Suzuki រួមដៃជាមួយ SkyDrive បង្កើតយន្តហោះអគ្គិសនីខ្នាតតូចហោះបានកម្ពស់ ៥០០ ម៉ែត្រពីដី

News
មើល: 546

ការតាំងពិពរណ៍ CES ឆ្នាំ ២០២១ នៅក្នុងទីក្រុង Las Vegas របស់សហរដ្ឋអាមេរិក ដែលបានធ្វើឱ្យ Suzuki មានឱកាសពិនិត្យមើលកាន់តែច្បាស់អំពីកំណែដ៏ពេញលេញនៃយន្តហោះអគ្គិសនី SD-03 eVTOL របស់ក្រុមហ៊ុន SkyDrive ។

ថ្មីៗនេះក្រុមហ៊ុនផលិតរថយន្ត Suzuki បានប្រកាសថាខ្លួននឹងចាប់ដៃគូជាមួយ SkyDrive ដើម្បីធ្វើការឆ្ពោះទៅរកការអភិវឌ្ឍន៍ និងការផលិត យន្តហោះអគ្គិសនីដ៏ពេញលេញមួយដែលពួកគេសង្ឃឹមថានឹងបង្ហាញខ្លួននៅក្នុងការតាំងពិព័រណ៍ពិភពលោក Osaka នៅឆ្នាំ ២០២៥។

អីឡូវនេះក្រុមហ៊ុន Suzuki កំពុងតែសិក្សាទៅលើបច្ចេកវិទ្យា R&D ដោយរៀបចំផែនការប្រព័ន្ធផលិតកម្មទ្រង់ទ្រាយធំជាមួយការអភិវឌ្ឍទៅក្នុងទីផ្សារប្រទេសឥណ្ឌាដែលជាគោលដៅដំបូងរបស់ពួកគេ។

ទន្ទឹមនឹងនេះ SkyDrive ក៏កំពុងតែបង្កើតនូវយន្តហោះទីពីររបស់ខ្លួនគឺ SD-XX ដែលបានបំពាក់មកជាមួយក្បាលម៉ាស៊ីនចំនួនប្រាំបីដោយវាប្រើពេលវេលាក្នុងការហោះហើរយូរជាងមុនសម្រាប់ល្បឿនសន្ទុះពី ០-១០០ ចំណាយពេលរហូតដល់ទៅ ៣០ នាទីឯណោះ ខណៈដែរ SD-03 អាចបង្កើតល្បឿនសន្ទុះ ០-៥០ គីឡូម៉ែត្រក្នុងមួយម៉ោងដោយប្រើរយៈពេលត្រឹមតែ ១០ នាទីប៉ុណ្ណោះ។

ជាមួយគ្នានេះដែរ SkyDrive ក៏បានបញ្ជាក់ពីមូលហេតុដែលធ្វើឱ្យល្បឿនមានការថយចុះជាងមុនពីព្រោះ SD-XX បានបំពាក់កៅអីចំនួនពីរ រីឯ SD-03 មានកៅអីតែមួយប៉ុណ្ណោះ ជាហេតុធ្វើឱ្យមានទម្ងន់ធ្ងន់ជាងមុនដោយ SD-XX ថ្មីនេះទម្ងន់ដល់ទៅ ៥០០ គីឡូក្រាម ជាមួយនឹងរយៈកម្ពស់របស់វាអាចហោះបានកម្ពស់ ៥០០ ម៉ែត្រ។

ទោះជាយ៉ាងណាក៏ដោយរហូតមកដល់ពេលនេះមិនទាន់មានព័ត៌មានលម្អិតណាមួយដែលបង្ហាញបច្ចេកវិទ្យាអ្វីដែលបំពាក់នៅលើយន្តហោះអគ្គិសនី SD-XX នេះនោះទេ៕

អត្ថបទដោយ៖ សាល សក្កណា

 

ចែករំលែក:
ស្លាក:

Relate Post

ក្រុមហ៊ុន Suzuki កំពុងត្រៀមដាក់លក់នូវម៉ូដែល Escudo ស៊េរីឆ្នាំ ២០២២ នៅលើទីផ្សារម្ដងទៀត

