដដកប្រព័ន្ធមិនសំខាន់មួយចំនួនចេញពីរថយន្តរបស់ពួកគេក្នុងគោលបំណងដើម្បីដោះស្រាយជាមួយសារពើភ័ណ្ឌបន្ទះឈីបដែលជាប់គាំងគន្លងមក ។ វិបត្តិគ្រឿងអេឡិចត្រូនិកបានកំពុងបន្តដែលធ្វើឱ្យមានការបំផ្លិចបំផ្លាញនៅក្នុងឧស្សាហកម្មទាំងអស់ចាប់តាំងពីឆ្នាំ ២០២២ មកម្លេះនិងបានបង្ខំឱ្យក្រុមហ៊ុននានាងាកទៅរកវិធានការគ្រប់ប្រភេទដើម្បីរក្សាខ្សែសង្វាក់ផលិតកម្មរបស់ពួកគេឱ្យដំណើរការតាមដែលអាចធ្វើទៅបាន ។ ទើបជាមូលហេតុដកចេញនូវប្រព័ន្ធមួយចំនួនដែលមិនចាត់ទុកថាជាការសំខាន់ តែក៏ជាការសោកស្ដាយធំផងដែលក្នុងការកាត់បន្ថយចំនួនបន្ទះសៀគ្វីដែលប្រើប្រាស់គ្រប់រថយន្តសេរីថ្មី ។ ដូច្នេះ Android Auto និង CarPlay ហាក់បីដូចជាជនរងគ្រោះចុងក្រោយនៃការខ្វះខាតបន្ទះឈីប ដោយសារ BMW បានសម្រេចចិត្តទម្លាក់ប្រព័ន្ធកម្សាន្តចេញពីម៉ូដែលថ្មី ។ ក្រុមហ៊ុនផលិតរថយន្តអាឡឺម៉ង់បានផ្លាស់ប្តូរអ្នកផ្គត់ផ្គង់បន្ទះឈីបរបស់ខ្លួនក្នុងការដោះស្រាយជាមួយនឹងសារពើភ័ណ្ឌ semiconductor ។ បន្ទះឈីបថ្មីដែលត្រូវបានដំឡើងឥឡូវនេះ និងជាផ្នែកមួយនៃកិច្ចព្រមព្រៀងផ្គត់ផ្គង់ចុងក្រោយបំផុតមិនបានភ្ជាប់មកជាមួយប្រព័ន្ធកម្សាន្ត Android Auto និង CarPlay នោះទេ ។ យោងតាមរបាយការណ៍ពី ANE បន្ទះឈីបថ្មីក៏មកដោយមិនមានប្រព័ន្ធ Wi-Fi ដែរ ប៉ុន្តែនៅពេលនេះ វាមិនច្បាស់ថា តើម៉ូដែលណាខ្លះដែលគ្មាន ហើយចំនួនប៉ុន្មានគ្រឿងអាចរងផលប៉ះពាល់ជាយថាហេតុ។ ម៉្យាងវិញទៀត វាហាក់បីដូចជារថយន្ត BMW ដែលខ្វះប្រព័ន្ធនានាគឺត្រូវដំឡើងទៅកាន់អតិថិជននៅក្នុងសហរដ្ឋអាមេរិក និងទីផ្សារអឺរ៉ុបមួយចំនួនរួចទៅហើយ ។ ក្រុមហ៊ុន BMW គ្រោងនឹងចេញផ្សាយការអាប់ដេតនៅចុងខែមិថុនា អំពីការខ្វះខាតនៃបច្ចេកវិទ្យាមួយចំនួនដែលចាំបាច់ជាពិសេសសម្រាប់មុខងារទាំងពីរនេះ ៕អត្ថបទដោយ៖ យី​.នរ៉ាវុធ

ISUZU D-Max Arctic Trucks AT35 ស៊េរីឆ្នាំ ២០២២ កាន់តែកាចជាមួយរូបរាងថ្មី និងកម្ពស់ពីដីកាន់តែខ្ពស់

