ក្រុមហ៊ុនផលិតរថយន្តទំនើបបំផុត Rolls Royce កំពុងធ្វើការទៅលើយានយន្តអគ្គីសនីដំបូងបង្អស់របស់ពួកគេដែលដាក់ឈ្មោះ Silent Shadow

News
មើល: 2737

ខណៈពេលដែលក្រុមហ៊ុនផលិតរថយន្តធំៗជាច្រើននៅលើពិភពលោកកំពុងពុះកញ្ជ្រោលអភិវឌ្ឍន៍និងបញ្ចេញនូវយានយន្តអគ្គីសនីរបស់ខ្លួនក្រុមហ៊ុនផលិតរថយន្តដ៏ទំនើបរបស់ប្រទេសអាឡឺម៉ង់ក៏ហាក់ដូចជាកំពុងត្រៀមខ្លួនទុកជាស្រេចសម្រាប់បដិវត្តន៍ថ្មីមួយនេះ។ ដោយក្រុមហ៊ុន Rolls Royceបានបញ្ជាក់ផងដែរថាពួកគេកំពុងធ្វើការទៅលើ យាន្តយន្តថ្មីរបស់គេដែលមានឈ្មោះថា Silent Shadow ដែលជារថយន្តអគ្គីសនីពេញលេញដំបូងគេបង្អស់សម្រាប់ការផ្តល់ជូនទៅអោយអតិថិជនពួកគេ។ ប៉ុន្តែទោះជាយ៉ាងណានាយកប្រតិបត្តិការរបស់ក្រុមហ៊ុននេះគឺលោក Torsten Mueller-Oetvoes មិនបានបង្ហើបអំពីរូបរាងនិងកាលបរិច្ឆេទនៃការដាក់បង្ហាញនូវយានយន្តនេះនៅឡើយទេ។

គួរបញ្ជាក់ផងដែរថា ក្រុមហ៊ុន Rolls Royce ត្រូវបានគេចាត់ទុកថាជាក្រុមហ៊ុនដែលផលិតរថយន្តទំនើបសម្រាប់ពិភពលោក ដោយសារស្នាដៃដ៏ល្អឯកនៃការច្នៃប្រឌិត រួមទាំងទេពកោសល្យដ៏អស្ចារ្យរបស់អ្នកជំនាញនីមួយៗ។ ដូច្នេះចំពោះម៉ូដែល Silent Shadow មួយនេះក្រុមហ៊ុនកំពុងខិតខំប្រឹងប្រែងយ៉ាងខ្លាំង សម្រាប់ផ្តល់ជូនអតិថិជនដែលពេញនិយមគាំទ្ររថយន្តកំពូលប្រណិតរបស់ខ្លួន ៕

ចែករំលែក:

Relate Post

រថយន្ត BMW i3 ជាច្រើនគ្រឿងត្រូវបានប្រទះឃើញបោះបង់ចោលនៅកណ្តាលព្រៃនៃកោះជេជូ ប្រទេសកូរ៉េ