  • News

ក្រុមហ៊ុន Suzuki បានប្រកាសពីការត្រលប់មកវិញនៃរថយន្តម៉ូដែល Escudo នៅប្រទេសជប៉ុនបន្ទាប់ពីការឈប់ផលិតរថយន្ត SUV កាលពីឆ្នាំមុន។ ខណៈពេលដែលវាមើលទៅដូចគ្នាទៅនឹងអ្នកកាន់តំណែងមុនរបស់វា Escudo ដែលបានធ្វើបច្ចុប្បន្នភាព (ត្រូវបានគេស្គាល់ថា Suzuki Vitara នៅអឺរ៉ុប) ទទួលបានអត្ថប្រយោជន៍ពី powertrain Hybrid ថ្មីដែលបានរចនាឡើងវិញ។ រថយន្ដម៉ូដែល Suzuki Escudo ជំនាន់ទី ៣ នេះដែលបានមកជាមួយកម្លាំងថ្ម 140V full-hybrid tech ។ ជាមួយថាមពលថ្មីនៃស៊េរីឆ្នាំ ២០២២ នេះរួមបញ្ចូលគ្នានូវម៉ាស៊ីនស៊ីឡាំង 4 DualJet ចំណុះ ១.៥ លីត្រ ដែលផលិតកម្លាំងបាន ៩៩ សេះ ជាមួយកម្លាំងថ្ម ៧៤ គីឡូវ៉ាត និងកម្លាំងបង្វិល ១៣២ ញូតុនម៉ែត្រ។ វាអាចបង្កើនល្បឿនពី ០-១០០ គីឡូម៉ែត្រក្នុងមួយម៉ោងក្នុងរយៈពេល ១២.៧ វិនាទី និងល្បឿនកំពូល ១៧៩ គីឡូម៉ែត្រក្នុងមួយម៉ោងថាមពលត្រូវបានបញ្ជូនទៅកាន់កង់ទាំងបួនតាមរយៈប្រអប់លេខស្វ័យប្រវត្តិ ASG ៦ វគ្គ ជាមួយនឹងប្រអប់ហ្គែរ រួមជាមួយនឹងប្រព័ន្ធ AllGrip AWD របស់ Suzuki ។ ហើយវាផ្តល់ជូននូវមុខងារ Auto, Sport, Snow និង Lock ដែលអនុញ្ញាតឱ្យមានលទ្ធភាព Off road ដ៏អស្ចារ្យសម្រាប់ផ្នែកនេះ។ នៅក្នុងទីផ្សារអ៊ឺរ៉ុបរថយន្កម៉ូដែលមួយនេះដំណើរដោយប្រព័ន្ធប៉ុងខាងមុខ នឹងមានជម្រើសដែលអាចដំណើរការបានដោយប៉ុងទាំងពីរបានដូចជារថយន្ត Suzuki ផ្សេងទៀតដែរ។ នៅលើទីផ្សារអឺរ៉ុបរថយន្តម៉ូដែលមួយនេះត្រូវបានផ្តល់ជូននៅដើមឆ្នាំ ២០២២ ជាមួយនឹងតម្លៃ ៣២,៤៦៤ ដុល្លារ៕ អត្ថបទដោយ៖ សូនីតា

