ម៉ូដែល Mercedes-AMG C43 ស៊េរីឆ្នាំ ២០២៣ កម្លាំងខ្លាំង ៤០២ សេះ ជាមួយនឹងស៊ីឡាំង ៤

News
មើល: 1069

បន្ទាប់ពីការមកដល់ថ្មីនៃរថយន្ត Mercedes-AMG C43 ស៊េរីឆ្នាំ ២០២៣ ។ វាគឺជាម៉ូដែលដ៏ពេញនិយមសម្រាប់ម៉ាកនេះចាប់តាំងពីវាត្រូវបានណែនាំកាលពីប៉ុន្មានឆ្នាំមុន។

ហើយការផ្លាស់ប្តូរដ៏ធំបំផុតភាគច្រើនកើតឡើងនៅក្នុង drivetrain រួមទាំង turbo អគ្គិសនីថ្មី និងប្រព័ន្ធ Hybrid វាបានមកជាមួយម៉ាស៊ីន M139 ចំណុះ ២.០ លីត្រ មានស៊ីឡាំងបួន។

ដែលអាចបង្កើនកម្លាំងបាន ៤០២ សេះ និងកម្លាំងបង្វិល ៥០០ ញូតុនម៉ែត្រ វាក៏មានការជំរុញល្បឿនបាន ១៣ សេះពីប្រព័ន្ធ Hybrid របស់រថយន្ត ហើយវាបញ្ចូនចលនាតាមរយៈប្រអប់លេខប្រាំបួនវគ្គស្វ័យប្រវត្តិ ដ៏ល្អឥតខ្ចោះរបស់ក្រុមហ៊ុន Mercedes ។

នៅខាងក្នុងកាប៊ីនក៏មើលទៅល្អជាងពេលមុនៗ ដែលរួមមានទាំងអេក្រង់ infotainment នៅលើកុងសុលកណ្តាលទំហំ ១១.៩ អ៊ីងថ្មី និងកុងទ័រល្បឿនឌីជីថលទំហំ ១២.៣ អ៊ីង ហើយប្រើប្រាស់ជាមួយប្រព័ន្ធ Apple CarPlay និង Android Auto ឥតខ្សែ។

វាបានធ្វើឱ្យផ្ទៃខាងក្នុងមានអារម្មណ៍បែបស្ព័រដោយដៃចង្កូត AMG បានរចនាដោយស្បែកដ៏ប្រណិតហើយនៅលើដៃចង្កូតរថយន្ដអាចជ្រើសរើសកំរិតបើកបរបានប្រាំជម្រើសមានដូចជា Slippery, Comfort, Sport, Sport + និង Individual ។

ហើយផ្នែកខាងក្រៅបានមកជាមួយប៉ាណាធំដែលមើលទៅកាន់តែអស្ចារ្យ ចង្កៀងខាងមុខបានបំពាក់ប្រភេទភ្លើង LED វាក៏បានបំពាក់ដោយស៊ីម៉ាំងប ៤ ដែលមើលទៅកាន់តែស្រស់ស្អាតបន្ថែមទៀត។

ម៉ូដែលមួយនេះប្រើប្រាស់ជាមួយយ៉ាន់កងស្តង់ដារទំហំ ១៨ អ៊ីង ហើយវាក៏មានជម្រើសយ៉ាន់កង់ដែលអាចរើសបានដោយមានទំហំ ១៩ និង ២០ អ៊ីញផងដែរ។

ជាក់ស្តែងរថយន្ដ Mercedes-AMG C43 ស៊េរីឆ្នាំ ២០២៣ គ្រោងនឹងចេញលក់នៅចុងឆ្នាំនេះ សម្រាប់តម្លៃវិញក្រុមហ៊ុននៅមិនទាន់បានបញ្ចេញនៅឡើយទេ៕

អត្ថបទដោយ៖ សូនីតា

 

ចែករំលែក:
ស្លាក:

Relate Post

រថយន្តម៉ូដែល T-Class Citan Tourer ស៊េរីឆ្នាំ ២០២៣ បាននាំមកជាមួយប្រព័ន្ធសុវតិ្ថភាពដ៏អស្ចារ្យ

  • News

ក្រុមហ៊ុន Mercedes ទើបតែបញ្ចេញរថយន្តម៉ូដែល T-Class  Citan Tourer ស៊េរីឆ្នាំ ២០២៣ ម៉ូដែលមួយនេះមើលកាន់តែជិតនឹងបង្ហាញឱ្យឃើញនូវការផ្លាស់ប្តូរការរចនាដ៏ស្រស់ស្អាតងាយស្រួលប្រើប្រាស់បែបគ្រួសារ។ រថយន្ដមួយនេះវាដំណើរការដោយថាមពល ICE T-Class មានប្រវែង ៤៥០ សង់ទីម៉ែត្រ ទទឹង ១៨៥ សង់ទីម៉ែត្រ និងកម្ពស់ ១៨១ សង់ទីម៉ែត្រ ជាមួយនឹងកម្លាតពីកង់មុខទៅកងក្រោយប្រវែង ២៧១ សង់ទីម៉ែត្រ។ ហើយវាទទួលបានលក្ខណៈពិសេសស្ដង់ដារបន្ថែមទៀតដែលរួមមានការរចនាកុងទ័រល្បឿនឌីជីថលដ៏ប្រណិត និង infotainment MBUX ជាមួយអេក្រង់ ៧ អ៊ីង ប្រើប្រាស់ជាមួយប្រព័ន្ធ Apple CarPlay /និង Android Auto ។ រថយន្ដនេះបានបំពាក់ជាមួយយ៉ាន់កង់ទំហំ ១៦ អ៊ីងស្តង់ដានឹងមានជម្រើសយ៉ាន់កងស្ព័រទំហំ ១៧ អ៊ីង។ នៅខាងមុខបានបំពាក់ប៉ាណាក្រូមេមើលទៅទាន់សម័យហើយវាក៏មានការផ្លាស់ប្តូរបន្តិចបន្តួចនៅកាងខាងមុខផងដែល។ បើនិយាយពីប្រព័ន្ធសុវត្ថិភាព T-Class មានពោងសុវត្ថិភាពចំនួនប្រាំពីរ និង ADAS ផ្សេងៗ។ វាក៏មានប្រព័ន្ធជំនួយការបើកបរច្រើនជម្រើសដែលរួមមាន ប្រព័ន្ធជំនួយការចាប់ហ្វ្រាំងស្វ័យប្រវត្តិ និង ជំនួយការចង្គូតឡានគេចស្វ័យប្រវត្តិនៅពេលមានឧបស័គ្គ ។ តួដ៏ខ្ពស់ធ្វើឱ្យកាប៊ីនមានភាពធំទូលាយដែលធ្វើឱ្យវាក្លាយជាជម្រើសដ៏ល្អសម្រាប់ក្រុមគ្រួសារក្នុងការធ្វើដំណើរកម្សាន្ត។ Mini Van នេះបានផ្តល់ភាពងាយស្រួលដល់កៅអីខាងក្រោយ ដែលធំទូលាយល្មមអាចដាក់កៅអីកុមារបីបាន។ អ្នកដំណើរខាងក្រោយក៏អាចចូលទៅកាន់កៅអីខាងក្រោយយ៉ាងងាយស្រួលផងដែរ។ វាមានស្ដង់ដារជាមួយនឹងទ្វារក្រោយធម្មតា ប៉ុន្តែអ្នកទិញអាចជ្រើសរើសទ្វារខាងក្រោយពីរផ្នែកដែលមានការបើករហូតដល់ ១៨០ ដឺក្រេ។ រថយន្ដនេះមកជាមួយម៉ាស៊ីនសាំង និងម៉ាស៊ូត ៤ ស៊ីឡាំង ដោយម៉ាស៊ីនម៉ាស៊ូតចំណុះ ១.៥ លីត្រផលិតបានកម្លាំង ៩៤ សេះ និងកម្លាំងបង្វិល ២៣០ ញូតុនម៉ែត្រ។ ក្រោយមកទៀតមានមុខងារ "overpower and overtorque" ដែលបង្កើនកម្លាំងបាន ១១៩ សេះ និង ២៩៥ ញូតុនម៉ែត្រនៅក្នុងរយៈពេលខ្លី។សម្រាប់អ្នកចូលចិត្តប្រើម៉ាស៊ីនសាំងវាមានចំណុះ ១.៣ លីត្រដែលអាចផលិតកម្លាំងបាន ១០១ សេះ និងកម្លាំងបង្វិលជុំ ២០០ ញូតុនម៉ែត្រ។ ម៉ាស៊ីនទាំងអស់ត្រូវបានប្រើប្រាស់ជាមួយប្រអប់លេខដៃស្តង់ដារប្រាំមួយវគ្គ ខណៈពេលដែលម៉ាស៊ីនម៉ាស៊ូត និងសាំងដ៏ខ្លាំងជាងនេះអាចមានជាមួយនឹងជម្រើសប្រាំពីរវគ្គស្វ័យប្រវត្តិ DCT ដោយបញ្ជូនថាមពលទៅកង់ខាងមុខ។ រថយន្ត Mercedes-Benz T-Class ថ្មីនឹងមានតម្លៃចាប់ផ្តើមពី ២៨,២១៤ ដុល្លារ ដែលជាតម្លៃចេញពីរោងចក្រ៕ អត្ថបទដោយ៖ សូនីតា

