វីធីសាស្រ្ត ៥ ជំហានដើម្បីជួយជីវិតខ្លួនឯង ក្នុងករណីគ្រោះថ្នាក់រថយន្តធ្លាក់ចូលទឹក

គ្រោះថា្នក់ចរាចរណ៍អាចកើតឡើងគ្រប់ពេលវេលា គ្រប់ទីកន្លែង ហើយរឿងដែលអាក្រក់បំផុតគឺករណីគ្រោះថា្នក់នៃរថយន្តធ្លាក់ចូលទឹក។ ដូច្នេះតើធ្វើដូចម្តេចទើបអាចជួយជិវិតខ្លួនឯងបាន? នៅក្នុងអត្ថបទនេះ យើងនឹងប្រាប់ពីគន្លឹះទាំង ៥ ជំហានដែលអាចសង្គ្រោះជិវិតចេញពីក្នុងរថយន្ត ដោយការអនុវត្តន៍៖

ជំហានទី១ ស្ងប់អារម្មណ៍

តែឡានកំពុងចូលទឹកតើឱ្យស្ងប់បានដូចម្តេច? វាជាការពិតនៅពេលដែលឡានរបស់អ្នកលិចនៅក្នុងទឹក ការភ័យស្លន់ស្លោរ ការបញ្ចេញខ្យល់ខ្លាំង និងខ្ជះខ្ជាយថាមពលរបស់អ្នក ខ្ជះខ្ជាយអុកស៊ីហ្សែនដ៏មានតម្លៃ និងកាត់បន្ថយពេលវេលាដែលនឹងអាចទប់ដង្ហើមរបស់អ្នកបាននៅពេលគេចចេញពីក្នុងទឹក។ ផ្ទុយទៅវិញការរក្សារភាពស្ងៀមស្ងាត់តែបន្តិច ដើម្បីស្វែងរកគន្លឹះសម្រាប់ការរស់រានមានជិវិត។ អ្នកត្រូវប្រឹងប្រែងឱ្យអស់ពីសមត្ថភាពដើម្បីរក្សាភាពស្ងប់ស្ងាត់ គិតឱ្យបានច្បាស់លាស់ និងធ្វើសកម្មភាពឱ្យបានលឿន។

តាមរយៈការស្រាវជ្រាវបានបង្ហាញថា ជាធម្មតារថយន្តនឹងអណ្តែតពី ៣០ ទៅ ១២០ វិនាទីមុនពេលវាលិចទាំងស្រុង។ នោះក៏មានន័យថាច្រកចេញរបស់អ្នកគឺអាស្រ័យលើសកម្មភាពដែលអ្នកធ្វើក្នុងរយៈពេលពីរនាទីដំបូងបន្ទាប់ពីឡានបានបុកនឹងទឹក។ ប្រសិនបើអ្នកចំណាយពេលនោះដោយភ័យស្លន់ស្លោគឺអ្នកបានបាត់បង់ឱកាសដ៏ល្អបំផុតរបស់អ្នកក្នុងការចេញដោយសុវត្ថិភាព។

ជំហានទី២ រំកិលកញ្ចក់ចុះក្រោមអោយអស់

ដរាបណារថយន្តរបស់យើងបានបុកចូលទឹក សូមក្រឡេកមើលទៅបង្អួចទ្វារកញ្ចក់ នេះគឺជាច្រកចេញនៅពេលដែលឡានបានលិចទាំងស្រុង សូមរំកិលបង្អួចកញ្ចក់ចុះមុនពេលដែលខ្សែរទឹកឡើងទៅដល់។ កុំព្យាមយាមបើកទ្វាឡានដើម្បីគេចចេញ ព្រោះវាអាចបណ្តាលទឹកចូលកាប៊ីនខាងក្នុងកាន់តែច្រើន ឡានលិចចូលទឹកកាន់តែលឿន។