រថយន្តអគ្គិសនីខ្នាតតូចរបស់ចិនកំពុងគំរាមគំហែងដល់ក្រុមហ៊ុនផលិតរថយន្តជប៉ុន

  • News

ក្រុមហ៊ុនផលិតរថយន្តជប៉ុន Daihatsu Motor បានបង្ហាញការព្រួយបារម្ភជាខ្លាំងចំពោះការហូរចូលនៃរថយន្តបរទេសមកកាន់ប្រទេសជប៉ុន។ រថយន្តដែលកំពុងតែពេញសម្រាប់ប្រជាជនជប៉ុននៅពេលនេះបែរជាក្លាយទៅជារថយន្តរបស់ប្រទេសចិន ដែលត្រូវបានគេដឹងថាជារថយន្តប្រភេទអគ្គិសនីខ្នាតតូច និងមានតម្លៃទាបត្រឹមតែ ៤៥០០ ដុល្លារប៉ុណ្ណោះ។ ប្រទេសចិនបច្ចុប្បន្ននេះកំពុងតែក្លាយទៅជាទីផ្សាររថយន្តដ៏ធំបំផុតរបស់ពិភពលោក និងមានការនាំចេញនូវរថយន្តអគ្គិសនីដែលមានតម្លៃសមរម្យជាច្រើនផងដែរ។ រថយន្ត EV បាននាំចូលទៅក្នុងប្រទេសជប៉ុនដោយក្រុមហ៊ុន Sagawa Express បានទិញរថយន្ត EV ចំនួន ៧,២០០ គ្រឿងពីក្រុមហ៊ុន Guangxi Automobile Group ក្នុងគោលបំណងកាត់បន្ថយកម្រិតផ្សែងពុលដែលបានចេញពីរថយន្តប្រើសាំង។ ក៏ប៉ុន្តែលោក Soichiro Okudaira ប្រធានជាន់ខ្ពស់នៃសម្ព័ន្ធភាពរវាង Toyota និង Daihatsu បានផ្តល់បទសម្ភាស៍ទៅកាន់គេហទំព័រ Nikkei ពីការជ្រៀតចូលនៃរថយន្តអគ្គិសនីរបស់ចិន ដែលអាចគំរាមគំហែងទៅដល់ក្រុមហ៊ុនផលិតក្នុងស្រុក។ តែនោះក៏ព្រោះតែរថយន្តខ្នាតតូចរបស់ជប៉ុនដែលមានភាពយឺតយ៉ាវក្នុងការផ្លាស់ប្តូរទៅជារថយន្ត EV ដើម្បីអាចឱ្យសម្រួលដល់ការចំណាយលើប្រេងឥន្ធនៈដែលកំពុងតែឡើងថ្លៃក្នុងពេលបច្ចុប្បន្ននេះ។ លោក Soichiro ក៏បានប្រាប់ផងដែរដោយសារខ្វះធនធានក្នុងការអភិវឌ្ឍបច្ចេកវិទ្យា EV Daihatsu បានឈានដល់ការសហការជាមួយគូរប្រជែងដ៏យូរលង់ Suzuki Motor ក្នុងការបង្កើតរថយន្តអគ្គិសនីខ្នាតតូចសម្រាប់ទីផ្សារជប៉ុន។ ដែលរថយន្តប្រហែលជាអាចមានតម្លៃខ្ទង់ ១ លានយ៉េន ឬ ៨,៦០០ ដុល្លារ មានទំហំសមល្មមដែលអាចដាក់់អីវ៉ាន់បាននឹងផ្ទុកមនុស្សបាន ៤ នាក់ គ្រោងនឹងបញ្ចេញក្នុងឆ្នាំ ២០២៥ ប៉ុន្តែបើមើលតម្លៃវានៅតែថ្លៃជាងរថយន្តរបស់ចិន ៕ 

