ចិនផលិតរថយន្តអគ្គិសនីរចនាតាម Beetle របស់ Volkswagen តែមានសមត្ថភាពមិនគួរឱ្យជឿ

News
មើល: 1076

ក្រុមហ៊ុនផលិតរថយន្តរបស់ចិនមានភាពល្បីល្បាញក្នុងការចម្លងម៉ូដែលពីក្រុមហ៊ុនផលិតរថយន្តដទៃ ហើយការផលិតក៏មិនបានធ្លាក់ចុះផងដែរក្នុងរយៈពេលប៉ុន្មានខែចុងក្រោយនេះ។

ការចម្លងការរចនាឥតព្រំរបស់ចិនបានបង្ហាញរូបរាងរថយន្តរបស់ខ្លួនជាបន្តបន្ទាប់មានដូចជារថយន្ត SUV Niutron ដែលមានរូបរាងដូចទៅនឹងរថយន្ត Ford Bronco Sport ។

ក្រៅពីនោះក៏នៅមានក្រុមហ៊ុន GreatWall Motor (GWM)ក៏បានបង្ហាញរថយន្ត Tank 500 របស់ខ្លួនថ្មីដែលវាក៏មានភាពដូចគ្នាទៅនឹង Toyota Land Cruiser  ស្ទើរតែទាំងស្រុង ដែលវាខុសគ្នាតែបន្តិចបន្តួចប៉ុណ្ណោះដូចជា logo រថយន្ត។

ក្រឡេកមកមើលក្រុមហ៊ុន Ora ដែលត្រូវបានគេស្គាល់ថាជាម៉ាកយីហោអគ្គិសនីទីពីររបស់ GWM បានបង្ហាញម៉ូដែលរថយន្ត mini ដ៏គួរឱ្យស្រលាញ់មាន Ora Punk Cat និង Ora Ballet Cat ដែលជាប្រភេទរថយន្តអគ្គិសនី មានការរចនាបែបអតីតកាលត្រូវបានបំផុសគំនិតយ៉ាងច្បាស់ដោយនិមិត្តសញ្ញា Volkswagen Beetle។

ព័ត៌មានអំពីលក្ខណៈពិសេសរបស់ Beetle lookalike បានធ្វើទស្សនិជនដែលបានចូលរួមកម្មវិធី 2021 China Chengdu Auto Show មានការចាប់អារម្មណ៍ជាខ្លាំងជាមួយនឹងសមត្ថភាពដ៏មិនគួរឱ្យជឿរបស់វា។

មិនតែប៉ុណ្ណោះមានការចែករំលែកតាមរយៈសារព័ត៌មាន Greg Kable បានបង្ហោះនៅក្នុងបណ្តាញសង្គម Twitter ថារថយន្ត hatchback ទ្វារប្រាំមានបំពាក់មកជាមួយនឹងម៉ូទ័រអេឡិចត្រិចខាងមុខដែលមានសមត្ថភាពផលិតកម្លាំង ១៦៩ សេះ និងកម្លាំងបង្វិលជុំ ២៥០ ញូតុនម៉ែត្រ រីឯល្បឿនអតិបរិមា ១៥៥ គីឡូម៉ែត្រក្នុងមួយម៉ោង ។

ចំពោះកញ្ចប់ថ្មចំនួនពីរត្រូវបានផ្តល់ជូន ដែលមានទំហំធំនឹងមានថាមពល ៥៩.១ គីឡូវ៉ាត់ម៉ោង (kWh) ជាប្រភេទលីចូម អ៊ីយ៉ុង និងទំហំតូចប្រភេទ LFP ដែលមានថាមពល ៤៧.៨ គីឡូវ៉ាត់ម៉ោង (kWh) ។ 

ក្រៅពីការចម្លងរូបរាងខាងក្រៅសូម្បីតែកាប៊ីនក៏មិនមានអ្វីប្លែកពីម៉ូដែលដើមរបស់ Beetle ឡើយ គ្រាន់តែវាមានបំពាក់មកជាមួយនឹងសម្ភារៈទំនើបៗដូចជា អេក្រង់ឌីជីថល និងបូតុងគ្រប់គ្រងនៅលើដៃចង្កូត ហើយរថយន្តនេះនឹងត្រៀមចេញលក់នៅប្រទេសចិននៅថ្ងៃទី ៣០ ខែមីនាខាងមុខនេះ។

ក្រុមហ៊ុនផលិតរថយន្តអាល្លឺម៉ង់បានដឹងអំពីរថយន្ត hatchback របស់ Ora ហើយបាននិយាយកាលពីឆ្នាំមុនថា ពួកយើងកំពុងតែនឹងពិនិត្យមើលអោយកាន់តែលម្អិតបន្ថែមទៀតចំពោះបញ្ហានៃការចម្លងរចនាម៉ូតរថយន្តរបស់ក្រុមហ៊ុនចិន  ហើយយើងក៏មិនទាន់ទទួលបានព័ត៌មានណាដែលថាក្រុមហ៊ុនផលិតរថយន្ត Volkswagen និងចាប់វិធានការយ៉ាងណាចំពោះក្រុមហ៊ុនផលិតរថយន្តទាំងនោះផងដែរ៕  