ក្រុមហ៊ុន Toyota បានបន្ថែមជម្រើសថ្មីលើម៉ូដែល Corolla ស៊េរីឆ្នាំ ២០២២ ដែលមានរូបរាងកាន់តែទាក់ទាញ

  • News

ម៉ូដែល Toyota Corolla គឺជាប្រភេទរថយន្ដ Sedan សម័យថ្មីដែលផ្ដល់ជូនក្នុងតម្លៃសមរម្យជាមួយជម្រើសម៉ូដេល Corolla ស្តង់ដារ ឬ Corolla Hybrid ។ ហើយការបន្ថែម ថ្មីនៃម៉ូដែល Corolla Apex ដែលនាំមកជាមួយម៉ាស៊ីន ២.០ លីត្រ មានស៊ីឡាំង ៤ ដូច Corolla SE និង XSE វាផលិតកម្លាំងបាន ១៦៩ សេះ និងកម្លាំងបង្វិល ២០៥ ញូតុនម៉ែត្រ នេះគឺជាម៉ាស៊ីនដែលអាចទទួលយកបានយ៉ាងល្អឥតខ្ចោះជាមួយនឹងថាមពលគ្រប់គ្រាន់ដើម្បីធ្វើឱ្យ Corolla មានភាពរីករាយក្នុងការបើកបរ។ ការពង្រឹងកំរិតបែប Sport របស់វាអាចប្រើបានជាមួយនឹងការបញ្ជូនដោយប្រអប់លេខដៃប្រាំមួយល្បឿននៅក្នុងរថយន្ត Corolla ។ កញ្ចប់ Option Apex នាំមកនូវការផ្លាស់ប្តូរដ៏អស្ចារ្យមួយចំនួនផ្សេងទៀតរួមទាំងបានកែសម្រួលប្រព័ន្ធជើងក្រោមកាន់តែមានភាពរឹងមាំជាងមុន។ ហើយជាពិសេសវាបានប្រើប្រាស់សំបកកង់ប្រភេទ Dunlop SportMaxx ទំហំ ១៨ អ៊ីង។ វាក៏ទទួលបានមុខងារស្តង់ដារ Apple CarPlay និង Android Auto នៅលើអេក្រង់ Touch screenទំហំ ៨ អ៊ីញ។ ដោយបានបំពាក់ប្រព័ន្ធ Speaker JBL ដែលនឹងមាននៅលើជម្រើស XSE និង Apex ។ ជាមួយរូបរាងខាងក្រៅនៃម៉ូដែលនេះបានបំពាក់ជាមួយកាងមួយជុំរថយន្ដហើយនៅខាងមុខបំពាក់ប៉ាណាថ្មីដែលមើលទៅកាន់តែអង្គអាច។ ហើយបច្ចេកវិទ្យាសុវត្ថិភាពមានការដាក់បញ្ចូលនូវប្រព័ន្ធ Safety Sense 2.0 suite របស់ Toyota ។ ដោយបច្ចេកវិជ្ជាជំនួយអ្នកបើកបរនេះនាំមកនូវហ្វ្រាំងសង្គ្រោះបន្ទាន់ដោយស្វ័យប្រវត្តិ ការគ្រប់គ្រងកន្លងផ្លូវជាមួយនឹងការគ្រប់គ្រងល្បឿនបើកបរបាន។ Corolla SE Apex ស៊េរីឆ្នាំ ២០២២ និងមានតម្លៃ ២៦,៧៣៥ ដែលចេញពីរោងចក្រ។ អត្ថបទដោយ៖ សូនីតា  