រថយន្តប្រភេទ Off-Road ទាំង ៥ ដែលមានឥទ្ធិពលបំផុតនៅក្នុងឆ្នាំ ២០២២

  • News, New Car

រថយន្តប្រភេទ Off-Road គឺសំដៅទៅលើរថយន្តដែលមានភាពរឹងមាំយ៉ាងពិសេសក្នុងការជំនះឧបសគ្គនៅលើផ្លូវ និង ធ្វើការដំណើរផ្សងព្រេងដ៏អស្ចារ្យ ហើយវាក៏កំពុងតែពេញនិយម និងចាប់អារម្មណ៍យ៉ាងខ្លាំងពីសំណាក់អ្នកបើកបរនាពេលបច្ចុប្បន្ននេះផងដែរ។ ហើយទាំងនេះគឺជាកំពូលរថយន្ត Off-Road ទាំង ៥ ដែលកំពុងមានឥទ្វិពលនៅក្នុងឆ្នាំ ២០២២ នេះ។   ១. Toyota Tacoma TRD Pro Toyota Tacoma TRD Pro ឆ្នាំ ២០២២ ដែលវានិងក្លាយទៅជាតម្រូវការខ្ពស់របស់អតិថិជននៅក្នុងទីផ្សារ off-road ។ ការលក់របស់ម៉ូដែល Tacoma តែងតែមានការចាប់អារម្មណ៍យ៉ាងខ្លាំងក្នុងការជិះ Off-road គឺដោយសារតែវាមានភាពធន  និងសមត្ថភាពដ៏អស្ចារ្យក្នុងការរក្សាតម្លៃរបស់ខ្លួន។ Tacoma TRD Pro បានបំពាក់ដោយម៉ាស៊ីនចំណុះ ៣.៥ លីត្រ V6 ដែលវាអាចបង្កើតកម្លាំងបាន ២៧៨ សេះ និងមានកម្លាំងបង្វិល ៣៥៩ ញ៉ូតុនម៉ែត្រ។ រីឯសំបកកង់មានទំហំ ៣០.៥ អ៊ីញ អ្វីដែលពិសេសជាងនេះទៅទៀតនោះគឺវាបានបំពាក់ទៅដោយ Skid Plates ដើម្បីជួយទប់លំនឹងរថយន្តនៅពេលដែលជិះចុះចំណោត និងផ្លូវដែលមានភក់បានយ៉ាងងាយស្រួល។    ២. Ford Ranger Raptor រថយន្ត Ford Ranger Raptor ជាញឹកញាប់ត្រូវបានគេមើលឃើញថាជារថយន្ត Off-road ដែលងាយស្រួលជាងរថយន្តផ្សេងទៀត ដោយសារទំហំដឹកទំនិញដ៏ធំរបស់វា។ ទោះយ៉ាងណាក៏ដោយ វានៅតែអាចរក្សាខ្លួនវាបានយ៉ាងល្អ ក្នុងការបើកបរលើផ្លូវផ្សងព្រេង ឬផ្លូវ Off-road ជាដើម។ Ford Raptor បានបំពាក់ទៅដោយម៉ាស៊ីនចំណុះ ២.០ លីត្រ Twin-turbo 4 ដែលវាមានកម្លាំង ២១១ សេះ និងមានកម្លាំងបង្វិល ៥០០ ញ៉ូតុនម៉ែត្រ។ Raptor វាមានលក្ខណៈពិសេសដោយាវាបានបំពាក់ទៅដោយបូម Foxx វាជាប្រភេទបូម ដែលរឹងមាំក្នុងការបើកបរលើផ្លូវដែលមានឧបសគ្គខ្លាំង ជាពិសេសពីនេះទៅទៀតបូមទាំង ៤ របស់វាជួយទប់លំនឹងក្នុងការបើកបរល្បឿនលឿនយ៉ាងល្អ។   ៣. Land Rover Defender Land Rover Defender ឆ្នាំ ២០២២ ជារថយន្តដែលស្ថិតក្នុងត្រកូលអ្នកមាននិងកំពុងតែអភិវឌ្ឍខ្លួនទៅជារថយន្ត Off-road មួយដ៏ពេញលេញ។ Defender កំពុងតែបំពេញចិត្តអតិថិជនដែលកំពុងស្វែងរករថយន្ត Off-road ដែលមានសុវត្ថិភាព។ លក្ខណៈពិសេសរបស់វា គឺផ្នែកខាងក្នុងដែលធ្វើឱ្យមានផាសុខភាពនៅពេលដែលបើកបរលើផ្លូវណាមួយ។ Defender បានបំពាក់ទៅដោយម៉ាស៊ីនចំណុះ ៥.០ លីត្រ V8 ដែលវាមានកម្លាំង ៥១៨ សេះ។ ពិសេសពីនេះទៅទៀត Defender បានបន្ថែមបូមខ្យល់ និងកំណែដ៏ទំនើបបំផុតរបស់ Land Rover នៃ Terrain Response Off-road អេឡិចត្រូនិចជួយឱ្យវាយកឈ្នះលើផ្លូវ Off-road បានដោយងាយស្រួល។   ៤. Jeep Grand Cherokee Trailhawk រថយន្ត Jeep Grand Cherokee Trailhawk ឆ្នាំ ២០២២ គឺជារថយន្តដែលត្រៀមរួចជាស្រេចនៅលើផ្លូវដ៏វែងឆ្ងាយ ដែលវាផ្តល់នូវសមត្ថភាពមិនគួរឱ្យជឿនៅពេលជិះលើផ្លូវលំបាក។ Jeep Trailhawk បានបំពាក់ទៅដោយម៉ាស៊ីនចំណុះ ៣.៦ លីត្រ V6 ដែលវាមានកម្លាំង ២៩៣ សេះ និងមានកម្លាំងបង្វិល ៣៤៨ ញ៉ូតុនម៉ែត្រ និងមានសំបកកង់ទំហំ ៣០.៥ អ៊ីញដ៏គួរឱ្យចាប់អារម្មណ៍។  Jeep Trailhawk បានបំពាក់ Skid Plates ដើម្បីជួយទប់លំនឹងរថយន្តនៅពេលដែលជិះចុះចំណោត និងផ្លូវដែលមានភក់បានយ៉ាងងាយស្រួល។ អ្វីដែលពិសេសជាងនេះទៅទៀតនោះ គឺរថយន្ត Jeep មានផ្ទៃខាងក្នុងដ៏ស្រស់ស្អាត ដែលជួយឲ្យអ្នកបើកបរមានផាសុកភាព និងមានភាពប្រណិតជុំវិញពេលបើកបរ គ្រប់ស្ថានភាពផ្លូវ។   ៥. Suzuki Jimny Suzuki Jimny សម្រាប់ឆ្នាំ ២០២២ នេះមិនមែនជារថយន្ត Off-road ធម្មតាដែលអ្នកគិតទេ។ ដូច្នេះហើយ វាមានលក្ខណៈប្លែកពីគេ ដែលវាមានរាងតូច។ ថ្វីត្បិតតែ Suzuki Jimny ជាយានជំនិះ Off-road តូចក៏ដោយ ប៉ុន្តែវាមានបំពាក់នូវឧបករណ៏ដែលរឹងមាំជាងដៃគូប្រជែងរបស់វា។ Jimny ជាប្រភេទរថយន្តធន់ស្រាលដែលមានជើងក្រោមដ៏រឹងមាំ និងប្រព័ន្ធជើងក្រោម 3-link rigid ជាមួយ coil springs ដែលធ្វើឱ្យវាល្អក្នុងការជិះជុំវិញផ្លូវ Off-road ឬងាយស្រួលក្នុងការគ្រប់គ្រងសម្រាប់អ្នកដែលទើបនឹងបើក Off-road ជាលើកដំបូង។ Jimny បានបំពាក់ទៅដោយម៉ាស៊ីនចំណុះ ១.៥ លីត្រ normally-aspirated ដែលវាមានកម្លាំង ១០១ សេះ និងមានកម្លាំងបង្វិល ១៣០ ញ៉ូតុនម៉ែត្រ។ រថយន្តទាំងអស់នេះមានលក្ខណៈពិសេសផ្សេងៗគ្នា ប៉ុន្តែវាមានសមត្ថភាពសម្រាប់ការផ្សងព្រេង Off-road ដូចៗគ្នា។ សម្រាប់ Land Rover Defender និង Toyota Tacoma គឺល្អសម្រាប់ដោះស្រាយគ្រប់ស្ថានភាពផ្លូវ ចំណែកឯរថយន្ត Suzuki វិញគឺល្អសម្រាប់អ្នកដែលទើបនឹងបើក Off-road ជាលើកដំបូង៕