អត្ថបទដោយ៖ ស្រីនុត 

ចែករំលែក:

Relate Post

មានលុយត្រឹម ៩ ពាន់ដុល្លារជាងក៏អាចទិញរថយន្ដដែលមានការសន្សំសំចៃសាំងបាន

  • News

មួយរយៈពេលចុងក្រោយមកនេះពិភពលោកបន្តជួបវិបត្តិឥតឈប់ឈរបង្កទំនិញឡើងថ្លៃ ហើយជាពិសេសគឺតម្លៃនៃប្រេងសាំង។ សម្រាប់អ្នកបើកបរមួយចំនួនចាប់ផ្តើមគិតបារម្ភអំពីតម្លៃសាំង និងរថយន្តគ្មានបច្ចេកវិទ្យាសន្សំសំចៃប្រេង ប្រសិនបើពួកចង់បានលុះត្រាតែចំណាយលុយច្រើនសម្រាប់ទិញរថយន្តទាំងនោះ។ ប៉ុន្តែវាមិនដូច្នោះទេ សម្រាប់អ្នកដែលថវិការមានកំណត់ក្នុងការទិញរថយន្តថ្ងៃនេះយើងសូមនែនាំរថយន្តមួយម៉ូដែល ដែលមានតម្លៃធូរថ្លៃបំផុតនឹងពេញនិយមបំផុតនៅក្នុងទីផ្សារបច្ចុប្បន្នហើយវាផ្តល់នូវការសន្សំសំចៃប្រេងផងដែរ ហើយរថយន្តនោះត្រូវបានគេស្គាល់ថាជា Toyota Prius ស៊េរីឆ្នាំ ២០០៤ និង ២០០៥។ ក្រុមហ៊ុន Toyota បានដាក់លក់រថយន្ត Prius ជារថយន្តប្រភេទ Hybrid ដែលផលិតនិងមានទីផ្សារជាលក្ខណៈពាណិជ្ជកម្មដំបូងគេក្នុងពិភពលោក។ វាត្រូវបានដាក់លក់នៅប្រទេសជប៉ុនក្នុងឆ្នាំ ១៩៩៧ និងនៅទូទាំងពិភពលោកក្នុងឆ្នាំ ២០០១ ។ ហើយបច្ចុប្បន្ននេះម៉ូដែលមួយនេះនៅតែមានឈ្មោះល្បីល្បាញយ៉ាងខ្លាំង មិនថាទីផ្សារបរទេសនឹងនៅក្នុងទីផ្សារប្រទេសកម្ពុជា ។ ឥលូវនេះមកដឹងពីម៉ាស៊ីនរបស់ Toyota Prius ស៊េរីឆ្នាំ ២០០៤ និង ២០០៥ នេះដោយរថយន្តនេះផ្តល់នូវការសន្សំសំចៃប្រេងសាំងបានច្រើន ហើយវាប្រើប្រាស់ម៉ាស៊ីនចំហេះខាងក្នុងដែលដំណើរការជាមួយប្រព័ន្ធ Hybrid ដែលប្រើបាននៅពេលបើកបរក្នុងល្បឿនទាប តែប្រសិនបើបើកបរជាមួយល្បឿនលឿនវានឹងកាត់ចូលម៉ាស៊ីនសាំងដោយស្វ័យប្រវត្ដិ។ ទាំង២ ស៊េរីនេះមានថាមពលខ្លាំងដែលវាមានម៉ាស៊ីនចំណុះ ១.៥ លីត្រ ៤ស៊ីឡាំង ជាមួយប្រអប់លេខស្វ័យប្រវត្ដិ ២ វគ្គប្រភេទ CVT មានកម្លាំង ១១០ សេះ នឹងកម្លាំងបង្វិលជុំ ៨២ ញូតុនម៉ែត្រ។ វាត្រូវបានដំណើរការដោយប្រព័ន្ធប៉ុងមួយខាងមុខហើយជាមួយបច្ចេកវិទ្យាប្រព័ន្ធហ្វាំង ABS ដោយវាអាចជាន់ស្ទុះពី ០ ទៅ ៩៦ គីឡូម៉ែត្រក្នុងមួយម៉ោងដោយប្រើរយៈពេល ២ វិនាទី។ ម៉ាស៊ីនដែលបំពាក់នៅលើរថយន្ត និងជំនួយពីប្រព័ន្ធ Hybrid ការវាស់កំរិតស៊ីសាំងប្រមាណ ៤.៣ លីត្រក្នុង ១០០ គីឡូម៉ែត្រ។ សម្រាប់សមាមាត្រវិញ រថយន្ដមួយនេះមានកម្ពស់ ១៤៧.៥ សង់ទីម៉ែត្រ ដែលមានប្រវែងបណ្ដោយ ៤៤៤.៥ សង់ទីម៉ែត្រ ទទឹង ១៧២.៥ សង់ទីម៉ែត្រ និងកម្ពស់ពីដីប្រវែង ១២.៤៤ សង់ទីម៉ែត្រ។ ប្រសិនអ្នកកំពុងស្វែងរករថយន្តដែលមានតម្លៃសមរម្យ ទំហំសមល្មមសម្រាប់គ្រួសារ ម៉ូដែលមួយនេះជាជម្រើសល្អបំផុត ជាពិសេសសម្រាប់អ្នកកំពុងតែស្វែងរករថយន្ដដែលមានការសន្សំសំចៃសាំងខ្ពស់ និងគ្រឿងបន្លាស់ក៏មានតម្លៃសមរម្យ ឯការបើកបរមានផាសុកភាពនិងជារថយន្តដែលពេញនិយមនាពេលបច្ចុប្បន្ន។ ហើយសម្រាប់តម្លៃហាងឆេងនៅស្រុកបច្ចុប្បន្នម៉ូដែល Prius ស៊េរីឆ្នាំ ២០០៤ រឺ ២០០៥ សំរាប់រថយន្ដស្លាកលេខមានតម្លៃចន្លោះពី ៨,៥០០ ដល់ ៩,៨០០ ដុល្លារ៕ អត្ថបទដោយ៖ សូនីតា