  • News

រថយន្តអគ្គិសនីម៉ូដែល BMW i3 ជាច្រើនគ្រឿងត្រូវគេបោះបង់ចោលនៅកណ្តាលព្រៃនៅជាប់ផ្លូវលើភ្នំ Goseong សង្កាត់ Awol នៃទីកោះ Jeju ប្រទេសកូរ៉េ។ បើតាមគេហទំព័ររបស់ Korea Times បានចុះផ្សាយថារថយន្តទាំងនោះត្រូវបានក្រុមហ៊ុនជួលរថយន្តទុកចោល បន្ទាប់ពីក្រុមហ៊ុនបានក្ស័យធន។ យោងតាមរបាយការណ៍ក្នុងស្រុកបន្ទាប់ពីក្រុមហ៊ុនបានក្ស័យធនរថយន្តទាំងអស់ មិនអាចដំណើរការបានទៀតទេ នឹងត្រូវបានទុកចោលជាបណ្ដោះអាសន្ន។ ចាប់ពីឆ្នាំ ២០១៦ រហូតដល់ឆ្នាំ ២០១៧ ក្រុមហ៊ុនបានទិញរថយន្ដម៉ូដែល BMW  i3s ចំនួន ២០០ គ្រឿងតាមរយៈការបង់រំលស់ប្រចាំខែ ក៏ប៉ុន្តែអាជីវកម្មមួយនេះមិនដំណើរការល្អនោះទេ ហើយក្រុមហ៊ុនក៏បានក្ស័យធន ដោយមិនអាចសងប្រាក់កម្ចីនិងពន្ធដែលនៅសេសសល់រថយន្តទាំងអស់ក៏ត្រូវបានរឹបអូស។ ចំណែកឯសារព័ត៌មានក៏បានអោយដឹងថាក្រុមហ៊ុន BMW នៅប្រទេសកូរ៉េបានទទួលយល់ព្រមពីតុលាការកាលពីថ្ងៃទី ១៧ ខែឧសភា ដើម្បីទទួលបានរថយន្តដែលបោះបង់ចោលតាមរយៈការដេញថ្លៃមួយ។ ហើយនេះក៏មិនមែនជាលើកទីមួយទេដែលក្រុមហ៊ុនជួលរថយន្តនៅលើកោះមួយនេះបានធ្វើរឿងបែបនេះ ក្រុមហ៊ុនមួយចំនួនជ្រើសរើសការបោះបង់ចោលរថយន្ត ព្រោះតែត្រូវចំណាយពេលយូរក្នុងការជួសជុលរថយន្តអគ្គិសនីជាងរថយន្តប្រើសាំងធម្មតា។ បើតាមសំដីអ្នកធ្វើការនៅក្រុមហ៊ុនមួយដែលកាន់កាប់រថយន្ដម៉ូដែល BMW i3 ១០គ្រឿង បាននិយាយថាវាមានហិរញ្ញវត្ថុច្រើនលើសលប់ក្នុងការគ្រប់គ្រងរថយន្តជួលប្រភេទអគ្គិសនីបើប្រៀបធៀបទៅនឹងរថយន្តដែលមានម៉ាស៊ីនចំហេះខាងក្នុង។ រដ្ឋាភិបាលគ្រប់គ្រងកោះ Jeju បានហាមឃាត់ក្រុមហ៊ុនជួលមិនឱ្យលក់ ឬបោះចោលរថយន្តអគ្គីសនីរបស់ពួកគេដែលបានទិញដោយមានជំនួយឥតសំណងរបស់រដ្ឋាភិបាលក្នុងរយៈពេលពីរឆ្នាំដំបូង ដោយសារតែប្រាក់ជំនួយឥតសំណងរបស់រដ្ឋាភិបាលមានចំនួនច្រើន។ សម្រាប់ម៉ូដែល i3 ឆ្នាំ ២០១៨ ដែលលក់ក្នុងតម្លៃ ៦០ លានវ៉ុន (៤៩,៤០១ ដុល្លារ) រដ្ឋាភិបាលបានចំណាយប្រាក់ឧបត្ថម្ភជិត ១៧ លានវ៉ុន(១៣,៩៩៧ ដុល្លារ) ប៉ុន្តែមិនមានច្បាប់បច្ចុប្បន្នអនុញ្ញាតឱ្យរដ្ឋាភិបាលយកមកវិញនូវប្រាក់ឧបត្ថម្ភដែលក្រុមហ៊ុនជួលដើម្បីទិញរថយន្តសូម្បីតែក្រុមហ៊ុនទាំងនោះក្ស័យធន់។ ខាងសារព័ត៌មានបានរាយការណ៍ថា រហូតមកដល់ចុងឆ្នាំ ២០២០ រដ្ឋាភិបាល Jeju បានឃើញរថយន្តអគ្គីសនីជាង ៤,១០០ គ្រឿងត្រូវបានទិញនៅលើកោះនេះជាមួយនឹងការឧបត្ថម្ភរហូតដល់ ៥៨ ពាន់លានវ៉ុន(៤៧,៧៥៤,៨៩៧ ដុល្លារ)៕  

