Nissan Ariya ត្រូវបានគេដឹកដៃនាំយកមកធ្វើតេស្តដើម្បីចង់ដឹងពីគុណភាពនៃអាគុយអគ្គិសនី

News
មើល: 552

Nissan Ariya ប្រភេទរថយន្តអគ្គិសនី Crossover តែមួយរបស់ក្រុមហ៊ុនផលិតរថយន្តជប៉ុន Nissan ដែលបានបង្ហាញខ្លួនលើកដំបូងនៅក្នុងឆ្នាំ ២០២០ ។ យើងបានដឹងរួចមកហើយរួចមកហើយថារថយន្តអគ្គិសនីមានទំនោរងាយឆេះជាងរថយន្តដែលប្រើប្រាស់ប្រេងឥន្ធនៈដូចច្នេះកម្មវិធីតេស្តសុវត្តិភាពរថយន្ត NCAP បាននាំយកនូវម៉ូដែល Ariya របស់ Nissan មកធ្វើតេស្តដើម្បីចង់ដឹងពីគុណភាពថ្មដែលបានបំពាក់លើរថយន្តមួយនេះ។

ការធ្វើតេស្តមួយនេះ NCAP បានបង្ហាញថាកញ្ចប់ថ្មរបស់ Ariya ត្រូវបានការពារយ៉ាងល្អទោះជាផ្នែកខាងក្រៅមានការប៉ះទង្គិចខ្លាំងក៏ដោយ។ ក្រុមហ៊ុនផលិតរថយន្ត Nissan បាននិយាយថាការមកជាមួយកម្លាំងវ៉ុល់ខ្ពស់គឺជាការព្រួយបារម្ភយ៉ាងខ្លាំងអំពីសុវត្ថិភាពរបស់អតិថិជនដោយវានឹងអាចឱ្យមានការឆាបឆេះណាមួយកើតឡើងនូវអំឡុងពេលដែលត្រូវបានប៉ះទង្គិច។

ប៉ុន្តែការបំពាក់នូវកញ្ចប់ថ្មដែលរឹងមាំវាជារឿងដ៏សំខាន់សម្រាប់ក្រុមហ៊ុនផលិតរថយន្ត EV ដោយនឹងត្រូវឆ្លងកាត់ក្នុងការធ្វើតេស្តដើម្បីធានានូវសុវត្តិភាពដល់អតិថិជនរបស់ពួកគេ។

លោក Gen Tanabe ដែលជាសមាជិកនៃក្រុមវាយតម្លៃសុវត្ថិភាពបាននិយាយថា Nissan បានធ្វើឱ្យប្រាកដថាកញ្ចប់ថ្មត្រូវបានរក្សាទុកយ៉ាងត្រឹមត្រូវនៅក្នុងរថយន្ត ដោយការធ្វើតេស្តមួយនេះបង្ហាញឱ្យឃើញថាសារធាតុអេឡិចត្រូលីតមិនបានលេចធ្លាយនោះទេ។

ហើយលោក Tanabe ក៏បន្ថែមទៀតថា Nissan បានរៀបចំនូវកញ្ចប់ថ្មយ៉ាងយកចិត្តទុកដាក់ដោយមិនមានការធ្លោះធ្លោយអ្វីឡើយ ខណៈដែរបច្ចុប្បន្នកោសិកាលីចូមអ៊ីយ៉ុងភាគច្រើនត្រូវបានភ្ជាប់មកជាមួយអេឡិចត្រូលីតដែលវានឹងអាចបង្កហានីភ័យឆាបឆេះបាន។

លោក Tanabe បាននិយាយអំពីការធ្វើតេស្តផ្សេងទៀតរបស់ Ariya ដែលបានឆ្លងកាត់ ដោយវាមានលក្ខណៈស្តង់ដារគួរសមទៅលើការប៉ះទង្គិចផ្នែកខាងមុខ ចំហៀង និងខាងក្រោយ។ ទោះជា Ariya មិនបានបង្កបញ្ហាអ្វីក្នុងការធ្វើតេស្តនោះក៏ដោយយ៉ាងណាអតិថិជនគួរតែប្រុងយ័ត្នឱ្យបានខ្ពស់ជាមួយនឹងរថយន្តអគ្គិសនី៕