BMW 7-Series ជំនាន់ថ្មីកាន់តែទំនើបទាន់សម័យជាមួយនឹងអេក្រង់កំសាន្តដ៏ធំសម្រាប់អ្នកដំណើរខាងក្រោយ

  • News

រថយន្ត BMW 7-Series បានឈានចូលដល់ជំនាន់ទី ៧ របស់ខ្លួនជាមួយនឹងរូបរាងថ្មីដ៏អស្ចារ្យ និងបានបន្ថែមជាមួយជម្រើសប្រើប្រាស់ដោយថាមពលអគ្គិសនី។ ហើយម៉ូដែលនេះនឹងមានតែបីជម្រើសតែប៉ុណ្ណោះដែលមានដូចជា i7 xDrive60 ,760i xDrive និង 740i ។ ជម្រើសដែលប្រើប្រាស់ដោយថាមពលអគ្គិសនីគឺ i7 xDrive60 វាបានបំពាក់ប្រព័ន្ធដំណើរការដោយប៉ុងទាំងពីរ ដែលផ្តល់នូវកម្លាំងខ្ពស់បំផុតបាន ៥៣៦ សេះ និងកម្លាំងបង្វិល ៧៤៤ ញូតុនម៉ែត្រដែលបង្កើនល្បឿនពី ០-៨០ គីឡូម៉ែត្រក្នុងមួយម៉ោងរយៈពេលប្រហែល ៤.៥ វិនាទី ល្បឿនកំពូលគឺ ២០០គីឡូម៉ែត្រក្នុងមួយម៉ោងហើយកម្លាំងថ្មនេះមានសមត្ថភាពប្រើបាន ១០១.៧ គីឡូវ៉ាត់ម៉ោង។ រីឯជម្រើស 740i វាដំណើរការដោយប៉ុងខាងក្រោយហើយត្រូវបានបំពាក់ដោយម៉ាស៊ីន ៣.០ លីត្រ turbocharged inline-6 ជាមួយនឹងការដំឡើង Hybrid វាផ្តល់នូវកម្លាំងខ្ពស់បំផុត ៣៧៥ សេះ និងកម្លាំងបង្វិលជុំ ៥២០ ញូតុនម៉ែត្រ គេអាចរំពឹងថាវានិងអាចបង្កើតល្បឿនបានពី ០-៩៦ គីឡីម៉ែត្រក្នុងមួយម៉ោងរយៈ ៥ វិនាទី។ បើជម្រើសរបស់ 760i xDrive មានលក្ខណៈពិសេសដែលវាដំណើរការដោយប្រព័ន្ធប៉ុងទាំងពីរ ហើយត្រូវបានបំពាក់ដោយម៉ាស៊ីន ៤.៤ លីត្រ twin-turbocharged V8 ថ្មីរបស់ BMW ក៏បានដំឡើង Hybrid ផងដែរ វាមានកម្លាំង ៥៣៦ សេះ និងកម្លាំងបង្វិល ៧៥០ ញូតុនម៉ែត្រ វាបង្កើនល្បឿនដល់ ៩៦ គីឡូម៉ែត្រក្នុងមួយម៉ោងរយៈពេលត្រឹមតែ ៤.