  • News

ក្រុមហ៊ុនផលិតរថយន្តមកពីប្រទេសជប៉ុន ISUZU បាននែនាំនូវម៉ូដែល Pickup D-Max AT35 នៅក្នុងពិព័ររថយន្តពាណិជ្ជកម្មឆ្នាំ ២០២១ អីឡូវនេះវាបានមកដល់ទីផ្សារជាមួយនឹងរូបរាងថ្មីដ៏កាចសាហាវ។ មិនតែប៉ុណ្ណោះក្រុមហ៊ុនបានបង្កើនកំពស់ពីដី ៥០ មីលីម៉ែត្រ ដែលខ្ពស់ជាងរថយន្ត Pickup ស្តង់ដារហើយអីឡូវនេះ D-Max ទទួលបានកម្ពស់ពីដីកាន់តែខ្ពស់គឺ ២៦៦ មីលីម៉ែត្រនៅខាងមុខនិង ២៩០ មីលីម៉ែត្រនៅខាងក្រោយ វាក៏បានបង្ហាញពីសមត្ថភាពបើកបរផ្លូវឆ្ងាយគ្មានគូរប្រៀបរបស់ Pickup ។ D-Max AT35 ថ្មីបានធ្វើការផ្លាស់ប្តូរស្តង់ដារសំខាន់រួមមានការបន្ដែមតួដែលពង្រឹកដោយប្រព័ន្ធជើងក្រោម Bilstein និងសំបកកង់ដ៏ទំហំ ៣៥ អ៊ីងស្តង់ដាររបស់រថយន្ត Pickup ដែលរុំជុំវិញយ៉ាន់កង់ទំហំ ១៧ អ៊ីង។ រីឯគម្របកង់កាន់តែធំទូលាយដែលគ្របដណ្តប់់លើសំបកកង់ ខណៈដែលឈ្នាន់ជាន់បានពង្រីកបន្ថែមដែលសម្រួលដល់អ្នកប្រើប្រាស់ដល់ការចូលទៅកាន់ផ្នែកខាងក្នុងការប៊ីន។ រថយន្តដែលសាកសមបំផុតសម្រាប់អ្នកប្រើប្រាស់អាជីវកម្មផ្តល់នូវការផ្ទុកបានកាន់តែច្រើន ព្រមទាំងសមត្ថភាពអូសទាញរបស់ D-Max ត្រូវបានគេចាត់ថ្នាក់ថាជាយានយន្តពាណិជ្ជកម្ម។ ទោះបីសំបកកង់ធំជាងមុន តែក្រុមហ៊ុន ISUZU បានអះអាងថាកម្លាំងម៉ាស៊ីន និងម៉ាស៊ីនសម្ងួតបានធ្វើឱ្យប្រសសើរឡើងនូវការបើកបរលើផ្លូវរដិរដុប ដោយមិនធ្វើឱ្យប៉ះពាល់ដល់កម្រិតផាសុខភាពក្នុងការបើកបរខ្លាំងពេកនោះទេ។ រថយន្តនេះត្រូវបានបំពាក់ដោយម៉ាស៊ីនម៉ាស៊ូតចំណុះ ១.៩ លីត្រ ផលិតកម្លាំង ១៦២ សេះ ជាមួយនឹងប្រព័ន្ធបើកបរកង់ទាំងបួនដែលអាចបិទឬបើកបាន។ គួរឱ្យចាប់អារម្មណ៍បើក្រឡេកទៅមើលកាប៊ីនខាងក្នុងដែលក្រុមហ៊ុនបានបំពាក់ដោយឧបករណ៍ស្តង់ដារជាច្រើនដែលមានទាំង ប្រព័ន្ធ multi-media ទំហំ ៩ អ៊ីងជាមួយនឹងការភ្ជាប់ជាមួយ Apple CarPlay និង Android Auto។ ក្រៅពីនោះនៅមានកន្លែងសាកភ្លើងស្មាតហ្វូនឥតខ្សែ និងប្រព័ន្ធ Speaker ៨ គ្រាប់ ខណៈដែលកៅអីត្រូវបានតុបតែងដោយស្បែកមានផ្លាកសញ្ញា Arctic Trucks នៅលើកៅអិអង្គុយ។  ក្រុមហ៊ុន ISUZU បានប្រកាសថារថយន្ត D-Max Arctic Truck ម៉ូដែល AT35 ដែលត្រូវបានកែប្រែ និងមានសមត្ថភាពខ្ពស់ ផលិតនៅប្រទេសថៃផ្តល់នូវតម្លៃសមរម្យ កាប៊ីនទ្វារបួនមានតម្លៃចាប់ពី ៣២,២០០ ដុល្លារក៏ជាតម្លៃចេញពីរោងចក្រ។ មួយវិញទៀតតម្លៃទាំងនេះគឺ CVOTR ដែលតំណាងឱ្យរថយន្តពាណិជ្ជកម្មនៅលើតម្លៃផ្លូវ៕
✔

