ការឡើងថ្លៃនៃតម្លៃប្រេងអាចនឹងជួយជម្រុញអោយមានការផ្លាស់ប្តូរនៃការប្រើប្រាស់យាន្តយន្តអគ្គីសនីកាន់តែលឿន

ជាទូទៅតាមរយៈនៃតម្លៃប្រេងសាំងឡើងថ្លៃ បានធ្វើអោយអតិថិជនជ្រើសរើសទិញរថយន្តធុនតូចដែល​ស្រាល និងមានលក្ខណៈសន្សំសំចៃប្រេងកាន់តែច្រើន។ តម្លៃប្រេងកាន់តែឡើងខ្ពស់ អាចមានឥទ្ធិពលទៅដល់ការប្រើប្រាស់រថយន្តប្រេងឥន្ធនៈ ដែលជាហេតុធ្វើអោយមានការងាកទៅរករថយន្តប្រភេទ Hybrid និង រថយន្តអគ្គីសនី។

កាលពីដើមខែនេះ តម្លៃប្រេងឆៅបានកើនឡើង 2/3 នៅទូទាំងពិភពលោកក្នុងឆ្នាំ2021 ដោយឡើងដល់ទៅ 77$ ក្នុងមួយ Barrel ឬ 160L ។ តម្រូវការប្រេងបានស្ទុះងើបឡើងខណៈពេលដែលសេដ្ឋកិច្ចបានបើកដំណើរការឡើងវិញនៅទូទាំងពិភពលោកបន្ទាប់ពីវបត្តិនៃជំងឺឆ្លងកូវីត-19 ។ ភាពមិនស៊ីចង្វាក់គ្នាបានបង្កអោយមានបញ្ហាដែលធ្វើអោយតម្លៃប្រេងកើនឡើង និងជំរុញអោយអ្នកផលិតប្រេងបូមប្រេងបន្ថែមទៀតសម្រាប់ការប្រែប្រួលនៃទីផ្សារ។

ដូច្នេះងាកទៅមើលការចំណាយតិចទៅលើថាមពលអគ្គីសនី បានជម្រុញអោយអ្នកបើកបរជាច្រើនផ្លាស់ប្តូរមកប្រើប្រាស់យានយន្តអគ្គីសនីវិញ។ បើទោះបីជាវារថយន្តទាំងនេះមានតម្លៃថ្លៃក៏ពិតមែន តែការចំណាយទៅលើថាមពលក្នុងមួយឆ្នាំវាប្រសើរជាងការប្រើប្រាស់ប្រេងសាំង។ តាមរយៈលទ្ធផលទាំងនេះក៏បានជួយពន្លឿនដល់ការខិតខំប្រឹងប្រែងនៃការកាត់បន្ថយផ្សែងពុលពីចំហេះឡានប្រើប្រេងឥន្ធនៈផងដែរ។

ប៉ុន្តែទោះជាយ៉ាងណាចំពោះតម្លៃប្រេងឡើងថ្លៃនេះ វាអាចជួយអោយសេដ្ឋកិច្ចកើនឡើងវិញនៅពាសពេញពិភពលោក ជាពិសេសនោះគឺប្រទេសកំពុងអភិវឌ្ឍន៍ បន្ទាប់ពីបញ្ហារ៉ាំរ៉ៃនៃជំងឺកូវីតចាប់តាំងពីឆ្នាំ2020 ៕