Lexus ប្រកាសពីម៉ាក CT200h របស់ខ្លួនថានឹងមានជីវិតត្រឹមឆ្នាំ ២០២២ នេះប៉ុណ្ណោះ

News
មើល: 838

ក្រុមហ៊ុន Lexus បាននែនាំនូវរថយន្តប្រភេទ Hatchback ខ្នាតតូចដំបូងបង្អស់របស់ខ្លួននិងបានដាក់នៅក្នុងឆ្នាំ ២០១១ ហើយរថយន្តប្រមាណ ៣៨០,០០០ គ្រឿងត្រូវបានចែកចាយក្នុងទីផ្សារជាង ៦៥ នៅជុំវិញពិភពលោក។

ជាមួយភាពពេញនិយមរបស់វាជាពិសេសការប្រើប្រាស់ប្រចាំថ្ងៃនៅក្នុងផ្លូវទីក្រុង CT200h ផ្តល់នូវការសន្សំសំចៃច្រើនដល់អ្នកបើកបរហើយវាតម្លៃគួរសមផងដែរ។  ក៏ប៉ុន្តែស្រាប់តែពេលថ្មីៗនេះតាមគេហទំព័រ Lexus Enthusiast យើងក៏ទទួលបានព័ត៌មានថាក្រុមហ៊ុននឹងបញ្ចប់ជិវិតរថយន្តធន់តូចរបស់ខ្លួននៅត្រឹមខែតុលា ឆ្នាំ ២០២២ នេះ។

គួរបញ្ជាក់ផងដែរថាបន្ទាប់ពីបាននែនាំ Lexus ក៏បានបញ្ឈប់ការលក់ CT200h នៅក្នុងទីផ្សារជាច្រើនដោយចាប់ពីសហរដ្ឋអាមេរិក រហូតដល់ឆ្នាំ ២០២០ ក៏បញ្ឈប់ការចែកចាយទាំងស្រុងនៅប៉ែកអ៊ឺរ៉ុបដោយធ្វើការផលិតតែនៅក្នុងប្រទេសជប៉ុនតែប៉ុណ្ណោះ។ CT200h បានបំពាក់មកជាមួយម៉ាស៊ីនចំណុះ ១.៨ លីត្រ មានស៊ីឡាំង ៤ និងម៉ូទ័រអេឡិចត្រិចដូចគ្នាទៅនឹង Toyota Pruis ។

ដើម្បីជាការលាគ្នា Lexus ក៏បានផ្តល់នូវការរចនាចុងក្រោយរបស់ខ្លួនសម្រាប់ CT200h ដែលជា Special Edition មានឈ្មោះថា Cherished Touring មាន ២ពណ៌ Graphite Black ដែលជាពណ៌ខ្មៅ នឹង ឬ Sonic Quartz ដែលជាពណ៌ស ហើយទាំងពីរនេះគឺវាភ្ជាប់មកជាមួយនឹងដំបូល Sonic Titanium ដូចគ្នា ។

ការឌីសាញថ្មី ប៉ាណា Spindale  អំពូលកាត់អ័ក្ទ និងកាងខាងក្រោយបានផ្តល់នូវពណ៌ប្រាក់ដ៏ភ្លឺចែងចាំង។ Cherished Touring  ក៏បានបំពាក់មកជាមួយនឹងម៉ាស៊ីនចំណុះ ១.៨ លីត្រ មានកម្លាំង ៩៨ សេះ និងកម្លាំងបង្វិល ១៤២ ញូតុនម៉ែត្រ តែដោយសារវាបានបំពេញបន្ថែមដោយម៉ូទ័រអេឡិចត្រិចដែលផលិតកម្លាំង ៦០ គីឡូវ៉ាត់ ដូច្នេះទិន្នផលសរុបវាមានកម្លាំងដល់ទៅ ១៣៤ សេះ និង កម្លាំងបង្វិល ២០៧ ញូតុនម៉ែត្រ។

សម្រាប់តម្លៃរបស់វាត្រូវបានដាក់លក់នៅក្នុងប្រទេសជប៉ុនក្នុងតម្លៃ ៤,២២៣,០០០ យ៉េន ដែលស្មើនឹង ៣៦,៩៥០ ដុល្លារក្នុងអត្រាប្តូរប្រាក់បច្ចុប្បន្ន៕

 

ចែករំលែក:
ស្លាក:

Relate Post

ក្រុមហ៊ុន Lexus គ្រោងនឹងផ្តល់កៅអី ៣ ជួរនៅក្នុងរថយន្តខ្នាតកណ្តាលប្រភេទ Crossover

  • News

ប្រហែលជាក្រុមហ៊ុន Lexus ផ្តល់អោយរថយន្ត LX ជារថយន្ត SUV ដែលទំហំធំទូលាយតែយ៉ាងនេះក៏វានៅតែអាចដាក់កៅអីបានតែ ២ ជួរ។ Lexus មិនធ្លាប់មានបទពិសោធន៍ផ្តល់អោយអ្នកបើកបរនូវរថយន្តដែលផ្ទុកអ្នកបានច្រើនរហូតដល់ទៅ ៧ ឬ ៨ នាក់នោះទេ។ ប៉ុន្តែសម្រាប់យុគសម័យថ្មី Lexus ក៏មិនអាចបោះចោលទីផ្សាររថយន្តបីជួរទៀតទេ ហើយ TX នឹងមកដល់ជាប្រភេទ Crossover ខ្នាតកណ្តាលតែមួយគត់ដែកផ្តល់អោយអ្នកបើកបរនូវកៅអី ៣ជួរ។ សម្រាប់ត្រកូលរបស់ Lexus យើងសង្កេតឃើញថា GX និង LX ពិតជាមានទំហំធំជាងម៉ូដែល RX និង RX L ប៉ុន្តែវាសមនឹងទម្រង់នៃរថយន្ត SUV បីជួរសម្រាប់គ្រួសារដ៏ធំនោះទេ។  ដូច្នេះអ្វីដែល Lexus ត្រូវកាធ្វើគឺមានទំហំធំដូច GX និង LX ប៉ុន្តែផ្អែកលើរថយន្តជាមួយនឹងការវេចខ្ចប់ខាងក្នុងដ៏មានប្រសិទ្ធភាព និងកន្លែងទំនេរច្រើននៅក្នុងកៅអីជួរទីពីរ និងទីបី ក៏ដូចជាឃ្លុបខាងក្រោយកៅអីទាំងនោះ។ វាក៏ត្រូវការទំងន់ស្រាលជាងមុនដែរ ឬយ៉ាងហោចណាស់មិនត្រូវបានបំពាក់ដោយម៉ាស៊ីន V-8 ឬ Twin-turbo V-6 ធំដូច LX ទេ ជាពិសេសចំពោះបញ្ហាតម្លៃប្រឹងសាំងពេលបច្ចុប្បន្ននេះ ហើយកំពុងបញ្ចូល Lexus TX ដែលអ្នកបើកបរកំពុងទាមទារ។  ជាក់ស្តែង TX នេះនឹងផ្អែកលើ Toyota Grand Highlander ដែលនឹងមកដល់នាពេលខាងមុខ ដែលជាកំណែធំជាងនៃរថយន្ត Highlander បីជួរដែលមានទំហំមធ្យមនាពេលបច្ចុប្បន្ននេះ ដែលគ្រោងនឹងចាប់ផ្តើមផលិតនៅរដ្ឋ Indiana ក្នុងឆ្នាំ 2023។ TX នឹងផ្តល់កន្លែងអង្គុយសម្រាប់អ្នកដំណើររហូតដល់ 8 នាក់ និង ទំនងជាកញ្ចប់ Powertrain Hybrid។ ជាការសំខាន់ TX (និង Grand Highlander) នឹងមានទំហំធំជាង RX L ដែលពិតជាគ្រាន់តែជា RX ដែលមានមូលដ្ឋានកង់ដែលលាតសន្ធឹងបន្តិច និង vestigial ជួរទីបីដែលសមរម្យសម្រាប់តែកុមារប៉ុណ្ណោះ៕  

ក្រុមហ៊ុន Toyota បានវិនិយោគទឹកប្រាក់ចំនួន ៣៨៣ លានដុល្លារដើម្បីផ្គត់ផ្គង់ការផលិតរថយន្ដអគ្គិសនីបន្ថែម