រថយន្តអគ្គិសនីរបស់ក្រុមហ៊ុន Honda ជាច្រើនគ្រឿងដែលត្រៀមនឹងបង្ហាញសម្រស់នៅលើទីផ្សារ

  • News

ក្រុមហ៊ុន Honda ជាក្រុមហ៊ុនផលិតរថយន្តរបស់ប្រទេសជប៉ុនដែលធ្លាប់តែផលិតរថយន្តដែលប្រើចំហេះខាងក្នុង ប៉ុន្តែបន្ទាប់ពីពិភពលោកមានការប្រែប្រួល ការជម្រុញអោយប្រើប្រាស់រថយន្តអគ្គិសនីមានការកើនឡើង ក្រុមហ៊ុនក៏ចាប់ផ្តើមស្វែងរកដៃគូរសហការដើម្បីត្រៀមខ្លួនសម្រាប់ការផ្លាស់ប្តូរមួយនេះ។ ហើយថ្មីៗនេះ ក្រុមហ៊ុនទើបតែបានប្រកាសពីការសហការរវាងក្រុមហ៊ុនផលិតគ្រឿងអេឡិចត្រូនិចដ៏ធំ SONY ក្នុងកិច្ចសហការផលិតរថយន្តអគ្គិសនីថ្មីសម្រាប់ពិភពលោក។ ក្រុមហ៊ុន Honda ធ្លាប់បានបង្ហាញនូវម៉ូដែល Prologue ជាប្រភេទរថយន្តអគ្គិសនី SUV ដែលជាការសហការរវាងក្រុមហ៊ុនអាមេរិក General Motor នឹងបាននែនាំទៅកាន់ទីផ្សារសហរដ្ឋអាមេរិក ដោយក្រុមហ៊ុនសន្យាថានឹងចេញលក់នៅឆ្នាំ ២០២៤ ខាងមុខ។ Honda ក៏បានចែករំលែកនូវសមត្ថភាពរបស់ Prologue ដែលវាបានភ្ជាប់មកជាមួយនឹងកញ្ចប់ថ្ម Ultium ដូចគ្នាទៅនឹងរថយន្តរបស់ក្រុមហ៊ុន GM មាន Cadillac Lyriq និង GMC Hummer EV ផងដែរ។ ប្រសិនបើ Prologue បញ្ចូលថ្ម ១០០ គីឡូវ៉ាត់ម៉ោង ដូចគ្នាទៅនឹង Lyriq នោះគេរំពឹងថាវានឹងអាចបើកបរបានចម្ងាយប្រហែល ៤៨៣ គីឡូម៉ែត្រនៅពេលសាកថ្មពេញម្តង។  ចំពោះការសហការជាមួយនឹងក្រុមហ៊ុន SONY, Honda ក៏បានបង្ហាញនូវម៉ូដែលអគ្គិសនីដែលមានឈ្មោះប្លែកៗ ផ្តើមដោយអក្សរ “e” នៅក្នុងឈ្មោះនីមួយៗដោយវាបញ្ជាក់ពីប្រភេទរថយន្ដអគ្គិសនី eTechnology របស់ Honda មានដូចជា e: Ny2 រហូតដល់ e:Ny9 ។ តម្រង់នៃរថយន្តអគ្គិសនីទាំងនោះ Honda និងប្រើប្រាស់ Platform ចំនួន ៣ មានទាំងប្រព័ន្ធដែលដំណើរដោយកង់ខាងមុខ ដំណើរការដោយកង់ខាងក្រោយ និងចុងក្រោយប្រព័ន្ធដំណើរការដោយកង់ទាំង ៤។ ជាមួយនឹងប្រភេទម៉ូដែលនីមួយៗ ទាំងអស់នេះអាចនឹងមានទំហំខុសៗគ្នា ប៉ុន្តែក្រុមហ៊ុនមិនទាន់បានបង្ហាញព័ត៌មានអ្វីច្រើនទេអំពីរថយន្ត EV ជំនាន់ក្រោយរបស់ខ្លួន តែក្រុមហ៊ុនបានបញ្ជាក់ថារថយន្តទីមួយគ្រោងនឹងមកដល់នៅឆ្នាំ ២០២៥។ ដោយពិចារណាពីឈ្មោះ EV ចំនួនប្រាំបីជាសញ្ញាសំគាល់មើលទៅដូចជា Honda កំពុងរៀបចំផែនការគ្រប់យ៉ាងរហូតដល់រថយន្ត SUV ដ៏ប្រណិត។ ការមកដល់នៃរថយន្តអគ្គិសនីថ្មីៗអាចនឹងបង្កើតជម្រើសអគ្គិសនីដែលមានលក្ខណៈប្រកួតប្រជែងសម្រាប់ម៉ូដែលពេញនិយមដូចជាម៉ូដែល Civic, Accord និង CR-V ក្នុងរយៈពេលប៉ុន្មានឆ្នាំខាងមុខនេះ ប្រសិនបើត្រកូល "e:Ny" មានការគាំទ្រខ្លាំង៕ អត្ថបទដោយ៖ សូនីតា