អត្ថបទដោយ៖ សាល សក្កណា

ចែករំលែក:
ស្លាក:

Relate Post

ម៉ូដែល Nissan Pathfinder ស៊េរី ២០២៣ កាន់តែកាចជាមួយនឹងកម្លាំងអូសសន្តោងជិត ៣០០០ គីឡូក្រាម

  • News

ម៉ូដែល Pathfinder រថយន្ត SUV ទំហំពេញដែលមានកៅអី ៣ ជួររបស់ក្រុមហ៊ុនផលិតរថយន្តជប៉ុន Nissan អាយុកាលកាន់ច្រើនទីផ្សារកាន់តែទូលំទូលាយ។ ហើយថ្មីជំនាន់ចុងក្រោយបង្អស់ ទើបតែបានបង្ហាញខ្លួននៅក្នុងព្រឹត្តិការណ៍ New York Auto Show ដែលម៉ូដែលថ្មីកាន់តែមានលក្ខណៈពិសេស នឹងរូបរាងកាន់តែទាក់ទាញ ក្រុមហ៊ុនបានអោយឈ្មោះវាថា Nissan Pathfinder Rock Creek។  ការកែប្រែសម្រាប់ម៉ូដែលថ្មីនេះក្រុមហ៊ុនបានរចនាបន្ថែមកម្ពស់ពីដីស្តង់ដារ ០.៦ អ៊ីញ និងបានប្រើប្រាស់ជាមួយសំបកកង់ប្រភេទ beadlock ដែលមានទំហំយ៉ាន់ ១៨ អ៊ីញ។ ក្រុមហ៊ុន Nissan បាននិយាយថាប្រពន័្ធជើងក្រោមនៃម៉ូដែលនេះមានការលៃតម្រូវសំរាប់ផ្លូវ Off-road។ ផ្នែកខាងមុខនៃរថយន្ដ នៅពីលើមុខរាងពងក្រពើប្លាស្ទិកនេះ មានប៉ាណាពណ៌ខ្មៅមួយដែលមានរន្ធប្រាក់ចំនួនបីនៅគែមខាងលើ និងបន្ទះក្តារជំនួសឱ្យសំណាញ់ ហើយនៅខាងលើដំបូលរថយន្ដបំពាក់ជាមួយ revised roof rack មានរាងជាបំពង់ ដែលអាចផ្ទុកទម្ងន់បានរហូតដល់ ១០០ គីឡូក្រាម។ រីឯផ្នែកខាងក្នុងវិញបានរចនាជាមួយនឹងកៅអីស្បែកដ៏ប្រណិត មានកៅអីបីជួរ និងកៅអីនីមួយៗមានទំហំធំទូលាយងាយស្រួលក្នុងការធ្វើដំណើប្រកបដោយផាសុខភាព។ ជាមួយគ្នានេះដែរផ្នែកតាប្លូ កុងសូលកណ្តាល និងបន្ទះទ្វារមានការរចនាដោយស្បែកប្រណិតដែលបានដេរជាមួយថ្នេរពណ៌ក្រូចផងដែរ។ គ្រប់ផ្លាកសញ្ញាដែលនៅខាងក្រៅនៃរថយន្ដបានប្រើដោយពណ៌ខ្មៅទាំងអស់ដែលវាធ្វើអោយរថយន្ដមួយនេះកាន់តែមានភាពអង់អាចបន្ថែមទៀត។ វាបានប្រើប្រាស់ជាមួយអេក្រង់កំសាន្ដ Touch screen ដែលមានទំហំធំ និងមានប៊ូតុងចុចផ្លាស់ប្ដូរជាច្រើននៅលើដៃចង្កូត។ ក្រឡេកមកមើលម៉ាស៊ីននៃម៉ូដែល Pathfinder នេះវាបានបំពាក់មកជាមួយម៉ាស៊ីន V6 ចំណុះ ៣.៥ លីត្រ មានសមត្ថភាពអាចបង្កើតកម្លាំងបាន ២៩៥ សេះ និងកម្លាំងបង្វិល ៣៥១ ញូតុនម៉ែត្រ ហើយវាក៏ដំណើរការដោយប៉ុងទាំងពីរជាមួយប្រអប់លេខស្វ័យប្រវត្តិប្រាំបួនវគ្គ។ លក្ខណៈពិសេសដ៏គួរឱ្យចាប់អារម្មណ៍នោះគឺកម្លាំងអូសសន្តោងដ៏ខ្លាំងក្លាគឺ Pathfinder Rock Creek អាចអូសសណ្ដោងទម្ងន់បានរហូតទៅដល់ ២,៧២១ គីឡូក្រាម ដែលវាខ្លាំងជាងរថយន្ត Pick up មួយចំនួននាពេលបច្ចុប្បន្ននេះ។  បន្ទាប់ពីការបង្ហាញខ្លួនលើកដំបូងរបស់ខ្លួននៅទីក្រុងញូវយ៉កម៉ូដែល Pathfinder Rock Creek ស៊េរីឆ្នាំ ២០២៣ នឹងសម្រេចវាយលុកព្រមទាំងចែកចាយលើទីផ្សារនៅរដូវក្តៅនេះ ជាមួយនឹងតម្លៃចន្លោះពី ៤០,០០០ ដុល្លារទៅ ៤៥,០០០ ដុល្លារដែលជាតម្លៃចេញពីររោងចក្រ៕ អត្ថបទដោយ៖ សូនីតា