និស្សិតមួយក្រុមបានកែប្រែរថយន្ត Suzuki Jimny ឱ្យក្លាយជា Mini Monster Truck ដ៏អស្ចារ្យ

  • News

Suzuki Jimny គឺជារថយន្ត SUV ខ្នាតតូចប្រភេទ Off-Road វាមានប្រភពមកពីប្រទេស ជប៉ុន ដែលមានតាំងពីឆ្នាំ ១៩៧០ មកម៉្លេះ។ Suzuki Jimny ជារថយន្តដែលមានរាងស្រដៀង ទៅនិងរថយន្ត Jeep Wrangler របស់សហរដ្ឋអាមេរិក។ ជាមួយនឹងរូបរាងដ៏ប្រណិត សមត្ថភាពក្នុងការជិះលើផ្លូវ Off-road ដ៏គួរឱ្យចាប់អារម្មណ៍ និងវិធីសាស្រ្តដែលមិនគួរអោយជឿនូវផ្នែកខាងក្នុង។ Jimny បានអនុម័តនូវម៉ូដែលទ្វារប្រាំ និងផ្នែកខាងក្រោមមានរាងខ្ពស់ងាយស្រួលក្នុងការជិះឡើងភំ្ន ឬផ្លូវ Off-road ជាមូលហេតុធ្វើអោយរថយន្តនេះមានការចាប់អារម្មណ៍យ៉ាងខ្លាំងពីអ្នកគាំទ្រ។ ពិសេសពីនេះទៅទៀតរថយន្តមួយនេះត្រូវបានផលិតដោយក្រុមនិស្សិតដែលមានគ្នាចំនួនប្រាំបីនាក់មកពីមហាវិទ្យាល័យ Nihon Automobile College ដោយលោក Jimny ដែលជាគ្រូរបស់ពួកគេ។ ពួកគេបានខិតខំប្រឹងប្រែងដើម្បីកែប្រែវាជាទ្វារប្រាំ អោយដូចទៅនិងប្រភេទរថយន្ត Crossover។ បន្ទាប់មកពួកគេបានបំពាក់, winch, ទ្រុងការពារខាងក្រៅជាមួយនឹង Rood Rack និងតង់, និងបានដំឡើងភ្លើង LED ផងដែល។ អ្វីដែលគួរឲ្យចាប់អារម្មណ៍ជាងគុណភាពនៃការផលិតនោះគឺរយៈពេលដែលពួកគេត្រូវបានបញ្ចប់ក្នុងការកែប្រែ។ ក្រុមនិស្សិតទាំងប្រាំបីនាក់បានចាប់ផ្តើមក្នុងការកែប្រែរថយន្តនេះនៅក្នុងខែតុលា ប៉ុន្តែពួកគេបានបញ្ចប់វាទាន់ពេលសម្រាប់កម្មវិធី Tokyo Auto Salon ដែលបានធ្វើឡើងនៅថ្ងៃទី ១៤ ដល់ ១៦ ខែមករា ប៉ុន្មានថ្ងៃមុននេះSuzuki Jimny ក៏បានបង្ហាញខ្លួននៅទីនោះផងដែរ។ ការលះបង់ពេលវេលាក្រៅម៉ោងសិក្សាររបស់ពួកគេ ដើម្បីកែសម្រួលវា ដែលធ្វើអោយពួកគេបានបង្ហាញនូវការតាំងពិពណ៌មួយដ៏អស្ចារ្យ៕