រថយន្ត Range Rover ទាំងអស់នឹងក្លាយជាម៉ូដែលអគ្គិសនីសុទ្ធត្រឹមឆ្នាំ ២០៣០

  • News

ក្នុងរយៈពេលបុ៉ន្មានឆ្នាំកន្លងមកនេះឧស្សាហ៍កម្មផលិតរថយន្តដែលប្រើប្រាស់ថាមពលអគ្គីសនីមានការកើនឡើងជាបន្ដរបន្ទាប់។ ដោយឡែកបច្ចុប្បន្ននេះមានម៉ាកយីហោរជាច្រើនក៏កំពុងតែដាក់បង្ហាញលើទីផ្សារផងដែលមានដូចជាក្រុមហ៊ុន Tesla ,Kia ,Honda ,BYD និងមានក្រុមហ៊ុនផលិតរថយន្ដរបស់ចិនជាច្រើនទៀតផងដែរ។ ហើយថ្មីៗនេះក្រុមហ៊ុន Jaguar Land Rover ក៏នឹងមានគំរោងដ៏ធំមួយនឹងបានសន្យាថានៅបុ៉ន្មានឆ្នាំខាងមុខទៀតក្រុមហ៊ុននឹងផលិតរថយន្ដម៉ូដែល Range Rover ជំនាន់ថ្មីដែលបំពាក់ជាមួយថាមពលអគ្គីសនីទាំងស្រុង។ ជាការពិតណាស់ JLR នឹងត្រូវបង្កើនថាមពលអគ្គិសនីក្នុងជួរម៉ូដែលរបស់ខ្លួនដើម្បីសម្រេចបាននូវគោលដៅរបស់ពួកគេ។ ហើយបច្ចុប្បន្ននេះរថយន្តត្រូវបានបំពាក់មកជាមួយប្រព័ន្ធ Hybrid បណ្តើរៗលើម៉ូដែល Range Rover  រួចមកហើយនឹងកំណែ Plug-in Hybrid របស់ Defender ក៏កំពុងដំណើរការផងដែរ។ ទីបំផុត Range Rover សេ៊រីថ្មីត្រូវបានបង្ហាញហើយប្រហែលជាការទទួលយកដ៏ធំបំផុតគឺជាព័ត៌មានផ្លូវការដែលរថយន្ត SUV ជំនាន់ទី ៥ នឹងប្រើប្រាស់ជាមួយអគ្គិសនីពេញលេញនឹងធ្វើឱ្យការផ្លាស់ប្តូរទៅជាម៉ូដែលអគ្គិសនីទាំងអស់អោយកាន់តែងាយស្រួល។ រថយន្តអគ្គិសនីដែលមានទំហំធំមិនទាន់បានជ្រៀតចូលទៅក្នុងទីផ្សារខ្លាំងនៅឡើយដូច្នេះហើយ Land Rover មានឱកាសកំណត់ស្តង់ដារថ្មីជាមួយនឹង Range Rover EV។ សម្រាប់ក្រុមហ៊ុន Jaguar វិញវាក៏បានប្រកាសកាលពីឆ្នាំមុនថាខ្លួននឹងក្លាយជាក្រុមហ៊ុនផលិតរថយន្តសម្រាប់តែរថយន្ត EV នៅឆ្នាំ ២០២៥។ លោក Rossella Cardone ដែលជាប្រធានការិយាល័យនិរន្តរិ៍ភាពនៅ JLR បាននិយាយថា នៅពេលដែលយើងផ្លាស់ប្តូរពីមហិច្ឆតាទៅជាសកម្មភាពឥឡូវនេះយើងកំពុងបញ្ចូលវាទៅក្នុងហ្សែន Jaguar Land Rover ដើម្បីកាត់បន្ថយការបំភាយឧស្ម័ន។ រថយន្តម៉ូដែល Range Rover អគ្គិសនីថ្មីនេះត្រូវបានគេរំពឹងទុក្ខថានឹងអាចធ្វើដំណើរបានគ្រប់ស្ថានភាពផ្លូវលំបាកៗហើយក្រុមហ៊ុន  JLR នឹងបង្ហាញពេលវេលាច្បាស់លាស់នៅឆ្នាំ ២០៣០ ខាងមុខនេះ៕ អត្ថបទដោយ៖ សូនីតា