ម៉ូដែល Patrol ដ៏ល្បីរបស់ក្រុមហ៊ុន Nissan ស៊េរីថ្មីម៉ាស៊ីនកាន់តែខ្លាំងតម្លៃជាង ៦ ម៉ឺននៅទីផ្សារអាមេរិក

  • News

រថយន្តម៉ូដែល Nissan Patrol មួយនេះជាប្រភេទ SUV ដែលវារួមមកជាមួយនឹងប្រព័ន្ធ 4x4 ដែលផ្តល់ឱ្យអ្នកបើកបរមានទំនុកចិត្តគ្រប់គ្រាន់ក្នុងការបើកបរ រថយន្តនេះត្រូវបានបំពាក់ដោយម៉ាស៊ីន V8 ដែលមានចំណុះ ៥.៦ លីត្រ ផលិតកម្លាំងបាន ៤០០ សេះ និងកម្លាំងបង្វិលកង់ ៥៦០ ញូតុនម៉ែត្រ ជាមួយនឹងសមត្ថភាពដំណើរការលើប្រេងឥន្ធនៈ។ ម៉ាស៊ីននេះត្រូវបានប្រើជាមួយប្រអប់លេខអូតូ ៧ វគ្គ ហើយនេះគឺជាថាមពលតែមួយគត់ដែលមានសម្រាប់ Patrol ។ រថយន្តនេះក៏បានភ្ជាប់មកជាមួយនឹងឧបករណ៍ជ្រើសរើសការបើកបរដែលអាចបញ្ជូនថាមពលទៅកាន់ប៉ុងខាងក្រោយនៅពេលប្រើប្រាស់ក្នុងទីក្រុង ឬក៏បញ្ជូនទៅកាន់កង់ទាំងបួននៅពេលដែលត្រូវបើកបរលើផ្លូវ Off-road។ រថយន្តនេះអាចបង្កើនល្បឿនចាប់ពី ០ ទៅ ៩៦ គីឡូម៉ែត្រក្នុងមួយម៉ោង ដោយប្រើរយៈពេល ៥.៨ វិនាទី ហើយមានល្បឿនអតិបរមា ២០៩ គីឡូម៉ែត្រក្នុងមួយម៉ោង។ វាបានប្រើប្រាស់ជាមួយយ៉ាន់កង់ស្តង់ដារទំហំ ១៨ អ៊ីញហើយវាក៏អាចបន្ថែមទំហំបានរហូតដល់ ២២ អ៊ីញ។ សម្រាប់វិមាត្ររបស់ Patrol វាមានប្រវែង ៥.២៨៣ មីលីម៉ែត្រ និងមានកម្លាតពីកង់មុខទៅកង់ក្រោយប្រវែង ៣.០៧៣ មីលីម៉ែត្រ។ ហើយវាបានភ្ជាប់មកជាមួយកៅអីបីជួរ ដែលអាចផ្ទុកអ្នកដំណើរបានរហូតទៅដល់ ៨ នាក់ និងមានអេក្រង់ព័ត៌មានដ៏ធំទំហំ ១២.៣ អ៊ីង ដោយបំពាក់មកជាមួយនឹង Android Auto និង Apple CarPlay ។ វាក៏បានបន្ថែមនូវឆ្នាំងសាកស្មាតហ្វូនឥតខ្សែ និងបានបំពាក់ Speaker ម៉ាក Bose ចំនួន ១៣ គ្រាប់រួមទាំងមានអេក្រង់ទំហំ ៨ អ៊ីញចំនួនពីរសម្រាប់អ្នកដំណើរខាងក្រោយ។ រាល់ការតុបតែងរបស់ Nissan Patrol ផ្តល់នូវសុវត្ថិភាពស្តង់ដារ និងមុខងារជំនួយអ្នកបើកបរដោយវាភ្ជាប់មកជាមួយប្រព័ន្ធចាប់ហ្រ្វាំងស្វ័យប្រវត្តិនៅពេលមានអាសន្ន ប្រព័ន្ធគ្រប់គ្រងកន្លងផ្លូវ និងកាមេរ៉ា ៣៦០ ដឺក្រេ។ ម៉ូដែល Nissan Patrol ឆ្នាំ ២០២២ គឺជាឈ្មោះដ៏ល្បីមួយដោយសារកេរ្តិ៍ដំណែលដែលត្រូវបានបង្កើតឡើងដោយម៉ាកនេះបានរក្សាកេរ្តិ៍ឈ្មោះអស់រយៈពេលជាង ៧០ ឆ្នាំមកហើយ។ រថយន្តនេះត្រូវបានគេរំពឹងថានឹងមានតម្លៃ ៦០,០០០ ដុល្លារដែលនឹងដាក់លក់នៅលើទីផ្សារអាមេរិកខាងជើង៕ អត្ដបទដោយ៖ សូនីតា