Mazda Carol របស់ក្រុមហ៊ុន Mazda  ចេញលក់តម្លៃក្រោម ១ ម៉ឺនដុល្លារ 

  • News

Mazda ឈប់លក់រថយន្តម៉ូដែលនេះប៉ុន្មានឆ្នាំមុនហើយវាបានត្រលប់មកវិញក្នុងទម្រង់ជា Toyota Yaris hatchback ប៉ុន្តែវាត្រូវបានបញ្ឈប់មុនឆ្នាំ ២០២១។ ទោះជាយ៉ាងណាក៏ដោយ ម៉ាកយីហោជប៉ុនក៏មានរថយន្តដែលតូចជាងហើយក៏កំពុងចរាចរណ៍នៅក្នុងទីផ្សារក្នុងស្រុករបស់ខ្លួនផងដែរ ត្រូវបានគេហៅថា Mazda Carol ម៉ូដែលនេះវាទទួលបានការអាប់ដេតដ៏ធំសម្រាប់ឆ្នាំ ២០២២ ហើយបន្តក្លាយជាក្រុមហ៊ុនផលិតរថយន្តសម្រាប់ប្រភេទ Kei។ បើមើលទៅវាស្រដៀងគ្នានិងប្អូនភ្លោះរបស់ Suzuki Alto ដែលមានលក់នៅប្រទេសជប៉ុន និងតំបន់ផ្សេងទៀតក្នុងពិភពលោក។ រថយន្ត Mazda Carol ដែលបានកែលម្អឡើងវិញមានកម្រិតដូចគ្នានឹងរថយន្ត Alto ដែរវាក៏ចែករំលែកម៉ាស៊ីន 658cc R06A inline-3 ជាមួយ Suzuki ក៏ដូចជា 657cc R06D mild-hybrid powertrain ផងដែរ។ គួរឱ្យភ្ញាក់ផ្អើល មានកំណែ All-wheel-drive ប៉ុន្តែការដំឡើងស៊ីសាំងបំផុតគឺ 2WD MHEV សាំងចំណុះមួយលីត្រវាអាចបើបរបានត្រឹមតែ ២៧.៧ លីត្រប៉ុណ្ណោះ ឬ ប្រហែលចន្លោះពី ៣ ទៅ ៤ លីត្រក្នុង ១០០ គីឡូម៉ែត្រ។ ភាពជាដៃគូរវាង Suzuki និង Mazda នៅក្នុងថ្នាក់ Kei មានដំណើរទៅមុខរហូតដល់ចុងទសវត្សរ៍ទី ៨០ នៅពេលដែលក្រុមហ៊ុនក្រោយបានបញ្ចូលផ្នែកនេះឡើងវិញ។ ស្រដៀងនឹងរចនាសម្ព័ន្ធតួខ្លួន និងរចនាបថទៅនឹង Suzuki របស់វា ហើយCarol មានភាពខុសប្លែកពី Alto ជាមួយនឹងការតុបតែងកាប៊ីនរបស់វា។ រឿងគឺដូចគ្នាសម្រាប់គំរូឆ្នាំ ២០២២ ចាប់តាំងពីក្រុមហ៊ុន Suzuki បានបង្ហាញរថយន្ត Alto ជំនាន់ទី៩ នៅក្នុងប្រទេសជប៉ុន ឥឡូវនេះ Mazda កំពុងដើរតាមរថយន្ត Carol ជំនាន់ទី៨។  Mazda Carol នឹងមានលក់នៅតាម dealer របស់ខ្លួននៅពាក់កណ្តាលខែមករា ឆ្នាំ ២០២២ ជាមួយនឹងតម្លៃ sticker ដែលចាប់ផ្តើមពី ៩៩៨,៨០០ យ៉េន ឬប្រហែល ៨,៦៨០ ដុល្លារ ដែលតម្លៃនេះឡើងចុះទៅតាមអត្រាប្តូរប្រាក់បច្ចុប្បន្ន៕ 
✔

