Mazda កំពុងព្យាយាម​ធ្វើឱ្យរថយន្តរបស់ខ្លួន​ក្លាយជារថយន្ត​ដ៏ប្រណិត​សម្រាប់​ទីផ្សារអាមេរិក

News
មើល: 632

Mazda គឺជាក្រុមហ៊ុនផលិតរថយន្តដ៏ធំមួយក្នុងចំណោមក្រុមហ៊ុនធំៗរបស់ប្រទេសជប៉ុនដោយបានចាប់កំណើតតាំងពីឆ្នាំ ១៩២០ មកម្លេះដែលមានមូលដ្ឋាននៅឯទីក្រុង Hiroshima ។ ហើយ Mazda ក៏តែងតែផ្តល់ជូននូវរូបរាង្គដ៏ស្រស់ស្អាតសាមញ្ញជាមួយនឹងអធប្រយោជន៍ជាច្រើននៃរថយន្តរបស់ខ្លួនផងដែរ។

ថ្មីៗនេះ Mazda បានបង្ហាញនូវម៉ូដែលស៊េរីថ្មីរបស់ខ្លួនដែលជាប្រភេទរថយន្តផ្សងព្រេង Crossover ដ៏ប្រណិតមួយនោះគឺ Mazda CX-50 ឆ្នាំ ២០២៣ ខណៈពេលដែល Mazda ក៏កំពុងបានត្រៀមខ្លួនបង្ហាញនូវរថយន្តប្រភេទ SUV CX-60 ស៊េរីថ្មី។

ម៉ាកយីហោរបស់ជប៉ុនមួយនេះកំពុងតែព្យាយាមវាយលុកក្នុងទីផ្សារយ៉ាងខ្លាំងជាមួយនឹងម៉ូដែលនាពេលអនាគតរបស់ខ្លួន ដោយបានផ្តល់ជូននូវប្រព័ន្ធ Rear Wheel Drive ថ្មី ជាមួយម៉ាស៊ីន ៦ ស៊ីឡាំងផងដែរ។

លោក Jeremy Thomson ដែលជានាយកគ្រប់គ្រងក្រុមហ៊ុន Mazda UK បានកំពុងតែចង់ឱ្យម៉ាកយីហោរបស់ខ្លួនមានឈ្មោះជារថយន្តដ៏ប្រណិតមួយនៅក្នុងទីផ្សារអាមេរិក ដោយគាត់បានមើលឃើញនូវក្រុមហ៊ុន Lexus ដែលបានក្លាយជាក្រុមហ៊ុនដ៏ប្រណិតមួយរបស់ជប៉ុនក្នុងទីផ្សារអាមេរិក។

លោក Thomson បាននិយាយថាគាត់នឹងព្យាយាមស្វែងរកចំណុចខុសគ្នារវាង Lexus និង Mazda ដោយ Thomson បានបន្ថែមទៀតថាគាត់ និងបង្កើនគុណភាព រចនាប័ទ្ម បច្ចេកវិទ្យា និងលក្ខណៈពិសេសដែលផ្តល់ជូនទៅឱ្យអ្នកបើកបរ។

ទាំងនេះគឺជាអ្វីដែលក្រុមហ៊ុន Mazda កំពុងរៀបចំជាមួយនឹងរថយន្ត CX-60 ។ អ្វីដែលពិសេសជាងនេះទៅទៀតគឺ CX-90 ដែលនឹងមកដល់នាពេលខាងមុខនេះ ដោយក្រុមហ៊ុនបានសន្យាថាវានឹងក្លាយជារថយន្ត SUV ដ៏ប្រណិតបំផុតរបស់ខ្លួនដែលអាចនិងក្លាយជាទីពីរនៃរថយន្តដ៏ប្រណិតរបស់ប្រទេសជប៉ុនក្នុងទីផ្សារអាមេរិក៕

អត្ថបទដោយ៖ សាល សក្កណា

ចែករំលែក:
ស្លាក:

Relate Post

លម្អិតរថយន្ត Mazda CX-60 ស៊េរីឆ្នាំ ២០២៣ ទាំងម៉ាស៊ីន កម្លាំងសេះនិងចំងាយបើកបររបស់ម៉ូទ័រអគ្គិសនី

  • News

កាលពីប៉ុន្មានខែមុននេះក្រុមហ៊ុនផលិតរថយន្តរបស់ជប៉ុន Mazda បានបើកបង្ហាញរថយន្ត SUV ថ្មីរបស់ខ្លួនដែលយើងស្គាល់ថាជាម៉ូដែល Mazda CX-60 ស៊េរីឆ្នាំ ២០២៣។ ប៉ុន្តែទន្ទឹមនឹងការចេញផ្សាយព័ត៌មានហាក់ត្រូវបានលាក់ទុកយ៉ាងអាថកំបាំង។ ទើបតែពេលថ្មីៗនេះ ការចេញផ្សាយពីព័ត៌មានលម្អិតត្រូវបានបង្ហាញ ដែលរថយន្តនេះគឺជារថយន្តដំបូងបានបំពាក់ជាមួយនឹងម៉ាស៊ីន Skyactiv-G 2.5 និង e-Skyactiv Plug-in hybrid ថ្មីរបស់ក្រុមហ៊ុន Mazda។ សម្រាប់ CX-60 មួយនេះវាបានបញ្ជូនចលនាដោយប្រអប់លេខស្វ័យប្រវត្តិប្រាំបីវគ្គ វាក៏ជាលើកដំបូងដែល Mazda ព្រមដំឡើងម៉ាស៊ីនសាំង Skyactiv-G ដែលមកជាមួយនឹងស៊ីឡាំង ៤ ចំណុះ ២.៥ លីត្រ នឹងមានសមត្ថភាពអាចបង្កើតកម្លាំងបានដល់ទៅ ២៥៦ សេះ រីឯកម្លាំងរង្វិលគឺ ៤៣៣ ញូតុនម៉ែត្រ។ ដោយសារតែរថយន្តបានបំពាក់ជាមួយម៉ាស៊ីន e-Skyactiv Plug-in hybrid ថ្មីនោះប្រសិនបើអ្នកបើកបរប្រើប្រាស់ជាមួយថាមពលអគ្គីសនីសុទ្ធ រថយន្តមួយនេះនឹងអាចរត់បាន ៦០ គីឡូម៉ែត្រ ឬរហូតទៅដល់ ១០០ គីឡូម៉ែត្រ ជាមួយនឹងការសាកថ្មពេញម្ដង ដោយការសាកថ្មមួយពេញម្ដងត្រូវការរយៈពេល ៤ ម៉ោង។ រីឯវិមាត្ររបស់វាវិញរថយន្តនេះមានកម្ពស់ ១,៦៨៥ មីលីម៉ែត្រ និងប្រវែង ៤,៧៤០ មីលីម៉ែត្រ។ CX-60 ថ្មីក៏មានទទឹង ១,៨៩០ មីលីម៉ែត្រ និងទទឹង ២,៨៧០ មីលីម៉ែត្រ។ លោក Kazuyoshi Todo នាយកប្រតិបត្តិការទទួលបន្ទុកផ្នែកលក់ក្នុងស្រុកបាននិយាយថា រថយន្ត CX-60 ត្រូវបានកែលម្អគុណភាពខ្ពស់បំផុតក្នុងការបើកបរ ភាពប៉ិនប្រសប់ និងសុវត្ថិភាព។ ក្រុមហ៊ុនគ្រោងនឹងដាក់ឱ្យដំណើរការលើទីផ្សារប្រទេសជប៉ុននៅរដូវស្លឹកឈើជ្រុះខាងមុខនេះ។ ហើយរថយន្ត Mazda CX-60 នេះទំនងជាអាចប្រកួតប្រជែងនឹងរថយន្តអឺរ៉ុប ដែលរួមមានម៉ូដែល Jeep Grand Cherokee និង Ford Explorer៕ អត្ថបទដោយ៖ សូនីតា