Nissan Ariya រថយន្តអគ្គិសនីរបស់ជប៉ុនលក់នៅទីផ្សារអឺរ៉ុបតម្លៃចាប់ពី ៥១,១១៤ ដុល្លារឡើង

  • News, New Car

ទីផ្សារបរទេស៖ រថយន្តអគ្គិសនីរបស់ក្រុមហ៊ុន Nissan ដែលមានឈ្មោះថា Ariya បង្ហាញខ្លួនកាលពីប៉ុន្មានខែមុនក្នុងទម្រង់រថយន្តប្រភេទ Crossover SUV  ហើយរថយន្តនេះក៏កំពុងចាប់ផ្តើមផលិតនៅឯរោងចក្រ Tochigi ក្នុងប្រទេសជប៉ុនក្នុងឆ្នាំ ២០២២ នេះ។ Nissan ក៏បានបង្ហាញនូវតម្លៃនៃម៉ូដែល Ariya ដែលមានថាមពលថ្ម ៣ កម្រិតនឹងនាំចូលទៅក្នុងទីផ្សារប្រទេសបារាំងក្នុងរយៈពេលដ៏ខ្លីខាងមុខនេះ។ ជាមួយគ្នានេះក្រុមហ៊ុនបញ្ចេញនូវតារាងតម្លៃដោយចាប់ផ្តើមពីកញ្ចប់ថាមពលថ្ម ៦៣ គីឡូវ៉ាត់ម៉ោង Advance អាចរត់បានចម្ងាយ ៤០៣ គីឡូម៉ែត្រនៅពេលសាកថ្មពេញ មានតម្លៃ ៥១,១១៤ ដុល្លារ។ រីឯថាមពលថ្មកម្រិតមធ្យម ៨៧ គីឡូវ៉ាត់ម៉ោង Evolve មកជាមួយនឹងការរត់បានចម្ងាយរហូតដល់ ៥២០ គីឡូម៉ែត្រក្នុងការសាកថ្មពេញម្តង មានតម្លៃ ៦៣,២៣២ ដុល្លារ ហើយរថយន្តអគ្គិសនីទាំងពីរកម្រិតនេះនឹងមកដល់នូវរដូវក្តៅខាងមុខនេះ។ ទន្ទឹមនឹងនេះ Nissan ក៏បានបង្ហាញនូវថាមពលថ្មកម្រិត ៨៧ គីឡូវ៉ាត់ម៉ោង Evolve ដែលបានភ្ជាប់មកជាមួយនឹងប្រព័ន្ធ e-4ORCE ដែលផ្តល់ជូននូវរយៈចម្ងាយផ្លូវ ៤៩៣ គីឡូម៉ែត្រជាមួយល្បឿនសន្ទុះ ០-១០០ គីឡូម៉ែត្រក្នុងមួយម៉ោងដោយប្រើរយៈពេលត្រឹមតែ ៥.៧ វិនាទីប៉ុណ្ណោះ។ រីឯតម្លៃនៃរថយន្តមួយនេះមានតម្លៃរហូតដល់ទៅ ៦៦,៥៣៧ ដុល្លារឯណោះដោយបានបូករួមបញ្ជូលជាមួយនឹងតម្លៃប្រព័ន្ធ e-4ORCE ដែលមានតម្លៃ ៣,៣០៥ ដុល្លារ។ ពិសេសពីនេះទៅទៀត Nissan ក៏បានបន្ថែមឆ្នាំងសាក ២២ គីឡូវ៉ាត់ដែលវាមានតម្លៃរហូតដល់ ១,១០២ ដុល្លារផងដែរ។ Nissan ក៏បានបន្ថែមទៀតថាប្រសិនបើអតិថិជនណាមួយចង់បានឆ្នាំងសាកដែលមានកម្លាំងខ្លាំងជាងនេះ ពួកគេនឹងត្រូវរងចាំរយៈពេលមួយឆ្នាំទៀតដើម្បីទទួលបាននូវឆ្នាំងសាកដែលមានល្បឿនលឿនជាមួយនឹងរថយន្តរបស់ពួកគេ៕ អត្ថបទដោយ៖ សាល សក្កណា  