បើកបង្ហាញម៉ូដែលទាំង ៨ របស់ TOYOTA ដែលពេញនិយមបំផុតសម្រាប់ឆ្នាំ ២០២២

  • News

Toyota ដែលជាក្រុមហ៊ុនរថយន្តធំជាងគេនៅប្រទេសជប៉ុន ក៏ជាក្រុមហ៊ុនផលិតរថយន្តដ៏ធំបំផុតមួយរបស់ពិភពលោកផងដែរ។ Toyota មានម៉ូដែលជាច្រើនកំពុងចរាចរណ៍នៅលើទីផ្សារ មួយក្នុងចំនោមកំពូលរថយន្តទាំងនោះម៉ូដែល Corolla ស្ថិតក្នុងចំណោមរថយន្តដែលលក់ដាច់បំផុតនៅលើពិភពលោក។ ហើយបច្ចុប្បន្នម៉ាកយីហោរនេះក៏កំពុងបន្តចែកចាយរថយន្តជាច្រើនម៉ូដែល ប៉ុន្តែនៅក្នុងនោះយើងសង្កេតឃើញថាមានម៉ូដែលមួយចំនួនកំពុងទទួលបានការចាប់អារម្មណ៍យ៉ាងខ្លាំងពីអ្នកប្រើប្រាស់។ ហើយក្នុងអត្ថបទនេះយើងនឹងមកបង្ហាញម៉ូដែលទាំង ៨ ដែលកំពុងពេញនិយមខ្លាំងសម្រាប់ឆ្នាំ ២០២២៖   ១. Toyota RAV4 Prime ស៊េរីឆ្នាំ ២០២២ រថយន្ត RAV4 មិនខុសពីម៉ូដែល Corolla គឺស្ថិតនៅក្នុងចំណាត់ថ្នាក់កំពូលមួយនៅទូទាំងពិភពលោក។ សម្រាប់ស៊េរីឆ្នាំ ២០២២ នេះ Toyota បានកែប្រែពិសេសទៅលើ RAV4 Prime ដោយបានបំពាក់នូវ Plug-in Hybrid ជាមួយនឹងម៉ាស៊ីនដែលមានចំណុះ ២.៥ លីត្រមានស៊ីឡាំង ៤ ផ្តល់នូវការបង្កើនល្បឿន និងសន្សំសំចៃប្រេងបានយ៉ាងល្អ។ រថយន្តនេះដំណើរការដោយប៉ុងទាំងអស់ (AWD) នឹងមានលក្ខណៈស្តង់ដារហើយ RAV4 Prime អាចធ្វើដំណើរបានចម្ងាយ ៦៧ គីឡូម៉ែត្រដោយម៉ូទ៏រអគ្គិសនីសុទ្ធ។ Toyota បានដាក់លក់ RAV4 Prime នៅក្នុងតម្លៃ ៤១,០១៥ ដុល្លារដែលជាតម្លៃចេញពីររោងចក្រ។    ២. Toyota Sienna ស៊េរីឆ្នាំ ២០២២  រថយន្ត Minivan ទ្វារ ៥ ទទួលបានការរចនាឡើងវិញយ៉ាងសំខាន់សម្រាប់ឆ្នាំ ២០២១។ សម្រាប់ម៉ូដែលឆ្នាំ ២០២២ យើងក៏ឃើញមានការកែប្រែមួយចំនួន ដែលធ្វើឱ្យ Sienna ទទួលបានចាប់អារម្មណ៍ខ្លាំងជាងឆ្នាំមុនៗ ហើយរថយន្តច្រើនជាង ១០០,០០០ គ្រឿងត្រូវបានលក់ចេញ។ Sienna បានបំពាក់មកជាមួយនឹងម៉ាស៊ីនចំណុះ ២.៥ លីត្រ ស៊ីឡាំង ៤ នឹងម៉ូទ័រអេឡិចត្រិចមួយគូរ ផ្សំគ្នាដើម្បីបង្កើតកម្លាំង ២៤៣ សេះ។ ដូចឆ្នាំមុនៗ Sienna ត្រូវបានផ្តល់ជូនផ្តាច់មុខជារថយន្ត Hybrid ហើយវាក៏ជារថយន្តមួយក្នុងចំណោមរថយន្តធុនស្រាលនៅលើទីផ្សារដែលដំណើរការដោយប៉ុងទាំងអស់ (AWD) នឹងមានតម្លៃ ៣៥,៩២៥ ដុល្លារ តម្លៃចេញពីររោងចក្រ។   ៣. Toyota Tundra ស៊េរីឆ្នាំ ២០២២ Tundra ទទួលបានលក្ខណៈពិសេសផ្នែកខាងក្រៅថ្មីសម្រាប់ឆ្នាំ ២០២២ ដូចជាប៉ាណាដ៏ធំ និងជម្រើស Hybrid V6 ដែលផ្តល់ឱ្យអ្នកនូវកម្លាំងបង្វិលជុំបន្ថែមរហូតដល់ ៦៤៩ ញ៉ូតុនម៉ែត្រ។ នៅខាងក្នុងប្រព័ន្ធ infotainment ក៏មានការរចនាប្រសើរឡើងផងដែរ លើសពីនេះទៀតវាមានជម្រើសដំណើរការដោយប៉ុងទាំងពីរ (4WD) អាចបិទបើកបាន នឹងដាក់លក់នៅក្នុងតំម្លៃ ៣៧,៦៤៥ ដុល្លារឡើងទៅ ក៏ជាតម្លៃចេញពីររោងចក្រ។ ជំនាន់ថ្មី Tundra មានម៉ាស៊ីនមូលដ្ឋានចំណុះ ៣.៥ លីត្រ twin-turbo V-6 ផ្តល់កម្លាំង ៣៨៩ សេះ។    ៤. Toyota Highlander ស៊េរី២០២២ រថយន្តប្រភេទ SUV មានកៅអីអង្គុយចំនួន ៣ ជួរ ដែលពេញនិយមខ្លាំងនៅក្នុងទីផ្សារកម្ពុជា គឺជារថយន្តដែលលក់ដាច់បំផុតនៅក្នុងថ្នាក់របស់ Toyota អស់រយៈពេល ២០ ឆ្នាំ។ ស៊េរីថ្មីបានបំពាក់មកជាមួយនឹងម៉ាស៊ីន V6 ចំណុះ ៣.