Nissan បានដាក់បង្ហាញរថយន្តអគ្គិសនីអនាគតដ៏អស្ចារ្យចំនួន ៤ម៉ូដែល

ក្រុមហ៊ុន Nissan ទើបតែប្រកាសពីមហ្ឆិតាដ៏ធំរបស់ខ្លួនក្នុងការនាំមកនូវរថយន្តអគ្គិសនីដែលល្អបំផុតសម្រាប់ពិភពលោកនាពេលអនាគត។ ក្រុមហ៊ុននេះបានសន្យាថានឹងបញ្ចេញរថយន្តអគ្គិសនីចំនួន ២៣ម៉ូដែល នៅត្រឹមឆ្នាំ២០៣០ រួមទាំងម៉ាកយីហោ Infiniti ដ៏ប្រណីតរបស់ខ្លួនផងដែរ។

ក៏ប៉ុន្តែមិនទាន់បានប៉ុន្មានថ្ងៃផងពេលនេះ Nissan បង្ហាញ Concept ឡានអគ្គិសនីចំនួន៤ម៉ូដែល ដ៏អស្ចារ្យស្ទើមិនគួរឱ្យជឿថានេះគឺជាក្រុមហ៊ុនតែមួយដែលបង្កើតរថយន្តអគ្គិសនី Leaf បែបអភិរក្សដែររឺទេ។ ដូច្នេះសូមមកស្គាល់រថយន្តទាំង៤នេះទាំងអស់គ្នា

  ១. Nissan Chill-Out

គឺជារថយន្តប្រភេទ Crossover ជំនាន់ក្រោយដែលត្រូវបានពិពណ៌នាថា Mobile Haven។ វាមាន Platform ដូចគ្នាទៅនឹងរថយន្តអគ្គិសនិ Nissan Ariya ជា EV សម្រាប់យុគសម្រាប់សម័យថ្មី។

បើមើលពីចំហៀង យើងអាចមើលឃើញថារថយន្ត SUV បែប Coupe នេះវាមានកង់ធំ ពន្លឺដ៏ស្មុគស្មាញ និងមានកាប៊ីនដ៏ទំនើបអស្ចារ្យ ទាំងកៅអីអ្នកដំណើរនឹងកៅអ្នកបើកបរ។ វាផ្តល់នូវផ្ទាំង Touch screen សន្ទូកពេញនៃផ្ទៃខាងមុខតាប្លូ វាមើលទៅពិតជាបានផ្តល់នូវការបើកបររថយន្តនាពេលអនាគតដ៏អស្ចារ្យ។

ប្រសិនបើរថយន្តនេះឆ្លុះបញ្ចាំងពី Ariya វារំពឹងថា Chill-Out នឹងផលិតកម្លាំងជិត ៤០០សេះ ពីម៉ូទ័រអេឡិចត្រិចចំនួន២។

  ២. Nissan Max-Out

វាជារថយន្តបំលែងនាពេលអនាគតដែលត្រូវបានគេក្រុមហ៊ុននិយាយថានឹងផ្តល់នូវការកាច់ជ្រុងយ៉ាងស្វាហាប់ជាមួយនឹងដៃសចង្កូត។ រថយន្តនេះមើលទៅរាងចម្លែកបន្តិចដោយសារតែ Hood របស់វាទាប និងមានក្រឡាពន្លឺពណ៌បៃតងនៅពាសពេញផ្ទៃររថយន្ត។

ទោះប្បីជាក្រុមហ៊ុន Nissan មិនបានបញ្ជាក់ពីព័ត៌មានលំអិតបច្ចេកទេសក៏ដោយ ប៉ុន្តែសំបករបស់វាមើលទៅដូចបន្ទះសឡាដែលស្រូបពន្លឺព្រះអាទិត្យ រីឯនៅខាងក្នុងរថយន្តមានអេក្រង់ធំទូលាយដូចនៅក្នុង Chill-Out ដែរ។