Copy link Success.

×

វីដេអូ

Ford Ranger ស៊េរីឆ្នាំ២០២២ បានបង្ហាញខ្លួនសម្រាប់ពិភពលោកទាំងមូល នេះជាអ្វីដែលអ្នកទទួលបាន

  • Reviews, New Car

ឡានចាស់សេ៊រីថ្មី ឆ្នាំ២០២២ CR-V របស់ Honda ទទួលបានការរិះគន់ច្រើនប៉ុន្តែបែរជានៅតែលក់ដាច់ទៅវិញ

  • Reviews, New Car

ធ្លាប់តែឃើញឡានហោះនៅ ក្នុងរឿងពេលនេះបានឃើញហើយ ឡានហោះពិតៗ

  • News

ព័ត៌មានពេញនិយម

ចំណាយត្រឹមតែ ៧ ម៉ឺនដុល្លារសម្រាប់ម៉ូដែល F-150 Lightning នឹងធ្វើអោយលោកអ្នកចំណេញទ្វេដង

  • News

មិនបាច់ត្រូវចាំ ៤ ឆ្នាំចិនប្រើសំបក Land Cruiser ស៊េរី 300 ថ្មីគ្របពីលើស៊េរី 200 ចាស់ដូចគ្នាគ្មានទាស់

  • News

អ្នករចនាបង្កើតរូបភាពឌីជីថលនៃរថយន្ត FJ Cruiser អគ្គិសនីថ្មីដែល Toyota គ្រោងនឹងផលិតនាពេលឆាប់ៗនេះ

  • News

Lexus បានបង្ហាញរូបភាពអាវុធថ្មីដែលធ្វើអោយអ្នកគាំទ្រអន្ទះសារចង់ដឹងលម្អិតពីវា

  • News

រថយន្តប្រភេទ Off-Road ទាំង ៥ ដែលមានឥទ្ធិពលបំផុតនៅក្នុងឆ្នាំ ២០២២

  • News, New Car

Hyundai Santa Fe ឆ្នាំ ២០២២ កំពុងតែជួបបញ្ហាដែលតម្រូវឱ្យក្រុមហ៊ុនធ្វើការប្រមូលរថយន្តមកវិញ

  • News

ម្ចាស់រថយន្ត Ford Mustang Mach-E អគ្គិសនីរងភាពអយុត្តិធម៌ជាមួយនឹងវិក័យប័ត្រជួសជុលខ្ទង់ម៉ឺនដុល្លារ 

  • News

Tundra Capstone ឆ្នាំ 2022 ប្រណិតហើយមានតម្លៃថោកជាង F-150 PowerBoost

  • News

Toyota ត្រូវបានគេរាយការណ៍ថាកំពុងធ្វើតេស្ត TRD Pro ដើម្បីប្រកួតប្រជែងជាមួយនិង Ford F-150 Raptor

  • News

Toyota bZ4X GR Sport ត្រៀមដាក់បង្ហាញក្នុងការតាំងពិព័រណ៍រថយន្តTokyo ឆ្នាំ ២០២២

  • News

ប្រភេទ

ស្លាក

ទាញយកកម្មវិធីដោយឥតគិតថ្លៃ