៥ លីត្រ ផលិតកម្លាំង ២៩៥ សេះ ដែលភ្ជាប់មកជាមួយនឹងប្រអប់លេខស្វ័យប្រវត្តិ ៨ វគ្គ។ ការដំណើរការដោយប៉ុងខាងមុខ ឬដំណើរការដោយប៉ុងប៉ុងទាំងពីរ ព្រមទាំងប្រើប្រាស់ជាមួយប្រព័ន្ធ Hybrid ធ្វើឱ្យ Highlander ថ្មីមានតម្លៃខ្លួនដល់ទៅ ៣៦,៦២០ ដុល្លារ ជាតម្លៃចេញពីររោងចក្រ។    ៥. Prius Prime ស៊េរីឆ្នាំ ២០២២ Prius ដែលជារថយន្ត Hatchback ធន់ស្រាលរបស់ Toyota ដ៏ល្បីល្បាញមួយទៀត ក៏ជារថយន្តដំបូងគេបង្អស់ដែលផលិតឡើងដោយភ្ជាប់មកជាមួយនឹងបច្ចេកវិទ្យា Hybrid ផ្តល់នូវការសន្សំសំចៃប្រេងដល់អ្នកប្រើប្រាស់។ ការរចនាបន្ថែមសម្រាប់ Prius Prime ស៊េរីឆ្នាំ ២០២២ ផ្តល់ជូននូវ Option ចំនួនបី កំណែ Plug-in Hybrid Prime នឹងលក្ខណៈពិសេសស្តង់ដារដូចជាកៅអីខាងមុខដែលមានកំដៅងាយស្រួលក្នុងការបើកបរ។ ជាមួយនឹងតម្លៃចេញពីរោងចក្រ ២៩,២៤៥ ដុល្លារដែលអ្នកបានកំណត់ Prius ផ្តល់ឱ្យអ្នកនូវម៉ាស៊ីន ៤ ស៊ីឡាំងដែលដំណើរការដោយម៉ូទ័រអេឡិច កញ្ចប់ថ្ម និង ប្រអប់លេខ CVT ស្វ័យប្រវត្តិដើម្បីបង្កើនប្រសិនភាពដល់ Prime។    ៦. Toyota Venza ស៊េរីឆ្នាំ ២០២២ រថយន្ត SUV មានកៅអីពីរជួ Toyota Venza បានត្រឡប់មកវិញជាមួយនឹងនាំយកនូវប្រព័ន្ធ Hybrid powertrain ទទួលបានការសន្សំសំចៃប្រេងកាន់តែប្រសើរ។ វាត្រូវបានរួមបញ្ចូលនៅក្នុងត្រកូល Crossover ដែលមាន Venza, RAV4 និង Highlander។ Venza ត្រូវបានផ្តល់ជូនផ្តាច់មុខជារថយន្ត Hybrid ដំណើរការដោយការដំឡើងដែលមានម៉ាស៊ីនសាំង ៤ ស៊ីឡាំង ចំណុះ ២.៥ លីត្រ និងម៉ូទ័រអេឡិចត្រិចចំនួន ៣ ដែលរួមគ្នាបង្កើតកម្លាំង ២១៩ សេះ។ បើនិយាយពីតម្លៃថោកជា Highlander បន្តិចគឺវាមានតម្លៃ ៣៤,១០៥ ដែលជាតម្លៃចេញពីរោងចក្រ។    ៧. Toyota Corolla Cross ស៊េរីឆ្នាំ ២០២២ ថ្មីបំផុតសម្រាប់ឆ្នាំ ២០២២ Toyota Corolla Cross គឺជារថយន្តប្រភេទ SUV ដែលគួរឱ្យចាប់អារម្មណ៍វាមានទំហំតូចជាង C-HR ប៉ុន្តែធំជាង RAV4។ Corolla Cross ថ្មីបានផ្តល់នូវសុវត្ថិភាពពិសេសបំផុតដែលអាចឱ្យជ្រើសរើសវាជារថយន្តដែលមានការគាំទ្រច្រើន។ យ៉ាងណាមិញក្រៅពីប្រព័ន្ធសុវត្ថិភាពខ្ពស់វាក៏បានបំពាក់មកជាមួយនឹងម៉ាស៊ីនចំណុះ ២.០ លីត្រ មានស៊ីឡាំង ៤ ផលិតកម្លាំងបាន ១៦៩ សេះ និងប្រើប្រាស់ប្រអប់លេខ Variable automatic។ បច្ចុប្បន្ន Corolla Cross កំពុងពេញនិយមនៅលើទីផ្សារទូទាំងពិភពលោក ហើយក្រុមហ៊ុន Toyota ក៏បានកំណត់តម្លៃចេញពីរោងចក្រ ២៣,៤១០ ដុល្លារ។   ៨. Toyota Camry ស៊េរីឆ្នាំ ២០២២ Toyota Camry សេ៊រីឆ្នាំ ២០២២ រថយន្តដ៏ពេញនិយមបំផុតមិនថាក្នុងទីផ្សារប្រទេសកម្ពុជា ឬ ទីផ្សារនានាលើពិភពលោក Toyota គឺបានធ្វើអាប់ដេតសម្រាប់ម៉ូដែលមិនធ្វើឱ្យអ្នកបើកបរមានអារម្មណ៍នឿយណាយនោះទេ។ ការផ្លាស់ប្តូរដ៏សំខាន់បំផុតរបស់ Camry សម្រាប់ឆ្នាំ ២០២២ គឺជាកម្រិតតុបតែងថ្មី Nightshade Edition សម្រាប់កំណែ Hybrid។ Toyota Camry ផ្តល់ឱ្យអ្នកបើកបរនូវជម្រើសនៃការបញ្ជូនថាមពលពីរផ្សេងគ្នា។ ទាំងនេះរួមបញ្ចូលម៉ាស៊ីន ៤ ស៊ីឡាំង ២.៥ លីត្រដ៏ខ្លាំងក្លា និងម៉ាស៊ីន V6 ៣.៥ លីត្រដែលមានថាមពល D-4S Fuel Injection ។ លក្ខណៈពិសេសជាច្រើនត្រូវបានបញ្ចូលនៅលើ Camry ហើយកំណត់តម្លៃមូលដ្ឋានចាប់ផ្តើមពី ២៦,៤២០ ដុល្លារជាតម្លៃចេញពីររោងចក្រ៕ អត្ថបទដោយ៖ សូនីតា