រថយន្តអគ្គិសនី Mini របស់ក្រុមហ៊ុន Liuzhou Wuling លេងតែមបែបនេះកាន់តែទាន់សម័យ

  • News

Wuling Hongguang គឺជារថយន្តអគ្គិសនីខ្នាតតូចរបស់ប្រទេសចិនដែលកំពុងតែពេញនិយមខ្លាំងនៅក្នុងទីផ្សារបច្ចុប្បន្ននេះ។ ជាមួយនឹងតម្លៃតម្លៃសមរម្យ បានធ្វើរថយន្តកាន់តែទាក់ទាញចិត្តអតិថិជនគ្រប់វណ្ណៈសូម្បីតែយុវវ័យមួយចំនួនក៏ងាកមកចាប់អារម្មណ៍រថយន្តខ្នាតតូចទាំងនេះ។ ក្រឡេកមកមើលថ្មីក្រុមហ៊ុន Wuling Motor ទើបតែបានបង្ហាញនូវម៉ូដែល Hongguang ប៉ុន្មានគ្រឿងដែលមានការរចនាបែប GameBoy Edition ដែលមើលទៅវាកាន់តែរំលេចភាពទាន់សម័យមករកយុវវ័យកាន់តែខ្លាំង។ សម្រាប់រថយន្តនេះផងដែរវាត្រូវបាននែនាំនិងដាក់លក់ជាបួន Concept ផ្សេងៗគ្នា រួមមានម៉ូដែលទី១ ត្រូវបានគេឱ្យឈ្មោះថា Hurricane Phantom ដែលរួមបញ្ចូលគ្នានូវថ្នាំលាបពណ៌ខ្មៅជាមួយនឹងការលាយបញ្ចូលគ្នានៃពណ៌ក្រហមភ្លឺ។ ទី២  Jungle Crossing ត្រូវបានបញ្ចប់ជាមួយនឹងពណ៌បៃតង Camo និងត្រូវបានបំផុសគំនិតដោយហ្គេមប្រយុទ្ធយោធា។ រីឯពណ៌ត្នោតត្រូវបានដាក់ឈ្មោះថា 'Party Sweetheart' និង 'Interstellar Roaming' បានបញ្ចប់ជាមួយនឹងពណ៌ស។ ខណៈពេលដែលការបញ្ចប់ផ្នែកខាងក្រៅដ៏ពិសេសទាំងនេះធ្វើឱ្យ GameBoy Edition លេចធ្លោចេញពីម៉ូដែលធម្មតា ការផ្លាស់ប្តូរដ៏ទូលំទូលាយក៏ត្រូវបានធ្វើឡើងចំពោះ EV ដែលមានទំហំតូចផងដែរ។ ជាឧទាហរណ៍ ចង្កៀងមុខដែលបានកែប្រែជាមួយនៅអំពូល LED និងអំពូល Daytime running light  រាងជាក្រឡាភ្លើង ព្រមទាំងបានកែប្រែនូវកាងខាងមុខ និងខាងក្រោយថ្មីផងដែរ។ ការផ្លាស់ប្តូរសំខាន់ៗមួយចំនួនក៏ត្រូវបានធ្វើឡើងចំពោះ powertrain នៃ MINI EV GameBoy Edition ។ អ្វីដែលគួរឲ្យកត់សម្គាល់បំផុតនោះ ឥឡូវនេះវាបំពាក់នូវកញ្ចប់ថ្ម lithium-iron-phosphate ដែលមានថាមពល ២៦ គីឡូម៉ែត្រក្នុងមួយម៉ោង ដែលជំរុញម៉ូទ័រអេឡិចត្រិចមានកម្លាំង ៤១ សេះ វាត្រូវបានត្រូវបានគេដឹងថាកញ្ចប់ថ្មដែលពង្រីកនឹងជំរុញសម្រាប់កម្រិតរបស់រថយន្តអាចធ្វើដំណើរបានប្រហែល ៣០០ គីឡូម៉ែត្រ នៅពេលសាកថ្មពេញម្តង។ ក្រុមហ៊ុនមិនទាន់បានបញ្ចេញតម្លៃសម្រាប់ Concept ពិសេសទាំងនេះនោះទេ ប៉ុន្តែដូចដែលយើងធ្លាប់បានដឹងថារថយន្តទាំងនេះវាមានតម្លៃចន្លោះពី ៤០០០ ទៅ ៦០០០ ដុល្លារអាមេរិក៕   