Mazda CX-60 ស៊េរីថ្មីឆ្នាំ ២០២៣ មកជាមួយនឹងប្រព័ន្ធ Plug-in Hybrid ដំបូងរបស់ក្រុមហ៊ុន Mazda

  • News, Reviews, New Car

Mazda ដែលត្រូវបានគេស្គាល់ជាក្រុមហ៊ុនផលិតរថយន្តដ៏ធំមួយរបស់ប្រទេសជប៉ុនដែលមានមូលដ្ឋាននៅឯទីក្រុង Hiroshima និងបង្កើតឡើងដំបូងនៅក្នុងឆ្នាំ ១៩២០ ។ ហើយ Mazda ក៏ជាក្រុមហ៊ុនដែលមានវ័យចំណាស់មួយបានផ្តល់ឱ្យអតិថិជនខ្លួននូវរថយន្តដែលមានភាពគុណភាព និងភាពជឿជាក់បំផុត។ ទន្ទឹមនឹងការផ្តល់នូវរថយន្តដែលប្រើសាំងសុទ្ធសម្រាប់ទីផ្សារ Mazda ក៏បានធ្វើនូវកំណែទម្រង់ថ្មីសម្រាប់ទីផ្សារបច្ចុប្បន្នដែលកំពុងតែមានភាពជ្រួលច្របល់នឹងបច្ចេកវិទ្យានោះគឺរថយន្តអគ្គិសនី។ Mazda បានផ្តល់នូវរថយន្តប្រភេទ PHEV ដំបូងរបស់ខ្លួនដែលចាប់ផ្តើមនៅក្នុងម៉ូដែល Mazda CX-60 ហើយវាក៏បានពឹងផ្អែកទៅលើម៉ូដែល MX-30 ប្រភេទ SUV ដែលជារថយន្តអគ្គិសនីដំបូងរបស់គេរបស់ Mazda ផងដែរ។ ការបង្ហាញនូវរថយន្តប្រភេទ PHEV របស់ខ្លួនគឺ CX-60 ស៊េរីឆ្នាំ ២០២៣ វាបានភ្ជាប់មកជាមួយនឹងប្រព័ន្ធ Plug-in-hybrid Powertrain ដែលមានម៉ាស៊ីន Skyactiv ៤ ស៊ីឡាំងចំណុះ ២.៥ លីត្រ និងម៉ូទ័រអេឡិចត្រូនិច ១០០ គីឡូវ៉ាត់ ដោយវាអាចបង្កើតកម្លាំងបានរហូតដល់ ៣២៣ សេះ និងកម្លាំងបង្វិល ៥០០ ញ៉ូតុនម៉ែត្រ។ ហើយវាក៏បានមកជាមួយនឹងប្រព័ន្ធដំណើរការដោយកង់ទាំងអស់ All Wheel Drive ភ្ជាប់ជាមួយនឹងប្រអប់លេខ ៨ វគ្គស្វ័យប្រវត្តិ។ សម្រាប់ល្បឿនស្ទុះនៃម៉ាស៊ីន CX-60 បានបង្កើនល្បឿនពី ០ ទៅ ១០០ គីឡូម៉ែត្រក្នុងមួយម៉ោង ប្រើរយៈពេលត្រឹមតែ ៥.៨ វិនាទីប៉ុណ្ណោះ។ ចំណែកឯផ្នែកខាងក្នុងនៃរថយន្ត CX-60 ស៊េរីថ្មីមួយនេះក៏បានភ្ជាប់មកជាមួយនឹងប្រព័ន្ធ Android Auto និង Apple CarPlay ដែលជាប្រភេទ Wireless ហើយក្រុមហ៊ុនក៏បានបន្ថែមទៅនឹងប្រព័ន្ធសុវត្ថិភាពកម្រិតផ្កាយ ៥ និងប្រព័ន្ធទប់លំនឹង Kinematic Posture Control ។ រីឯតម្លៃនៃរថយន្តមួយនេះ Mazda មិនទាន់បានបង្ហាញនៅឡើយទេប៉ុន្តែបើតាមការប៉ានស្មានរថយន្តមួយនេះនឹងអាចមានតម្លៃចាប់ពី ២៧,០០០ ដុល្លាឡើងទៅ៕  អត្ថបទដោយ៖ សាល សក្កណា  