រថយន្តអគ្គិសនី Pickup របស់ Ford បំពាក់កញ្ចប់ថ្មធំមានតម្លៃជិត ១០ ម៉ឺនដុល្លារចេញពីរោងចក្រ

  • News

ក្រុមហ៊ុន Ford Motor Company គឺជាក្រុមហ៊ុនផលិតរថយន្តរបស់អាមេរិក ដែលកំពុងតែប្រកួតប្រជែងជាខ្លាំងនៅទីផ្សាររថយន្តនាពេលបច្ចុប្បន្ន ជាពិសេសសម្រាប់រថយន្តដែលជាបច្ចេកវិទ្យាថ្មីដំណើរដោយថាមពលអគ្គិសនីសុទ្ធ។ ក្រុមហ៊ុនធ្លាប់បានបង្ហាញរួចមកហើយនូវម៉ូដែលអគ្គិសនីរបស់ខ្លួនកាលពីឆ្នាំមុន ដែលមានទាំងរថយន្ត Mustang អគ្គិសនី និង ប្រភេទភីកអាប់អគ្គិសនី ។ Ford F-150 Lightning ដែលជារថយន្តភីកអាប់អគ្គីសនីដំបូងគេដែលបង្ហាញខ្លួននៅលើទីផ្សារ ហើយក្រុមហ៊ុនក៏ទើបតែធ្វើការដឹកជញ្ជូនជូនអតិថិជនកាលពីពេលថ្មីៗ ដោយស៊េរីឆ្នាំ ២០២២ មកជាមួយនឹងតម្លៃចេញពីរោងចក្រចាប់ពី ៣៩,៩៧៤ ដុល្លារ សម្រាប់ Option F-150 lightning Pro និងអាចឡើងដល់ ៩០,៨៧៤ ដុល្លារសម្រាប់ Option Platinum ដ៏ប្រណិត។ បើនិយាយសម្រិតនៃកញ្ចប់ថ្មដែលបំពាក់នៅលើ F-150 Lightning Pro ជាមួយនឹងកញ្ចប់ថ្មតូច ៩៨ គីឡូវ៉ាត់ម៉ោង នឹងអាចបើកបរបានចំងាយ ៣២០ គីឡូម៉ែត្រនៅពេលសាកថ្មពេញម្តង។ លើសពីនោះ Ford នឹងផ្តល់ថាមពលថ្មធំជាង ១៣១ គីឡូវ៉ាត់ម៉ោង ដែលផ្តល់ការបើកកាន់តែឆ្ងាយ ហើយប្រាកដណាស់វាត្រូវបានជ្រើសរើសបំពាក់នៅលើ Lightning Platinum ដ៏ប្រណិតបំផុត ជាមួយនឹងកំណែដ៏មានឥទ្ធិពលបំផុតដែលមានកម្លាំងសរុប ៥៦៣ សេះ និងកម្លាំងបង្វិល ១០៥០ ញូតុនម៉ែត្រ ដោយសារម៉ូទ័រពីររបស់វា។ Linda Zhang ដែលជាប្រធានវិស្វករកម្មវិធីសម្រាប់ F-150 Lightning បាននិយាយថា យើងផ្តោតលើការបន្តធ្វើឱ្យប្រសើរឡើងនូវប្រសិទ្ធភាពនៃការប្រើប្រាស់ថាមពលរបស់យើងសម្រាប់ Lightning ហើយក្រុមការងារពិតជារីករាយក្នុងការផ្តល់នូវលទ្ធផលទាំងនេះសម្រាប់អតិថិជនរបស់យើង។ ម៉ូដែល F-150 Lightning មានការប្រកួតប្រជែងខ្ពស់ជាមួយនឹងរថយន្តអគ្គីសនី ផ្សេងទៀតនៅលើទីផ្សារ ទាំងរថយន្តប្រភេទ Truck និង SUV ៕ អត្ថបទដោយ៖ សូនីតា