  • News

ថ្មីៗនេះក្រុមហ៊ុន Toyota បានវិនិយោគទឹកប្រាក់ចំនួន ៣៨៣ លានដុល្លារនៅក្នុងរោងចក្រចំនួន ៤ របស់ខ្លួនដែលមានមូលដ្ឋាននៅសហរដ្ឋអាមេរិក។ ហើយការការវិនិយោគទំហំធំនេះនឹងជួយដល់ការផលិតម៉ាស៊ីនបួនស៊ីឡាំងដែលប្រើប្រាស់ទាំងម៉ូដែល Toyota និង Lexus ។ ចំពោះការវិនិយោគនេះក្រុមហ៊ុន Toyota នឹងអាចបង្កើតរថយន្តដែលប្រើប្រាស់ប្រព័ន្ធ Hybrid បន្ថែមទៀតសម្រាប់អតិថិជននៅអាមេរិករបស់ខ្លួន។ លោក Norm Bafunno អនុប្រធានជាន់ខ្ពស់ផ្នែកផលិតកម្ម និងវិស្វកម្មនៃក្រុមហ៊ុន Toyota បាននិយាយថា អតិថិជនតូយ៉ូតាចង់បានរថយន្តដែលសន្សំសំចៃប្រេង ឬប្រើប្រាស់ដោយថាមពលអគ្គីសនី។ ការវិនិយោគទាំងនេះអនុញ្ញាតឱ្យយើងបំពេញតាមតម្រូវការរបស់អតិថិជន និងឆ្លើយតបយ៉ាងឆាប់រហ័សចំពោះទីផ្សារដែលកំពុងវិវឌ្ឍន៍ហើយក្រុមរបស់យើងបានត្រៀមខ្លួនរួចជាស្រេចដើម្បីទទួលយកការប្រកួតប្រជែងថ្មីនេះការដំឡើងកំណែនឹងត្រូវបានធ្វើឡើងនៅក្នុងរដ្ឋ Alabama, Kentucky, Missouri និង Tennessee។ រោងចក្រ Toyota នៅរដ្ឋឡាបាម៉ា នឹងទទួលបានខ្សែសង្វាក់ផលិតកម្មថ្មី ៤ ស៊ីឡាំង ដែលនឹងផ្តល់ឱ្យវានូវសមត្ថភាពផលិតម៉ាស៊ីន ICE និងម៉ាស៊ីន Hybrid បន្ថែមទៀតហើយទីតាំងនៃរោងចក្រនេះនឹងពង្រីកទំហំ 10590.95 ម៉ែត្រការ៉េ។ ចាប់តាំងពីការកសាងរោងចក្រនេះក្នុងឆ្នាំ ២០០៣ ក្រុមហ៊ុន Toyota បានវិនិយោគទឹកប្រាក់ចំនួន ១.៥ ពាន់លានដុល្លារ។ រោងចក្រ Toyota នៅរដ្ឋ Kentucky នឹងពង្រីកជួនៃរម៉ាស៊ីន ៤ ស៊ីឡាំងដែលបានប្រកាសសម្រាប់វាកាលពីឆ្នាំមុន។ ហើយរោងចក្រដែលផលិតថាមពលអគ្គិសនីនេះអាចផលិតបានរហូតដល់ ៦០០,០០០ គ្រឿងក្នុងមួយឆ្នាំ។ រោងចក្រនេះក៏ជារោងចក្រដ៏ធំបំផុតរបស់ Toyota នៅទូទាំងពិភពលោក ហើយទទួលខុសត្រូវចំពោះរថយន្ត Toyota និង Lexus សរុបចំនួន ៧ ម៉ូដែល។ ម៉ូដែលទាំងនេះរួមមាន Lexus ES Hybrid, Camry, និង RAV4 Hybrid ហើយវាក៏មានការបង្កើតម៉ាស៊ីនប្រាំមួយស៊ីឡាំងផងដែរ។ មកដល់ពេលនេះ Toyota បានវិនិយោគទឹកប្រាក់ចំនួន ៨,៥ ពាន់លានដុល្លារក្នុងសេដ្ឋកិច្ចរដ្ឋ Kentucky។ ក្រុមហ៊ុន Toyota នៅរដ្ឋ Tennessee នឹងធ្វើបច្ចុប្បន្នភាពឧបករណ៍ដើម្បីបង្កើតម៉ាស៊ីនបួនស៊ីឡាំងថ្មី រោងចក្រនេះមានសមត្ថភាពផលិតបានម៉ាស៊ីនជាង ២ លានគ្រឿងក្នុងមួយឆ្នាំ។ នេះគ្រាន់តែជាជំហានដំបូងក្នុងការវិនិយោគនៅក្នុងរោងចក្រផលិតនៅសហរដ្ឋអាមេរិក ដើម្បីគាំទ្រដល់កិច្ចខិតខំប្រឹងប្រែងរបស់ខ្លួន៕ អត្ថបទដោយ៖ សូនីតា  