២ វិនាទីប៉ុណ្ណោះ។ ក្រឡេកមកមើលផ្នែកខាងមុខត្រូវបានគ្របដណ្ដប់ដោយប៉ាណាដ៏ធំមើលទៅមានភាពទាក់ទាញជាមួយការរចនានៃចង្កៀងមុខដែលកំណត់សម្រាប់រថយន្ត BMW ស៊េរីថ្មីនេះហើយភ្លើងខាងក្រោយមានលក្ខណៈពិសេសថ្មីមួយដែលមានរូបរាង L-shape រថយន្តប្រភេទ sedan មួយនេះមានប្រវែង ៥៣៨ សង់ទីម៉ែត្រ និងមានកម្លាតពីកង់មុខទៅកង់ក្រោយមានប្រវែងវែងជាងមុនត្រឹម ០.៥ សង់ទីម៉ែត្រតែប៉ុណ្ណោះ។ ផ្ទៃខាងក្នុងរចនាយ៉ាងប្រណិតជាងជំនាន់មុនៗដោយវាបានបំពាក់នូវអេក្រង់ Touch screen ដែលមានទំហំ ១២.៣ អ៊ីងបន្ទាប់មកវាក៏បានភ្ជាប់មកជាមួយនឹងអេក្រង់ទំហំ ៣១ អ៊ីងដែលមានកម្រិតភាពច្បាស់ដល់ទៅ 8K ដែលចុះពីលើដំបូលដើម្បីផ្តល់បទពិសោធន៍មើលទៅដូចជានៅក្នុងរោងកុនសម្រាប់អ្នកដំណើរខាងក្រោយ។ គួរបញ្ជាក់ផងដែរថាមុខងារជំនួយអ្នកបើកបរថ្មីដែលត្រូវបានគេស្គាល់ថាជាជំនួយការផ្លូវហាយវេ វាអាចគ្រប់គ្រងផ្លូវក្នុងល្បឿនរហូតដល់ ១២៨ គីឡូម៉ែត្រក្នុងមួយម៉ោង។ កម្រិតនេះមានន័យថា ជារថយន្តដែលអាចគ្រប់គ្រងខ្លួនឯងបានក្នុងលក្ខខណ្ឌដែលបានកំណត់ ដោយអាចឱ្យអ្នកបើកបរលែងដៃចង្កូត។ ក្រុមហ៊ុន BMW កំពុងអភិវឌ្ឍបច្ចេកវិទ្យាបើកបរដោយខ្លួនឯងជាមួយនឹងប្រព័ន្ធ Mobileye របស់ក្រុមហ៊ុន Intel ។ មកដឹងពីតម្លៃវិញ BMW ជម្រើស 740i មានតម្លៃ៩៤,២៩៥ ដុល្លារ រីឯ BMW 760i xDrive មានតម្លៃ ១១៤,៥៩៥ ដុល្លារ និង BMW i7 xDrive60 មានតម្លៃខ្ពស់ជាងគេរហូតទៅដល់ ១២០,២៩៥ ដុល្លារ៕ អត្ថបទដោយ៖ សូនីតា

Maybach S680 ស៊េរីឆ្នាំ ២០២៣ រំលេចដោយពណ៌មាសពិសេសនឹងដាក់លក់លើទីផ្សារតែ ១៥០ គ្រឿងប៉ុណ្ណោះ