រថយន្ត BMW i3 ជាច្រើនគ្រឿងត្រូវបានប្រទះឃើញបោះបង់ចោលនៅកណ្តាលព្រៃនៃកោះជេជូ ប្រទេសកូរ៉េ

  • News

រថយន្តអគ្គិសនីម៉ូដែល BMW i3 ជាច្រើនគ្រឿងត្រូវគេបោះបង់ចោលនៅកណ្តាលព្រៃនៅជាប់ផ្លូវលើភ្នំ Goseong សង្កាត់ Awol នៃទីកោះ Jeju ប្រទេសកូរ៉េ។ បើតាមគេហទំព័ររបស់ Korea Times បានចុះផ្សាយថារថយន្តទាំងនោះត្រូវបានក្រុមហ៊ុនជួលរថយន្តទុកចោល បន្ទាប់ពីក្រុមហ៊ុនបានក្ស័យធន។ យោងតាមរបាយការណ៍ក្នុងស្រុកបន្ទាប់ពីក្រុមហ៊ុនបានក្ស័យធនរថយន្តទាំងអស់ មិនអាចដំណើរការបានទៀតទេ នឹងត្រូវបានទុកចោលជាបណ្ដោះអាសន្ន។ ចាប់ពីឆ្នាំ ២០១៦ រហូតដល់ឆ្នាំ ២០១៧ ក្រុមហ៊ុនបានទិញរថយន្ដម៉ូដែល BMW  i3s ចំនួន ២០០ គ្រឿងតាមរយៈការបង់រំលស់ប្រចាំខែ ក៏ប៉ុន្តែអាជីវកម្មមួយនេះមិនដំណើរការល្អនោះទេ ហើយក្រុមហ៊ុនក៏បានក្ស័យធន ដោយមិនអាចសងប្រាក់កម្ចីនិងពន្ធដែលនៅសេសសល់រថយន្តទាំងអស់ក៏ត្រូវបានរឹបអូស។ ចំណែកឯសារព័ត៌មានក៏បានអោយដឹងថាក្រុមហ៊ុន BMW នៅប្រទេសកូរ៉េបានទទួលយល់ព្រមពីតុលាការកាលពីថ្ងៃទី ១៧ ខែឧសភា ដើម្បីទទួលបានរថយន្តដែលបោះបង់ចោលតាមរយៈការដេញថ្លៃមួយ។ ហើយនេះក៏មិនមែនជាលើកទីមួយទេដែលក្រុមហ៊ុនជួលរថយន្តនៅលើកោះមួយនេះបានធ្វើរឿងបែបនេះ ក្រុមហ៊ុនមួយចំនួនជ្រើសរើសការបោះបង់ចោលរថយន្ត ព្រោះតែត្រូវចំណាយពេលយូរក្នុងការជួសជុលរថយន្តអគ្គិសនីជាងរថយន្តប្រើសាំងធម្មតា។ បើតាមសំដីអ្នកធ្វើការនៅក្រុមហ៊ុនមួយដែលកាន់កាប់រថយន្ដម៉ូដែល BMW i3 ១០គ្រឿង បាននិយាយថាវាមានហិរញ្ញវត្ថុច្រើនលើសលប់ក្នុងការគ្រប់គ្រងរថយន្តជួលប្រភេទអគ្គិសនីបើប្រៀបធៀបទៅនឹងរថយន្តដែលមានម៉ាស៊ីនចំហេះខាងក្នុង។ រដ្ឋាភិបាលគ្រប់គ្រងកោះ Jeju បានហាមឃាត់ក្រុមហ៊ុនជួលមិនឱ្យលក់ ឬបោះចោលរថយន្តអគ្គីសនីរបស់ពួកគេដែលបានទិញដោយមានជំនួយឥតសំណងរបស់រដ្ឋាភិបាលក្នុងរយៈពេលពីរឆ្នាំដំបូង ដោយសារតែប្រាក់ជំនួយឥតសំណងរបស់រដ្ឋាភិបាលមានចំនួនច្រើន។ សម្រាប់ម៉ូដែល i3 ឆ្នាំ ២០១៨ ដែលលក់ក្នុងតម្លៃ ៦០ លានវ៉ុន (៤៩,៤០១ ដុល្លារ) រដ្ឋាភិបាលបានចំណាយប្រាក់ឧបត្ថម្ភជិត ១៧ លានវ៉ុន(១៣,៩៩៧ ដុល្លារ) ប៉ុន្តែមិនមានច្បាប់បច្ចុប្បន្នអនុញ្ញាតឱ្យរដ្ឋាភិបាលយកមកវិញនូវប្រាក់ឧបត្ថម្ភដែលក្រុមហ៊ុនជួលដើម្បីទិញរថយន្តសូម្បីតែក្រុមហ៊ុនទាំងនោះក្ស័យធន់។ ខាងសារព័ត៌មានបានរាយការណ៍ថា រហូតមកដល់ចុងឆ្នាំ ២០២០ រដ្ឋាភិបាល Jeju បានឃើញរថយន្តអគ្គីសនីជាង ៤,១០០ គ្រឿងត្រូវបានទិញនៅលើកោះនេះជាមួយនឹងការឧបត្ថម្ភរហូតដល់ ៥៨ ពាន់លានវ៉ុន(៤៧,៧៥៤,៨៩៧ ដុល្លារ)៕  
✔