រថយន្ត Hongqi របស់ប្រទេសចិនជាដៃគូរប្រគួតប្រជែង Rolls-Royce មានតម្លៃជិត ៨០ ម៉ឺនដុល្លារ

  • News

 ប្រសិនបើអ្នកចង់បានរថយន្តដែលមានភាពប្រណិត និងផាសុកភាព  ដូចជា Rolls-Royce Phantom នោះអ្នកគ្រាន់តែមានទឹកប្រាក់  ៤៦០,០០០ ដុល្លារអ្នកប្រាកដជាទទួលបានវា។ គ្រប់គ្នាសុទ្ធតែដឹងថា Rolls-Royce គឺជារថយន្តដែលប្រណិតបំផុតនៅក្នុងពិភពលោក។ តែអ្នកប្រហែលជាមិនមិនធ្លាប់បានឮ ពីរថយន្តរបស់ចិនដ៏ប្រណិត ដែលស្រដៀងនិង Rolls-Royce នោះទេ ហើយម៉ាក់យីហោនេះមានឈ្មោះថា Hongqi ជាក្រុមហ៊ុនរថយន្តប្រណីតដែលមានមូលដ្ឋាននៅទីក្រុង Changchun ប្រទេសចិនដោយក្រុមហ៊ុននេះបានបង្ហាញខ្លួនទាំងពីឆ្នាំ ១៩៥៨ មកម្ល៉េះ។ មកដល់ពេលបច្ចុប្បន្នវាគឺជាក្រុមហ៊ុនផលិតដ៏ចំណាស់ជាងគេនៅក្នុងប្រទេសចិនផងដែរ។ ម៉ូដែល Hongqi L5 ជារថយន្តមួយដែលផលិតឡើងដើម្បីប្រគួតប្រជែងជាមួយរថយន្តដ៏ប្រណិតរបស់អឺរ៉ុបដូចជា Rolls-Royce, Bentley, និង Mercedes។ រថយន្តនេះត្រូវបានដាក់លក់ក្នុងតម្លៃប្រហែល ៥ លានយ័ន ដែលស្មើរនិង ៧៦០,០០០ ដុល្លារ។ Hongqi L5 គឺជារថយន្តមួយដែលមានតម្លៃថ្លៃជាងរថយន្តដ៏ប្រណិតរបស់អឺរ៉ុបមួយចំនួន។ ហើយផ្នែកខាងក្នុងនៃរថយន្តមួយនេះត្រូវបានរចនាឡើងយ៉ាងប្រណិត ដោយបានភ្ជាប់មកជាមួយនឹងកង់ទ័រដ៏ប្រណិត ដែលនៅចំកណ្តាលនៃតាប្លូជាមួយនឹងប្រព័ន្ធឌីជីថលដោយបានបំពាក់នៅលើកុងសូលកនៃរថយន្ត។ ចំណែកឯផ្ទៃតាប្លូត្រូវបានរំលេចទៅដោយផ្កាឈូករ័ត្នដែលមានពណ៌មាសគ្របដណ្តប់ស្ទើរតែទាំងស្រុងដោយធ្វើឱ្យអ្នកបើកបរគ្មានអារម្មណ៍ធុញទ្រាន់ក្នុងការបើកបរឡើយ។ រីឯតួរបស់រថយន្តត្រូវបានគ្របដណ្ដប់ទៅដោយពណ៌ខ្មៅ ដែលប៉ាណាខាងមុខ បន្ទះកាងខាងក្រោមនៃប៉ាណា និងគម្របភ្លើងខាងមុខដណ្ដប់ទៅដោយពណ៌ប្រាក់។ បើសិនមើលពីចំហៀងនៃរថយន្តមួយនេះ យើងអាចប្រាកដថាវាកាន់តែស្រដៀងទៅនឹងរថយន្ត Rolls-Royce ។ រថយន្ត Honggi L5 ដែលបានបំពាក់មកជាមួយនឹងម៉ាស៊ីនចំណុះ ៦.០ លីត្រ V12 ដោយផលិតកម្លាំងបាន ៤០២ សេះ។ ដែលដំណើរការដោយប្រព័ន្ធ All wheel Drive ផងដែរ៕   អត្ថបទដោយ៖ ស្រីនុត