Lexus RZ 450e ស៊េរីឆ្នាំ ២០២៣ ប្រើថាមពលអគ្គិសនីនៅដំបូងបំផុតនៅក្នុងត្រកូលរបស់ Lexus

  • News

ប៉ុន្មានឆ្នាំកន្លងមកនេះនៅលើទីផ្សារបច្ចុប្បន្នមានការប្រកួតប្រជែងយ៉ាងខ្លាំងជាមួយរថយន្ដដែលប្រើប្រាស់ជាមួយថាមពលអគ្គិសនីហើយ ថ្មីៗនេះម៉ាយីហោបានបញ្ចេញជាមួយរថយន្តម៉ូដែល Lexus RZ 450e ស៊េរីឆ្នាំ ២០២៣ ដែលជាប្រភេទ SUV Crossover ដែលប្រើប្រាស់ដោយថាមពលអគ្គិសនីសុទ្ធ។ ហើយពេលនេះម៉ូដែល RZ 450e ដែលប្រើប្រាស់ដោយថាមពលអគ្គិសនីដំបូងរបស់ម៉ាកយីហោរ Lexus ដែលនឹងមាននៅប្រទេសអាមេរិកខាងជើង។ រថយន្តប្រភេទ SUV Crossover នេះវាមានថាមពលថ្ម ៧១.៤ គីឡូវ៉ាត់ម៉ោង និងមានម៉ូទ័រអេឡិចត្រិចចំនួន ២ ដែលផ្នែកខាងមុខមានកម្លាំង ១៥០ គីឡូវ៉ាត់ និងខាងក្រោយ ៨០ គីឡូវ៉ាត់ដែលរួមបញ្ចូលគ្នាអាចបង្កើតកម្លាំងបាន ៣០៨ សេះ និងកម្លាំងបង្វិល ៤៣៥ ញូតុនម៉ែត្រ។ ម៉ូដែល RZ 450e ក៏ត្រូវបានផ្តល់ជូនជាមួយនឹងប្រព័ន្ធដំណើរការដោយប៉ុងទាំងពីរដែលប្រើបំពាក់ថាមពលថ្មី Direct4 និងប្រព័ន្ធ steer-by-wire ដែលវាមានសម្រាប់តែម៉ូដែល RZ 450e តែប៉ុណ្នោះ។ ម៉ូដែលនេះត្រូវបានក្រុមហ៊ុនយកចិត្ដទុកដាក់បានយ៉ាងល្អសម្រាប់ផ្នែកខាងក្នុងដ៏ប្រណិតរួមទាំងប្រើប្រាស់ជាមួយអេក្រង់ Touch screen ដែលមានទំហំ ១៤ អ៊ីញនឹងដំណើរការជាមួយប្រព័ន្ធព័ត៌មានកម្សាន្ត Lexus Interface ដែលទើបនឹងបំពាក់នៅលើរថយន្ត NX និង LX ។ វាបានបំពាក់ដំបូលបែប Panoramic ដែលអាចមើលខាងក្រៅឃើញហើយកាប៊ីនបានភ្ជាប់មកជាមួយនឹងឧបករណ៍កម្តៅដែលត្រូវបានរចនាឡើងដើម្បីកំដៅជង្គង់ឬជើងរបស់អ្នកជិះនិងមានការសន្សំសំចៃថ្មបានយ៉ាងល្អ។ ដូចដែលយើងបានឃើញក្នុងរូបហើយថារថយន្តម៉ូដែលនេះនៅខាងក្រោយមានភ្លើងអូសកាត់ពេញរាង និងមាននូវអ្វីដែលមើលទៅដូចជាស្លាបយន្តហោះតូចមួយគូនៅលើគែមខាងក្រោមនៃដំបូលដ៏ប្រណិត។ សម្រាប់ពេលនេះក្រុមហ៊ុនមិនទាន់បង្ហាញអ្វីច្រើនអំពីម៉ូដែល RZ ថ្មីនោះទេគ្រាន់តែបានប្រាប់ថា ការដាក់បង្ហាញលើកដំបូងនឹងឃើញពីភាពរីករាយនៃការបើកបរដែលមានតែ Lexus ប៉ុណ្ណោះដែលអាចផ្តល់ជូន។ ហើយសម្រាប់តម្លៃនៃរថយន្ត Lexus RZ 450e ស៊េរីឆ្នាំ ២០២៣ មិនទាន់ចេញនៅឡើយទេប៉ុន្ដែវានឹងអាចចេញលក់នៅចុងឆ្នាំនេះ៕ អត្ថបទដោយ៖ សូនីតា  