Copy link Success.

×

វីដេអូ

Ford Ranger ស៊េរីឆ្នាំ២០២២ បានបង្ហាញខ្លួនសម្រាប់ពិភពលោកទាំងមូល នេះជាអ្វីដែលអ្នកទទួលបាន

  • Reviews, New Car

ឡានចាស់សេ៊រីថ្មី ឆ្នាំ២០២២ CR-V របស់ Honda ទទួលបានការរិះគន់ច្រើនប៉ុន្តែបែរជានៅតែលក់ដាច់ទៅវិញ

  • Reviews, New Car

ធ្លាប់តែឃើញឡានហោះនៅ ក្នុងរឿងពេលនេះបានឃើញហើយ ឡានហោះពិតៗ

  • News

ព័ត៌មានពេញនិយម

ចំណាយត្រឹមតែ ៧ ម៉ឺនដុល្លារសម្រាប់ម៉ូដែល F-150 Lightning នឹងធ្វើអោយលោកអ្នកចំណេញទ្វេដង

  • News

មិនបាច់ត្រូវចាំ ៤ ឆ្នាំចិនប្រើសំបក Land Cruiser ស៊េរី 300 ថ្មីគ្របពីលើស៊េរី 200 ចាស់ដូចគ្នាគ្មានទាស់

  • News

អ្នករចនាបង្កើតរូបភាពឌីជីថលនៃរថយន្ត FJ Cruiser អគ្គិសនីថ្មីដែល Toyota គ្រោងនឹងផលិតនាពេលឆាប់ៗនេះ

  • News

Lexus បានបង្ហាញរូបភាពអាវុធថ្មីដែលធ្វើអោយអ្នកគាំទ្រអន្ទះសារចង់ដឹងលម្អិតពីវា

  • News

រថយន្តប្រភេទ Off-Road ទាំង ៥ ដែលមានឥទ្ធិពលបំផុតនៅក្នុងឆ្នាំ ២០២២

  • News, New Car

Hyundai Santa Fe ឆ្នាំ ២០២២ កំពុងតែជួបបញ្ហាដែលតម្រូវឱ្យក្រុមហ៊ុនធ្វើការប្រមូលរថយន្តមកវិញ

  • News

ម្ចាស់រថយន្ត Ford Mustang Mach-E អគ្គិសនីរងភាពអយុត្តិធម៌ជាមួយនឹងវិក័យប័ត្រជួសជុលខ្ទង់ម៉ឺនដុល្លារ 

  • News

Tundra Capstone ឆ្នាំ 2022 ប្រណិតហើយមានតម្លៃថោកជាង F-150 PowerBoost

  • News

Toyota ត្រូវបានគេរាយការណ៍ថាកំពុងធ្វើតេស្ត TRD Pro ដើម្បីប្រកួតប្រជែងជាមួយនិង Ford F-150 Raptor

  • News

Toyota bZ4X GR Sport ត្រៀមដាក់បង្ហាញក្នុងការតាំងពិព័រណ៍រថយន្តTokyo ឆ្នាំ ២០២២

  • News

ប្រភេទ

ស្លាក

ទាញយកកម្មវិធីដោយឥតគិតថ្លៃ