  ៣. Nissan Hang-Out

Concept បន្ទាប់នេះមានរូបរាងទាក់ទាញជាងគេ វាត្រូវបានពិពណ៌នាថាជាយានជំនិះដែលអាចផ្លាស់ប្តូរការយល់ឃើញរបស់អ្នកអំពីទំហំចល័ត។ ជាមួយនឹងទ្វាររអិល និងកន្លែងជាន់រាបស្មើទាំងស្រុង Hang-Out ផ្តល់ជូនជម្រើសជាច្រើនសម្រាប់ការចំណាយពេលជាមួយក្រុមគ្រួសារ និងមិត្តភក្តិ។

Hang-Out មានកៅអីបង្វិល -កៅអីខាងមុខអាចបង្វិលមកក្រោយអង្គុយមុខនឹងអ្នកដែលនៅខាងក្រោយ - ហើយការកំណត់ផ្សេងទៀតបង្ហាញពីការរៀបចំភាពយន្តជាមួយនឹងម៉ូនីទ័រយក្ស។ រចនាប័ទ្មអតីតកាល - សម័យទំនើបគឺជាជោគជ័យមួយ; នេះគឺជារថយន្តប្រភេទ SUV ដ៏គួរឱ្យស្រឡាញ់បំផុត។

  ៤. Nissan Surf-Out

ទីបំផុត ក្រុមហ៊ុន Nissan អាចស្វែងរកការពេញចិត្តជាមួយរថយន្តប្រភេទ Pick Up ដ៏គួរឱ្យស្រឡាញ់ តែអ្នកប្រហែលជាកំពុងពិចារណារថយន្ត Tesla Cybertruck ផងដែរ។ រថយន្តភីកអាប់ហៅថា Surf-Out វាមានការកំណត់ការរចនាកាប៊ីនតែមួយដែលមានទ្វារពីរ ។ Nissan និយាយថា Surf-Out នេះនឹងផ្តល់នូវប្រភពថាមពលផ្សេងៗគ្នា និងសមត្ថភាពគ្រប់ផ្លូវ។

ព័ត៌មានលម្អិតនៃរចនាមិនធម្មតាមួយគឺផ្នែកខាងមុខដែលមានបន្ទះថ្លាហើយប៉ាណាវិញ គឺអាចមើលធ្លុះដល់កាប៊ីនខាងក្នុង។ រថយន្តភីកអាប់ត្រូវបានផ្លាស់ប្តូរទៅជារូបរាងដូចរថយន្តប្រភេទ Coupe-SUV ។ នៅផ្នែកខាងក្រោយ tailgate ទាំងមូលគឺជាអេក្រង់ដែលអាចត្រូវបានប្ដូរតាមបំណងដើម្បីបង្ហាញភាពខុសគ្នានៃពាក្យ ឬ emojis ។ នៅខាងក្នុង Surf-Out មានកាប៊ីនគ្មានប៊ូតុងទាំងស្រុង ដែលគ្មានអ្វីក្រៅពីកៅអី ឈ្នាន់ និងអេក្រង់ដ៏ធំទូលាយ។

យ៉ាងណាមិញ ត្បិតថារថយន្តអគ្គិសនីទាំងនេះមានរូបរាងចម្លែកក៏ពិតមែនប៉ុន្តែ ការរចនាយ៉ាងច្បាស់លាស់ដោយក្រុមអ្នករចនារថយន្តរបស់ Nissan ដែលមិនត្រូវបានហាមឃាត់ដោយស្តង់ដារថយន្តបច្ចប្បន្ននោះទេ។

ដូច្នេះវាអាចទៅរួចដែលរថយន្តទាំងអស់នេះត្រូវបានចរាចរណ៍នៅលើដងផ្លូវនាពេលអនាគត ហើយវាច្បាស់ណាស់ថាពួកវានឹងត្រូវបានរចនាឡើងដើម្បីបំពាក់បច្ចេកវិទ្យាបើកបរដោយស្វ័យប្រវត្តិផងដែរ៕