ការរំកិលកញ្ចក់ចុះក្រោមគឺជំហានដ៏សំខាន់មួយ នៅពេលដែលរថយន្តលិច សម្ពាធនៃទឹកអាចរារាំងបង្អួចមិនឱ្យរមៀលចុះ បើទោះបីជាអ្នកមានបង្អួចស្វ័យប្រវត្តិក៏ដោយ ប្រសិនមិនអាចរំកិលបានចូរបំបែកកញ្ចក់ទាំងនោះជាមួយនឹងអ្វីមួយដែលអាចស្វែងរកនៅក្នុងឡានបាន។ សូមកុំព្យាយាមបំបែកកញ្ចក់ខាងមុខ ព្រោះកញ្ចក់មុខគឺកញ្ចក់ក្រាស់បំផុតនៅក្នុងរថយន្តដែលពិបាកបំបែកចេញពីខាងក្នុងខ្លាំងណាស់។

ជំហានទី៣ ដោះខ្សែរក្រវាត់សុវត្ថិភាពចេញ

រឿងបន្ទាប់នេះគឺនៅពេលដែលខាងក្នុងរថយន្តកំពុងជ្រៀបទឹកហើយ អ្នកត្រូវទប់ខ្លួនហើយព្យាយាមដោះខ្លួនអ្នកពីរថយន្ត។ ដោះខ្សែរក្រវាត់ចេញអោយបានលឿនដើម្បីអាចផ្លាស់ទីចេញពីក្នុងរថយន្ត ប្រសិនបើទំពក់ជាប់ សូមព្យាយាមកាត់ខ្សែរក្រវាត់របស់អ្នក ដូច្នេះហើយនៅក្នុងរថយន្តគួរតែមានឧកបរណ៍សម្រាប់កាត់ខ្សែរ ដើម្បីបង្ការគ្រោះថ្នាក់អាចកើតឡើងជាយថាហេតុ។ 

ជំហានទី៤ ជួយអ្នកដំណើរផ្សេងទៀត

នៅក្នុងជំហានមួយនេះបន្ទាប់ពីអ្នកអាចជួយសង្គ្រោះខ្លួនឯងបានហើយ ត្រូវគិតទៅដល់អ្នកដំណើរខាងក្រោយ បន្ទាប់ពីអាចផ្លាស់ទីនៅក្នុងរថយន្តបានហើយ សូមពិនិត្យមើលអ្នកដែលនៅជុំវិញអ្នក ជាពិសេសប្រសិនបើមានកុមារនៅក្នុងរថយន្ត។ ជួយដោះខ្សែរក្រវាត់អោយពួកគេ ចង្អុលបញ្ជាក់អោយពួកគេចេញពីឡានតាមបង្អួចដែលនៅជិតពួកគេបំផុត ឬនាំពួកគេទៅកៅអីខាងមុខ ដើម្បីចេញពីឡានជាមួយអ្នក។ 

ជំហានទី៥ ឡើងតាមបង្អួច ហើយហែលទៅកាន់សុវត្ថិភាព

បន្ទាប់រំកិលទ្វាចុះ ដោះខ្សែរក្រវាត់បានហើយអ្នកត្រូវព្យាយាមចេញពីក្នុងរត់រថយន្ត វាអាចនឹងពិបាកព្រោះទឹកកំពុងចូល ខណៈដែលអ្នកកំពុងតែចេញពីក្នុងឡាន។

សូមចងចាំថា កុំរងចាំការជួយសង្គ្រោះពីអ្នកដទៃ ពេលវេលារបស់់អ្នកគឺមានតែប៉ុន្មានទីប៉ុណ្ណោះ ដែលអាចឱ្យជិវិតអ្នករួចផុត ត្រូវតែស្ងប់អារម្មណ៍គ្រប់កាលៈទេសៈណាទាំងអស់ដើម្បីអាចរកវិធីចេញពីក្នុងរថយន្តបាន៕