ទីបំផុត! រថយន្តអគ្គិសនីដំបូងបង្អស់របស់ក្រុមហ៊ុន Lexus នឹងបង្ហាញខ្លួននៅថ្ងៃស្អែកនេះ

  • News, New Car

សប្តាហ៍នេះ គឺជាព្រឹត្តិការណ៍ដ៏សំខាន់មួយសម្រាប់ Lexus ម៉ាកយីហោផលិតរថយន្តប្រណិតរបស់ជប៉ុនមួយនេះ នឹងបង្ហាញវត្តមានរថយន្តអគ្គិសនីដំបូងបង្អស់របស់ខ្លួន។ ជាការពិតណាស់ Lexus ធ្លាប់បានផ្តល់ជូនរថយន្តអគ្គិសនី UX 300e កាលពីឆ្នាំមុនរួចមកហើយនៅអឺរ៉ុប ប៉ុន្តែរថយន្តអគ្គិសនីនោះមិនមែនជាការបង្ហាញខ្លួនជាផ្លូវការរបស់ក្រុមហ៊ុននោះទេ។ បើតាមរបាយការណ៍បានបង្ហាញថារថយន្ត Lexus RZ 450e ស៊េរីឆ្នាំ ២០២៣ ទើបជារថយន្ត EV ដំបូងគេរបស់ក្រុមហ៊ុន Lexus។ ទោះយ៉ាងណាក៏ដោយ វានៅសល់ច្រើនដើម្បីស្វែងយល់អំពីម៉ូដែលទាំងអស់នេះ រួមទាំងដំណើរការ កម្រិតថាមពលអគ្គិសនីបើកបរ លក្ខណៈបច្ចេកទេស និងតម្លៃ។ ហើយយើងនឹងបានដឹងព័ត៌មានលម្អិតទាំងអស់នេះនៅក្នុងការផ្សាយផ្ទាល់នៅថ្ងៃពុធ ទី២០ ខែមេសា ឆ្នាំ២០២២ ។ មុនពេលអាថ៌កំបាំងរបស់ RZ ត្រូវបានបង្ហាញ Lexus មិនចង់ឱ្យអ្នកគាំទ្ររបស់ខ្លួនទន្ទឹងរងចាំយូ ក៏បានបង្ហាញរូបភាពជាច្រើនសន្លឹកនៅលើប្រព័ន្ធផ្សព្វផ្សាយរបស់ខ្លួន អំពីម៉ូដែលជាច្រើនដែលនឹងមកដល់នៅពេលខាងមុខដ៏ខ្លីនេះ ។ ព័ត៌មានថ្មីៗជាច្រើនត្រូវបានចែករំលែកដោយ Lexus និយាយថា "ការមកដល់ជាលើកដំបូងនឹងបង្ហាញពីភាពរីករាយនៃការបើកបរ មានតែ Lexus ប៉ុណ្ណោះដែលអាចផ្តល់នូវសំឡេងនៃធម្មជាតិដែលប្រមូលបានពីពិភពពិតដែលដាស់អារម្មណ៍ទាំងប្រាំ ក្រោមប្រធានបទ "សម្លេងផែនដី" ។ ហើយយើងក៏មិនច្បាស់ទេថាតើសេចក្តីថ្លែងការណ៍នេះគឺសំដៅទៅលើរថយន្តខ្លួនឯងដែលបង្កើតសំឡេងជំរុញពិសេស ឬប្រសិនបើព្រឹត្តិការណ៍បង្ហាញនឹងមានរូបរាងផែនដី។ យើងសង្ស័យថា RZ នឹងផ្តល់ជូននូវប្រព័ន្ធបើកបរប៉ុងផ្សេងៗគ្នា ដែលប៉ុងនីមួយៗមានទម្រង់សំឡេងខុសៗគ្នា។ ការផ្តល់សំឡេងពិសេសៗក្នុងអំឡុងពេលបង្កើនល្បឿននឹងក្លាយជាវិធីមួយដែល Lexus អាចបែងចែករថយន្តអគ្គិសនី RZ ខុសពី bZ4X រថយន្តអគ្គិសនីរបស់ Toyota។ ព្រោះរថយន្តទាំងពីរនេះចែករំលែកគ្រោងឆ្អឹង e-TNGA របស់ក្រុមហ៊ុនដូចគ្នា ប៉ុន្តែរំពឹងថាវានឹងមានរូបរាងខុសគ្នាដោយសារសូម្បី Subaru Solterra ក៏មានរូបរាងស្រដៀងនឹង bZ4X ផងដែរ។ តូយ៉ូតាផ្តល់ជូននូវប្រភេទ bZ4X ចំនួនពីរ គឺកំណែម៉ូទ័រតែមួយផ្តល់កម្លាំង ២០១ សេះ និងម៉ូដែលម៉ូទ័រពីរដែលមានកម្លាំង ២១៥ សេះ បើកបរដោយកង់ទាំងអស់។ ឈុតខ្លីៗនៃ RZ បង្ហាញផ្លាកសញ្ញា "Direct 4" នៅខាងក្រោយ ដែលបង្ហាញថាវានឹងមកដល់ជាមួយនឹងកំណែកង់ទាំងអស់ AWD។ ប៉ុន្តែអ្នកគាំទ្រចង់ដឹងចង់ឃើញ Lexus ផ្តល់កំណែកង់ខាងមុខដែលមានតម្លៃទាបជាងជាមួយនឹងកម្រិតថ្មដែលបើកបរបានឆ្ងាយ ច្រើនជាង bZ4X ដែរឬទេ។ ហើយប្រាកដចម្លើយនឹងមកដល់ក្នុងឆាប់ៗនេះ៕  