Copy link Success.

×

វីដេអូ

Ford Ranger ស៊េរីឆ្នាំ២០២២ បានបង្ហាញខ្លួនសម្រាប់ពិភពលោកទាំងមូល នេះជាអ្វីដែលអ្នកទទួលបាន

  • Reviews, New Car

ឡានចាស់សេ៊រីថ្មី ឆ្នាំ២០២២ CR-V របស់ Honda ទទួលបានការរិះគន់ច្រើនប៉ុន្តែបែរជានៅតែលក់ដាច់ទៅវិញ

  • Reviews, New Car

ធ្លាប់តែឃើញឡានហោះនៅ ក្នុងរឿងពេលនេះបានឃើញហើយ ឡានហោះពិតៗ

  • News

ព័ត៌មានពេញនិយម

ចំណាយត្រឹមតែ ៧ ម៉ឺនដុល្លារសម្រាប់ម៉ូដែល F-150 Lightning នឹងធ្វើអោយលោកអ្នកចំណេញទ្វេដង

  • News

មិនបាច់ត្រូវចាំ ៤ ឆ្នាំចិនប្រើសំបក Land Cruiser ស៊េរី 300 ថ្មីគ្របពីលើស៊េរី 200 ចាស់ដូចគ្នាគ្មានទាស់

  • News

អ្នករចនាបង្កើតរូបភាពឌីជីថលនៃរថយន្ត FJ Cruiser អគ្គិសនីថ្មីដែល Toyota គ្រោងនឹងផលិតនាពេលឆាប់ៗនេះ

  • News

Lexus បានបង្ហាញរូបភាពអាវុធថ្មីដែលធ្វើអោយអ្នកគាំទ្រអន្ទះសារចង់ដឹងលម្អិតពីវា

  • News

រថយន្តប្រភេទ Off-Road ទាំង ៥ ដែលមានឥទ្ធិពលបំផុតនៅក្នុងឆ្នាំ ២០២២

  • News, New Car

Hyundai Santa Fe ឆ្នាំ ២០២២ កំពុងតែជួបបញ្ហាដែលតម្រូវឱ្យក្រុមហ៊ុនធ្វើការប្រមូលរថយន្តមកវិញ

  • News

ម្ចាស់រថយន្ត Ford Mustang Mach-E អគ្គិសនីរងភាពអយុត្តិធម៌ជាមួយនឹងវិក័យប័ត្រជួសជុលខ្ទង់ម៉ឺនដុល្លារ 

  • News

Tundra Capstone ឆ្នាំ 2022 ប្រណិតហើយមានតម្លៃថោកជាង F-150 PowerBoost

  • News

Toyota ត្រូវបានគេរាយការណ៍ថាកំពុងធ្វើតេស្ត TRD Pro ដើម្បីប្រកួតប្រជែងជាមួយនិង Ford F-150 Raptor

  • News

Toyota bZ4X GR Sport ត្រៀមដាក់បង្ហាញក្នុងការតាំងពិព័រណ៍រថយន្តTokyo ឆ្នាំ ២០២២

  • News

ប្រភេទ

ស្លាក

ទាញយកកម្មវិធីដោយឥតគិតថ្លៃ