Mazda CX-50 ២០២៣ បានបង្ហាញខ្លួនលើទីផ្សារអាមេរិកចាប់ផ្តើមក្នុងតម្លៃ ២៨,០២៥ ដុល្លា

  • News, New Car

ក្រុមហ៊ុន Mazda គឺជាក្រុមហ៊ុនផលិតរថយន្តដ៏ធំមួយក្នុងចំណោមក្រុមហ៊ុនធំៗរបស់ប្រទេសជប៉ុនដែលមានមូលដ្ឋាននៅទីក្រុង Hiroshima ប្រទេសជប៉ុន។ ថ្មីៗនេះ Mazda បានបង្ហាញនូវរថយន្តស៊េរីថ្មីរបស់ខ្លួនគឺរថយន្ត Mazda CX-50 ឆ្នាំ ២០២៣ ដែលជារថយន្តដំបូងគេនៃប្រភេទរថយន្ត Crossover ។ ហើយ CX-50 មួយនេះជារថយន្តដំបូងគេ ដែលមានដំបូលកញ្ចក់បែប Panoramic Sunroof និងបច្ចេកវិទ្យា Intelligent Drive Select របស់ Mazda ។ ដោយវាក៏បានមកជាមួយមុខងារ Off-Road និង មុខងារនៃការអូសទាញផងដែរ។ CX-50 ស៊េរីឆ្នាំ ២០២៣ បានបំពាក់មកជាមួយម៉ាស៊ីនចំណុះ ២,៥ លីត្រ ៤ ស៊ីឡាំងដែលអាចបង្កើតកម្លាំងបាន ១៨៧ សេះ និងកម្លាំងបង្វិល ២៥២ ញ៉ូតុនម៉ែត្រ។ អតិថិជនក៏អាចជ្រើសរើសនូវម៉ាស៊ីនចំណុះ ២,៥ លីត្របំពាក់ជាមួយ Turbos ដែលបង្កើតកម្លាំងបាន ២២៧ សេះនិងកម្លាំងបង្វិល ៤២០ ញ៉ូតុនម៉ែត្រ ប្រសិនបើប្រើប្រាស់ប្រេងឥន្ធនៈប្រភេទ Regular រីឯការប្រើប្រាស់ជាមួយ ប្រេងឥន្ធនៈប្រភេទ Premium វាអាចបង្កើតកម្លាំងបានរហូតទៅដល់ ២៥៦ សេះនិងកម្លាំងបង្វិល ៤៣៤ ញ៉ូតុនម៉ែត្រ។ ហើយម៉ាស៊ីនទាំងពីរត្រូវបានផ្គូផ្គងតាមរយៈប្រអប់លេខ ៦ វគ្គស្វ័យប្រវត្តិ។ Mazda CX-50 ក៏បានភ្ជាប់មកជាមួយនឹងប្រព័ន្ធ All-wheel drive ហើយវាក៏មានមុខងារ Sport និង Off-Road ផងដែរ។ រីឯប្រព័ន្ធសុវត្ថិភាពមានដូចជា ប្រព័ន្ធចាប់អ្នកដំណើរថ្មើជើង ប្រព័ន្ធជំនួយប្រសិនបើមានរថយន្តដ៏ទៃចង់វ៉ាជែង ប្រព័ន្ធជំនួយខុសកន្លងផ្លូវ និងប្រព័ន្ធសេនស័រជូនដំណឹងខាងក្រោយ។ ចំណែកឯ Mazda CX-50 ស៊េរីឆ្នាំ ២០២៣ បានចាប់ផ្តើមក្នុងតម្លៃ ២៨,០២៥ ដុល្លាដែលជាតម្លៃចេញពីរោងចក្រ Mazda Toyota Manufacturing រដ្ឋ Alabama សហរដ្ឋអាមេរិក។ អត្ថបទដោយ៖ សាល សក្កណា  