Lexus NX ស៊េរីឆ្នាំ ២០២២ កំពុងមានបញ្ហាក្នុងការប្រមូលចូលឃ្លាំងវិញជាង ៤,០០០ គ្រឿង

  • News

រថយន្ត Lexus NX ស៊េរីឆ្នាំ ២០២២ ដែលជាប្រភេទរថយន្ត SUV ដោយវាត្រូវបានបង្កើតឡើងនូវចុងឆ្នាំ ២០១៤ ហើយរថយន្តរបស់ជប៉ុនមួយនេះក៏បានក្លាយជារថយន្តមួយដែរលក់ដាច់បំផុតនៅឯប្រទេសរុស្សីជាមួយនឹងការសាងសង់ដ៏រឹងមាំនិងរូបរាងដ៏ប្រណិតទៀតផង។ ជាអកុសលថ្មីៗនេះរថយន្ត NX ស៊េរីឆ្នាំ ២០២២ កំពុងតែមានការប្រមូលមកវិញរួមទាំងម៉ូដែល Hybrid និង PHEV ដោយសារតែមានបញ្ហាទៅលើប្រព័ន្ធសុវត្ថិភាព។ ក្រុមហ៊ុន Toyota បានចេញសេចក្តីថ្លែងការណ៍មួយដោយបង្ហាញអំពីព័ត៌មានដ៏លម្អិតទៅលើបញ្ហាប្រព័ន្ធជើងក្រោមបូមខាងមុខយ៉ាងធ្ងន់ធ្ងរ។ បើយោងតាមម៉ាកយីហោជប៉ុនបានឱ្យដឹងថារថយន្ត Lexus NX ជាង ៤,០០០ គ្រឿងត្រូវប្រឈមមុខជាមួយនឹងបញ្ហាការផ្សារភ្ជាប់មិនត្រឹមត្រូវបានធ្វើឱ្យបូមផ្នែកខាងមុខមានការរបូតចេញពីផ្នែក Strut Mount ដែលវាអាចបណ្តាលឱ្យបូមនិងរថយន្តមានការបែកចេញពីគ្នា។ រីឯការស្តារមុខមាត់ឡើងវិញ ក្រុមហ៊ុនមិនទាន់បានប្រកាសនូវឡើយទេ ប៉ុន្តែម្ចាស់រថយន្តដែលបានប្រមូលមកវិញ បានរំពឹងថា Toyota និង Lexus នឹងដោះស្រាយបញ្ហាក្នុងពេលឆាប់ៗនេះ។ ហើយម្ចាស់រថយន្តនឹងត្រូវបានជូនដំណឹងនៅពេលដែលដំណោះស្រាយរបស់ក្រុមហ៊ុមផលិតរថយន្តចាប់ផ្តើម។ នេះមិនមែនជាលើកទីមួយទេក្នុងការប្រមូលមកវិញក្នុងឆ្នាំ ២០១៨ រថយន្តចំនួន ៦៤៥,០០០ គ្រឿងនៅទូទាំងពិភពលោកដោយរងផលប៉ះពាល់ទៅលើពោងសុវត្ថិភាពនៃរថយន្ត។ នៅឯសហរដ្ឋអាមេរិករថយន្ត Lexus RX, NX ជំនាន់មុននិង Toyota Prius ជាង ៤៩,០០០ គ្រឿងត្រូវបានរងផលប៉ះជាខ្លាំងទៅលើពោងសុវត្ថិភាពផងដែរ។ ការមានបញ្ហាទៅលើពោងសុវត្ថិភាព Takata បានធ្វើឱ្យក្រុមហ៊ុន  Toyota មានការប្រមូលយកមកវិញចំនួន ១.៧ លានគ្រឿងនៅទូទាំងពិភពលោក ដោយធ្វើឱ្យមនុស្សជាង ២០ ត្រូវបានបង់ជីវិតទៀតផង ៕ អត្ថបទដោយ៖ សាល សក្កណា  
✔

