Tesla ឈរនៅលើតារាងកំពូលដែលជារថយន្តងាយឆាបឆេះបំផុត

ផ្ទុយពីអ្វីដែលប្រព័ន្ធផ្សព្វផ្សាយទូទៅមួយចំនួនបានប្រាប់ថាការឆេះរថយន្តអគ្គិសនីវាគឺជារឿងដែលកម្រ ប៉ុន្តែតែវាមិនមែនជាការពិតនោះទេ។ ថ្មីៗនេះក្រុមហ៊ុន Tesla បានរកឃើញថារថយន្តរបស់ខ្លួនងាយនិងមានការឆេះជាងរថយន្តផ្សេងៗទៀតដែលប្រើហ្គាស នឹង ម៉ាស៊ូត។ ហើយរឿងរ៉ាវរបស់ Tesla គឺតែងតែឈរនៅទំព័រទីមួយក្នុងប្រព័ន្ធផ្សព្វផ្សាយជានិច្ច។

កាលពីខែកក្កដារថយន្ត Tesla Model S Plaid បានឆាបឆេះយ៉ាងអាថ៌កំបាំងនៅរដ្ធ Philadelphia នៃសហរដ្ធអាមេរិក។ ហើយថ្មីៗនេះ Tesla Model 3 ក៏បានឆេះនៅតាមដងផ្លូវខណៈពេលកំពុងបើកបរផងដែរ។

Video មួយដែលបានបង្ហាញពីរថយន្ត  Tesla Model 3 ដែលកំពុងឆេះយ៉ាងសន្ធោសន្ធៅនៅពេលអ្នកពន្លត់អគ្គិភ័យបានព្យាយាមពន្លត់កុំអោយរាលដាលដល់ខាងក្នុងផ្ទះ។ អគ្គិភ័យនេះកើតឡើងនៅម៉ោង១០និង៣០នាទីយប់ វាជាសំណាងល្អដែលមិនមានអ្នកណារងរបួសនោះទេ ប៉ុន្តែភ្លើងដែលឆេះនោះបានបណ្ដាលអោយខូចខាតកន្លែងចតឡាននៅមុខផ្ទះយ៉ាងធ្ងន់ធ្ងរ។

ចំពោះ Model 3 ដែលបានឆេះនោះមើលទៅដូចជាខូចខាតមិនតិចទេ គេក៏មិនច្បាស់ដែលថាការឆេះចេញមកពីរន្ធសាកថ្មឬក៍យ៉ាងណានោះទេហើយរឿងនេះកំពុងស្ថិតក្នុងការស៊ើបអង្កេតនៅឡើយ។

ខណៈដែលរថយន្តដែលប្រើថ្មទំនងជាអាចនិងឆេះយូរជាងរថយន្តដែលប្រើហ្គាសទៅទៀត។ នៅក្នុងឧប្បត្តិហេតុពាក់ព័ន្ធនឹង Tesla Model 3 តម្រូវអោយអ្នកពន្លត់អគ្គិភ័យប្រើទឹកអស់ ២៨០០០ លីត្រដើម្បីពន្លត់។

ឧបទ្ទវហេតុចុងក្រោយនេះស្រដៀងគ្នាជាមួយនឹងការឆេះ Chevrolet Bolt EV ថ្មីៗដែរ។ រថយន្តអគ្គិសនីនេះភាគច្រើនគឺឆេះក្មុងកំលុងពេលសាកថ្ម។ ជាលទ្ធផងក្រុមហ៊ុន General Motors កំពុងធ្វើការជុំវិញរឿងនេះដើម្បីណែនាំអោយម្ចាស់យានយន្តទាំងអស់មិនអោយសាកថ្មរថយន្តរបស់ខ្លួននៅក្នុងផ្ទះពេញមួយយប់នោះទេ។

បច្ចុប្បន្នក្រុមហ៊ុន Tesla កំពុងស្ថិតនៅក្រោមការស៊ើបអង្កេតដើម្បីកំណតថាតើ Autopilot ជាហេតុបណ្ដាលអោយមានឧប្បត្តិហេតុដែលទាក់ទងនឹងករណីនេះដែរឬយ៉ាងណា។ ហើយក្រុមហ៊ុន tesla ក៏មិនបានបើកការស៊ើបអង្កេត ឬ ប្រមូលរថយន្តអោយត្រឡប់មកវិញនោះទេ។