Mazda Carol របស់ក្រុមហ៊ុន Mazda  ចេញលក់តម្លៃក្រោម ១ ម៉ឺនដុល្លារ 

  • News

Mazda ឈប់លក់រថយន្តម៉ូដែលនេះប៉ុន្មានឆ្នាំមុនហើយវាបានត្រលប់មកវិញក្នុងទម្រង់ជា Toyota Yaris hatchback ប៉ុន្តែវាត្រូវបានបញ្ឈប់មុនឆ្នាំ ២០២១។ ទោះជាយ៉ាងណាក៏ដោយ ម៉ាកយីហោជប៉ុនក៏មានរថយន្តដែលតូចជាងហើយក៏កំពុងចរាចរណ៍នៅក្នុងទីផ្សារក្នុងស្រុករបស់ខ្លួនផងដែរ ត្រូវបានគេហៅថា Mazda Carol ម៉ូដែលនេះវាទទួលបានការអាប់ដេតដ៏ធំសម្រាប់ឆ្នាំ ២០២២ ហើយបន្តក្លាយជាក្រុមហ៊ុនផលិតរថយន្តសម្រាប់ប្រភេទ Kei។ បើមើលទៅវាស្រដៀងគ្នានិងប្អូនភ្លោះរបស់ Suzuki Alto ដែលមានលក់នៅប្រទេសជប៉ុន និងតំបន់ផ្សេងទៀតក្នុងពិភពលោក។ រថយន្ត Mazda Carol ដែលបានកែលម្អឡើងវិញមានកម្រិតដូចគ្នានឹងរថយន្ត Alto ដែរវាក៏ចែករំលែកម៉ាស៊ីន 658cc R06A inline-3 ជាមួយ Suzuki ក៏ដូចជា 657cc R06D mild-hybrid powertrain ផងដែរ។ គួរឱ្យភ្ញាក់ផ្អើល មានកំណែ All-wheel-drive ប៉ុន្តែការដំឡើងស៊ីសាំងបំផុតគឺ 2WD MHEV សាំងចំណុះមួយលីត្រវាអាចបើបរបានត្រឹមតែ ២៧.៧ លីត្រប៉ុណ្ណោះ ឬ ប្រហែលចន្លោះពី ៣ ទៅ ៤ លីត្រក្នុង ១០០ គីឡូម៉ែត្រ។ ភាពជាដៃគូរវាង Suzuki និង Mazda នៅក្នុងថ្នាក់ Kei មានដំណើរទៅមុខរហូតដល់ចុងទសវត្សរ៍ទី ៨០ នៅពេលដែលក្រុមហ៊ុនក្រោយបានបញ្ចូលផ្នែកនេះឡើងវិញ។ ស្រដៀងនឹងរចនាសម្ព័ន្ធតួខ្លួន និងរចនាបថទៅនឹង Suzuki របស់វា ហើយCarol មានភាពខុសប្លែកពី Alto ជាមួយនឹងការតុបតែងកាប៊ីនរបស់វា។ រឿងគឺដូចគ្នាសម្រាប់គំរូឆ្នាំ ២០២២ ចាប់តាំងពីក្រុមហ៊ុន Suzuki បានបង្ហាញរថយន្ត Alto ជំនាន់ទី៩ នៅក្នុងប្រទេសជប៉ុន ឥឡូវនេះ Mazda កំពុងដើរតាមរថយន្ត Carol ជំនាន់ទី៨។  Mazda Carol នឹងមានលក់នៅតាម dealer របស់ខ្លួននៅពាក់កណ្តាលខែមករា ឆ្នាំ ២០២២ ជាមួយនឹងតម្លៃ sticker ដែលចាប់ផ្តើមពី ៩៩៨,៨០០ យ៉េន ឬប្រហែល ៨,៦៨០ ដុល្លារ ដែលតម្លៃនេះឡើងចុះទៅតាមអត្រាប្តូរប្រាក់បច្ចុប្បន្ន៕ 