Copy link Success.

×

វីដេអូ

Ford Ranger ស៊េរីឆ្នាំ២០២២ បានបង្ហាញខ្លួនសម្រាប់ពិភពលោកទាំងមូល នេះជាអ្វីដែលអ្នកទទួលបាន

  • Reviews, New Car

ឡានចាស់សេ៊រីថ្មី ឆ្នាំ២០២២ CR-V របស់ Honda ទទួលបានការរិះគន់ច្រើនប៉ុន្តែបែរជានៅតែលក់ដាច់ទៅវិញ

  • Reviews, New Car

ធ្លាប់តែឃើញឡានហោះនៅ ក្នុងរឿងពេលនេះបានឃើញហើយ ឡានហោះពិតៗ

  • News

ព័ត៌មានពេញនិយម

ចំណាយត្រឹមតែ ៧ ម៉ឺនដុល្លារសម្រាប់ម៉ូដែល F-150 Lightning នឹងធ្វើអោយលោកអ្នកចំណេញទ្វេដង

  • News

មិនបាច់ត្រូវចាំ ៤ ឆ្នាំចិនប្រើសំបក Land Cruiser ស៊េរី 300 ថ្មីគ្របពីលើស៊េរី 200 ចាស់ដូចគ្នាគ្មានទាស់

  • News

អ្នករចនាបង្កើតរូបភាពឌីជីថលនៃរថយន្ត FJ Cruiser អគ្គិសនីថ្មីដែល Toyota គ្រោងនឹងផលិតនាពេលឆាប់ៗនេះ

  • News

Lexus បានបង្ហាញរូបភាពអាវុធថ្មីដែលធ្វើអោយអ្នកគាំទ្រអន្ទះសារចង់ដឹងលម្អិតពីវា

  • News

រថយន្តប្រភេទ Off-Road ទាំង ៥ ដែលមានឥទ្ធិពលបំផុតនៅក្នុងឆ្នាំ ២០២២

  • News, New Car

Hyundai Santa Fe ឆ្នាំ ២០២២ កំពុងតែជួបបញ្ហាដែលតម្រូវឱ្យក្រុមហ៊ុនធ្វើការប្រមូលរថយន្តមកវិញ

  • News

ម្ចាស់រថយន្ត Ford Mustang Mach-E អគ្គិសនីរងភាពអយុត្តិធម៌ជាមួយនឹងវិក័យប័ត្រជួសជុលខ្ទង់ម៉ឺនដុល្លារ 

  • News

Tundra Capstone ឆ្នាំ 2022 ប្រណិតហើយមានតម្លៃថោកជាង F-150 PowerBoost

  • News

Toyota ត្រូវបានគេរាយការណ៍ថាកំពុងធ្វើតេស្ត TRD Pro ដើម្បីប្រកួតប្រជែងជាមួយនិង Ford F-150 Raptor

  • News

Toyota bZ4X GR Sport ត្រៀមដាក់បង្ហាញក្នុងការតាំងពិព័រណ៍រថយន្តTokyo ឆ្នាំ ២០២២

  • News

ប្រភេទ

ស្លាក

ទាញយកកម្មវិធីដោយឥតគិតថ្លៃ