Toyota GR Yaris តូចតែខ្លឹមកម្លាំង ៥០០ សេះបន្ទាប់ពីទទួលបានការកែប្រែពីក្រុមហ៊ុនអឺរ៉ុប

  • News

ការមកដល់នូវរថយន្ត Toyota GR Yaris ដែលមានកម្លាំង ២៥៧ សេះដោយផ្អែកទៅលើម៉ាស៊ីនស្តង់ដាចំណុះ ១.៦ លីត្រ Turbocharged ៣ ស៊ីឡាំង ប៉ុន្តែបើតាមការបញ្ជាក់របស់អឺរ៉ុប រថយន្តមួយនេះអាចមានកម្លាំងដល់ទៅ ២៦៨ សេះនៅក្នុងទីផ្សារប្រទេសជប៉ុន និងអូស្ត្រាលី។ ពិសេសជាងនេះទៅទៀត GR Yaris ក៏បានប្រែក្លាយទៅជារថយន្តដែលមានកម្លាំងរហូតទៅដល់ ៥០០ សេះដោយបានបំពាក់មកជាមួយសម៉ាស៊ីន Hybrid Turbocharger ។ គួរបញ្ជាក់ផងដែរថា GR Yaris ត្រូវបានកែប្រែយ៉ាងយកចិត្តទុកដាក់ដោយក្រុមហ៊ុន Severn Valley Motosport របស់ប្រទេសអង់គ្លេសដែលបានឆ្លងកាត់ប្រព័ន្ធមេកានិចសំខាន់ៗជាច្រើន។ ការរចនាពិសេសៗទៅលើ GR Yaris ដោយបានបន្ថែមមកជាមួយនឹងបំពង់ Carbon Fiber ដែលមានមុខងារស្រូបខ្យល់ទៅក្នុងម៉ាស៊ីន និងបំពង់ស៊ីមាំងថ្មីដែលមានសំឡេងជាប្រភេទរថយន្តប្រណាំងផងដែរ។  បន្ថែមពីនេះទៅទៀតរថយន្តមួយនេះក៏បានបំពាក់ប្រអប់ហ្វ្រាំង Carbon Ceramic និងឌីសហ្រ្វាំង ដែលត្រូវបានរចនាដំបូងគេសម្រាប់ Nissan GT-R ប៉ុណ្ណោះ ប៉ុន្តែពេលនេះវាបានមកដល់ដៃ GR Yaris ហើយ។ ចំណែកឯផ្នែកខាងក្នុងក្រុមហ៊ុនបាននាំយកនូវកៅអីប្រភេទ Recaro CS Sportster មួយឈុតទៀតផង។ YouTuber Hampshirephoto ម្នាក់បានពិនិត្យយ៉ាងដិតដល់ទៅនឹងរថយន្ត GR Yaris និងការបើកបរដោយផ្ទាល់ដៃរបស់គាត់ជាមួយការរត់នៅលើផ្លូវដែលមានសំណើម ប៉ុន្តែ GR Yaris មិនមានបញ្ហាអ្វីឡើយទោះជាវាមិនបានបំពាក់មកជាមួយនឹងសំបកកង់ Michelin Pilot Sport Cup 2 ក៏ដោយ៕ អត្ថបទដោយ៖ សាល សក្ខណា