  • News

ក្រុមហ៊ុន Mercedes គ្រោងនឹងចេញលក់ម៉ូដែល Maybach S680 សេ៊រីឆ្នាំ ២០២៣ លើទីផ្សារនៅចុងឆ្នាំ ២០២២ នេះហើយក្រុមហ៊ុនក៏បានបញ្ជាក់ថានឹងរចនាជាពិសេសលើរថយន្តម៉ូដែល Mercedes-Maybach S680 អោយមានភាពខុសពីរម៉ូដែល Maybach ផ្សេងៗទៀត។ សម្រាប់រូបរាងថ្មីគឺទទួលបានពីការសហការគ្នា រវាងអ្នកច្នៃម៉ូតដ៏ល្បីល្បាញរបស់ម៉ាកយីហោរ Louis Vuitton (LV) ដោយលោកមានឈ្មោះថា Virgil Abloh និងលោក Gordon Wagener ប្រធានផ្នែករចនានៅក្រុមហ៊ុន Mercedes ហើយរថយន្ដនឹងត្រូវដាក់លក់ជុំវិញពិភពលោកដោយចំនួនកំណត់ត្រឹមតែ ១៥០ គ្រឿងប៉ុណ្ណោះ។ លក្ខណៈពិសេសនៃរថយន្តនេះ វាគឺជាម៉ូដេលតែមួយគត់ដែលទទួលបានពណ៌មាសគ្រប់ផ្នែកនីមួយៗនៃរថយន្តប្លែកពីម៉ូដែលផ្សេងៗទៀត។ លើសពីនេះទៅទៀតយ៉ាន់កង់ទាំងបួនក៏បានបន្ថែមនៅពណ៌មាសដែលធ្វើអោយមានវាកាន់តែមានភាពលេចធ្លោរ។ ការកែប្រែបន្តនៅខាងក្នុងកាប៊ីនមានភាពធំទូលាយ នឹងត្រូវបានបែងចែកផ្នែកខាងលើ និងផ្នែកខាងក្រោម មានពណ៌ស៊ីគ្នាទៅនឹងផ្នែកខាងក្រៅនៃរថយន្ត។ អ្នកនឹងមើលឃើញថាតាប្លូដែលមានស្បែកពណ៌ខ្មៅ និងមានកន្លែងផ្ទុករបស់របរជាច្រើនផ្នែកខាងក្នុងភាគច្រើនត្រូវបានរចនាឡើងជាមួយពណ៌មាស និងពណ៌ខ្មៅរលោងដ៏ប្រណិត។ វិលត្រលប់ទៅការកែប្រែប្រព័ន្ធ MBUX ដែលមានអេក្រង់ Touch Screen និងកុងទ័រល្បឿនប្រភេទឌីជីថលក៏ត្រូវបានកែលម្អជាមួយនឹងរូបរាងពណ៌ថ្មីផងដែរ។ រថយន្តមួយនេះនឹងភ្ជាប់មកជាមួយប៉ាណាដែលបិទជិតដើម្បីប្រាកដថាវានឹងមិនមានធូលីចូលបើទោះបីជាយើងមិនប្រើប្រាស់ក៏ដោយ។ គួរបញ្ជាក់ផងដែរថារថយន្តនេះមិនបានកែប្រែទៅលើផ្នែកម៉ាស៊ីននោះទេដែលមានន័យថាវានៅតែបំពាក់ម៉ាស៊ីន V12 ចំណុះ ៦.០ លីត្រផលិតកម្លាំងបាន ៦០៤ សេះដដែល។ លោក Gorden Wagener ប្រធានផ្នែករចនារបស់ក្រុមហ៊ុន Mercedes ក៏បាននិយាយថា "ខ្ញុំមានមោទនភាពនឹងមិនគួរឱ្យជឿចំពោះការងារដែលយើងបានបង្កើតការរចនាដោយសហការជាមួយលោក Virgil ដែលបានរចនាថ្មីប្រកបដោយភាពច្នៃប្រឌិត៕ អត្ថបទដោយ៖ សូនីតា

Lexus LS Hybrid បន្ថែមមុខងារពិសេសៗជាច្រើនដែលធ្វើឱ្យតម្លៃរបស់វាកើនទៅដល់ ១១២,០០០ ដុល្លារ