BYD Seal របស់ចិនរំពឹងថានឹងប្រជែងជាមួយ Tesla Model 3 នៅខែមេសាខាងមុខនេះ

  • News, New Car

ក្រុមហ៊ុន BYD គឺជាក្រុមហ៊ុនផលិតរថយន្តរបស់ចិនដែលមានទីស្នាក់ការនៅទីក្រុង Shenzhen ខេត្ត Guangdong ដែលបង្កើតឡើងដោយលោក Wang Chuanfu តាំងពីឆ្នាំ ១៩៩៥ មកម្លេះ។ បច្ចុប្បន្ននេះក្រុមហ៊ុន BYD កំពុងតែត្រៀមក្នុងការបង្ហាញនូវគំរូរថយន្តអគ្គិសនីថ្មីមួយប្រភេទដែលហៅថា Seal ដោយនិងបង្ហាញខ្លួននៅខែមេសាខាងមុខនេះ។ ដែលក្រុមហ៊ុន BYD រំពឹងថារថយន្តមួយនេះនឹងអាចក្លាយជាគូប្រជែងដ៏សំខាន់បំផុតរបស់ក្រុមហ៊ុន ជាមួយ Tesla Model 3 ។ ស្របជាមួយគ្នានេះដែរលោក Greg Kable ដែលជាអ្នកសារព័ត៌មានជនជាតិអាឡឺម៉ង់មួយរូបដែលបានបង្ហាញក្រៅផ្លូវការថារថយន្ត  BYD Seal នឹងអាចប្រឈមមុខជាមួយក្រុមហ៊ុនដ៏ធំរបស់អាមេរិកនោះគឺក្រុមហ៊ុន Tesla ។ បើតាមគេហទំព័រ CnEVPost របស់ចិនបានបង្ហាញនូវរូបភាពនៃគំរូរថយន្ត BYD Seal តាំងពីខែមករាមកម្លេះ ដោយពួកគេបាននិយាយថារថយន្តនេះបានរចនាមកជាមួយនឹងកញ្ជក់ទ្វារដែលគ្មានស៊ុមជំវិញ  និងដំបូលកញ្ចក់ដ៏ប្រណិត។ ហើយគេបានកត់សម្គាល់ទៀតថា BYD Seal នឹងអាចភ្ជាប់មកជាមួយ E-platform ៣.០ ដោយប្រព័ន្ឋនេះបានបំពាក់លើម៉ូដែល Dolphin ដែលបានដាក់លក់លើទីផ្សារនៅចុងឆ្នាំ ២០២១ កន្លងទៅ ហើយមានតម្លៃចាប់ ពី ១៤៨២៣ ដុល្លារ ដល់ ១៩២៤៨ ដុល្លារ។ បន្តែមពីនេះទៅទៀត BYD Seal នឹងត្រូវបានបំពាក់ដោយ BYD Blade Battery ដែលមានផ្ទុកថាមពលថ្ម រហូតទៅដល់ ៨០០ វ៉ុល ហើយការសាកថ្មរបំពេញអាចរត់បានចម្ងាយរហូតដល់ ៧០០ គីឡូម៉ែត្រ។ BYD Seal ដោយវាត្រូវបានគេរំពឹងថាវានឹងអាចមានតម្លៃចន្លោះពី ៣៤,៧៦៨  ដុល្លាររហូតដល់ ៤៤,២៥១ ដុល្លារ។ ខណៈក្រុមហ៊ុន BYD កំពុងតែស្វែងរកផ្លូវទៅកាន់អឺរ៉ុប ដែលបច្ចុប្បន្ននេះ BYD Tang EV កំពុងតែឈានជើងចូលទៅក្នុងទីផ្សារប្រទេសន័រវេសផងដែរ  ដោយមានតម្លៃ ៤៣,៨៨០ ដុល្លារ ។ អត្ថបទដោយ៖ សាល សក្កណា  
✔