ការឡើងថ្លៃនៃប្រេងឥន្ធនៈបានធ្វើឱ្យឧក្រិដ្ឋជនមួយចំនួនបែកគំនិតខួងយកសាំងពីរថយន្ត

  • News

នាពេលបច្ចុប្បន្ននេះការឡើងថ្លៃនៃប្រេងឥន្ធនៈបាននឹងកំពុងតែធ្វើការវាយលុកស្ទើរតែទូទាំងសកលលោកទៅហើយ។ ខណៈដែរសង្គ្រាមរវាងរុស្សីនិងអុយក្រែនកំពុងតែមានការប្រឈមមុខដាក់គ្នា ដែលបានធ្វើឱ្យឧស្សាហកម្មប្រេងឥន្ធនៈមានខ្វះខាតយ៉ាងខ្លាំង។ ការកើនឡើងនៃតម្លៃប្រេងឥន្ធនៈពីមួយថ្ងៃទៅមួយថ្ងៃវាបានធ្វើឱ្យសង្គមជាតិច្របូកច្របល់យ៉ាងខ្លាំង ខណៈដែរថ្មីៗនេះមានឧក្រិដ្ឋជនមួយចំនួនបានចេញប្រតិបត្តិការ ធ្វើការខួងយកប្រេងពីរថយន្តនៅក្នុងតំបន់ជ្រលងភ្នំ Elk Valley ទីក្រុង British Columbia ប្រទេសកាណាដា។ បើតាមពាក្យម្ចាសរថយន្តបានប្រាប់មកកាន់សារព័ត៌មាន CNN ថា ការឡើងថ្លៃនៃប្រេងឥន្ធនៈវាជារឿងមួយដែលបានកើតឡើងទៅហើយដោយត្រូវបានឧក្រិដ្ឋជនមិនស្គាល់មុខបានខួងយកសាំងពីរថយន្តរបស់គាត់ធ្វើឱ្យខូចខាតនឹងតម្រូវឱ្យមានការផ្លាស់ប្តូរនៃធុងប្រេងដែលនឹងអាចត្រូវចំណាយអស់រាប់ពាន់ដុល្លារឯណោះ ហើយវាក៏បានធ្វើឱ្យកាន់តែពិបាកបន្ថែមទៀតសម្រាប់គាត់។ ទន្ទឹមនឹងនេះអាមេរិកក៏មានករណីស្រដៀងគ្នានេះដែលនៅក្នុងរដ្ឋដូចជា Pennsylvania, Missouri, California, និង Wisconsin ជាដើម។ គួរបញ្ជាក់ផងដែរថានៅក្នុងរដ្ឋ Pennsylvania ដោយបានកើតឡើងទៅលើស្រ្តីម្នាក់ដែលគាត់បាននិយាយថា រថយន្តម៉ូដែល Nissan Rogue របស់គាត់ត្រូវបានឧក្រិដ្ឋជនម្នាក់បានខួងយកប្រេងសាំងរបស់គាត់ខណៈដែររថយន្តត្រូបានចតចោលនៅខាងក្រៅផ្ទះ។ ជាមួយគ្នានេះដែរនាយកដ្ឋានប៉ូលីសនៅក្នុងរដ្ឋនីមួយៗបានណែនាំទៅដល់ម្ចាស់រថយន្តទាំងអស់ត្រូវតែប្រុងប្រយ័ត្នជាមួយនឹងករីណមួយនេះដោយគួរតែចតរថយន្តនៅកន្លែងដែលមានពន្លឺភ្លឺល្អ មានកាមេរ៉ាសុវត្តិភាពត្រឹមត្រូវ និងជៀសវាងការចតរថយន្តនៅកន្លែងដែលងងឹត៕ អត្ថបទដោយ៖ សាល សក្កណា  
✔