តម្លៃរថយន្ត Mazda 3 ឆ្នាំ ២០២២ មានការកើនឡើងជាងឆ្នាំមុនៗ

  • News

មិនមានការផ្លាស់ប្តូរអ្វីធំដុំណាមួយនោះទេចំពោះរថយន្ត Mazda ដែលជាប្រភេទរថយន្ត Sport នឹង hatchback ។ ប៉ុន្តែយើងក៏មានជម្រើសថ្មីបន្ថែមទៀតដែលអាចអោយអ្នកជ្រើសរើសបានសម្រាប់ម៉ូឌែលឆ្នាំ ២០២២នេះ។ Mazda ក៏បានបញ្ជាក់ផងដែរថាសម្រាប់ម៉ូឌែលឆ្នាំ ២០២២ នេះនឹងចាប់បង្ហាញក្នុង showroom ដែលមាននៅតាម Dealer របស់ខ្លួននៅរដូវរងារនេះ។ ចំនុចលេចធ្លោរបស់ Mazda 3 គឺ ខ្លប់ខាងក្រោយដ៏ធំទូលាយ នឹង ពណ៍ដែលមើទៅគួរអោយទាក់ទាញ។ ចំពោះខ្លប់ខាងក្រោយវាមិនថ្មីសម្រាប់ Mazda ផ្សេងៗ នោះទេតែវាថ្មីសម្រាប់ម៉ូឌែល 3 នេះ។ ហើយម៉ូឌែលនេះវាភ្ជាប់មកជាមួយម៉ាស៊ីន skyactiv-G I 4 ចំណុះ ២.០ លីត្រ នឹងប្រអប់លេខស្វ័យប្រវត្តិ ៦ វគ្គ។ ហើយពណ៍ Polymetal Gray Metallic គឺគ្របដណ្ដប់ពេញផ្ទៃរថយន្ត ជាមួយនឹងកងខ្មៅរលោង។ ផ្ទៃខាងក្នុងធ្វើពីស្បែកក្រហម ដែលបូករួមទាំងប្រព័ន្ធសំឡេង Bose speaker ១២គ្រាប់ ជាមួយនឹងសំណាញធុងបាសអាលុយមីញ៉ូម។ Version របស់ Sedan នឹងដាក់លក់ក្នុងតម្លៃ ២៧,៤១៥ ដុល្លារ ខណៈ Hatchback មានតម្លៃដល់ទៅ ១៨,៤១៥ ដុល្លារ។  សម្រាប់តម្លៃរបស់ Mazda 3 ឆ្នាំ ២០២២ មានការកើនឡើងមិនត្រឹមតែតម្លៃមូលដ្ធានប៉ុណ្ណោះទេ ថែមទាំងសេវាដឹកជញ្ញូនផងដែរ។ នៅឆ្នាំ ២០២១ តម្លៃដឹកជញ្ញូនមានចាប់ពី ៩២០ ដុល្លារ ទៅ ៩៤៥ ដុល្លារ ហើយមកដល់ឆ្នាំ២០២២ យើងឃើញតម្លៃកើនឡើងដល់ ១,០១៥ ដុល្លារ។ ចំពោះម៉ូឌែលផ្សេទៀតគឺមានតម្លៃឡើងចុះទៅតាមប្រភេទ ម៉ាស៊ីន ឫក៏ option ផ្សេងៗគ្នា ដូចជាម៉ូឌែល Mazda 3  S Premium គឺមានតម្លៃ ២០,០០០ ជាងប៉ុណ្ណោះ បើសិនជាlលោកអ្នកចង់បាន Option AWD ឫប្រព័ន្ធដែលដំណើរការដោយកង់ទាំងអស់ ត្រូវចំណាយបន្ថែមចំនួន ១,៤០០ ទៀត ហើយបូករួមជាមួយសេវាដឹកជញ្ជូន សម្រាប់ម៉ូឌែលនេះ​៕​  
✔