Copy link Success.

×

វីដេអូ

Ford Ranger ស៊េរីឆ្នាំ២០២២ បានបង្ហាញខ្លួនសម្រាប់ពិភពលោកទាំងមូល នេះជាអ្វីដែលអ្នកទទួលបាន

  • Reviews, New Car

ឡានចាស់សេ៊រីថ្មី ឆ្នាំ២០២២ CR-V របស់ Honda ទទួលបានការរិះគន់ច្រើនប៉ុន្តែបែរជានៅតែលក់ដាច់ទៅវិញ

  • Reviews, New Car

ធ្លាប់តែឃើញឡានហោះនៅ ក្នុងរឿងពេលនេះបានឃើញហើយ ឡានហោះពិតៗ

  • News

ព័ត៌មានពេញនិយម

ចំណាយត្រឹមតែ ៧ ម៉ឺនដុល្លារសម្រាប់ម៉ូដែល F-150 Lightning នឹងធ្វើអោយលោកអ្នកចំណេញទ្វេដង

  • News

មិនបាច់ត្រូវចាំ ៤ ឆ្នាំចិនប្រើសំបក Land Cruiser ស៊េរី 300 ថ្មីគ្របពីលើស៊េរី 200 ចាស់ដូចគ្នាគ្មានទាស់

  • News

អ្នករចនាបង្កើតរូបភាពឌីជីថលនៃរថយន្ត FJ Cruiser អគ្គិសនីថ្មីដែល Toyota គ្រោងនឹងផលិតនាពេលឆាប់ៗនេះ

  • News

Lexus បានបង្ហាញរូបភាពអាវុធថ្មីដែលធ្វើអោយអ្នកគាំទ្រអន្ទះសារចង់ដឹងលម្អិតពីវា

  • News

រថយន្តប្រភេទ Off-Road ទាំង ៥ ដែលមានឥទ្ធិពលបំផុតនៅក្នុងឆ្នាំ ២០២២

  • News, New Car

Hyundai Santa Fe ឆ្នាំ ២០២២ កំពុងតែជួបបញ្ហាដែលតម្រូវឱ្យក្រុមហ៊ុនធ្វើការប្រមូលរថយន្តមកវិញ

  • News

ម្ចាស់រថយន្ត Ford Mustang Mach-E អគ្គិសនីរងភាពអយុត្តិធម៌ជាមួយនឹងវិក័យប័ត្រជួសជុលខ្ទង់ម៉ឺនដុល្លារ 

  • News

Toyota ត្រូវបានគេរាយការណ៍ថាកំពុងធ្វើតេស្ត TRD Pro ដើម្បីប្រកួតប្រជែងជាមួយនិង Ford F-150 Raptor

  • News

Tundra Capstone ឆ្នាំ 2022 ប្រណិតហើយមានតម្លៃថោកជាង F-150 PowerBoost

  • News

Toyota bZ4X GR Sport ត្រៀមដាក់បង្ហាញក្នុងការតាំងពិព័រណ៍រថយន្តTokyo ឆ្នាំ ២០២២

  • News

ប្រភេទ

ស្លាក

ទាញយកកម្មវិធីដោយឥតគិតថ្លៃ