Copy link Success.

×

វីដេអូ

Ford Ranger ស៊េរីឆ្នាំ២០២២ បានបង្ហាញខ្លួនសម្រាប់ពិភពលោកទាំងមូល នេះជាអ្វីដែលអ្នកទទួលបាន

  • Reviews, New Car

ឡានចាស់សេ៊រីថ្មី ឆ្នាំ២០២២ CR-V របស់ Honda ទទួលបានការរិះគន់ច្រើនប៉ុន្តែបែរជានៅតែលក់ដាច់ទៅវិញ

  • Reviews, New Car

ធ្លាប់តែឃើញឡានហោះនៅ ក្នុងរឿងពេលនេះបានឃើញហើយ ឡានហោះពិតៗ

  • News

ព័ត៌មានពេញនិយម

ចំណាយត្រឹមតែ ៧ ម៉ឺនដុល្លារសម្រាប់ម៉ូដែល F-150 Lightning នឹងធ្វើអោយលោកអ្នកចំណេញទ្វេដង

  • News

មិនបាច់ត្រូវចាំ ៤ ឆ្នាំចិនប្រើសំបក Land Cruiser ស៊េរី 300 ថ្មីគ្របពីលើស៊េរី 200 ចាស់ដូចគ្នាគ្មានទាស់

  • News

អ្នករចនាបង្កើតរូបភាពឌីជីថលនៃរថយន្ត FJ Cruiser អគ្គិសនីថ្មីដែល Toyota គ្រោងនឹងផលិតនាពេលឆាប់ៗនេះ

  • News

Lexus បានបង្ហាញរូបភាពអាវុធថ្មីដែលធ្វើអោយអ្នកគាំទ្រអន្ទះសារចង់ដឹងលម្អិតពីវា

  • News

រថយន្តប្រភេទ Off-Road ទាំង ៥ ដែលមានឥទ្ធិពលបំផុតនៅក្នុងឆ្នាំ ២០២២

  • News, New Car

Hyundai Santa Fe ឆ្នាំ ២០២២ កំពុងតែជួបបញ្ហាដែលតម្រូវឱ្យក្រុមហ៊ុនធ្វើការប្រមូលរថយន្តមកវិញ

  • News

ម្ចាស់រថយន្ត Ford Mustang Mach-E អគ្គិសនីរងភាពអយុត្តិធម៌ជាមួយនឹងវិក័យប័ត្រជួសជុលខ្ទង់ម៉ឺនដុល្លារ 

  • News

Tundra Capstone ឆ្នាំ 2022 ប្រណិតហើយមានតម្លៃថោកជាង F-150 PowerBoost

  • News

Toyota ត្រូវបានគេរាយការណ៍ថាកំពុងធ្វើតេស្ត TRD Pro ដើម្បីប្រកួតប្រជែងជាមួយនិង Ford F-150 Raptor

  • News

Toyota bZ4X GR Sport ត្រៀមដាក់បង្ហាញក្នុងការតាំងពិព័រណ៍រថយន្តTokyo ឆ្នាំ ២០២២

  • News

ប្រភេទ

ស្លាក

ទាញយកកម្មវិធីដោយឥតគិតថ្លៃ