ចិនចាប់យកទីផ្សារថ្មីនឹងដាក់លក់រថយន្តអគ្គិសនីដែលមានតម្លៃសមរម្យនៅក្នុងប្រទេសថៃ

Great Wall Motors ជាក្រុមហ៊ុនផលិតរថយន្តអគ្គិសនីរបស់ប្រទេសចិន ដែលបានបង្កើតឡើងតាំងពីឆ្នាំ 1984។ ក្រុមហ៊ុននេះ គឺជាអ្នកផលិតរថយន្តSport (SUV) និងរថយន្តPick up Trucks ដ៏ធំបំផុតរបស់ប្រទេសចិន។

ថ្មីៗនេះតាមរយៈសារព័ត៌មាន​​​Nekkei Asia បានអោយដឹងថាក្រុមហ៊ុនរបស់ចិនមួយនេះបានឈានជើងចូលទៅក្នុងទីផ្សារប្រទេសថៃជាលើកដំបូងជាមួយនឹងការដាក់លក់រថយន្តEV ក្នុងតម្លៃទាបជាងទីផ្សារបច្ចុប្បន្ន។ សម្រាប់ម៉ូដែលមួយចំនួនដូចជាOra Good Cat មានតម្លៃត្រឹមតែ ៩៨៩០០០បាត ឬ ស្មើនឹង ២៩៨០០ដុល្លា តែប៉ុណ្ណោះ។ វាមានតម្លៃទាបបំផុតបើធៀបទៅនឹងរថយន្តEV របស់ក្រុមហ៊ុនMG Motor ដែលបានដាក់លក់នៅក្នុងប្រទេសថៃ មិនតែប៉ុណ្ណោះរថយន្តនេះមានតម្លៃទាបជាងរថយន្តNissan Leaf រហូតដល់៣០%។

ហើយចំពោះសមត្ថភាពរបស់Ora Good Cat នេះវាអាចធ្វើដំណើរបានចំងាយ៤០០ គីឡូម៉ែត្រ ហើយអាចសាកថ្មបាន៨០% ដោយចំណាយពេលត្រឹមតែ ៤៦នាទី ដោយប្រើប្រាស់ឆ្នាំងសាករហ័សរបស់ក្រុមហ៊ុនGreat wall។ ដំបូងឡើយក្រុមហ៊ុនថានឹងនាំចូលរថយន្តពីប្រទេសចិន ប៉ុន្តែមើលទៅអាចនឹងត្រូវចាប់ផ្តើមនៅក្នុងប្រទេសថៃតែម្តង។

នៅពេលនេះពួកគេបានទិញរោងចក្រដំឡើងពីក្រុមហ៊ុនGeneral Motor គ្រោងនិងប្រែក្លាយប្រទេសមួយនេះជាមជ្ឈមណ្ឌលផលិតរថយន្តអគ្គិសនីដែលគ្របដណ្ដប់តំបន់អាស៊ីទាំងអស់។ បើតាមសំដីនាយកគ្រប់គ្រងGreat wall motor នៅក្នុងប្រទេសថៃលោកNarong Sritalayon រំពឹងថាOra នឹងក្លាយទៅជាល្បែងនៃការផ្លាស់ប្តូរក្នុងឧស្សាហកម្មរថយន្តក្នុងតំបន់។

ក្រឡេកមកមើលទៅសព្វថ្ងៃនេះរថយន្តប្រើសាំងបានគ្របដណ្ដប់ទីផ្សានៅក្នុងតំបន់អាស៊ីជាមួយនិង​ ក្រុមហ៊ុនផលិតរថយន្តរបស់ជប៉ុនដែលកាន់កាប់ភាគហ៊ុនជាង៨០% ទៅ ៩០%។ ទោះប្បីជាយ៉ាងនេះក៏ដោយGreat Wall នឹងចាប់ផ្តើមប្រត្តិបត្តិការលក់រថយន្តនៅក្នុងប្រទេសថៃក្នុងឆាប់ៗនេះ ដែលប្រហែលជាអាចទទួលបានចំណែកទីផ្សារ ១%។