  • News

មួយរយៈប៉ុន្មានឆ្នាំកន្លងមកនេះក្រុមហុ៊នផលិតរថយន្ដជាច្រើនកំពុងតែមានការប្រកួតប្រជែងយ៉ាងខ្លាំង ប៉ុន្តែអ្នកគាំទ្រនៅម៉ាកយីហោររបស់ Lexus នៅតែបន្តរហូតមក។ ឥឡូវនេះរថយន្តប្រភេទ sedan premium នៃម៉ាកយីហោរ Lexus ដែលវាមានទំហំដូចរថយន្តម៉ូដែល Mercedes-Benz S-Class និង BMW 7 Series វាក៏មានដៃគូប្រកួតប្រជែងជាមួយម៉ូដែល Jaguar XJhave ហើយក៏បានចាកចេញពីការប្រកួតមួយនេះ ប៉ុន្តែម៉ូដែល LS វិញនៅតែរក្សាវត្តមានរបស់ខ្លួននឹងមានការគាំទ្រមកដល់បច្ចុប្បន្ន។ រថយន្តស៊េរីទំនើបរបស់ម៉ាកយីហោមួយនេះមានជម្រើសជាមួយថាមពលនៃការបើកបរ វាមានទំហំម៉ាស៊ីន V6 ចំណុះ ៣.៥ លីត្រ twin-turbo ឬ ៣.៥លីត្រ ជាមួយម៉ាស៊ីន V6 hybrid ដែលវាបញ្ចូនចលនាកង់ដោយប្រអប់លេខ CVT ។ ដូចនេះរថយន្តម៉ូដែល Lexus LS Hybrid នឹងក្លាយជារថយន្ដដែលទទួលនូវការបន្ថែមជាមួយបច្ចេកវិទ្យាជាច្រើន រីឯតម្លៃវិញបានឡើងរហូតទៅដល់ ៣៦,០០០ ដុល្លារ បន្ថែមទៀតដែលធ្វើអោយម៉ូដែលនេះមានតម្លៃសរុប ១១២,០០០ ដុល្លារ ក៏ជាតម្លៃចេញរោងចក្រផងដែរ។ ឥឡូវនេះ វាក៏មានជាមួយនឹងប្រព័ន្ធ Lexus Teammate cruise control ពាក់កណ្តាលស្វ័យប្រវត្តិ និងប្រព័ន្ធជំនួយអ្នកការបើកបរកម្រិតខ្ពស់ ហើយក៏មានប្រព័ន្ធសុវត្ថិភាព ២.៥+ ផងដែល។ អ្នកនាំពាក្យរបស់ម៉ាយីហោ Lexus លោក Amanda Roark បានបញ្ជាក់យ៉ាងច្បាស់ថា LS Hybrid នឹងក្លាយជាម៉ូដែលតែមួយគត់ដែលមានបច្ចេកវិទ្យានេះ វាក៏នឹងរួមបញ្ចូលផងដែរនូវលក្ខណៈពិសេសទាំងអស់ពីកញ្ចប់ប្រណិតរបស់វាមានដូចជាប្រព័ន្ធដែលអាចបញ្ជាជើងក្រោមឡើងចុះបានតាមស្ថានភាពផ្លូវ ហើយវាដំណើរការដោយប៉ុងទាំងពីរ។ នឹងមានម៉ូនីទ័រPanoramic ដែលជាបច្ចេកវិទ្យាថ្មីអាចឱ្យអ្នកបើកបរមើលឃើញនូវទិដ្ឋភាពជុំវិញរបស់រថយន្ដហើយក៏ធ្វើឱ្យការបើកបរការចតរថយន្តកាន់តែមានសុវត្ថិភាព និងងាយស្រួលជាងមុនដែលវាអាចមើលឃើញនៅលើអេក្រង់កំសាន្ដរបស់រថយន្ដ។ ជាមួយនឹងការកែប្រែមួយនេះ ការបន្ថែមទាំងអស់ជាជម្រើសតែមួយគត់ដែលអ្នកអាចបន្ថែមលើ LS Hybrid ការរំលេចរូបភាពសម្រាប់ផ្នែកខាងក្នុង និងខាងក្រៅ ព្រមទាំងគ្រឿងបន្ថែមមុខងារផ្សេងៗទៀតដែលវាធ្វើអោយមានភាពទាក់ទាញ។ ការសម្រេចចិត្តក្នុងការកែប្រែនៃម៉ូដែល LS គឺជាយុទ្ធសាស្រ្តមួយដែលគេបានធ្វើអោយវាមានតម្លៃថ្លែជាមួយនឹងការផ្តល់ជូនអតិថិជននូវលក្ខណៈពិសេសដែលមានទាំងអស់ក្នុងកញ្ចប់តែមួយ។ អត្ថបទដោយ៖ សូនីតា
✔