Copy link Success.

×

វីដេអូ

Ford Ranger ស៊េរីឆ្នាំ២០២២ បានបង្ហាញខ្លួនសម្រាប់ពិភពលោកទាំងមូល នេះជាអ្វីដែលអ្នកទទួលបាន

  • Reviews, New Car

ឡានចាស់សេ៊រីថ្មី ឆ្នាំ២០២២ CR-V របស់ Honda ទទួលបានការរិះគន់ច្រើនប៉ុន្តែបែរជានៅតែលក់ដាច់ទៅវិញ

  • Reviews, New Car

ធ្លាប់តែឃើញឡានហោះនៅ ក្នុងរឿងពេលនេះបានឃើញហើយ ឡានហោះពិតៗ

  • News

ព័ត៌មានពេញនិយម

ចំណាយត្រឹមតែ ៧ ម៉ឺនដុល្លារសម្រាប់ម៉ូដែល F-150 Lightning នឹងធ្វើអោយលោកអ្នកចំណេញទ្វេដង

  • News

មិនបាច់ត្រូវចាំ ៤ ឆ្នាំចិនប្រើសំបក Land Cruiser ស៊េរី 300 ថ្មីគ្របពីលើស៊េរី 200 ចាស់ដូចគ្នាគ្មានទាស់

  • News

អ្នករចនាបង្កើតរូបភាពឌីជីថលនៃរថយន្ត FJ Cruiser អគ្គិសនីថ្មីដែល Toyota គ្រោងនឹងផលិតនាពេលឆាប់ៗនេះ

  • News

Lexus បានបង្ហាញរូបភាពអាវុធថ្មីដែលធ្វើអោយអ្នកគាំទ្រអន្ទះសារចង់ដឹងលម្អិតពីវា

  • News

រថយន្តប្រភេទ Off-Road ទាំង ៥ ដែលមានឥទ្ធិពលបំផុតនៅក្នុងឆ្នាំ ២០២២

  • News, New Car

Hyundai Santa Fe ឆ្នាំ ២០២២ កំពុងតែជួបបញ្ហាដែលតម្រូវឱ្យក្រុមហ៊ុនធ្វើការប្រមូលរថយន្តមកវិញ

  • News

ម្ចាស់រថយន្ត Ford Mustang Mach-E អគ្គិសនីរងភាពអយុត្តិធម៌ជាមួយនឹងវិក័យប័ត្រជួសជុលខ្ទង់ម៉ឺនដុល្លារ 

  • News

Tundra Capstone ឆ្នាំ 2022 ប្រណិតហើយមានតម្លៃថោកជាង F-150 PowerBoost

  • News

Toyota ត្រូវបានគេរាយការណ៍ថាកំពុងធ្វើតេស្ត TRD Pro ដើម្បីប្រកួតប្រជែងជាមួយនិង Ford F-150 Raptor

  • News

Toyota bZ4X GR Sport ត្រៀមដាក់បង្ហាញក្នុងការតាំងពិព័រណ៍រថយន្តTokyo ឆ្នាំ ២០២២

  • News

ប្រភេទ

ស្លាក

ទាញយកកម្មវិធីដោយឥតគិតថ្លៃ