Copy link Success.

×

វីដេអូ

Ford Ranger ស៊េរីឆ្នាំ២០២២ បានបង្ហាញខ្លួនសម្រាប់ពិភពលោកទាំងមូល នេះជាអ្វីដែលអ្នកទទួលបាន

  • Reviews, New Car

ឡានចាស់សេ៊រីថ្មី ឆ្នាំ២០២២ CR-V របស់ Honda ទទួលបានការរិះគន់ច្រើនប៉ុន្តែបែរជានៅតែលក់ដាច់ទៅវិញ

  • Reviews, New Car

ធ្លាប់តែឃើញឡានហោះនៅ ក្នុងរឿងពេលនេះបានឃើញហើយ ឡានហោះពិតៗ

  • News

ព័ត៌មានពេញនិយម

ចំណាយត្រឹមតែ ៧ ម៉ឺនដុល្លារសម្រាប់ម៉ូដែល F-150 Lightning នឹងធ្វើអោយលោកអ្នកចំណេញទ្វេដង

  • News

មិនបាច់ត្រូវចាំ ៤ ឆ្នាំចិនប្រើសំបក Land Cruiser ស៊េរី 300 ថ្មីគ្របពីលើស៊េរី 200 ចាស់ដូចគ្នាគ្មានទាស់

  • News

អ្នករចនាបង្កើតរូបភាពឌីជីថលនៃរថយន្ត FJ Cruiser អគ្គិសនីថ្មីដែល Toyota គ្រោងនឹងផលិតនាពេលឆាប់ៗនេះ

  • News

Lexus បានបង្ហាញរូបភាពអាវុធថ្មីដែលធ្វើអោយអ្នកគាំទ្រអន្ទះសារចង់ដឹងលម្អិតពីវា

  • News

រថយន្តប្រភេទ Off-Road ទាំង ៥ ដែលមានឥទ្ធិពលបំផុតនៅក្នុងឆ្នាំ ២០២២

  • News, New Car

Hyundai Santa Fe ឆ្នាំ ២០២២ កំពុងតែជួបបញ្ហាដែលតម្រូវឱ្យក្រុមហ៊ុនធ្វើការប្រមូលរថយន្តមកវិញ

  • News

ម្ចាស់រថយន្ត Ford Mustang Mach-E អគ្គិសនីរងភាពអយុត្តិធម៌ជាមួយនឹងវិក័យប័ត្រជួសជុលខ្ទង់ម៉ឺនដុល្លារ 

  • News

Tundra Capstone ឆ្នាំ 2022 ប្រណិតហើយមានតម្លៃថោកជាង F-150 PowerBoost

  • News

Toyota ត្រូវបានគេរាយការណ៍ថាកំពុងធ្វើតេស្ត TRD Pro ដើម្បីប្រកួតប្រជែងជាមួយនិង Ford F-150 Raptor

  • News

Toyota bZ4X GR Sport ត្រៀមដាក់បង្ហាញក្នុងការតាំងពិព័រណ៍រថយន្តTokyo ឆ្នាំ ២០២២

  • News

ប្រភេទ

ស្លាក

ទាញយកកម្មវិធីដោយឥតគិតថ្លៃ